Lajmidites.com

Tag: biznesmenit

  • I arrestuar për vrasjen e biznesmenit Mëhalla, zbardhet dëshmia e Xhino Agës

    I arrestuar për vrasjen e biznesmenit Mëhalla, zbardhet dëshmia e Xhino Agës

    Dëshmia e Xhino Ago-s përpara hetuesve ka hedhur dritë mbi momentet para dhe pas ekzekutimit të biznesmenit Edmond (Mondi) Mëhalla.

    Ish-ortaku i tij ka rrëfyer se ditën e ngjarjes kishte tentuar disa herë ta kontaktonte Mëhallën në telefon, por pa rezultat. Sipas tij, në banesë ndodhej edhe Fatlinda Istrefi dhe po diskutonin për t’u nisur drejt Tiranës.

    “Pas kësaj bisede unë shikova nga shtëpia ime autostradën dhe pashë se kishte trafik dhe i thashë kunatit, Urimit,  ‘Shko t’i tako Mondin, unë po çoj në Tiranë Fatlindën’. Dhe kështu ndodhi. Unë me makinën time çova Fatlindën në Kodër Institut dhe jam kthyer në Elbasan. Kam shkuar direkt te zyrat dhe po prisja Mondin. I rashë telefonit dhe nuk më përgjigjej. Kam qëndruar rreth 20 minuta; ora ka qenë 18 e ca, nuk e mbaj mend saktë. Më pas kam qëndruar deri kur më mori në telefon Enola, operatorja e kompanisë sime”, ka dëshmuar Ago.

    Mediat shkruajnë se ai ka treguar se në banesë ndodhej me babain dhe gjyshen, ndërsa nëna ishte në Tiranë me kunatin, pasi  sipas tij fëmijët i mbajnë prindërit e tij. Ago ka theksuar gjithashtu se zotëron 16 automjete elektrike të markës kineze, nga të cilat 7 ose 8 i kishte me qira Edmond Mëhalla.

    Sapo është njoftuar për ngjarjen nga operatorja, Ago është nisur menjëherë drejt karburantit “Xh* Oil”, ku ka parë policinë dhe automjetin “Range Rover” të ndaluar. Nga personat në vendngjarje ka mësuar se Mëhalla ishte vrarë me armë zjarri.

    Edmond Mëhalla (Hyka) u qëllua me tre plumba mbrëmjen e 30 nëntorit në Elbasan, në një atentat të kryer pranë biznesit të tij.

    Të arrestuarit deri tani:

    Nevzat Spaho – nga Prrenjasi, dyshohet se ka drejtuar automjetin që ndihmoi autorin të largohej nga Miraka.

    Kujtim Pisha – punonjës karburanti, proceduar për moskallëzim krimi.

    Xhino Ago – ortak në biznes me Mëhallën, i akuzuar për mosndryshim pronësie të automjetit Audi të përdorur në krim.

    Në kërkim janë shpallur edhe Armando Kola, nga Laçi; Marselo Arani, nga Elbasani, i cili përveç largimit ka thyer edhe masën e arrestit shtëpiak për pastrim parash; si dhe 35-vjeçari Oklid El Ouejdi. Autoritetet vijojnë punën për lokalizimin dhe kapjen e tyre.

  • Vrasja e biznesmenit në Elbasan, publikohet dëshmia e ish-ortakut të arrestuar: Isha vetëm me të…

    Vrasja e biznesmenit në Elbasan, publikohet dëshmia e ish-ortakut të arrestuar: Isha vetëm me të…

    Zbardhet një pjesë e dëshmisë së njërit prej të arrestuarve për vrasjen e biznesmenit Mondi Mëhalla.
    Në dosjen që disponon Top Channel tregohet një pjesë e dëshmisë së Xhino Ago-s, ish-ortaku i viktimës, i cili u arrestua pas ekzekutimit.
    “Rreth orës 9 të mëngjesit kam dalë nga shtëpia ime dhe me automjetin e markës Hyundai me traga AB 516, automjeti është në emër të kompanisë së një shoku tim, i cili quhet Nazif Bajrami.
    Rruga që kam ndjekur është në drejtim të qytetit te Elbasanit dhe kam shkuar tek zyrat e taksive, pasi unë jam administratore i “** Taksi”, zyrat e të cilave i kam tek karburati ‘’Xh*** OIL””, ka deklaruar Xhino Ago.
    Në deklarimet e tij Xhino Aga ka shpjeguar se pasi ka shkuar tek puna e tij ka takuar Mondi Mëhallën me të cilin kanë pirë kafe tek lokali i karburantit.
    “Më pas kemi dalë në këmbë dhe kemi lëvizur për qark karburantit ku ndodhet magazina dhe kemi ndenjur deri në orën 13:00, ku gjatë kësaj kohe unë kam qenë vetëm me Mondin. Më pas unë me mjetin e përshkruar më lart jam larguar në të njëjtën rrugë për në banesën time, ndërsa Mondi mori “Range”-in dhe më tha se do të iki për Kavajë për drekë me të shtëpisë.
    Në deklarimin e tij Xhino Aga ka shpjeguar se deri rreth orës 15:45, ka qëndruar në shtëpi dhe gjatë kësaj kohe ka komunikuar me video në WhatsApp me Mondin.
    “Mondi më tha se tani do te kthehem nga Kavaja dhe për 20 minuta rreth orës 15:45 jam në Elbasan. Pas kësaj bisede kemi folur me video në WhatsApp ku i thash Mondit a do të vish me mua në Tiranë, që të çojmë Fatlinda Istrefin në Tiranë, që e njihte dhe Mondi, dhe Mondi më tha Ok do të ikim bashkë dhe do të takohem tek karburanti, pasi unë do i dërgoja dhe kunatin tim Urim Topuzin, i cili do t’i vendoste disa llamba tek magazina e tij, pasi Urimi ishte në shtëpinë e tij”.

  • Vrasja e biznesmenit Mondi Mëhalla në Elbasan, flet ish-ortaku i arrestuar: Isha vetëm me të…

    Vrasja e biznesmenit Mondi Mëhalla në Elbasan, flet ish-ortaku i arrestuar: Isha vetëm me të…

    Tashmë është zbuluar një pjesë e dëshmisë së njërit prej të arrestuarve për vrasjen e biznesmenit Mondi Mëhalla.

    Në dosjen që disponon gazetarja e Top Channel, Anila Hoxha, tregohet një pjesë e dëshmisë së Xhino Ago-s, ish-ortaku i viktimës, i cili u arrestua pas ekzekutimit.
    “Rreth orës 9 të mëngjesit kam dalë nga shtëpia ime dhe me automjetin e markës Hyundai me traga AB 516, automjeti është në emër të kompanisë së një shoku tim, i cili quhet Nazif Bajrami.
    Rruga që kam ndjekur është në drejtim të qytetit te Elbasanit dhe kam shkuar tek zyrat e taksive, pasi unë jam administratore i “** Taksi”, zyrat e të cilave i kam tek karburati ‘’Xh*** OIL””, ka deklaruar Xhino Ago.
    Në deklarimet e tij Xhino Aga ka shpjeguar se pasi ka shkuar tek puna e tij ka takuar Mondi Mëhallën me të cilin kanë pirë kafe tek lokali i karburantit.
    “Më pas kemi dalë në këmbë dhe kemi lëvizur për qark karburantit ku ndodhet magazina dhe kemi ndenjur deri në orën 13:00, ku gjatë kësaj kohe unë kam qenë vetëm me Mondin. Më pas unë me mjetin e përshkruar më lart jam larguar në të njëjtën rrugë për në banesën time, ndërsa Mondi mori “Range”-in dhe më tha se do të iki për Kavajë për drekë me të shtëpisë.
    Në deklarimin e tij Xhino Aga ka shpjeguar se deri rreth orës 15:45, ka qëndruar në shtëpi dhe gjatë kësaj kohe ka komunikuar me video në WhatsApp me Mondin.
    “Mondi më tha se tani do te kthehem nga Kavaja dhe për 20 minuta rreth orës 15:45 jam në Elbasan. Pas kësaj bisede kemi folur me video në WhatsApp ku i thash Mondit a do të vish me mua në Tiranë, që të çojmë Fatlinda Istrefin në Tiranë, që e njihte dhe Mondi, dhe Mondi më tha Ok do të ikim bashkë dhe do të takohem tek karburanti, pasi unë do i dërgoja dhe kunatin tim Urim Topuzin, i cili do t’i vendoste disa llamba tek magazina e tij, pasi Urimi ishte në shtëpinë e tij”.

    Top Channel

  • Atentati ndaj biznesmenit Mondi Mëhalla, shpallet në kërkim një tjetër i dyshuar

    Atentati ndaj biznesmenit Mondi Mëhalla, shpallet në kërkim një tjetër i dyshuar

    Policia e Elbasanit ka shpallur në kërkim një tjetër person, i cili dyshohet si i përfshirë në vrasjen e biznesmenit Mondi Meëhalla.
    35-vjeçari, Oklid El Ouejdi, ka dalë në dritë nga dëshmitë që kanë dhënë personat e arrestuar e marrë në pyetje deri tani.
    Naldo Gjoni nga Lezha, i cili u ndalua nga policia pasi kishte përdorur makinën me te cilën u krye ekzekutimi ka deklaruar gjatë marrjes në pyetje se i pranishëm kur ka marrë në përdorim mjetin ishte edhe Oklid El Ouejdi.
    Deri në këto momente kjo është dëshmia që ka përshirë 35 vjeçarin nga Elbasani.
    Nga të dhënat, rezulton se El Ouejdi është larguar nga pika kufitare e Qafë-Thanës për në Maqedoninë e Veriut, duke mos u arritur të ndalohej apo verifikohej nga policia kriminale e Elbasanit. Që prej ditës së vrasjes së Mondi Mëhallës, ai konsiderohet person kyç në hetime
    Mondi Mëhalla, i njohur në Elbasan me nofkën ‘Hyka’ u ekzekutua me tre plumba, në një atentat të kryer me në Elbasan në 30 nëntor.
    Deri më tani janë arrestuar tre persona:
    * Nevzat  Spaho – nga Prrenjasi, i dyshuar si shoferi që ndihmoi autorin të largohej nga zona e Mirakës.
    * Kujtim Pisha – punonjësi i karburantit, i cili është proceduar pasi nuk njoftoi policinë për informacionin që zotëronte.
    * Xhino Ago ,ortak në biznes me Mëhallën, i cili akuzohet se nuk kishte ndryshuar pronësinë e “Audi”-t të përdorur në krim. Ndërkohë janë shpallur në kërkim • Armando Kola (nga Laçi) dhe  Marselo Arani (nga Elbasani), i cili jo vetëm është zhdukur, por ka thyer edhe masën “arrest shtëpie” që kishte për pastrim parash.
    Autoritetet po punojnë për lokalizimin e tij dhe kapjen e dy të kërkuarve.

  • Vrasja e Mondi Hykës, nën hetim edhe nipi i personazhit të njohur! Kishin konflikt për 700 mijë euro

    Vrasja e Mondi Hykës, nën hetim edhe nipi i personazhit të njohur! Kishin konflikt për 700 mijë euro

    Policia e Elbasanit ka zbuluar detaje të reja mbi konfliktin që dyshohet se ka shërbyer si motiv kryesor për vrasjen e biznesmenit Mondi Mëhalla alias Edmond Hyka, ngjarje e ndodhur më 30 nëntor.
    Sipas burimeve të Policisë së Shtetit, në qendër të hetimeve ndodhet 35-vjeçari Oklid El Ouejdi, i njohur në Elbasan me nofkat “Kiço” dhe “Oliver”, si dhe i identifikuar nga komuniteti lokal si nip i personazhit të njohur “Timi i Elbasanit”. Ai është larguar nga pika kufitare e Qafë-Thanës drejt Maqedonisë së Veriut dhe aktualisht konsiderohet person kyç në dosjen hetimore.
    Vendndodhja e tij nuk është e konfirmuar, megjithëse dyshohet se mund të ndodhet pikërisht në territorin e Maqedonisë së Veriut, ku ka lidhje të shumta, përfshirë edhe me Sheval Muharremin, të njohur si “Bosi i Gërçecit”.
    Hetuesit po verifikojnë gjithashtu aktivitetin e biznesit “SOLEIL”, një kompani import–eksporti dhe tregtimi automjetesh, e regjistruar në emër të El Ouejdit në Elbasan që prej vitit 2018. Pikërisht marrëdhëniet tregtare të lidhura përmes kësaj veprimtarie dyshohet se janë kthyer në burimin e konfliktit me Mëhallën.
    Sipas të dhënave paraprake, rreth 10 ditë para vrasjes, në ambientet e karburantit “Xhaxhi Oil” ka ndodhur një përplasje fizike midis dy biznesmenëve.
    Konflikti mësohet se lidhej me një marrëveshje tregtare prej rreth 700 mijë eurosh, e cila nuk ishte finalizuar. Burime të rezervuara pohojnë se Mëhalla ishte i revoltuar dhe se përplasja fizike ka ndodhur në prani të një personi që shoqëronte El Ouejdin.
    Hetuesit dyshojnë se El Ouejdi mund të ketë ofruar si kompensim katër apartamente në Tiranë, të cilat sipas të dhënave paraprake kishin probleme pronësie, çka besohet se e ka tensionuar më tej situatën. Pas konfliktit, dyshohet se ai ka ndërmarrë hapa për organizimin e atentatit që çoi në ekzekutimin e Mëhallës.
    Deri tani 3 të arrestuar
    Deri tani për vrasjen e biznesmenit Mëhalla janë arrestuar tre persona të dyshuar për role të ndryshme në ngjarje. Nevzat (Nevi) Spaho, nga Përrenjasi, i dyshuar si shoferi që ka ndihmuar autorin të largohej nga zona e Mirakës.
    Kujtim Pisha, punonjës karburanti, proceduar për moskallëzim të informacionit.
    Xhino Ago, ortak biznesi me Mëhallën, i cili akuzohet për mosndryshimin e pronësisë së mjetit “Audi” të përdorur në krim.
    Ndërsa në kërkim janë Armando Kola, nga Laçi dhe Marselo Arani, nga Elbasani, i cili jo vetëm është larguar, por ka thyer edhe masën e “arrestit në shtëpi” për çështje të mëparshme.
    Roli i Naldi Gjinit
    Figura kyçe për zbardhjen e skemës mbetet Naldi Gjini, i cili fillimisht u shoqërua si person që kishte përdorur “Audi”-n disa ditë para vrasjes, por nuk u procedua për shkak të bashkëpunimit me hetuesit. Gjatë identifikimit të fotografive, ai ka treguar me saktësi tre persona të dyshuar Nevzat Spahon, Armando Kolën dhe Marselo Aranin.
    Po ashtu, pamjet filmike të siguruara nga një garazh në zonën e “21 Dhjetorit” tregojnë Aranin duke përdorur “Audi”-n në ditët para atentatit.
    Pistat e hetimit
    Sipas të dhënave zyrtare nga grupi hetimor, pista kryesore mbetet konflikti financiar mes Mëhallës dhe El Ouejdit, një konflikt që nisi nga mosrealizimi i marrëveshjes prej 700 mijë eurosh, u përshkallëzua me dhunë fizike dhe përfundoi në ekzekutimin e biznesmenit, i cili u vra me tre plumba nga persona të paidentifikuar ende zyrtarisht. Mjeti i përdorur në atentat u gjet më pas i djegur.
    Oklid El Ouejdi mbetet personi kryesor që policia kërkon të marrë në pyetje. Autoritetet po punojnë për lokalizimin e tij dhe për kapjen e dy të kërkuarve të tjerë, ndërsa hetimet pritet të sjellin zhvillime të tjera në ditët në vijim.
    panorama.com.al

  • “Jemi miq”/ Gjykata jep vendimin për Spahon ç’ndodhi gjatë seancës për ish-ortakun e biznesmenit, familja e viktimës…

    “Jemi miq”/ Gjykata jep vendimin për Spahon ç’ndodhi gjatë seancës për ish-ortakun e biznesmenit, familja e viktimës…

    Gjykata e Elbasanit ka lënë në qeli Nevzat Spahon, i cili akuzohet si bashkëpunëtor në ekzekutimin e biznesmenit Mondi Mëhalla alias Edmond Hyka, krim i ndodhur mbrëmjen e 30 Nëntorit pranë karburantit të viktimës.
    Seanca me dyer të mbyllura nisi në orën 10:30, ndërsa Prokuroria e Elbasanit kishte kërkuar lënien pas hekurave të tij, e cila u aprovua nga togat e zeza.
    Avokati mbrojtës dhe vetë i hetuari Nevzat Spaho kundërshtuan masën e sigurisë, duke kërkuar një masë më të lehtë dhe duke pretenduar se ndalimi ishte i pabazuar, por gjykata i rrëzoi këto argumente, duke theksuar se provat e administruara deri tani justifikojnë mbajtjen e tij në qeli.
    Ky vendim vjen një ditë pas seancës së gjatë, po ashtu me dyer të mbyllura, ku gjykata vendosi “arrest me burg” për:
    • Xhino Agon, i akuzuar si bashkëpunëtor në vrasjen e Mëhallës;
    • Kujtim Pishën, roje karburanti, i akuzuar për moskallëzim të krimit.
    Seanca e djeshme (5 Dhjetor) zgjati mbi dy orë, ku palët u njohën me aktet dhe dëshmitë e dosjes. Burime nga salla bënë të ditur se një element që ka tërhequr vëmendje, ishin deklarimet e familjarëve të Mondi Mëhallës, të cilët pretenduan se kishin lidhje miqësore të ngushta me familjen Ago, e cila u pohua edhe nga të afërmit e ortakut të viktimës, që ndodheshin jashtë gjykatës.
    Prokuroria ka lidhur ortakun e viktimës, Xhino Agon me ngjarjen përmes automjetit të përdorur ditën e atentatit, makinë e cila i përkiste një kompanie të drejtuar nga viktima dhe i dyshuari, ndërsa ky i fundit ia kishte dhënë për përdorim personave të tretë.
    Sa i përket Kujtim Pishës, mbrojtja kërkoi lirimin e tij duke pretenduar se roja i karburantit ndodhej duke konsumuar darkë në momentin e vrasjes, por ky argument nuk u mor në konsideratë nga gjyqtari Elis Dine.
    Burime nga grupi hetimor bëjnë me dije se seanca për Nevzat Spahon shihet si kyçe për vijimin e hetimeve, pasi ai konsiderohet një hallkë e rëndësishme në zbardhjen e plotë të vrasjes së biznesmenit.
    Ndërkohë, policia vijon punën për arrestimin e dy personave të tjerë të shpallur në kërkim. Mondi Mëhalla u ekzekutua me tre plumba dy në kokë dhe një në trup mbrëmjen e 30 nëntorit.
    Ekzekutori pasi e qëlloi brenda mjetit tip Range Rover u largua me një automjet tip Audi në drejtim të Librazhdit.

  • Vrasja e biznesmenit në Elbasan, “arrest me burg” për Nevzat Spaho, autorin e dyshuar që ekzekutoi Mondi Mëhallën

    Vrasja e biznesmenit në Elbasan, “arrest me burg” për Nevzat Spaho, autorin e dyshuar që ekzekutoi Mondi Mëhallën

    Gjykata e Elbasanit ka dhënë masën e sigurisë “arrest me burg” për Nevzat Spahon, autorin e dyshuar që ekzekutoi me dy plumba në kokë biznesmenin Edmond Hyka, i njohur ndryshe si Mondi Mëhalla.
    Ndërsa ditën e djeshme, Gjykata e Elbasanit ka vendosur masën e sigurisë “Arrest me burg” për Xhino Agon, i akuzuar si bashkëpunëtor në vrasjen e biznesmenit mbrëmjen e 30 nëntorit.Lexo edhe :Related Posts
    Po ashtu në burg është lënë edhe roja i karburantit Kujtim Pisha i akuzuar për moskallëzim të krimit.

    Ndërkohë pamjet që tregojnë momentin  e ekzekutimit të biznesmenit Edmond Hyka, i njohur ndryshe si Mondi Mëhalla, janë bërë publike 3 ditë më parë.
    Në pamje duket autori që  afrohet me makinën Audi pranë biznesmenit, del nga mjeti dhe qëllon disa herë në drejtim të Mondi Mëhallës, i cili në atë moment po ashtu ndodhej brenda automjetit të tij  “Range Rover”.
    Pasi e lë të vdekur në vend me dy plumba në kokë, autori largohet me shpejtësi me makinë.
    /vizionplus.tv

  • VIDEO-Vrasja e biznesmenit Edmond Mëhalla në Elbasan/ Lihet në burg Nevzat Spaho

    VIDEO-Vrasja e biznesmenit Edmond Mëhalla në Elbasan/ Lihet në burg Nevzat Spaho

    Zhvillimet gjyqësore për vrasjen e biznesmenit Edmond (Mondi) Mëhalla, të ndodhur më 30 nëntor, hynë sot në një fazë të re, teksa Gjykata e Shkallës së Parë të Juridiksionit të Përgjithshëm Elbasan zhvilloi seancën për caktimin e masës së sigurisë ndaj të arrestuarit Nevzat Spaho, i dyshuar si bashkëpunëtor në ekzekutimin me armë zjarri të 43-vjeçarit.
    Seanca u hap në orën 10:30, me dyer të mbyllura, sipas vendimit të gjykatës. Prokuroria e Elbasanit kishte depozituar një ditë më parë kërkesën me objekt “vleftësim ndalimi, caktim mase sigurimi”, duke kërkuar arrest me burg për Spahon.
    Pas shqyrtimit të akteve të dosjes dhe pretendimeve të palëve, gjyqtari Elis Dine vendosi të pranojë kërkesën e prokurorit Gjergji Ceka, duke vlerësuar si të ligjshëm ndalimin e Nevzat Spahos dhe duke lënë në fuqi masën e sigurisë “arrest me burg”.
    Avokati mbrojtës dhe vetë i hetuari kundërshtuan masën, duke kërkuar një alternativë më të lehtë dhe duke pretenduar se ndalimi ishte i pabazuar, por gjykata i rrëzoi këto argumente, duke theksuar se provat e administruara deri tani justifikojnë mbajtjen e tij në qeli.

     

     

     

  • Ekzekutimi i biznesmenit në Elbasan, sot seanca për Nevzat Spahon, pritet dhënia e masës së sigurisë

    Ekzekutimi i biznesmenit në Elbasan, sot seanca për Nevzat Spahon, pritet dhënia e masës së sigurisë

    Sot në orën 10:30 do të mbahet seanca për dhënien e masës së sigurisë për Nevzat Spaho, në lidhje me vrasjen e biznesmenit Mondi Mëhalla gjashtë ditë më parë. 
    Pranë Gjykatës së Shkallës së Parë të Juridiksionit të Përgjithshëm Elbasan është regjistruar dje, më datë 05.12.2025, kërkesa e Prokurorisë së Elbasanit për masën e sigurimit ndaj shtetasit N.S., me objekt “Vleftësim ndalimi, caktim mase sigurimi”. 
    Seanca është caktuar të zhvillohet ditën e shtunë, më 06.12.2025, në orën 10:30, dhe do të mbahet me dyer të mbyllura. 
    Dje Gjykata e Elbasanit vendosi masën e sigurisë “Arrest me burg” për Xhino Ago i akuzuar si bashkëpunëtor në vrasjen e biznesmenit. 
     

  • Vrasja e biznesmenit në Elbasan/ Jepet sot masa e sigurisë për Nevzat Spaho, autorin e dyshuar që ekzekutoi Mëhallën

    Vrasja e biznesmenit në Elbasan/ Jepet sot masa e sigurisë për Nevzat Spaho, autorin e dyshuar që ekzekutoi Mëhallën

    Në Gjykatën e Shkallës së Parë të Juridiksionit të Përgjithshëm Elbasan zhvillohet sot, në orën 10:30, seanca për shqyrtimin e kërkesës së Prokurorisë lidhur me masën e sigurimit ndaj Nevzat Spaho, i dyshuar si autor i vrasjes së Mondi Mëhallës.
    Objekti i kërkesës është “Vlerësim i ndalimit, caktim mase sigurimi”, ndërsa seanca do të mbahet me dyer të mbyllura.
    Gjyqtari i çështjes është Elis Dine. Ditën e djeshme, Gjykata e Elbasanit ka vendosur masën e sigurisë “Arrest me burg” për Xhino Agon, i akuzuar si bashkëpunëtor në vrasjen e biznesmenit Mondi Mëhalla mbrëmjen e 30 nëntorit në Elbasan.
    Po ashtu në burg është lënë edhe roja i karburantit Kujtim Pisha i akuzuar për moskallëzim të krimit.
    Ndërkohë pamjet që tregojnë momentin e ekzekutimit të biznesmenit Edmond Hyka, i njohur ndryshe si Mondi Mëhalla, janë bërë publike 3 ditë më parë.
    Në pamje duket autori që afrohet me makinën Audi pranë biznesmenit, del nga mjeti dhe qëllon disa herë në drejtim të Mondi Mëhallës, i cili në atë moment po ashtu ndodhej brenda automjetit të tij “Range Rover”.
    Pasi e lë të vdekur në vend me dy plumba në kokë, autori largohet me shpejtësi me makinë.