Lajmidites.com

Tag: dëshirë

  • Analiza e BBC: Putini ka treguar pak dëshirë për kompromis mbi Ukrainën

    Analiza e BBC: Putini ka treguar pak dëshirë për kompromis mbi Ukrainën

    Ushtria e Ukrainës thotë se luftimet po vazhdojnë në qytetin kyç lindor të Pokrovskut, pasi Kremlini pretendoi se forcat e saj e kishin marrë atë. Ndërkohë, i dërguari special i Presidentit Trump, Steve Witkoff, dhe dhëndri i tij, Jared Kushner, do të takohen me Presidentin Putin në Moskë për të biseduar rreth përfundimit të luftës

    Nga Steve Rosenberg, BBC

    Kjo do të jetë vizita e gjashtë e Steve Witkoff në Rusi këtë vit – ai do të shoqërohet nga dhëndri i Presidentit Trump, Jared Kushner.

    Udhëtimi i tyre vjen në një kohë të aktivitetit të dendur diplomatik. Dy javë më parë, amerikanët i paraqitën Kievit një plan paqeje me 28 pika, i cili shihet gjerësisht si shumë i rëndësishëm në favor të Moskës.

    Një nga dispozitat e tij do ta detyronte Ukrainën të lëshonte pjesë të Donbasit, që i kontrollon ende.

    Që atëherë ka pasur bisedime SHBA-Ukrainë në Gjenevë dhe në Florida – tani një plan i ndryshuar do t’i paraqitet Kremlinit.

    Presidenti Putin ka thënë se propozimi origjinal i draftit “mund të formojë bazën për marrëveshjet e ardhshme”.

    Por ai ka treguar pak dëshirë për kompromis, duke besuar se Rusia po fiton në fushën e betejës dhe mund të diktojë kushtet e çdo marrëveshjeje.

    Mbrëmë, televizioni rus tregoi Putinin me uniformë ushtarake – komandantët e tij i thanë se forcat ruse kishin pushtuar qytetin ukrainas të Pokrovskut.

    Përveç kërkesave territoriale, Moska ka këmbëngulur që Ukraina të zotohet të mos bashkohet kurrë me NATO-n dhe të pranojë kufizime në madhësinë e ushtrisë së saj.

  • Ardon Jashari lë pas dëmtimin, Alegri e pret me fjalë të mëdha: Ka karakter dhe dëshirë të madhe, është një blerje e mirë

    Ardon Jashari lë pas dëmtimin, Alegri e pret me fjalë të mëdha: Ka karakter dhe dëshirë të madhe, është një blerje e mirë

    Ardon Jashari e ka lënë pas dëmtimin dhe është rikthyer në urdhërat e Alegrit. Ky i fundit ka konfirmuar rekuperimin e lojtarit shqiptar, për të cilin flet me fjalë të mëdha. Alegri ka thënë në konferencë për shtyp dy ditë përpara sfidës me Lacion se  Jashari ka karakter dhe dëshirë të madhe, çka e bëjnë atë një blerje të qëlluar për Milanin.
    “Karakteristikat e tij nënkuptojnë se ai mund të luajë përpara mbrojtjes ose në dyshen e mesfushës, në varësi se cili është zgjedhja e tretë. Ai ka karakter, ka dëshirë të madhe, është një blerje e mirë. Tashmë e kemi rekuperuar plotësisht. I mungojnë minutat e lojës, pasi ka qenë jashtë që përpara se t’i bashkohej Milanit”, ka deklaruar Masimiliano Alegri./Sport Ekspres/

  • “Kjo javë kërkon durim”, parashikimi i yjeve për secilën shenjë Horoskopi

    “Kjo javë kërkon durim”, parashikimi i yjeve për secilën shenjë Horoskopi

    DASHI
    Kjo është një javë energjie dhe vrulli: më në fund ndjeni sikur gjërat po marrin drejtimin që dëshironi. Në punë, mund të ndjeni sikur duhet të nxitoni përpara të tjerëve, por forca juaj qëndron në këmbënguljen tuaj: ata përreth jush do ta vënë re angazhimin tuaj. Në dashuri, një takim mund t’ju ndriçojë ditën, por duhet të qëndroni të qetë: mos u nxitoni për të zgjidhur gjithçka menjëherë.
    DEMI

    Hëna sjell një ndjesi të bukur paqeje të brendshme: më në fund mund të merrni pak frymë dhe të sqaroni atë që ju rëndonte. Kjo është një kohë e shkëlqyer për të sqaruar çështjet financiare ose familjare. Në dashuri, do të gjeni ëmbëlsi dhe stabilitet, por nëse diçka ju shqetëson, flisni hapur: mos e mbani të fshehur.
    BINJAKËT
    Kjo është një javë e gjallë, me një dëshirë të fortë për të bërë dhe eksperimentuar. Ide të reja lindin pothuajse rastësisht, dhe dikush mund t’ju surprizojë me një propozim interesant. Në aspektin emocional, komunikimi është çelësi: një mesazh, një telefonatë, një sqarim mund të ringjallë një lidhje.
    GAFORRJA
    Kjo është një kohë për reflektim dhe vlerësim: duhet të kuptosh se çfarë të duhet vërtet për t’u ndjerë mirë. Disa tensione në punë ose në familjen tënde mund të rishfaqen, por kjo është koha e duhur për të vendosur kufij dhe për të mbrojtur hapësirën tënde. Në dashuri, ëmbëlsi dhe nostalgji: një kthim i mundshëm nga e kaluara.
    LUANI
    Qielli më në fund po qartësohet: pas javësh pune të palodhur, pak qetësi e merituar na pret. Në punë, bashkëpunimet e reja po rezultojnë të dobishme dhe të frytshme. Dashuria është rikthyer në qendër të vëmendjes: takimet favorizohen, por edhe çiftet afatgjatë do të rizbulojnë pasionin dhe lidhjen.
    VIRGJËRESHA
    Kjo javë kërkon durim: disa pengesa mund të ngadalësojnë planet tuaja, por asgjë që shqisa juaj praktike nuk mund ta kapërcejë. Në punë, kushtojini vëmendje detajeve: edhe një gabim i vogël mund të shkaktojë ndërlikime. Në dashuri, nevojitet qartësi: nëse diçka nuk ndihet mirë, është koha të flasim për të.
    PESHORJA
    Atmosfera po ndryshon dhe po sjell një frymë pozitive. Keni më shumë forcë për t’u përballur me situatat që ju kanë rënduar javët e fundit. Puna po shkon mirë, veçanërisht nëse keni një projekt të ri në mendje. Në dashuri, kjo javë premton takime interesante dhe një dëshirë të fortë për t’u rikthyer në lojë.
    AKREPI
    Ju presin thellësi dhe emocione të forta: ky qiell ju shtyn të shprehni mendimin tuaj dhe të vendosni gjithçka në tavolinë. Kjo është një kohë e shkëlqyer për sqarime të rëndësishme. Strategjia është e nevojshme në punë: mos e zbuloni veten shumë shpejt. Në dashuri, ju pret pasion i madh, por kini kujdes të mos jeni shumë xhelozë ose posesiv.
    SHIGJETARI
    Kjo javë është plot lëvizje dhe gjëra të reja: udhëtime, lëvizje dhe lidhje me njerëz të largët. Është një kohë e shkëlqyer për të planifikuar të ardhmen dhe për të zgjeruar horizontet tuaja. Në dashuri, ekziston një dëshirë për aventurë: beqarët janë të favorizuar, por çiftet gjithashtu mund të rizbulojnë entuziazmin e tyre.
    BRICJAPI
    Kjo është një fazë intensive, me shumë përgjegjësi: por ju jeni mësuar t’i menaxhoni ato. Megjithatë, kini kujdes të mos e teproni me punën, përndryshe rrezikoni të lini pas dore jetën tuaj personale. Në dashuri, është koha t’u kushtoni kohë atyre që doni: gjestet e vogla mund të bëjnë diferencën.
    UJORI
    Ju pret një periudhë e ndritshme dhe krijuese: shumë ide dhe dëshirë për ndryshim. Në punë, mund të jepni më të mirën tuaj, veçanërisht nëse keni nevojë të inovoni ose të propozoni zgjidhje alternative. Në dashuri, kthehet lehtësia: takimet favorizohen, madje edhe ato të papritura.
    PESHQIT
    Është një javë emocionale, por konstruktive: jeni në gjendje t’i transformoni emocionet në forcë. Puna krijuese dhe projektet që kërkojnë intuitë janë të mira. Në dashuri, mund të ketë disa kthesa të papritura: lëreni zemrën tuaj t’ju udhëheqë, por mos e humbni realitetin nga sytë.

  • Bernardo Silva drejt kthimit në shtëpi: Kam shumë dëshirë ta afroj që në janar…

    Bernardo Silva drejt kthimit në shtëpi: Kam shumë dëshirë ta afroj që në janar…

    Manchester City nuk e ka nisur sezonin në mënyrën më të mirë. Pas fitores bindëse ndaj Wolverhampton, humbjet kundër Tottenham dhe Brighton e kanë vënë ekipin e Guardiolës nën presion. Pas një sezoni zhgënjyes, nga City pritet të rikthehet në garë për trofetë kryesorë.
    Pavarësisht revolucionit të madh në merkato, me afrime si Reijnders, Aït-Nouri, Cherki, Trafford, Donnarumma dhe Nypan, si dhe largime të rëndësishme si Ederson, Akanji, De Bruyne, Gündogan e Grealish, një figurë mbetet e padiskutueshme: Bernardo Silva. Portugezi, edhe pse 31 vjeç, mbetet vendimtar me inteligjencën e tij taktike. Madje shënoi dhe udhëhoqi mesfushën e Portugalisë në fitoren ndaj Hungarisë.
    Dëshira për rikthimin e tij te Benfica është e madhe. Joao Noronha Lopes, kandidat për president në zgjedhjet e 25 tetorit, e konfirmoi për “A Bola”: “Po, mund ta konfirmoj që Bernardo Silva ka një kontratë në pritje. Kam shumë dëshirë ta afroj në janar. Ai mishëron identitetin dhe kulturën fituese që kërkoj te Benfica. Dhe siguroj që nuk do të ndalemi këtu”.

  • “Erdhi me dëshirë”/ Striptistja denoncon bukëpjekësin shqiptar për për*hunim, 26-vjeçari nën akuzë e mohon

    “Erdhi me dëshirë”/ Striptistja denoncon bukëpjekësin shqiptar për për*hunim, 26-vjeçari nën akuzë e mohon

    Një bukëpjekës shqiptar që punonte për një hotel në ishullin turistik në Rodos, u arrestua nga policia greke pak pasi u denoncua nga një striptiste 36-vjeçare për përdhunim.
    I riu 26-vjeçar u ndalua nga oficerët e policisë së OPKE në Departamentin e Policisë së Arkangelos, kurse ngjarja ka ndodhur në një hotel në Faliraki, sipas denoncueses. Ai mohoi akuzën dhe tha se vajza kishte shkuar me dëshirë dhe nuk pati dhunë.
    Pas marrjes së dëshmisë për disa orë në komisariat, shqiptari u lirua nga prangat, por do të jetë nën hetim pas padisë për abuzim seksual dhe do dërgohet për gjykim.
    Striptistja ka dëshmuar se të dy ishin njohur rastësisht në një aplikacion dhe më pas ishin takuar. Shqiptari sipas saj këmbënguli për takim privat dhe mëngjesin e të dielës u dakordësuan që të takoheshin. Më pas shkuan në një plazh të Rodosit, në një godinë ku qëndronin punëtorët sezonalë.
    Ajo tha se e kundërshtoi 26-vjeçarin, emri i të cilit nuk u publikua, teksa dëshmoi në prani të një psikologu, duke dhënë detajet. Pavarësisht kundërshtimeve, shqiptari ka abuzuar seksualisht me të. Njohja e tyre ishte bërë një vit më parë dhe mbajtën komunikime të shpeshta në Viber.
    Shqiptari e ka çuar me makinë në hotelin ku qëndronte dhe vetë dhe aty në dhomë nisi ta ngacmonte, derisa u bë i dhunshëm. Ajo tha se pësoi atak paniku si pasojë e agresionit seksual. Pasi e përcolli për në shtëpi i kërkoi takime të tjera, por vajza tha se e fshiu nga aplikacioni.
    Por të nesërmen e pa afër ambientit të punës së saj dhe u ndje e kërcënuar, duke ndjeklur rrugën e denoncimit, informon media greke. Por gjatë dëshmisë së tij shqiptari tha se pëlqimi ishte i dyanshëm dhe nuk e kishte kërcënuar. Ai u shpreh se të nesërmen i shkoi për t’i dhënë mëngjes dhe kafe dhe jo për ta kërcënuar.
     

  • “Koha kur shqiptarët spiunonin me dëshirë: “Më caktoni…!”

    “Koha kur shqiptarët spiunonin me dëshirë: “Më caktoni…!”

    “Bashkëpunëtorët e Sigurimit të Shtetit për mënyrën e rekrutimit të tyre ndaheshin në dy grupe: vullnetarë me material shtrëngues dhe patriotikë me dëshirë.

    Nga Kastriot Dervishi

    Në grupin e parë, pra të rekrutuar me material shtrëngues (kërcënime për burgosje, marrje peng të familjarëve, etj) hynin kryesisht të deklasuarit.

    Në grupin e dytë hynin kryesisht komunistët dhe elementi antiparti të cilët rekrutoheshin me dëshirë dhe që përfaqësonin mjaft mirë karakteristikat e “njeriut të ri” të socializmit.

    Vërehen mjaft rast kur elementi antiparti, i përjashtuar nga partia jo për arsye të qëndrueshme, duke dashur të gjente “shlyerjen e gabimeve” ishte i gatshëm të binte në pozitat e rekrutimit. Më poshtë rasti i një elementi antiparti, i cili kishte pasur funksione të larta në Ministrinë e Punëve të Brendshme, por edhe si ambasador. I gjendur në një pozitë ku nuk donte të ishte, ai u rekrutua me dëshirë.

    Atje ku ishte si gjysmë i internuar (Cërrik), letërshkruesi kërkonte t’i caktohej detyrë, ose ndryshe të transferohej e të spiunonte diku tjetër. Letrën e ka shkruar nga Tirana. Udhëheqja e ministrisë e shqyrtoi letrën. Letërmarrësi shkruan: “T’i jepet përgjigje se ai, front ka atje ku është. Nuk do të lëvizë”.

    Letra:

    “Zëvendësministrit të Punëve të Brendshme, shokut Rexhep Kolli, Tiranë. Në radhë të parë më lejoni t’ju uroj shëndet të mirë e plot suksese në detyrën e lartë fisnike që ju ka besuar Partia dhe shoku Enver. Pastaj më lejoni gjithashtu t’ju parashtroj sa vijon: Ka vite që i prirë nga ndjenja e detyrës ndaj Partisë dhe udhëheqjes së Ministrisë, të më bëhet i mundur aktivizimi në çdo detyrë sipas nevojave të organeve tona dhe nën drejtimin e tyre. Megjithëse kjo lutja time u miratua, akoma deri tani aktivizimi nuk është bërë realitet për mungesë kushtesh objektive. Sikurse dihet mirë nga shokët e të tjerët, në kushtet që jam dhe në vendin ku banoj e punoj sot, nuk ekzistojnë kushtet e duhura që të afrohem ose të më afrohet ndonjë objekt me interes për organet tona që ta përpunoj e zbuloj si duhet. Prandaj prej kohësh më është thënë se do të më lëvizni për dikur gjetkë në Tiranë ose edhe në Durrës (ku kam dhe bijën time), por deri më sot, ky problem nuk është zgjidhur. Prandaj ju lutem shoku zëvendësministër, kushtojini pak kohë çështjes time dhe dispononi si të jetë më mirë që të mund të jap edhe unë kontributin tim modest në shërbim të Partisë time të dashur mbi çdo gjë në botë, siç ka qenë është e do të jetë deri në fund të jetës sime, aspirata dhe qëllimi themelor në punë e në jetë. Me respekt e dashuri të thellë, mbetem ushtari më i devotshëm i Partisë dhe i themelonjësit të dashur të Partisë e popullit e popullit tonë, shokut Enver Hoxha që të na rrojë sa malet tona dhe militanti më besnik e i bindur i organeve tona.

    Tiranë 6 shkurt 1982”

  • Nëse një ditë do të kesh dëshirë të qash

    Nëse një ditë do të kesh dëshirë të qash

    Poezi nga Gabriel García Márquez

    Nëse një ditë do të kesh dëshirë të qash, telefonomë:Nuk premtoj të të bëj të qeshësh por mundtë qaj me ty.

    Nëse një ditë do t’ia dalësh të ikësh,mos hezito të më telefononosh:

    Unë nuk premtoj të të kërkoj të qëndrosh,por unë mund të vi me ty…

    Nëse një ditë nuk do të flasësh me askënd:më telefono: do të heshtim…

    Por nëse një ditë ti më telefonondhe unë s’të përgjigjem,eja duke vrapuar tek unë:sepse sigurisht do të kem nevojë për ty !.

    Përktheu: Faslli Haliti

  • Zjarri rrezikon banorët në Sasaj të Himarës, Balluku: Nuk kanë dëshirë të evakuohen

    Zjarri rrezikon banorët në Sasaj të Himarës, Balluku: Nuk kanë dëshirë të evakuohen

    Mbrëmjen e djeshme zjarri ka rrezikuar banesat dhe jetët e njerëzve në fshatin Sasaj të Himarës. Pas mesnate zëvendëskryeministrja dhe ministrja e Infrastrukturës dhe Energjisë, Belinda Balluku ishte në vendngjarje, ku deklaroi se po punohet për menaxhimin e situatës së krijuar nga flakët e zjarrit që po vijon ende.
    Së bashku me kryebashkiakun Vangjel Tavo, Balluku u shpreh se janë kërkuar disa forca për të ndihmuar në evakuimin e banorëve,  të cilët sipas saj nuk kanë dëshirë të largohen nga pronat e tyre.
    “Janë rreth 30 banorë që jetojnë në zonë. Banesa janë më shumë. Janë të gjitha forcat e emergjencave civile zjarrfikëset dhe pajisjet që ka Bashkia Himarë. kemi kërkuar disa forca që të vijnë në ndihmë. Por njerëzit nuk kanë dëshirë të largohen dhe të lënë pronat e tyre”.
    Balluku theksoi se të gjithë janë këmbë, por era nuk favorizon në shuarjen e flakëve. Ajo tha se është kërkuar ndihmë nga OSHE dhe bordi i kullimit për pompat me zhytje.
    “Ka vatra aktive kemi kërkuar ndihmën e Bordit të Kullimit dhe OSSHE për të vendosur pompa me zhytje në një kanal që ndodhet këtu në Sasaj dhe dërgon deri në Bunec. Jemi duke sjellë të gjitha forcat”.
    Kjo u konfirmua edhe nga kryebashkiaku Tavo, i cili tha se forcat e emergjencave civile, të ushtrisë, policia dhe të tjera janë në këmbë për shuarjen e flakëve.

  • U denoncua si i zhdukur, çobani nga Delvina ishte larguar me dëshirë, donte të punonte në një stan tjetër

    U denoncua si i zhdukur, çobani nga Delvina ishte larguar me dëshirë, donte të punonte në një stan tjetër

    Pas dy ditësh kërkimesh, është gjetur A.Ç., 48 vjeçari nga Delvina, i cili ishte denoncuar si i zhdukur nga kolegu i tij.
    Lajmi për zhdukjen e tij u bë publik nga Policia e Vlorës, e cila njoftoi se pas kallëzimit kishte nisur menjëherë hetimet për zbardhjen e ngjarjes.
    Fatmirësisht, A.Ç. është gjetur shëndoshë e mirë dhe pa asnjë problem. Ai ishte larguar me dëshirë, pa lajmëruar kolegun apo familjarët, për të filluar një punë të re në një stan tjetër në një zonë të largët.
    Largimi dhe mungesa e tij pa asnjë komunikim shkaktoi shqetësim tek kolegu, i cili informoi menjëherë Policinë e Delvinës, duke sinjalizuar për një largim të pazakontë dhe pa njoftuar.
    Ngjarja përfundoi me një epilog pozitiv, ndërsa autoritetet apeluan për kujdes dhe komunikim të vazhdueshëm në raste të tilla, për të shmangur panikun dhe përfshirjen e pajustifikuar të strukturave të emergjencës.

  • Florenzi: T’ia rifillojmë nga ata që kanë dëshirë të luftojnë për fanellën kuqezi

    Florenzi: T’ia rifillojmë nga ata që kanë dëshirë të luftojnë për fanellën kuqezi

    25 Maj 2025

    11:06

    Alfred Lleshi

    Pas fitores 2-0 ndaj Monzës, që shënoi edhe rikthimin e tij në fushë, mbas një periudhe të gjatë mungese, mbrojtësi i Milanit, Alessandro Florenzi, foli për mikrofonat e “Milan TV”, duke reflektuar mbi sezonin dhe të ardhmen:
    “Të rikthehesha në fushë ishte gëzim personal, fryt i një rruge të vështirë që kam përshkuar. Sidoqoftë, ky moment vjen në fund të një sezoni ku nuk kemi qenë në nivelin e duhur. Tani duhet të shohim se çfarë do të ndodhë sezonin tjetër”.
    Si e keni përjetuar këtë periudhë?Që nga fillimi i sezonit nuk kemi qenë konstantë në disa aspekte. Qartësisht, Serie A është një kampionat me nivel shumë të lartë, ku nuk mund të bësh shumë gabime. Në fakt, ne kemi gabuar shumë. Nga nesër duhet të fillojmë të punojmë për ta rikthyer Milanin aty ku e ka vendin.
    Nga çfarë duhet të fillojë rikthimi?Rifillimi vjen nga lojtarët që kanë vullnet dhe dëshirë për të luftuar për këtë fanellë, si dhe nga një grup i bashkuar, që nuk ka munguar kurrë edhe në momentet më të vështira.