Teksa demokratët kërkojnë që të hiqet nga rendi i ditës zgjedhja e Avokatit të Popullit, kryetari i Kuvendit Niko Peleshi tha se nuk mund të pengojë procesin.
Peleshi tha se ai nuk mund të shprehet për ta hequr nga rendi i ditës, por se duhet të kalojë në votim. Sipas tij, demokratët ende nuk kanë dëgjuar edhe argumentimin e kryetarit të Komisionit të Ligjeve se përse nuk i kanë pranuar tërheqjen e firmave nga opozita.
“Kam në seancë një raport nga Komisioni i Ligjeve që ka përmbyllur një proces dhe ka konkluduar në 6 emra, që sipas raportit, i gjen në legjitimitet për t’u votuar pasi plotësojnë kriteret, që jam i detyruar t’jua njoftoj dhe ta vendosni ju se kush votohet edhe se si votohet. Kam edhe një kërkesë nga grupi i PD më datë 5 ku thuhet se për shkak të tërheqjes së firmave të hiqet sot nga rendi i ditës kjo pikël. Unë nuk shprehem dot vetë, por seanca.
Jam i detyruar ta hedh në votim dhe më pas të dëgjojmë edhe argumentin kundër edhe pro. Edhe po të mendoj si ju s’e kam të drejtën të heq nga rendi i ditës. Ndaj edhe unë përgjegjësinë time me ju për një proces sa më konsensual të mundshëm, 100% konsensual për zgjedhjen e avokatit të popullit. Një çështje e dështuar për tre vite, për mungesën e aftësisë tonë të përbashkët. Sot më në fund duhet të zgjedhim një avokat populli. Ta përmbyllim këtë proces të filluar.
Në këtë proces maxhoranca, 2-3 herë ka bërë qëndrimin e vet politik që për të garantuar traditën parlamentare që avokati zgjidhet ndërmjet propozimeve të opozitës nuk po mbështet me firma asnjë kandidat. Nuk kam asnjë kandidat që ka qoftë edhe një firmë nga PS. Edhe nëse do të ishte ndryshe, si kryetar do të isha i detyruar ta kaloja në seancë. Dëshira për konsensus është e madhe por s’mund të pengoj dot një proces.
Akoma s’keni dëgjuar argumentet e kryetarit të Komisionit të Ligjeve se pse i ka marrë apo jo parasysh tërheqjet. Unë s’po bëj këtë avokati.”, u shpreh Peleshi.
Tag: detyruar
-
‘Avokati i Popullit të hiqet nga rendi i ditës’, Peleshi: S’mund të bllokoj procesin, jam i detyruar ta hedh në votim
-
“Shi që bie një herë në 300 vjet”/ Reshje masive, paniku “pushton” Tajlandën
33 të vdekur e mbi 130 mijë të zhvendosur është deri tani bilanci i reshjeve masive të shiut dhe përmbytjeve rekord që kanë goditur pjesë të Tajlandës, duke detyruar autoritetet të dërgojnë anije ushtarake dhe helikopterë për të mbështetur përpjekjet e ndihmës.
Vërshimi i ujërave ka përfshirë dhjetë provinca në të gjithë jugun e vendit. Qyteti Hat Yai, një qendër biznesi në kufi me Malajzinë, ka regjistruar sipas BBC-së nivelin më të lartë të reshjeve në 300 vjet -që është 335 mm në një ditë të vetme.
Pamjet tronditëse nga Tajlanda tregojnë automjete dhe shtëpi të zhytura në ujë, me banorët e dëshpëruar që presin shpëtim në çatitë e tyre. Shirat e pandërprera kanë gjunjëzuar edhe vendet fqinje. Në Vietnam, numri i të vdekurve është rritur në 98 brenda një jave, ndërsa në Malajzi, më shumë se 19,000 njerëz janë detyruar të largohen nga shtëpitë e tyre. Shirat e rrëmbyer sezonalë janë të zakonshëm në këtë kohë të vitit në Azinë Juglindore, por rrallëherë janë regjistruar në rajon nivele përmbytjesh si këtë vit.
Top Channel
-
U pezullua nga detyra, debat në komisione për Ballukun/ Kaso: Të japë dorëheqjen! Xhafaj: Jemi të detyruar ta…
Çështja “Balluku” përplasi palët edhe në komisionet parlamentare. Në atë për “Nismat Qytetare”, PD tha se Balluku është e korruptuar ndaj duhet të japë dorëheqjen, por drejtësia duhet të hetojë edhe Ramën. Replikën ia dha Fatmir Xhafaj që akuzoi PD për mbajtjen e dy standardeve ndaj SPAK.
Kaso: jemi në një situatë të rëndësishme, nr.2 i qeverisë ka masë sigurimi personal, vendimmarrje e rëndësishme që duhet të marrë vëmendjen e duhur, një person kaq i korruptuar nuk jep dorëheqjen, nuk kënaq pritshmërinë e opozitës sepse duhet të merret i pandehur Rama, nuk ka mundësi që një vjedhje e tillë të bëhet pa dijeninë e tij
Xhafaj: jemi këtu për ta mbështetur drejtësinë, pozitive që thoni SPAK, jo SKAP, drejtësia është aty për të bërë punën e vet, edhe pse në disa raste mund të mos na pëlqejë e mund të kemi rezerva, jemi të detyruar ta pranojmë. por ju nuk duhet të luani me dy standarde. -
Ministrja e Ekonomisë: Çdo biznes do të jetë i detyruar të ketë të paktën një terminal POS për pagesat me kartë
Çdo biznes do të jetë i detyruar të ketë të paktën një terminal POS, që t’i ofrojë klientit të tij mundësinë për të kryer pagesat me kartë.
Në Forumin Connect të Pagesave Digjitale, të organizuar në kuadër të Javës Globale të Sipërmarrjes, Ministrja e Ekonomisë dhe Inovacionit, Delina Ibrahimaj, u shpreh se është përgatitur një plan konkret masash për reduktimin e cash-it, i cili javën e ardhshme do të diskutohet me sektorin bankar, aktorët fintech, institucionet publike dhe të gjithë ata që janë pjesë e zinxhirit të pagesave.“Një nga masat konkrete që ne kemi parashikuar që është pjesë e paketës fisklale që do të prezantohet sot në parlament është pikërisht detyrimi për tregtarët që të kenë të paktën një POS dhe brenda vitit 2026 në mënyrë të shkallëzuar, ne do të kemi të gjithë tregtarët që do të jenë të detyruar të kenë të paktën një mjet elektronik të pagesave. Besojmë që ky është një hap i parë drejt punës së përbashkët që kemi për të bërë në mënyrë që të arrijmë objektivat tona të përbashkëta, të arrijmë që Shqipëria të reduktojë nivelin e cash-it, e cila do të ndikojë në reduktimin e informalitetit dhe do të ndikojë gjithashtu në përmirësimin e performancës së inovacionit në vend”, tha Ibrahimaj.
Sipas Ibrahimajt, Shqipëria ka digjitalizuar pjesën më të madhe të shërbimeve publike, por duhen digjitalizuar më shumë edhe pagesat, me qëllim që të reduktohet përdorimi i parasë fizike.
-
Evakuohen 8 anëtarët e një familjeje, reshje te dendura shiu
Kronikë E Martë, 18 Nëntor 2025 13:20
Reshjet intensive të shiut që kanë përfshirë vendin gjatë natës së kaluar kanë shkaktuar probleme serioze në qarkun e Matit. Një banesë në fshatin Drita është përmbytur plotësisht, duke detyruar evakuimin e familjes Neli, e përbërë nga 8 anëtarë, përfshi fëmijë dhe të moshuar.
Sasia e lartë e reshjeve ka bërë që prurjet e ujërave të rriten me shpejtësi, duke depërtuar në banesë dhe duke rrezikuar jetën e banorëve. Forcat zjarrfikëse, në bashkëpunim me grupet e emergjencave civile dhe Bashkinë Mat, kanë ndërhyrë menjëherë, duke evakuuar të gjithë familjarët dhe duke i sistemuar përkohësisht në një ambient të sigurt.Kryefamiljari, Hasan Neli, i cili prej vitesh jeton në këtë zonë, tregon se situata ka qenë e papritur dhe shqetësuese: “Rreth orës 7 të mëngjesit shqetësuam fëmijët sepse uji filloi të hynte me shpejtësi brenda. Nuk kemi kaluar kurrë më parë diçka të tillë. U përmbyt e gjithë shtëpia, mobiliet, pajisjet elektrike – gjithçka u dëmtua,” – është shprehur ai, duke shtuar se familja ishte e detyruar të largohej me urgjencë.
Kryetari i Bashkisë Mat dhe struktura të tjera vendore ndodhen në terren për të vlerësuar situatën dhe për të monitoruar rritjen e nivelit të ujit në disa zona problematike.
“Po bëjmë vlerësimin e dëmeve dhe do të ofrojmë ndihmën e nevojshme për familjen. Parashikimet meteorologjike tregojnë se reshjet mund të vijojnë, ndaj jemi në gatishmëri me ekipet e emergjencës,” – thuhet në reagimin zyrtar të bashkisë.
Sipas parashikimeve, reshjet do të vazhdojnë edhe gjatë 24 orëve të ardhshme, duke rritur rrezikun e përmbytjeve të tjera në zonat pranë lumenjve dhe rrjedhjeve malore.
Institucionet u bëjnë thirrje banorëve që të shmangin lëvizjet e panevojshme dhe të raportojnë menjëherë çdo problem përmes linjës së Emergjencave Civile. -
Ne Mat: Evakuohen 8 anëtarët e një familjeje, reshje te dendura shiu
Kronikë E Martë, 18 Nëntor 2025 13:20
Reshjet intensive të shiut që kanë përfshirë vendin gjatë natës së kaluar kanë shkaktuar probleme serioze në qarkun e Matit. Një banesë në fshatin Drita është përmbytur plotësisht, duke detyruar evakuimin e familjes Neli, e përbërë nga 8 anëtarë, përfshi fëmijë dhe të moshuar.
Sasia e lartë e reshjeve ka bërë që prurjet e ujërave të rriten me shpejtësi, duke depërtuar në banesë dhe duke rrezikuar jetën e banorëve. Forcat zjarrfikëse, në bashkëpunim me grupet e emergjencave civile dhe Bashkinë Mat, kanë ndërhyrë menjëherë, duke evakuuar të gjithë familjarët dhe duke i sistemuar përkohësisht në një ambient të sigurt.Kryefamiljari, Hasan Neli, i cili prej vitesh jeton në këtë zonë, tregon se situata ka qenë e papritur dhe shqetësuese: “Rreth orës 7 të mëngjesit shqetësuam fëmijët sepse uji filloi të hynte me shpejtësi brenda. Nuk kemi kaluar kurrë më parë diçka të tillë. U përmbyt e gjithë shtëpia, mobiliet, pajisjet elektrike – gjithçka u dëmtua,” – është shprehur ai, duke shtuar se familja ishte e detyruar të largohej me urgjencë.
Kryetari i Bashkisë Mat dhe struktura të tjera vendore ndodhen në terren për të vlerësuar situatën dhe për të monitoruar rritjen e nivelit të ujit në disa zona problematike.
“Po bëjmë vlerësimin e dëmeve dhe do të ofrojmë ndihmën e nevojshme për familjen. Parashikimet meteorologjike tregojnë se reshjet mund të vijojnë, ndaj jemi në gatishmëri me ekipet e emergjencës,” – thuhet në reagimin zyrtar të bashkisë.
Sipas parashikimeve, reshjet do të vazhdojnë edhe gjatë 24 orëve të ardhshme, duke rritur rrezikun e përmbytjeve të tjera në zonat pranë lumenjve dhe rrjedhjeve malore.
Institucionet u bëjnë thirrje banorëve që të shmangin lëvizjet e panevojshme dhe të raportojnë menjëherë çdo problem përmes linjës së Emergjencave Civile. -
Berisha në SPAK për “21 Janarin”, Bushati: I detyruar të përgjigjet. Mbi një dekadë askush nuk u pyet
Sali Berisha nuk do të paraqitet nesër në SPAK, duke argumentuar se nuk ka marrë asnjë thirrje zyrtare në lidhje me hetimet rreth çështjes së 21 Janarit. Nga ana tjetër, analisti Andi Bushati thotë se për më shumë se një dekadë askush nuk është pyetur për atë ngjarje, dhe sipas tij Berisha është i detyruar të japë një përgjigje zyrtare para drejtësisë.
Bushati tha:”Riaktivizimi i hetimeve është një hap që duhet përshëndetur, pasi për shumë vite çështja ka mbetur e paqartë për publikun. Minimumi kemi kaluar një dekadë e gjysmë, pa u pyetur. Themi nuk pyetet Rama për inceneratorët, aty janë vrarë katër vetë dhe Berisha nuk është pyetur nga drejtësia. Kemi hap për t’u përshëndetur. Patjetër që edhe po nuk u zbardh, ne duhet të kemi një version zyrtar të Berishës, para drejtësisë, jo para konferencave të shtypit.
E dyta, duhet të kemi një version të Lulzim Bashës për atë që ka ndodhur. E treta, nëse ka një forcë politike që nëse nuk ka zhbërë çdo gjë nga idealet e veta, Partia Socialiste ka një gur të madh në dorë, ka deputet atë gardistin Malaj i cili, është nga njerëzit që është shpërblyer me para në dorë për ato vrasje. Nëse prezumojmë se Berisha për të fshehur krimin, ka bërë çdo gjë, nga serverat te gëzhojat për të fshehur gjurmët, ka dashur të manipulojë edhe me para ata gardistë që kanë ditur diçka më shumë”. -
Murati/ Rama asnjëherë nuk i dorëzon të tijët, e bën vetëm kur është i detyruar
Analisti, Erl Murati, i ftuar në një studio televizive theksoi se kryeministri Edi Rama asnjëherë nuk i dorëzon përpara drejtësisë njerëzit që ka në parti, por sipas tij, e bën vetëm kur është i detyruar.Murati tha se kryebashkiaku Erion Veliaj dhe zv.kryeministrja Belinda Balluku duhet të jepnin dorëheqjen.
“Kryeministri Rama i mbron të tijët, unë kam një mendim të kundërt me të tjerët. Nëse kujtojmë se Tahirit i erdhi kërkesa e tij për arrestimin në parlament. Unë besoj se ajo që qarkullon si përrallë, që Edi Rama i lëshon të tijët kjo është një përrallë.
Kjo ndodh vetëm kur Rama është i detyruar që nuk i mbron dot. Fakti që ai ka vendosur që Ballukun ta mbaj nën detyrë vijon logjikën që ta mbajë në mbrojtje për figurat e tij.
Unë besoj se është dëshmia e kulturës së dobët politike. Ne kemi kryebashkiaken, zëvendëskryeministrën që janë të akuzuar dhe vijojnë të qëndrojnë në detyrë. Ne presupozohet që jemi vend që duam të anëtarësohemi në BE. Pra këta njerëz duhet të kishin dhënë dorëheqjen.”, tha Murati. -
Dokumentet nxjerrin “zbuluar” Kinën: Kërcënoi universitetin britanik për të ndalur kërkimin mbi të drejtat e njeriut
Kina zhvilloi një fushatë kërcënimesh dhe presioni ndaj Universitetit Sheffield Hallam në Mbretërinë e Bashkuar për ta detyruar të mbyllte kërkimet mbi abuzimet ndaj ujgurëve në Xinjiang, sipas dokumenteve të siguruara nga BBC.
Sipas dokumenteve të brendshme, stafi i universitetit në Kinë u ngacmua dhe u kërcënua nga persona që u identifikuan si anëtarë të Shërbimit të Sigurisë Kombëtare të Kinës.
Në të njëjtën kohë, akseset në faqet e internetit të Sheffield Hallam u bllokuan nga Kina, duke penguar rekrutimin e studentëve kinezë, një goditje e ndjeshme ekonomike për institucionin që fitonte miliona paund çdo vit nga ky treg.
Në një e-mail të brendshëm të korrikut 2024, zyrtarët e universitetit pranuan se:
“Përpjekja për të mbajtur biznesin në Kinë dhe publikimi i hulumtimit tani janë partnerë të paqëndrueshëm.”
Në qendër të çështjes është profesoreshë Laura Murphy, eksperte e të drejtave të njeriut dhe skllavërisë moderne, e cila hetonte përdorimin e punës së detyruar nga myslimanët ujgurë në rajonin kinez të Xinjiang.
Kina e mohon kategorikisht këtë praktikë, por raportet e Murphy-t dhe ekipit të saj në Qendrën “Helena Kennedy” kishin gjetje që lidhin industrinë kineze të paneleve diellore, tekstilit dhe pjesëve të makinave me punën e detyruar.
Pas presionit nga autoritetet kineze dhe një padie për shpifje, në fund të vitit 2024 universiteti nuk publikoi një raport të ri të ekipit të saj.
Në fillim të vitit 2025, drejtuesit i thanë profesoreshës se nuk mund të vazhdonte më kërkimin mbi zinxhirët e furnizimit në Kinë.Top Channel
-
Avioni humb lartësinë dhe kryen ulje të detyruar, plagosen pasagjerët
Një fluturim i kompanisë amerikane JetBlue është detyruar të bëjë një ulje emergjente në Tampa të Floridas, pasi humbi papritur lartësinë gjatë udhëtimit nga Kankuni drejt Nju Xhersit.
Sipas autoriteteve lokale, të paktën 15 pasagjerë janë dërguar në spital për trajtim mjekësor. Kompania ajrore njoftoi se aeroplani, një Airbus A320, pësoi një humbje të papritur lartësie për shkaqe ende të paqarta.
Administrata Federale e Aviacionit ka hapur një hetim zyrtar për të përcaktuar shkaqet e problemit në sistemin e kontrollit të fluturimit që detyroi pilotin të kërkonte ulje të menjëhershme në aeroportin e Tampës.
Megjithë humbjes së shpejtë të lartësisë, avioni arriti të ulej me sukses, dhe menjëherë pas mbërritjes në pistë u aktivizuan operacionet e shpëtimit.
Burime lokale raportojnë se disa nga të plagosurit pësuan goditje dhe kontuzione për shkak të turbulencës së papritur.
Aktualisht po zhvillohen kontrollet teknike mbi avionin për të identifikuar ndonjë defekt në sistemet e kontrollit të fluturimit.