Lajmidites.com

Tag: bashkëpunimi

  • Analiza Ekskluzive e Diplomatit Roland Bimo: Divorci SHBA-Europë, korrupsioni në Ukrainë dhe Rendi i Ri Botëror

    Analiza Ekskluzive e Diplomatit Roland Bimo: Divorci SHBA-Europë, korrupsioni në Ukrainë dhe Rendi i Ri Botëror

    Në një analizë të thelluar për ‘Syrin e Botës’, ish-ambasadori dhe njohësi i shquar i gjeopolitikës, Roland Bimo, ka zbërthyer me detaje situatën komplekse ndërkombëtare, duke filluar nga marrëdhëniet historike SHBA-Rusi e deri tek tensionet aktuale që po riformatojnë aleancat globale. Bimo ofroi një perspektivë realiste dhe shpeshherë shqetësuese mbi luftën në Ukrainë, rolin e administratës Trump dhe të ardhmen e pasigurt të Europës.

    Një nga pikat kyçe të diskutimit ishte retrospektiva historike e marrëdhënieve midis Uashingtonit dhe Moskës. Bimo theksoi se, ndryshe nga perceptimi i zakonshëm, SHBA dhe Rusia (apo ish-Bashkimi Sovjetik) kanë pasur periudha të gjata bashkëpunimi pragmatik, veçanërisht në kontrollin e armëve bërthamore përmes traktateve si INF dhe START. Kjo histori bashkëpunimi, sipas tij, kontraston ashpër me situatën aktuale, ku kanalet diplomatike duket se janë bllokuar, por jo plotësisht të mbyllura, sidomos kur bëhet fjalë për interesa strategjike madhore.

    Fokusi kryesor i intervistës u zhvendos tek konflikti në Ukrainë, ku Bimo hodhi dritë mbi anën e errët të ndihmave financiare. Ai ngriti shqetësimin e madh për korrupsionin masiv në Kiev, duke përmendur skandalet e fundit dhe akuzat ndaj rrethit të ngushtë të Presidentit Zelensky. Sipas diplomatit, SHBA po përdor kartën e korrupsionit si një mjet presioni ndaj Ukrainës për të pranuar realitetin e vështirë në terren, ndërkohë që Europa vazhdon të insistojë në vazhdimin e luftës.

    Kjo divergjencë mes SHBA-së dhe Europës u cilësua si një ‘çarje tragjike’ për Perëndimin. Bimo analizoi Strategjinë e Sigurisë Kombëtare të SHBA-së, duke nënvizuar se Uashingtoni tashmë e sheh lidershipin aktual europian si problematik dhe po kërkon një ‘korrigjim trajektoreje’, që në gjuhën diplomatike përkthehet si ndryshim regjimesh në favor të forcave patriotike. Lidhur me të ardhmen e konfliktit, parashikimi i zotit Bimo ishte i qartë dhe i prerë: nuk do të ketë marrëveshje paqeje klasike. Për shkak të ngërçeve kushtetuese si në Ukrainë ashtu edhe në Rusi lidhur me territoret, zgjidhja e vetme e mundshme mbetet një ‘konflikt i ngrirë’ sipas modelit korean.

    Ai argumentoi se negociatat diplomatike shpesh shërbejnë thjesht për konsum publik, ndërsa vendimet reale merren në fushëbetejë. Së fundmi, biseda preku edhe rishpërndarjen e fuqisë globale, ku u evidentua bashkëpunimi në rritje midis Rusisë dhe Kinës, veçanërisht në rajonin strategjik të Arktikut, dhe qasja e re, më pak ideologjike e administratës Trump ndaj Kinës, duke sinjalizuar një epokë të re pragmatizmi në marrëdhëniet ndërkombëtare.

  • Kina dhe Franca do të nisin një raund të ri bashkëpunimi për mbrojtjen e pandave

    Kina dhe Franca do të nisin një raund të ri bashkëpunimi për mbrojtjen e pandave

    Kina dhe Franca ranë dakord të enjten të nisin një raund të ri bashkëpunimi për mbrojtjen e pandave gjigante.
    Presidenti kinez Xi Jinping dhe presidenti francez Emmanuel Macron u takuan së bashku me shtypin, pas bisedimeve të tyre në Pekin.
    Xi tha se të dyja palët ranë dakord të thellojnë shkëmbimet dhe bashkëpunimin në kulturë, arsim, shkencë dhe teknologji, si dhe në zonat nënkombëtare. Gjithashtu dakordësuan të nisin një raund të ri bashkëpunimi në mbrojtjen e pandave gjigante.

  • Partneritet për të ardhmen e futbollit në rajon! Vizita e presidentit Duka në Maqedoninë e Veriut

    Partneritet për të ardhmen e futbollit në rajon! Vizita e presidentit Duka në Maqedoninë e Veriut

    Presidenti i FSHF-së dhe Zv.Presidenti i UEFA-s, Armand Duka, vizitoi Tetovën për të ndërtuar ura të reja bashkëpunimi që synojnë një nivel të ri profesionalizmi në futbollin e rajonit.

    Presidenti Duka u prit nga Kryetari i Komunës Tetovë, Bilall Kasami, ndërsa në takim morën pjesë edhe Drejtori Administrativ i FSHF-së, Aldi Topçiu, si dhe Presidenti i Federatës së Futbollit të Maqedonisë së Veriut, Masar Omeragic, dhe Presidenti i FC Shkëndija, Lazim Destani.

    Gjatë vizitës, Presidenti Duka bëri edhe një vizitë punimeve për ndërtimin e stadiumit të ri në Tetovë, një projekt kyç që synon të përmirësojë infrastrukturën sportive dhe të ofrojë kushte moderne për futbollin në këtë rajon.

    Në takim u diskutua gjithashtu mbi forcimin e futbollit të të rinjve, zhvillimin e infrastrukturës me standarde moderne, ngritjen profesionale të klubeve dhe akademive përmes trajnimeve të specializuara, si dhe nxitjen e iniciativave të përbashkëta që do të mundësojnë projekte ndërkombëtare dhe mbështetje institucionale në nivel rajonal.

    Qëllimi është i qartë: të krijohet një ekosistem futbolli që prodhon talente, rrit cilësinë dhe gjeneron më shumë mundësi zhvillimi ekonomik dhe social për komunitetet.
    “Rajoni ka potencial të madh sportiv dhe ambicie për të ecur më përpara. Detyra jonë është të ndërtojmë partneritete që e kthejnë këtë potencial në rezultate konkrete,” – u shpreh Presidenti Duka, duke theksuar se pozicioni i tij në UEFA hap mundësi të reja bashkëpunimi dhe mbështetjeje për iniciativat e këtij niveli.

    Takimi konfirmoi vullnetin për hapa të përbashkët konkretë, të cilët synojnë të sjellin një standard të ri organizimi dhe inovacioni në futboll në rajon.
     
     

  • “Të hetohet bashkëpunimi i zyrtarëve me Gardën”/Ish-ministri i Brendshëm për 21 Janarin: Pse Berisha dhe Basha s’ndalën të shtënat?

    “Të hetohet bashkëpunimi i zyrtarëve me Gardën”/Ish-ministri i Brendshëm për 21 Janarin: Pse Berisha dhe Basha s’ndalën të shtënat?

    Ish ministri i brendshëm Bajram Yzeiraj analizoi për ‘Real Story’ dosjen e 21 janarit, një prej çështjeve më të rëndësishme që ka kaluar në skanerin e drejtësisë së re.
    Yzeiraj tha se duhet të hetohet bashkëpunimi i zyrtarëve me Gardën, personat që kanë zbatuar urdhërin për të shtënat, të implikuarit në prishjen e serverit, mjekët dhe ata që prishën provat.
    Më tej, Yzeiraj shtoi se urdhëri i Ndrea Prendit ishte i paligjshëm dhe se personat të cilët u plagosën duhet të merren si tentativë për vrasje.
    “Në ballafaqimin në procesin me gjyqësorin, ai ndryshoi kualifikimin. Prokuroria ka shkuar në vrasje me rrethana cilësuese. SPAK ndodhet përpara dy rrugëve, me direktivën që është dhënë të pyesin personat kompetentë që maksimumi kanë shpërdoruar detyrën. Nuk duhet t’i qëndrojnë kësaj vije, është zvarritur prej shumë vitesh.
    Ka bashkëpunim të zyrtarëve të lartë, janë hetuar vetëm ekzekutor por cili ishte roli i kryeministrit, mjekëve, kush prishi provat. Në momentin që po goditej policia dhe po goditej me armë, ministri dhe kryeministri po i shihnin dhe nisi bashkëpunimi. Gjatë zhvillimit të ngjarjes, fakti që nuk dhanë urdhra për ndërprerje. Urdhri i Ndrea Prendit i paligjshëm, nuk qëllohet në mënyrë masive ndaj njerëzve. Duhet të ndahet kush ishin bashkëpunëtor kryesor, prishja e serverit, armët për të mos ekzekutuar urdhërin e prokurorit. Ky ka qenë roli i kryeministrit, është përgjegjësi penale, puro bashkëpunim. Prokurori i SPAK duhet të akuzojë si bashkëpunim në vrasje. Ata që janë marrë të plagosur duhet të merren si tentativë vrasje sepse rrethanat e shpëtuan. “

  • Shqipëri – Itali, ja marrëveshjet dhe memorandumet e bashkëpunimit e firmosura mes dy qeverive

    Shqipëri – Itali, ja marrëveshjet dhe memorandumet e bashkëpunimit e firmosura mes dy qeverive

    Në Romë u mbajt sot mbledhja e parë e përbashkët mes qeverisë shqiptare dhe asaj  italiane. 

    Kryeministri Edi Rama u prit në takim nga kryeministrja Italian Georgia Meloni,ndërsa dy qeveritë nënshkruan 15 marrvëshje bashkëpunimi në sektore të ndryshëm.

    Ja marrëveshjet e firmosura 

    1. Marrëveshje ndërqeveritare “G2G” – për bashkëpunim strategjik dypalësh.
    2. Memorandum mirëkuptimi midis ministrive të jashtme për bashkëpunim në fushën e sigurisë kibernetike.
    3. Marrëveshje për kredi ndihme nga Bashkëpunimi Italian për Zhvillim në mbështetje të Mbrojtjes Civile shqiptare.
    4. Marrëveshje dhurate nga Bashkëpunimi Italian për Zhvillim për forcimin e kapaciteteve të Mbrojtjes Civile shqiptare.
    5. Marrëveshje dhurate për përmirësimin e sektorit neonatal shqiptar.
    6. Memorandum bashkëpunimi midis Ministrive të Brendshme për luftën kundër trafikut të drogës.
    7. Marrëveshje për bashkëpunim në fushën e mbrojtjes.
    8. Memorandum mirëkuptimi midis Fondacionit MAXXI (Muzeu Kombëtar i Arteve të Shekullit XXI) dhe Galerisë Kombëtare të Arteve të Shqipërisë për shkëmbime kulturore.
    9. Protokoll bashkëpunimi midis Mbrojtjes Civile italiane dhe asaj shqiptare.
    10. Deklaratë e përbashkët midis Mbrojtjes Civile shqiptare, italiane dhe Agjencisë Italiane për Bashkëpunim Zhvillimor (AICS) për krijimin e një Tavoline Koordinimi të përhershme.
    11. Marrëveshje teknike për dorëzimin e dy anijeve patrulluese për Rojën Bregdetare shqiptare nga pala italiane.
    12. Konventë financiare për kredi ndihme për përmirësimin e rrjetit elektrik në Shqipërinë e Veriut pas tërmetit të vitit 2019.
    13. Memorandum bashkëpunimi teknik midis CDP (Cassa Depositi e Prestiti) dhe Ministrisë së Financave të Shqipërisë.
    14. Marrëveshje për mbështetjen e NVM-ve shqiptare midis SIMEST dhe Agjencisë Shqiptare për Zhvillimin e Investimeve (AIDA).
    15. Memorandum mirëkuptimi midis Fincantieri dhe KAYO për krijimin e një ndërmarrjeje të përbashkët (joint venture) për modernizimin e kantierëve detarë në Pashaliman.
    16. Memorandum bashkëpunimi midis Leonardo dhe KAYO në fushën e mbrojtjes

  • Takimi historik në Romë/ Një qeveri për 24 orë, Shqipëria dhe Italia firmosin 16 marrëveshje bashkëpunimi

    Takimi historik në Romë/ Një qeveri për 24 orë, Shqipëria dhe Italia firmosin 16 marrëveshje bashkëpunimi

    Për herë të parë në historinë e miqësisë mes dy vendeve, Shqipëria dhe Italia mbajtën një mbledhje të përbashkët të dy qeverive, ku firmosën 16 marrëveshje bashkëpunimi.

    Meloni i konsideroi shqiptarët komb europian, ndërsa Rama tha se Italia mund të na kërkojë çfarë të dojë. Dhe e gjithë, mbledhja e përbashkët u bë pa përkthim, sepse gjuha zyrtare ishte ajo italiane.
    Ministrat firmosen një marrëveshje partneriteti strategjik dhe 15 marrëveshje të tjera në disa fusha kyçe, si mbrojtja, siguria, infrastruktura dhe shëndetësia.
    Një ditë historike, e cilësuan të dy kryeministrat duke dhënë mesazhe për marrëdhëniet strategjike mes dy vendeve fqinje.
    “Ky nuk është një zgjerim i Europës, por një ribashkim i saj. Shqipëria është një komb europian. Ajo çka na takon ne është ta ndihmojmë këtë proces në mënyrën më serioze dhe nëse është e mundur më të shpejtë të mundshme, sepse edhe kjo është në interesin tonë”, u shpreh Meloni.
    “Ne jemi gati të bëjmë një marrëveshje me Bashkimin Europian për të mos përdorur as veton dhe as votën, nuk na intereson. Jemi gati të nënshkruajmë që mund të përfaqësohemi nga komisari europian italian”, tha kryeministri Rama.
    Përtej integrimit, një fokus të veçantë kishte edhe mbrojtja, ku në takimin në Romë u firmos marrëveshja mes dy ministrive për ndërtimin e anijeve në Pashaliman.
    “Janë shtatë anije, të cilat do të ndërtohen në Pasha Liman nga një kompani italo-shqiptare. Kjo do të jetë një sipërmarrje e përbashkët, e cila do të krijojë vende pune, njohuri për të rinjtë shqiptarë që do t’i paguajë ata mirë dhe ku Italia do të furnizojë Shqipërinë me anije, të cilat janë kaq të rëndësishme në ditët që jetojmë”, u shpreh Rama.
    Dy vite pas marrëveshjes së shumëdebatuar për kampet e emigrantëve, Meloni dhe Rama ulen sërish në tryezë, këtë radhë për ta shtrirë bashkëpunimin në shumë fusha, por me bindjen se do ta bëjnë të funksionojë edhe marrëveshja e nëntorit të vitit 2023.
    “Është një nismë revolucionare. Protokolli do të funksionojë kur të futet në lojë pakti i marrëveshjes së re për azilin. Kemi humbur dy vjet për të mbërritur po aty, tek ajo pikë që mendonim në fillim. Mendoj që gjithkush do të marrë përgjegjësitë e veta”, u shpreh kryeministrja italiane.
    “Me Italianë unë do ta bëja 100 herë edhe pse 100 herë ju do të vazhdonit të ishit kundër. Me vendet e tjera, kurrë. Italia mund t’i kërkojë Shqipërisë çfarë i vjen në mendje dhe ne jemi gjithmonë gati për t’u përgjigjur “Po”, sepse ndihemi pjesë e këtij vendi”, tha Rama.
    Takimi në Romë do të pasohet nga një tjetër tryezë e përbashkët, që sipas kryeministres Meloni, do të ketë në fokus kryesor “Korridorin 8”.
    “Me kryeministrin Rama kemi lënë një tjetër takim, një tjetër objektiv, atë të vendosjes dhe krijimit të një forumi, ku do të përfaqësohen shoqëri ndërmarrjeje që përfaqësojë sistemim prodhues brenda 6 muajve të parë nga sot. Kemi përcaktuar drejtimet ku do të vijojë bashkëpunimi ynë në sektorë si: energjia, transporti, duke u përqendruar në veçanti te “Korridori 8”, u shpreh Meloni.
    Përtej marrëveshjeve të bashkëpunimit në fusha me rëndësi për të dy vendet fqinje, në tryezën e Romës për herë të parë një takim ndërqeveritar u zhvillua pa përkthim.
    “Kemi qenë të gjithë paska të mallëngjyer nga kalimi i asamblesë sonë plenare me të paktën 20 ministra, të cilët morën fjalën të gjithë, duke folur në mënyrë ekskluzive në italisht dhe pa pasur praninë e përkthimit”, tha numri 1 i qeverisë italiane.
    “Nuk ekziston një qeveri tjetër jo italiane që të flasë 100% në italisht dhe është veçse ajo shqiptare. Kjo është një përgjegjësi më shumë për Italinë që ta themi shkoqur dhe të jemi të qartë”, u shpreh kryeministri Rama.
    Një ditë e gjatë në Romë, mes atmosferës politike domethënëse dhe simbolikës historike të marrëdhënieve mes dy vendeve, u mbyll me një faqe të re bashkëpunimi dhe një përqafim të ngrohtë mes dy kryeministrave.

    Top Channel

  • Romë, përfundon mbledhja e dy qeverive, nënshkruhen 16 marrëveshjet dhe memorandumet mes Shqipërisë dhe Italisë

    Romë, përfundon mbledhja e dy qeverive, nënshkruhen 16 marrëveshjet dhe memorandumet mes Shqipërisë dhe Italisë

    Në Romë u zhvillua mbledhja e parë mes qeverisë italiane dhe asaj shqiptare.

    Kryeministria Georgia Meloni dhe homologu i saj Edi Rama u ulën ballë për ballë bashkë me ministrat e dy kabineteve në Villa Doria Pamphili. Fillimisht është zhvilluar një takim mirëseardhje mes Melonit dhe Ramës, të cilën kryeministri i Shqipërisë e quan motra.
    Nga kabineti qeverisës Rama katër morën pjesë 11 ministra. Në ora 14:00 parashikohet shkëmbimi i Marrëveshjeve Dypalëshe dhe Memorandumeve të Mirëkuptimit.
    Gazetari Top Channel Muhamed Veliu, e ka parë draftin e këtyre marrëveshjeve të cilat lidhen me Bashkëpunimi strategjik Itali Shqipëri në fushat e shëndetësisë, energjisë, mjedisit, sigurisë, arsimit dhe inovacionit.
    Për të vijuar tek Siguria kibernetike, përmes një memorandumi mirëkuptimi ndërmjet ministrive të jashtme.
    Bashkëpunimi në Mbrojtjen civile, parashikon disa marrëveshje për grante dhe hua të buta, mbështetje në pajisje dhe trajnim, si dhe një deklaratë të përbashkët mbi koordinimin institucional;
    Ndërsa Shëndetësia, me projekte për përmirësimin e kujdesit neonatal dhe maternal; Mbrojtja dhe bashkëpunimi ushtarak, përfshirë transferimin e mjeteve detare dhe marrëveshje mes kompanive “Leonardo”, “Fincantieri” dhe partnerëve shqiptarë; Lufta kundër trafikut të drogës, që përfshin një Memorandum mirëkuptimi të nënshkruar mes Institucioneve të punëve të brendshme respektive. Në total 16 marrëveshje dhe memorandume do të  shkëmbehen gjatë ceremonisë zyrtare të kësaj mbledhjeje të nivelit të lartë. Ky format bashkëpunimi ndërqeveritar G2G shihet një risi në marrëdhëniet mes dy vendeve.

    Top Channel

  • Dalin pamjet, Rama pritet nga Meloni me ceremoni zyrtare në Romë

    Dalin pamjet, Rama pritet nga Meloni me ceremoni zyrtare në Romë

    Kryeministri Edi Rama në Romë pritet me ceremoni zyrtare nga homologia italiane, Giorgia Meloni.
    Sot mbahet mbledhja e parë e përbashkët mes qeverive Shqipëri–Itali.

    Më herët, Rama njoftoi se do të nënshkruhen 16 marrëveshje bashkëpunimi dhe memorandume, në kuadër të partneritetit të ngushtë strategjik mes Shqipërisë dhe Italisë.

    Marrëveshjet që do nënshkruhen mes dy qeverive

    -Bashkëpunimi strategjik në fushat e shëndetësisë, energjisë, mjedisit, sigurisë, arsimit dhe inovacionit-Siguria kibernetike, përmes një memorandumi mirëkuptimi ndërmjet ministrive të jashtme-Mbrojtja civile, me disa marrëveshje për grante dhe hua të buta, mbështetje në pajisje dhe trajnim, si dhe një deklaratë të përbashkët mbi koordinimin institucional-Shëndetësia, me projekte për përmirësimin e kujdesit neonatal dhe maternal-Mbrojtja dhe bashkëpunimi ushtarak, përfshirë transferimin e mjeteve detare dhe marrëveshje mes kompanive “Leonardo”, “Fincantieri” dhe partnerëve shqiptarë-Lufta kundër trafikut të drogës, që përfshin një Memorandum mirëkuptimi të nënshkruar mes Institucioneve të punëve të brendshme respektive-Zhvillimi ekonomik, përmes instrumenteve të “Cassa Depositi e Prestiti”, “SIMEST” dhe “AIDA”, në mbështetje të ndërmarrjeve të vogla dhe të mesme shqiptare-Kultura dhe kreativiteti, me një marrëveshje bashkëpunimi midis Fondacionit MAXXI dhe institucioneve shqiptare të artit

  • LIVE! Nis mbledhja e qeverive Itali-Shqipëri, Rama pritet nga Meloni me ceremoni zyrtare

    LIVE! Nis mbledhja e qeverive Itali-Shqipëri, Rama pritet nga Meloni me ceremoni zyrtare

    Ka nisur përpara pak minutash në Romë mbledhja e përbashkët ndërqeveritare mes Shqipërisë dhe Italisë.Takimi i parë i këtij formati, që për Edi Ramën është një ditë krenarie dhe historike për marrëdhëniet ndërkombëtare të Shqipërisë.

    Pas takimit mes dy delegacioneve dhe atij “kokë më kokë” mes Ramës dhe Melonit, do të nënshkruhen 16 marrëveshje dhe memorandume, që televizioni Klan ka mësuar se mbulojnë një gamë të gjerë fushash strategjike, si:
    Bashkëpunimi strategjik G2G në fushat e shëndetësisë, energjisë, mjedisit, sigurisë, arsimit dhe inovacionit;
    Siguria kibernetike, përmes një memorandumi mirëkuptimi ndërmjet ministrive të jashtme;
    Mbrojtja civile, me disa marrëveshje për grante dhe hua të buta, mbështetje në pajisje dhe trajnim, si dhe një deklaratë të përbashkët mbi koordinimin institucional;
    Shëndetësia, me projekte për përmirësimin e kujdesit neonatal dhe maternal;
    Mbrojtja dhe bashkëpunimi ushtarak, përfshirë transferimin e mjeteve detare dhe marrëveshje mes kompanive “Leonardo”, “Fincantieri” dhe partnerëve shqiptarë;
    Lufta kundër trafikut të drogës, që përfshin një memorandum mirëkuptimi të nënshkruar mes institucioneve të punëve të brendshme respektive;
    Zhvillimi ekonomik, përmes instrumenteve të “Cassa Depositi e Prestiti”, “SIMEST” dhe “AIDA”, në mbështetje të ndërmarrjeve të vogla dhe të mesme shqiptare;
    Kultura dhe kreativiteti, me një marrëveshje bashkëpunimi midis Fondacionit MAXXI dhe institucioneve shqiptare të artit.
    Ky format bashkëpunimi ndërqeveritar G2G përbën një risi në marrëdhëniet mes dy vendeve dhe konfirmon, sipas qeverisë shqiptare, angazhimin e përbashkët për forcimin e partneritetit strategjik dhe afrimin e mëtejshëm europian të Shqipërisë.

  • Shqipëri–Itali, zbardhen 16 marrëveshjet e bashkëpunimi që do të firmosen sot në Romë

    Shqipëri–Itali, zbardhen 16 marrëveshjet e bashkëpunimi që do të firmosen sot në Romë

    Në kuadër të mbledhjes së parë të përbashkët mes qeverisë shqiptare dhe asaj italiane, që zhvillohet sot në Romë, do të nënshkruhen 16 marrëveshje dhe memorandume mirëkuptimi, që pritet të forcojnë partneritetin strategjik mes dy vendeve.
    Gazetarja e Vizion Plus, Mola Luku, bën me dije se këto dokumente përfshijnë fusha të rëndësishme të bashkëpunimit, nga shëndetësia dhe energjia, deri te siguria, arsimi dhe zhvillimi ekonomik.
    Në ceremoninë zyrtare të mbledhjes së nivelit të lartë, pritet të firmosen këto marrëveshje kryesore:

    Bashkëpunimi strategjik në fushat e shëndetësisë, energjisë, mjedisit, sigurisë, arsimit dhe inovacionit;
    Siguria kibernetike, përmes një memorandumi mirëkuptimi ndërmjet ministrive të jashtme të dy vendeve;
    Mbrojtja civile, me marrëveshje për grante dhe hua të buta, mbështetje në pajisje dhe trajnim, si dhe një deklaratë të përbashkët mbi koordinimin institucional;
    Shëndetësia, me projekte që synojnë përmirësimin e kujdesit neonatal dhe maternal;
    Mbrojtja dhe bashkëpunimi ushtarak, që përfshin transferimin e mjeteve detare dhe marrëveshje mes kompanive italiane “Leonardo”, “Fincantieri” dhe partnerëve shqiptarë;
    Lufta kundër trafikut të drogës, me nënshkrimin e një memorandumi mirëkuptimi mes institucioneve të punëve të brendshme të dy vendeve;
    Zhvillimi ekonomik, përmes bashkëpunimit me “Cassa Depositi e Prestiti”, “SIMEST” dhe “AIDA”, që do të mbështesin ndërmarrjet e vogla dhe të mesme shqiptare;
    Kultura dhe kreativiteti, me një marrëveshje bashkëpunimi midis Fondacionit italian MAXXI dhe institucioneve shqiptare të artit.

    Këto marrëveshje pritet të hapin një kapitull të ri në marrëdhëniet dypalëshe mes Shqipërisë dhe Italisë, duke i dhënë një dimension më të gjerë partneritetit strategjik të firmosur që prej vitit 2010.
    /vizionplus.tv