Bologna ka mposhtur 2-1 Parmën në “Renato Dall’Ara” dhe ka siguruar biletën për në çerekfinalet e Kupës së Italisë. Miqtë kaluan të parët në avantazh me polakun Adrian Benedyczak në minutën e 13-të, ndërsa barazimi do të vinte në minutën e 38-të, ku shënoi Jonathan Rowe, pasi përfitoi nga një mungesë vëmendjeje e mbrojtjes së Parmës.
Pjesa e parë mbyllet në barazim 1-1. Goli i fitores për bolonjezët do të vinte në minutën e 89-të, me të zakonshmin Santiago Castro. Bologna fiton 2-1 dhe tani pret të mësojë kundërshtarin në çerekfinale, që do të jetë një mes Lazios dhe Milanit.
Situata mes dy klubeve është e acaruar, pas asaj që ndodhi të dielën në “San Siro”, ku Milan fitoi 1-0, ndërsa Lazio pretendoi për një penallti të padhënë në minutat shtesë së pjesës së dytë.
Ajo që bë në sy në formacionet zyrtare, është aktivizimi nga minuta e parë e Ardon Jashit, i cili rikthehet pas një dëmtimi të rëndë që pësoi në gusht.
Lazio: Mandas; Marusic, Gila, Romagnoli, Pellegrini; Guendouzi, Vecino, Basic; Isaksen, Castellanos, Zaccagni
Milan: Maignan; Tomori, De Winter, Pavlovic; Saelemaekers, Ricci, Jashari, Rabiot, Estupinan; Loftus-Cheek; Leao
Tag: bologna
-
Bologna fiton në frymën e fundit ndaj Parmës, Lazio kërkon “hakmarrjen” ndaj Milanit
-
Bologna e ka shumë seriozisht këtë sezon, super fitore në Friuli dhe i bashkohet Interit dhe Romës në krye (video)
22 Nëntor 2025
16:57
Telesport
Bologna e drejtuar nga Vincenzo Italiano duket se do të jetë një rival i fortë të paktën për zonën në Champions në Serie A. Kuq e blutë fituan sot në transfertë 0-3 në Friuli ndaj Udinese.
Pjesa e parë u mbyll në barazim pa gola. Riccardo Orsolini gaboi nga penalltia në fund të pjesës së parë, e cila nga portieri i Udinese, Maduka Okoye.
Në pjesën e dytë, Bologna shënoi dy herë me anë të Tommaso Pobega, i cili është i huazuar nga Milan me të drejtë blerjeje për 12 milionë euro në fund të sezonit. Mesfushori shënoi fillimisht në minutën e 54-të, pas asistit të Orsolini dhe në minutën e 60-të, pas një gafe fatale të portierit vendas. Federico Bernardeschi vulosi fitoren 0-3 me golin e tij në minutat shtesë.
Me këtë fitore, Bologna ngjitet në vendin e tretë me 24 pikë, aq sa Inter dhe Roma. Në ndeshjen tjetër, barazim spektakolar 3-3 në Cagliari-Genoa.
SHIKOGOLAT -
Napoli, zbardhen prapaskenat e krizës dhe 100 milionë eurot që “ngrohin” stolin
11 Nëntor 2025
13:03
Alfred Lleshi
Pas humbjes në Eindhoven dhe asaj në Bologna, e pesta në 15 ndeshje, të gjitha jashtë fushe, Antonio Conte ka zbuluar tensionet e brendshme te Napoli. Trajneri ka konfirmuar se pati një debat me “senatorët” e skuadrës pas disfatës me PSV-në dhe para fitores ndaj Interit. Tani, me kthimin nga pushimi (kualifikueset e kombëtareve) dhe grupin e plotë, Conte do të duhet të rindërtojë harmoninë, duke kërkuar që çdo lojtar të marrë përgjegjësitë e veta.
Problemet lidhen me balancën në grup. Disa lojtarë janë të mbingarkuar fizikisht e psikologjikisht, ndërsa të tjerët ndihen të lënë mënjanë. Futbollistë që kushtojnë mbi 100 milionë euro si Lucca (35 milionë), Beukema (31), Lang (25) dhe Marianucci (9) ishin në stol në Bologna.
Ndërkohë, forma e Neres është në rënie. Në mungesë të De Bruyne, kampionët axurr kanë fituar vetëm një nga katër ndeshjet e fundit, duke shënuar vetëm një gol, nga goditje dënimi. Conte tani duhet të rikthejë ekuilibrin dhe motivimin në një grup që po përjeton tension të brendshëm. -
Napoli humbet në Bologna, dy gola vendosin ndeshjen (VIDEO)
Napoli mundet 2-0 nga Bologna, në ndeshjen e luajtur në D’All Ara. Në pjesën e parë nuk munguan rastet, por gjithsesi, skuadrat shkuan në barazim në dhomat e zhveshjes.
Në pjesën e dytë, vendasit kaluan në epërsi me Dallingën. Kampionët e Italisë pësuan edhe golin e dytë, atë të Knock Out-it. Ishte pikërisht Lucumi që i dha qetësinë e duhur skuadrës nga Bologna. Napoli është vendin e dytë, Bologna në vendin e pestë. -
Bologna “spektakël” ndaj Napoli-t, Italiano i jep leksione Conte-s (video)
Bologna ka fituar 2-0 ndaj Napolit në sfidën e luajtur në “Renato Dall’Ara”, e vlefshme për javën e 11-të në Serie A. Fillimisht vendasit e drejtuar nga Vincenzo Italiano u detyruan të bënin dy zëvendësime për shkak dëmtimesh, i pari u largua portieri titullar Lukasz Skorupski, pas vetëm 8 minutash lojë dhe në fillim të pjesës së dytë u largua Jonathan Rowe, po për arsye dëmtimi.
Pjesa e parë mes dy ekipeve u mbyll në barazim pa gola. Rezultati u zhbllokua në minutën e 50-të, pas një kombinimi të bukur në zonë mes të sapofuturit Nicolo Cambiaghi dhe Thijs Dallinga, holandezi dërgoi topin në rrjetë.
Në minutën e 65-të, ishte mbrojtësi kolumbian Jhon Lucumi, i cili shënoi me kokë, pas krosimit të Emil Holm. Pas kësaj fitoreje, Bologna ngjitet në vendin e 5-të me 21 pikë, Napoli mbetet në vendin e dytë me 22 pikë, por Antonio Conte ka ende shumë punë për të bërë me ekipin e tij, pasi paraqitjet e fundit ka qenë vërtet shumë të dobëta.
Në sfidën tjetër, Genoa barazoi 2-2 ndaj Firoentinës. Paolo Vanoli e nis me një pikë në krye të klubit vjollcë, pas shkarkimit të Stefano Pioli-t.
SHIKOGOLAT -
Panik te Bologna, trajneri i klubit italian shtrohet në spital/ Ja si paraqitet gjendja e tij
Trajneri i Bolongnas, Vincenzo Italiano, është shtruar në spital për shkak të pneumonisë me origjinë bakteriale, kanë njoftuar zyrtarisht sot drejtuesit e klubit italian.
Sipas deklaratës së publikuar në faqen zyrtare të klubit, Italiano ndodhet në departamentin e pulmonologjisë në Poliklinikën Sant’Orsola-Malpighi, nën kujdesin e mjekut Stefano Nava. Gjendja nuk ka lidhje me COVID-19, por kërkon terapi të specializuar me antibiotikë.
“Trajneri do të qëndrojë i shtruar për rreth pesë ditë. Gjendja e tij klinike është duke u përmirësuar gradualisht, dhe përditësimet e mëtejshme do të publikohen në ditët në vijim”, thuhet në njoftimin e klubit.
Për shkak të gjendjes shëndetësore, Italiano nuk do të jetë në stol në ndeshjen e së enjtes në Europa League, ku Bologna përballet me Steaua Bukureshtin.
Klubi ka shprehur mbështetjen e plotë për trajnerin, duke i uruar shërim të shpejtë dhe rikthim të shëndetshëm në pankinë.
-
Trajektorja e pazakontë e mbrojtësit të Bologna, përfundoi te dentisti për trajtimin e dëmtimit në kofshë
7 Tetor 2025
9:54
Alfred Lleshi
Emil Holm po përpiqet të rikuperojë formën pas dëmtimeve muskulare, që e kanë ndjekur gjatë karrierës. Mbrojtësi i Bologna, 25 vjeç, rrëfeu se ka ndjekur një metodë të pazakontë, heqjen e një dhëmballe të pjekurisë me shpresë se kjo do ta ndihmonte në kapërcimin e dëmtimit të fleksorëve. Holm tha: “Më hoqën dhëmballën e pjekurisë kur pata tërheqje muskulare. Doktori tha se kështu nuk do të kem më dëmtime muskulare. Të shpresojmë të funksionojë”.
Ai shpjegoi lidhjen mes dhëmbit dhe trupit. Më konkretisht, dhëmballa e pjekurisë mund të ndikojë tensionet në nofull, çka reflektohet në trup. Mbrojtësi pranoi se kishte frikë nga dentisti: “E urrej dentistin, shiringat, gjakun… Ishin 40 minuta paniku, por e dashura ime më mbështeti”.
Kjo praktikë lidhet me “odontologjinë posturale”, sipas së cilës tensionet ose infeksionet në gojë mund të ndikojnë në muskujt ose balancën trupore. Teoria nuk ka prova shkencore të forta, por Holm duket i bindur se mund t’i lehtësojë tensionet dhe të ndihmojë rikuperimin. -
“Skuqet” Allegri. Milan i falet Luka Modric dhe fiton ngushtë ndaj Bologna (video)
14 Shtator 2025
22:47
Telesport
Milan ka fituar 1-0 në “San Siro” ndaj Bologna, sfidë e vlefshme për javën e tretë në Serie A. Një pjesë e parë e jo e mirë për kuqezinjtë, pa shumë raste, e cila mbyllet në barazim pa gola.
Në minutën e 55-të, Mike Maignan lë fushën e lojës i dëmtuar në pulpë dhe në vend të tij futet Pietro Terracciano, ndeshja e parë me kuqezinjtë. Në vijim do mësohet edhe shkalla e dëmtimit të portierit francez dhe sa kohë do mungojë.
Në minutën e 60-të, Luka Modric e bën “sefte” dhe shënon golin e parë me fanellën e Milanit. Kroati shënoi me një goditje të bukur pranë zonës së penalltisë, pas asistit të marrë nga Saelemaekers.
Në fund të kohës së rregullt, Max Allegri ndëshkohet me karton të kuq për shkak proteste. Kuqeznjtë pretenduan për një penallti të padhënë, por VAR dhe arbitri kryesor i takimit menduan ndryshe. Milan fiton 1-0 dhe ngjitet në vendin e 5-të me 6 pikë, Bologna renditet në vendin e 13-të me 3 pikë.
SHIKOGOLINEMODRIC -
Allegri largon presionin para Bologna: Lojtarët janë autorët e fitoreve, unë i humbjeve
13 Shtator 2025
12:56
Alfred Lleshi
Massimiliano Allegri, trajneri i Milanit, foli për sfidën e rëndësishme ndaj Bologna dhe gjendjen e skuadrës pas merkatos: “Jam i kënaqur me merkaton, por tani më interesojnë 3 pikët ndaj Bologna. Leao do të rikthehet ndaj Napolit”.
Leao nuk do të luajë për shkak të një problemi me muskujt, Rabiot është gati për të dhënë kontributin e tij. Allegri theksoi rëndësinë e fitoreve në shtëpi dhe vazhdimësinë: “Duhet të fitojmë në shtëpi, nuk do të jetë e lehtë. Duhet ekuilibër dhe qetësi në momentet e vështira”.
Ai vlerësoi të gjithë lojtarët, duke përfshirë Nkunku, Pulisic dhe De Winter. Për të, zëvendësimet janë vendimtare: “Lojtarët që luajnë më pak shpesh janë më të rëndësishëm, sepse sjellin pikë”.
Për mbrojtjen dhe identitetin e skuadrës: “Të gjithë duhet të japin më të mirën. Kur kemi topin, duhet të shënojmë; kur nuk e kemi, duhet të mbrojmë”. Prioritet mbetet përmirësimi gradual, bashkëpunimi dhe besimi: “Lojtarët janë autorët e fitoreve, unë i humbjeve”. -
Milani në ankth për gjendjen e Leaos, portugezi humbet edhe ndeshjen ndaj Bologna
10 Shtator 2025
12:31
Alfred Lleshi
Milani e ka vëmendjen te Rafa Leao. Sulmuesi portugez, i ndalur pas ndeshjes hapëse ndaj Barit, ende nuk është rikuperuar plotësisht dhe vijon stërvitjet individuale. Për këtë arsye, ndeshja e së dielës me Bologna nuk do ta shohë në fushë, pasi stafi mjekësor nuk dëshiron të rrezikojë. Objektivi mbetet rikthimi më 20 shtator kundër Udineses.
Ndërkohë, ka shqetësim edhe për Christopher Nkunku, që ka pranuar se është ende pas në formë. Kjo mund të hapë rrugën për titullarët Pulisic dhe Gimenez, të cilët megjithatë do të kthehen vonë nga impenjimet me kombëtaret. Pulisic mund ta nisë nga stoli.
Të enjten pritet të kthehen edhe Maignan dhe Rabiot. Ky i fundit, i vërshëllyer në Francë-Islandë, është në “balotazh” me Loftus-Cheek për një vend titullari, ndërsa Modric dhe Fofana janë të sigurt. Dyshime gjithashtu për Estupinian, i ndalur tek Ekuadori për shkak të një problemi muskulor.