Përdorimi i shërbimeve celulare shfaqi një përmirësim të dukshëm në tremujorin e dytë të këtij viti. Interneti po bëhet gjithnjë e më dominues në mënyrën se si shqiptarët e përdorin aparatin celular, por megjithatë në tremujorin e dytë të këtij viti u vërejt një rritje edhe në trafikun e thirrjeve.
Sipas të dhënave nga Autoriteti i Komunikimeve Elektronike dhe Postare (AKEP), trafiku total i internetit nga rrjetet celulare u rrit me 13.2% krahasuar me tremujorin e dytë të vitit të kaluar. Konsumi mesatar i internetit për çdo përdorues arriti në 9.84 GB (gigabyte) internet në muaj, në rritje me 11.2% krahasuar me të njëjtën periudhë të një viti më parë.
Përveç përdorimit të internetit për qëllime informimi, pune apo zbavitjeje, edhe thirrjet dhe mesazhet e shkruara po përcillen më shumë nëpërmjet aplikacioneve, si whatsapp, duke ulur gradualisht përdorimin e shërbimeve tradicionale. Kjo po bën që kapacitetet transmetuese të internetit të jenë gjithnjë e më të rëndësishme në ofrimin e shërbimeve celulare.
Megjithatë, trafiku i thirrjeve e frenoi tendencën rënëse, karakteristike prej disa vitesh.
Trafiku i thirrjeve dalëse u rrit me 9% krahasuar me të njëjtën periudhë të një viti më parë. Ndërkohë, numri i mesazheve të shkruara pësoi rënie vjetore me 1.9%.
Çdo abonent e përdori mesatarisht celularin për 143 minuta në muaj, 10.5% më shumë krahasuar me të njëjtën periudhë të një viti më parë.
Ndërsa, numri i mesazheve të shkruara ishte 13 për përdorues në muaj, me një rënie të lehtë prej 0.6% më pak krahasuar me të njëjtën periudhë të një viti më parë.
Numri i përdoruesve të shërbimeve celulare (që në fakt matet si numër i kartave SIM ose i numrave celularë aktivë) shënoi përsëri në tremujorin e dytë të vitit, me 1.1% më pak krahasuar me një vit më parë.
Ulja e numrit të përdoruesve të telefonisë celulare duket të jetë edhe një tendencë afatgjatë. Në harkun e një dekade, numri i përdoruesve aktivë të telefonisë celulare ka rënë me gati 30%.
Kjo mund të shpjegohet me faktorë të brendshëm të tregut, por ndoshta edhe me faktorë demografikë.
Numri i operatorëve celularë është ulur nga katër në dy, ndërkohë që është gjithnjë e më pak e përhapur që një përdorues të mbajë më shumë se një numër celular. Kjo tendencë ishte mjaft e përhapur afërsisht deri para një dekade, para të ndalohej diferencimi i çmimeve për thirrjet brenda rrjetit dhe ato jashtë rrjetit.
Një faktor tjetër që mund të ketë ndikuar numrin e përdoruesve në vitet e fundit është edhe marrëveshja për heqjen e tarifave roaming në vendet e Ballkanit Perëndimor. Duke qenë se një pjesë e mirë e vizitorëve të huaj në Shqipëri vijnë nga vendet fqinje, ata tashmë nuk e kanë më të nevojshme për të përdorur numra shqiptarë për komunikimin e tyre, gjatë kohës që ndodhen në Shqipëri. Gjithmonë në horizontin afatgjatë, edhe tendencat demografike negative dhe tkurrja e popullsisë mund ta shpjegojnë pjesërisht rënien e numrit të përdoruesve aktivë.
Tag: celulare
-
Interneti dominues/ Përdorimi i shërbimeve celulare përmirësohet
-
Shqiptarët braktisin SMS-të, konsumi i internetit celular arrin shifra rekord, ja çfarë po ndodh
Në Shqipëri, mënyra se si qytetarët përdorin telefoninë celulare po ndryshon me ritme të shpejta. Të dhënat më të fundit nga Autoriteti i Komunikimeve Elektronike dhe Postare për tremujorin e dytë të vitit 2025 tregojnë se përdorimi i mesazheve SMS është në rënie, ndërsa trafiku i internetit dhe i thirrjeve po rritet ndjeshëm.
Gjatë muajve prill-qershor, janë realizuar rreth 1 miliardë minuta thirrje dalëse nga rrjetet celulare, një rritje e dukshme krahasuar me periudhat e mëparshme. Ndërkohë, numri i SMS-ve të dërguara ka rënë ndjeshëm në krahasim me prill-qershor të vitit të kaluar, duke zbritur në 98 milionë mesazhe.
Në të kundërt, trafiku i internetit në rrjetet celulare ka shënuar rritje të vazhdueshme. Konsumi total ka arritur në rreth 62 milionë gigabyte, ndërsa përdorimi mesatar mujor për pajtimtar ka kapur shifrën 9.84 GB. Rritja lidhet kryesisht me përdorimin intensiv të aplikacioneve të komunikimit dhe rrjeteve sociale, të cilat kërkojnë gjithnjë e më shumë internet.
Ndërkohë, edhe tregu i kartave SIM po tkurret. Në fund të tremujorit të dytë, në Shqipëri qarkullonin rreth 3.27 milion karta SIM, ndërsa numri i përdoruesve aktiv ishte 2.42 milion. Të dy treguesit kanë shënuar ulje krahasuar me vitin e kaluar, duke reflektuar një konsolidim të përdorimit dhe kalimin drejt një modeli më të përqendruar të komunikimit.
Ky transformim është i lidhur ngushtë me zhvillimin teknologjik dhe me ndryshimin e zakoneve të konsumatorëve, të cilët sot preferojnë më shumë komunikimin përmes internetit sesa thirrjet tradicionale apo mesazhet tekstuale.
Në këtë kontekst, operatorët e telefonisë celulare pritet të përqendrohen gjithnjë e më shumë në përmirësimin e cilësisë së internetit dhe ofrimin e paketave të përshtatura për nevojat digjitale të përdoruesve. -
Paralajmërim për call-centerat ilegalë? Italia do të zgjerojë masat kundër mashtrimit me telefonatat celularë
Autoritetet rregullatore italiane do të zgjerojnë në javët në vijim mekanizmat kundër spoofing-ut edhe për numrat e telefonisë mobile, në përpjekje për të frenuar rritjen e telefonatave mashtruese që duket se vijnë nga numra të rregullt italianë.
Mekanizmi, i cili prej gushtit funksionon për linjat fikse, synon të adresojë ankesat në rritje të konsumatorëve për mashtrime gjithnjë e më të sofistikuara, të cilat po bëhen gjithnjë e më të vështira për t’u identifikuar.
AgCom, autoriteti italian i komunikimeve, deklaroi se zgjerimi i sistemit është një hap thelbësor, pasi shumica e telefonatave mashtruese tashmë shfaqen si të dërguara nga numra celularë italianë, ndonëse në realitet vijnë nga operatorë të huaj.
Sfida teknike për filtrimin e telefonatave mobile
Ndryshe nga linjat fikse, filtrimi i spoofing-ut në celularë është më kompleks për shkak të rregullave të roaming-ut. Kartat SIM italiane duhet të funksionojnë normalisht jashtë vendit, çka e bën të domosdoshme verifikimin në kohë reale të origjinës së telefonatës.
Sipas mekanizmit të ri, telefonatat që vijnë nga jashtë dhe pretendojnë të përdorin numra celularë italianë do t’i nënshtrohen kontrollit të menjëhershëm të vlefshmërisë së numrit, operatorit përkatës, vendndodhjes së SIM-it dhe koherencës teknike të rrugëtimit të thirrjes. Çdo telefonatë që dështon një nga këto verifikime do të bllokohet automatikisht përpara se të mbërrijë te marrësi.
Zbatimi i sistemit kërkon që të gjithë operatorët italianë të aktivizojnë në mënyrë të sinkronizuar protokollet e kontrollit dhe të shkëmbejnë të dhëna teknike brenda milisekondave, pasi çdo mangësi koordinimi do të dobësonte efektivitetin e filtrimit.
Reduktim, jo eliminim i plotë
Zyrtarët pranojnë se mekanizmi nuk do t’i zhdukë plotësisht telefonatat e padëshiruara, por do të ulë ndjeshëm rastet më të rrezikshme, përfshirë numrat që nuk ekzistojnë, numrat celularë të falsifikuar dhe telefonatat e huaja që maskohen si italiane. Telefonatat legjitime biznesore dhe komunikimet e zakonshme në roaming nuk do të preken.
Megjithatë, disa kategori thirrjesh mbeten të vështira për t’u bllokuar, sidomos ato që vijnë nga numra realë të huaj që nuk përpiqen të maskohen. Për këto raste ende mungon një zgjidhje e plotë pa bashkëpunim më të gjerë ndërkombëtar.
Këshilla për konsumatorët mbetet e njëjtë: nëse dyshoni për një numër, më mirë mos përgjigjeni.
-
Apple do të shtojë funksionalitete të reja të komunikimit satelitor në iPhone
Raportohet e Apple ka planifikuar disa funksionalitete të reja ambicioze të iPhone. Ndërsa telefoni ofron mbështetje për komunikimin satelitor përmes mesazheve, telefonatave për rastet e emergjencës, kompania tani po punon për të sjellë më shumë opsione të tilla sipas Bloomberg.
Mes zhvillimeve të reja është edhe një API ku krijuesit e aplikacioneve mund të integrojnë lidhjen satelitore në aplikacionet e tyre, një version i Apple Maps që lejon përdoruesit të navigojnë pa një lidhje Wi-Fi apo celulare, opsioni për të dërguar foto përmes kësaj lidhjeje dhe mbështetja e përmirësuar edhe për në rastin kur telefoni nuk është i drejtuar nga qielli.
Të gjitha këto funksionalitete do të rrisnin përdorimin e iPhone kur përdoruesit janë jashtë mbulimit të rrjeteve tradicionale celulare.Një tjetër përmirësim do të ishte lidhja e iPhone me satelitët për të shtuar mbulimin e rrjeteve 5G. Funksionalitetet bazike do të jenë falas thotë Bloomberg por për mbështetje të shtuar, konsumatorët duhet të paguajnë kompanitë celulare.
Gjithashtu partneri satelitor i Apple, Globalstar, ka nevojë për përmirësimin e infrastrukturës që të ofrojë këto shërbime, diçka që Apple po e financon. /PCWorld Albanian -
Baste sportive/ Organizonte lojëra fati në lokal, arrestohet pronari nis hetimi për tre klientë
Një 38 vjeçar i cili organizonte lojëra fati në lokalin e tij në lagjen nr.11 ka rënë në prangat e policisë së Durrësit. Ndërkohë në gjendje të lirë do të hetohen edhe tre klientë të cilët u kapën në flagrancë duke vendosur baste sportive. Si provë materiale blutë sekuestruan 4 celularë.
“Si rezultat i kontrollit të kryer në bazë të informacioneve të siguruara në rrugë operative, në një lokal në lagjen nr. 11, ku dyshohet se viheshin baste sportive, me celularë, specialistët për Hetimin e Krimeve Ekonomiko-Financiare, në bashkëpunim me shërbimet e Komisariatit të Policisë Durrës:
-arrestuan në flagrancë shtetasin G. H., 38 vjeç, banues në Durrës;
-referuan materialet në Prokurori, ku nisi procedimi në gjendje të lirë për shtetasit B. M., 54 vjeç, D. Z., 47 vjeç dhe M. T., 44 vjeç të tre banues në Durrës. Në lokalin e 38-vjeçarit, 3 të proceduarit u kapën duke vënë baste sportive, me celularë”, njoftoi sot policia.
Materialet procedurale iu referuan Prokurorisë së Durrësit, për veprime të mëtejshme. -
Autoriteti i Konkurrencës do të hapë hetim të thelluar për tregun celular
Autoriteti i Konkurrencës do të hapë ditët në vazhdim një hetim të thelluar për tregun me pakicë të shërbimeve celulare. Kryetari i Komisionit të Konkurrencës, Denar Biba, u shpreh në Kuvendin e Shqipërisë se, nga të dhënat e hetimit paraprak, janë evidentuar të dhëna që justifikojnë hapjen e një hetimi të thelluar.Hetimi paraprak në këtë treg u hap në muajin janar të këtij viti, pas monitorimit të tregut, të kryer vitin e kaluar. Ky hetim përfshiu periudhën kohore nga 1 janar 2022 deri në 31 dhjetor 2024.Procedura nisi nga disa ankesa të paraqitura pranë Autoritetit të Konkurrencës mbi rritjen e çmimit të paketave me parapagesë nga ndërmarrjet Vodafone Albania dhe One Albania.Nga vlerësimi i informacionit gjatë monitorimit, u konstatua se sjellja e ndërmarrjeve Vodafone Albania dhe One Albania në tregun me pakicë të shërbimeve celulare mund të përbëjë kufizim të konkurrencës në kuptim të nenit nenit 4 dhe nenit 9 të Ligjit nr. 9121, datë 27.03.2003 “Për mbrojtjen e konkurrencës”.Sipas këtij institucioni, tregu i telefonisë celulare ka qenë dhe mbetet një treg në fokus të veçantë të Autoritetit të Konkurrencës, me qëllim mbrojtjen e konkurrencës dhe të konsumatorit.Të dhënat nga Autoriteti i Komunikimeve Elektronike dhe Postare (AKEP) treguan se shpenzimi mesatar i shqiptarëve për shërbimet celulare u rrit për të katërtin vit radhazi vitin e kaluar.Një përdorues shpenzoi vitin e kaluar mesatarisht pothuajse 9200 lekë për shërbime të komunikimeve celulare, 16% më shumë krahasuar me një vit më parë. Kjo vlerë mbështetet në treguesin e të ardhurave mesatare për përdorues të operatorëve celulare (ARPU) dhe llogaritet si raport i të ardhurave nga shërbimet me pakicë me numrin total të përdoruesve aktivë.Gjithashtu, shpenzimi mesatar i shqiptarëve për çdo minutë thirrje celulare vitin e kaluar u rrit në 5.54 lekë për minutë, në rritje me 16% krahasuar me një vit më parë. Kjo vlerë bazohet në treguesin e të ardhurave mesatare për minutë (ARPM), që llogaritet si raport i të ardhurave nga shërbimet me pakicë me sasinë e minutave dalëse dhe tregon të ardhurat e sipërmarrësit për një minutë.Ulja e numrit të operatorëve celularë në vend ka ndikuar në shtrenjtimin e paketave të komunikimit. Operatorët celularë kanë rritur çmimet për paketat bazë të komunikimit, si me parapagesë, ashtu edhe me kontratë, por ndërkohë kanë ulur edhe njësitë e përfshira të komunikimit në to, duke sjellë si rezultat një shtrenjtim edhe më të lartë të shprehur për njësi.Ndërkohë, në fillim të vitit 2024, të dy operatorët celularë, kanë përcaktuar në kushtet e përgjithshme të kontratës të drejtën e tyre për të indeksuar çdo vit çmimin e paketës me inflacionin mesatar vjetor.Sipas informacionit të raportuar në Autoritetin e Komunikimeve Elektronike dhe Postare (AKEP), dy operatorët celularë fituan afërsisht 1.68 miliardë lekë për 2024, ndërsa viti 2023 ishte mbyllur me një fitim neto në vlerën e 370 milionë lekëve.Vodafone Albania arriti një fitim neto në vlerën e rreth 1.2 miliardë lekëve, ndërkohë që një vit më parë kishte realizuar një fitim neto prej rreth 300 milionë lekësh.Një fitim më të vogël ka raportuar operatori i dytë One Albania, por që gjithashtu e ka përmirësuar ndjeshëm rezultatin krahasuar me një vit më parë. Sipas AKEP, One Albania e mbylli vitin 2024 me një fitim neto në vlerën e 476 milionë lekëve, nga 70 milionë lekë që kishte qenë rezultati i raportuar një vit më parë.Dy operatorët e rrjeteve celulare, Vodafone Albania dhe One Albania, vitin e kaluar raportuan të ardhura prej komunikimeve elektronike në vlerën 27.93 miliardë lekë, në rritje me 8.9% krahasuar me një vit më parë./ E.ShehuKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
-
Goditje ndaj pastrimit të parave dhe korrupsionit/ Dumani: Kemi sekuestruar mbi 500 celularë
Altin Dumani, kreu i Prokurorisë së Posaçme, ka theksuar rëndësinë e provës dixhitale si bazë e padiskutueshme në hetimet për korrupsion, pastrim parash dhe krim të organizuar.
Në raportimin për vitin 2024, ai bëri të ditur se numri i telefonave celularë të sekuestruar për ekspertim ka shënuar një rritje rekord
“Gjatë vitit 2024, në Sektorin e Ekspertizës kanë ardhur për ekspertim 400 vendime ekspertimi për 841 prova digjitale, dhe konkretisht për 553 telefona celularë dhe tabletë, 110 kompjutera, 16 DVR dhe 162 prova të tjera digjitale. Kjo, krahasuar me vitet si më poshtë, është në rritje”, tha ai në Kuvend. -
Hiqet tarifa ‘roaming’ me vendet e BE-së për shqiptarët
FOTO ILUSTRUESE
TIRANË-Ditën e hënë, presidentja e Komisionit Europian, Ursula von der Leyen njoftoi heqjen e tarifave roaming të komunikimeve të lëvizshme mes Shqipërisë dhe Bashkimit Europian, vitin e ardhshëm. Një vendim i tillë do të nënkuptonte mundësinë që abonentët e shërbimeve celulare në Shqipëri të përdorinin numrat e tyre në vendet e Bashkimit Europian me të njëjtat tarifa si në Shqipëri.
Aktualisht, tarifat roaming mes Shqipërisë dhe Bashkimit Europian nuk janë ligjërisht të rregulluara, por që prej vitit 2023, me ndërmjetësimin e Komisionit Europian, 38 operatorë të shërbimeve celulare të BE-së dhe rajonit të Ballkanit Perëndimor arritën një marrëveshje për uljen e tarifave roaming të internetit.
Nga dy operatorët celularë shqiptarë, vetëm One Albania u bë pjesë e marrëveshjes, por sidoqoftë edhe Vodafone Albania ofron tarifa të ngjashme preferenciale për përdorimin e shërbimeve të kompanive të tjera të grupit Vodafone në BE.
Konkretisht, operatorët që u bënë pjesë e marrëveshjes ranë dakord për vendosjen e një niveli maksimal të çmimit të shitjes me pakicë 18 euro/GB (gigabajt) duke filluar nga 1 tetori 2023; 14 euro/GB duke filluar nga viti 2026 dhe 9 euro/GB duke filluar nga viti 2028.
Marrëveshja u ka mundësuar përdoruesve të telefonisë celulare nga Shqipëria çmime më të ulëta të përdorimit të internetit gjatë kohës kur ndodhen në vendet e Bashkimit Europian, si edhe, anasjellas, edhe turistëve të huaj të përdorin internetin me çmime më të lira në Shqipëri.
Aktualisht, tarifa bazë e internetit në roaming në Zonën 1 (ku përfshihen shumica e operatorëve nga vendet e BE-së), është 2.4 Lekë/MB (nga 40-60 lekë për MB që ishte para hyrjes në fuqi të marrëveshjes).
Përdoruesit e telefonisë celulare të të dyja kompanive celulare shqiptare kanë sidoqoftë në dispozicion paketa komunikimi në roaming me kosto edhe më të ulët, kundrejt një çmimi fiks.
Marrëveshja parashikon gjithsesi një ulje të mëtejshme të çmimit të internetit në 14 euro/GB duke filluar nga viti 2026.
Megjithatë, nëse premtimi i bërë nga von der Leyen përmbushet, tarifat për të gjitha shërbimet roaming (duke përfshirë edhe thirrjet) duhet të hiqen dhe shqiptarët do të komunikojnë sipas kushteve të planit të tyre tarifor kombëtar, edhe kur të udhëtojnë në vendet e BE-së.
Marrëveshja me për uljen e tarifave të internetit në roaming me vendet e BE-së ndoqi marrëveshjen e arritur për heqjen e plotë të tarifave roaming mes vendeve të Ballkanit Perëndimor. Prej fundit të qershorit 2021, përdoruesit e telefonisë celulare në Shqipëri, Kosovë, Mal të Zi, Maqedoni të Veriut, Serbi dhe Bosnje-Hercegovinë komunikojnë gjatë udhëtimeve në vendet e tjera të rajonit pa kosto shtesë dhe me të njëjtat tarifa të planit kombëtar përkatës.
Sipas të dhënave nga Autoriteti i Komunikimeve Elektronike dhe Postare (AKEP), rreth 857 mijë shqiptarë përdorën shërbimet roaming në Ballkanin Perëndimor për vitin 2024, me një rritje prej 5% krahasuar me një vit më parë.
Volumi i internetit të përdorur në roaming e ka kaluar shifrën prej 1.2 milionë GB (gigabyte) internet, me një rritje prej 38% krahasuar me vitin 2023.
Deri tani, AKEP nuk mundëson statistika specifike lidhur me përdorimin e shërbimit roaming nga shqiptarët në vendet e Bashkimit Europian.
Të dhënat e INSTAT treguan se vitin e kaluar shqiptarët regjistruan afërsisht 7.9 milionë dalje nga territori i vendit vitin e kaluar, me një rritje prej 14% krahasuar me një vit më parë. / Monitor -
Premtimi për heqjen e roaming me vendet e BE-së, çfarë pritet të ndryshojë në 2026
Ditën e hënë, presidentja e Komisionit Europian, Ursula von der Leyen njoftoi heqjen e tarifave roaming të komunikimeve të lëvizshme mes Shqipërisë dhe Bashkimit Europian, vitin e ardhshëm.Një vendim i tillë do të nënkuptonte mundësinë që abonentët e shërbimeve celulare në Shqipëri të përdorinin numrat e tyre në vendet e Bashkimit Europian me të njëjtat tarifa si në Shqipëri.Aktualisht, tarifat roaming mes Shqipërisë dhe Bashkimit Europian nuk janë ligjërisht të rregulluara, por që prej vitit 2023, me ndërmjetësimin e Komisionit Europian, 38 operatorë të shërbimeve celulare të BE-së dhe rajonit të Ballkanit Perëndimor arritën një marrëveshje për uljen e tarifave roaming të internetit.Nga dy operatorët celularë shqiptarë, vetëm One Albania u bë pjesë e marrëveshjes, por sidoqoftë edhe Vodafone Albania ofron tarifa të ngjashme preferenciale për përdorimin e shërbimeve të kompanive të tjera të grupit Vodafone në BE.Konkretisht, operatorët që u bënë pjesë e marrëveshjes ranë dakord për vendosjen e një niveli maksimal të çmimit të shitjes me pakicë 18 euro/GB (gigabajt) duke filluar nga 1 tetori 2023; 14 euro/GB duke filluar nga viti 2026 dhe 9 euro/GB duke filluar nga viti 2028.Marrëveshja u ka mundësuar përdoruesve të telefonisë celulare nga Shqipëria çmime më të ulëta të përdorimit të internetit gjatë kohës kur ndodhen në vendet e Bashkimit Europian, si edhe, anasjellas, edhe turistëve të huaj të përdorin internetin me çmime më të lira në Shqipëri.Aktualisht, tarifa bazë e internetit në roaming në Zonën 1 (ku përfshihen shumica e operatorëve nga vendet e BE-së), është 2.4 Lekë/MB (nga 40-60 lekë për MB që ishte para hyrjes në fuqi të marrëveshjes).Përdoruesit e telefonisë celulare të të dyja kompanive celulare shqiptare kanë sidoqoftë në dispozicion paketa komunikimi në roaming me kosto edhe më të ulët, kundrejt një çmimi fiks.Marrëveshja parashikon gjithsesi një ulje të mëtejshme të çmimit të internetit në 14 euro/GB duke filluar nga viti 2026.Megjithatë, nëse premtimi i bërë nga von der Leyen përmbushet, tarifat për të gjitha shërbimet roaming (duke përfshirë edhe thirrjet) duhet të hiqen dhe shqiptarët do të komunikojnë sipas kushteve të planit të tyre tarifor kombëtar, edhe kur të udhëtojnë në vendet e BE-së.Marrëveshja me për uljen e tarifave të internetit në roaming me vendet e BE-së ndoqi marrëveshjen e arritur për heqjen e plotë të tarifave roaming mes vendeve të Ballkanit Perëndimor. Prej fundit të qershorit 2021, përdoruesit e telefonisë celulare në Shqipëri, Kosovë, Mal të Zi, Maqedoni të Veriut, Serbi dhe Bosnje-Hercegovinë komunikojnë gjatë udhëtimeve në vendet e tjera të rajonit pa kosto shtesë dhe me të njëjtat tarifa të planit kombëtar përkatës.Sipas të dhënave nga Autoriteti i Komunikimeve Elektronike dhe Postare (AKEP), rreth 857 mijë shqiptarë përdorën shërbimet roaming në Ballkanin Perëndimor për vitin 2024, me një rritje prej 5% krahasuar me një vit më parë.Volumi i internetit të përdorur në roaming e ka kaluar shifrën prej 1.2 milionë GB (gigabyte) internet, me një rritje prej 38% krahasuar me vitin 2023.Deri tani, AKEP nuk mundëson statistika specifike lidhur me përdorimin e shërbimit roaming nga shqiptarët në vendet e Bashkimit Europian.Të dhënat e INSTAT treguan se vitin e kaluar shqiptarët regjistruan afërsisht 7.9 milionë dalje nga territori i vendit vitin e kaluar, me një rritje prej 14% krahasuar me një vit më parë. / E.Shehu Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
-
Sekuestrohen celularë dhe medikamente me vlerë mbi 54 milionë lekë në Morinë, vihen në pranga dy persona
Një rasti i tentativës për kontrabandë mallrash në drejtim të Kosovës është goditur nga policia në Morinë.
Policia njofton se në dalje të territorit të Shqipërisë, u ndaluan për kontroll të detajuar dy automjete, një furgon me drejtues shtetasin B. L., 52 vjeç, dhe një automjet tip “Volkswagen”, me drejtues shtetasin F. M., 55 vjeç, të dy banues në Kukës.
Në automjetin e drejtuar nga F. M. u gjetën 1006 kuti me medikamente mjekësore, 41 000 tableta, 2 194 celularë.
Ndërsa në furgonin me drejtues B. L. u gjetën, 62 thasë me duhan, me peshë totale 930 kg.
Uniformat blu bëjnë më dije se mallrat nuk ishin të deklaruar, por mësohet se vlera total e tyre është rreth 54 350 000 lekësh, ku u sekuestruan në cilësinë e provës materiale së bashku me të dy automjetet.
Në përfundim të veprimeve hetimore, të dy shtetasit u arrestuan në flagrancë për veprat penale, kontrabanda me mallra që paguhet akcizë dhe kontrabanda me mallra të tjera.Top Channel