Maxhoranca ka rrëzuar kërkesën e opozitës për tërheqjen nga rendi i ditës të projektvendimit për zgjedhjen e Avokatit të Popullit.
Partia Demokratike tërhoqi firmat për 6 kandidatët me pretendimin se PS kërkon të marrë Avokatin e Popullit duke vendosur Endri Shabanin në krye të saj.
Opozita kërkoi që projektvendimi të mos votohej në Kuvend, por u rrëzua me 77 vota të socialistëve në Parlament.
“30 vota pro heqjes nga rendi i ditës, 77 vota kundër, 1 abstenim. Pra me 77 vota kundër mbetet në rendin e ditës projektvendimi për zgjedhjen e Avokatit të Popullit”, tha kreu i Kuvendit, Niko Peleshi.
Në garë për Avokatin e Popullit janë gjashtë kandidatë, Ardiana Kalaja, Aranita Brahaj, Besim Ndregjoni, Endri Shabani, Skënder Haluca dhe Tartar Bazaj.
Mes emrave të dërguar në Parlament për momentin më i kuotuar është Endri Shabani, për të cilin thuhet se ka mbështetjen e së majtës.
Tag: avokatin
-
PD tërhoqi firmat për kandidatët, mazhoranca rrëzon opozitën për Avokatin e Popullit
-
“Ne s’i njohim as lepurin e Surrelit, as ujkun e Cërrikut”, Manja: PD e ka kthyer Avokatin e Popullit në vend pune
Në seancën plenare të sotme në Kuvend, kreu i Komisionit të Ligjeve, Ulsi Manja, u përplas me deputetët e opozitës lidhur me procedurën e përzgjedhjes së Avokatit të Popullit, pas kërkesës së tyre për të tërhequr mbështetjen për të 26 kandidatët.
Manja tha se Komisioni i Ligjeve ka ndjekur me përpikëri bazën ligjore të përcaktuar nga Kushtetuta, ligji për Avokatin e Popullit dhe rregulloret përkatëse. Ai shtoi se kandidatët kanë pasur 20 ditë afat për mbledhjen e 28 firmave të deputetëve, ndërsa shumica e tyre i kanë dorëzuar brenda kohës së përcaktuar.
“Për politikë jemi këtu, por kjo s’do të thotë se arsyetimet politike mund të vihen mbi ato kushtetuese. Ndaj, z. kryetar i Kuvendit, jam këtu për të kërkuar deri në fund të përmbyllet faza e përzgjedhjes së Avokatit të Popullit sipas raportit, i cili në gjithë veprimtarinë e tij në këtë proces ka pasur këtë bazë ligjore: Kushtetutën e Shqipërisë, ligjin për Avokatin e Popullit, rregulloren e Kuvendit dhe rregulloret për administratën publike. Kjo është hierarkia e normave, që komisioni që unë drejtoj ka marrë përsipër, për t’ia sjellë kësaj seance kandidaturat për Avokatin e Popullit në Republikën e Shqipërisë.
Kemi shpallur afatin 20-ditor, kemi administruar 26 kandidatura, kemi vlerësuar nëse janë në rregull, kemi dëgjuar të 26 kandidatët, morëm kohën dhe në mbledhjen e datës 17 nëntor, Komisioni për Çështjet Ligjore ka miratuar kandidatët që vlerësoheshin se plotësonin kushtet. Deri në datën 2 dhjetor vendosëm, sepse deri në këtë moment nuk je kandidat po nuk erdhe në seancë, 26 kandidatët e listës të mbledhin 28 firmat. Ia kemi sjellë deputetëve. Është e vërtetë që në vendimin e komisionit shprehet se një deputet mbështet me firmë vetëm një kandidat. Por nuk më dëgjuat! Jua thashë. Ata që janë juristë e dinë se vendimet e komisionit janë akte proceduriale, por nuk janë akte normative. Nuk e kufizon vullnetin e një deputeti për të dhënë më shumë se një firmë. Nuk e respektuat! Dhatë 360 firma, nëse do kishit zbatuar atë që thashë unë dhe kolegët e mi, ju do kishit sjellë në Kuvend një kandidat e gjysmë, se aq firma keni ju. Pse dhatë 360 firma? Ju detyroi kush të firmosnit? Jo! Komisioni i Ligjeve nuk është prokurori, nuk bën hetime. I kanë depozituar firmat: Adriana Kalaja 44 firma, Aranita Brahaj 34 firma, Besim Ndregjoni 34 firma, Endrit Shabani 35 firma… Tërësisht brenda afatit të përcaktuar në vendimin e komisionit. Çfarë ndodhi? Disa kandidatë i sollën firmat jashtë afatit..”, tha Manja.
Ai akuzoi opozitën se përpiqet të ndryshojë rregullat pas mbylljes së afatit, duke deklaruar se tërheqja e firmave më 9 dhjetor “nuk ka asnjë efekt juridik”.
“Tërheqja e firmave pas afatit të 2 dhjetorit bie ndesh me parimin e sigurisë juridike. Nuk mund të firmosni në mëngjes dhe tërhiqeni në darkë, kjo krijon kaos,” deklaroi Manja, duke shtuar se komisioni nuk ka kompetencë hetimore dhe se çdo firmë e depozituar brenda afatit është e vlefshme.
Manja ironizoi Partinë Demokratike që e cilësoi Endri Shabanin si ‘lepuri i Surrelit’.
“Ne nuk njohim as lepurin e Surrelit, as ujkun e Cërrikut. Këto i dini ju. Ju e keni kthyer Avokatin e Popullit në vend pune” – tha Manja. -
“Po luani me firmat”/ Debati për Avokatin e Popullit, Paloka: Mbylleni këtë farsë të rradhës dhe…
Deputeti i PD-së, Edi Paloka nga Kuvendi deklaroi se maxhoranca po luan sa i takon firmave për Avokatin e Popullit.
Ai tha se nuk presin që Rama të zbatojë marrëveshje gentelman-ash.
“Prisni nga Rama që të bëjë marrëveshje ‘gentleman’-ash? Mos prisni. Këta nuk zbatojnë as rregullore dhe as ligje dhe as Kushtetutën! As nuk duhet ta zgjasim më këtë diskutim. Këtu është e qartë që nuk marrëveshje apo që të ketë Kuvend.
Këtu po luhet në këtë mënyrë, që po luani me firmat. A thatë që ia latë procesin opozitës? Pasi patë se u mblodhën firmat, thatë; ia kemi lënë opozitës! Mbylleni këtë farsë të radhës dhe të vazhdojmë!”, tha ai. -
Këlliçi zbulon dy kandidatët e PD për Avokatin e Popullit
Deputeti demokrat Belind Këlliçi ka treguar dy kandidatët e opozitës për Avokatin e Popullit.
I ftuar në studion e në A2 CNN, Këlliçi tha se këto janë dy emrat që PD mbështet për postin e Avokatit të Popullit, duke vënë në dukje se Endri Shabani nuk ka asnjë lidhje me PD-në. ‘Ne kemi kandidatët tanë Adriana Kalanë, një zonjë e nderuar një ndër zërat më kritikë në luftën kundër korrupsionit, ka paditur çdo anëtar të kabinetit protestuar para SPAK çdo javë. Kemi Besim Ndregjonin, i cili për hir të së vërtetës është i vetmi zyrtar i shtetit shqiptar që kur ka patur një funksion shtetëror ‘,është shprehur ai
“Janë emrat që u është dhënë mbështetje nga PD kemi depozituar një shkresë. Shabani nuk ka lidhje me PD nuk është propozim i PD por ajo ka qenë fazë e pëlqimit për të shprehur kandidaturën para komisionit të ligjeve për këtë pozicion por kur janë mbledhur kandidatura zyrtare ne nuk mund të konsiderojmë Shabanin kandidaturë tonën, se nuk ka lidhje me PD e opozitën e bashkuar. Ne kemi kandidatët tanë Adriana Kalanë, një zonjë e nderuar një ndër zërat më kritikë në luftën kundër korrupsionit, ka paditur çdo anëtar të kabinetit protestuar para SPAK çdo javë. Kemi Besim Ndregjonin, i cili për hir të së vërtetës është i vetmi zyrtar i shtetit shqiptar që kur ka patur një funksion shtetëror ka dhënë dorëheqjen për shkak të dhunimit të përndjekurve politikë. Përfaqëson shtresën e të përndjekurve dhe këto janë kandidatura të shkëlqyera”, deklaroi Këlliçi.
-
Gara për Avokatin e Popullit, Këlliçi zbulon dy kandidatët e opozitës: Shabani nuk ka lidhje me PD-në
Adriana Kalaja dhe Besim Ndregjoni janë dy kandidatët e opozitës për Avokatin e Popullit. Deputeti i Partisë Demokratike, Belind Këlliçi, i zbuloi në Off the Record me Andrea Dangllin në A2 CNN dy emrat që PD mbështet për postin e Avokatit të Popullit, duke theksuar se Endri Shabani nuk ka asnjë lidhje me PD-në dhe nuk mund të konsiderohet kandidaturë opozitare.
“Janë emrat që u është dhënë mbështetje nga PD kemi depozituar një shkresë. Shabani nuk ka lidhje me PD nuk është propozim i PD por ajo ka qenë fazë e pëlqimit për të shprehur kandidaturën para komisionit të ligjeve për këtë pozicion por kur janë mbledhur kandidatura zyrtare ne nuk mund të konsiderojmë Shabanin kandidaturë tonën, se nuk ka lidhje me PD e opozitën e bashkuar. Ne kemi kandidatët tanë Adriana Kalanë, një zonjë e nderuar një ndër zërat më kritikë në luftën kundër korrupsionit, ka paditur çdo anëtar të kabinetit protestuar para SPAK çdo javë. Kemi Besim Ndregjonin, i cili për hir të së vërtetës është i vetmi zyrtar i shtetit shqiptar që kur ka patur një funksion shtetëror ka dhënë dorëheqjen për shkak të dhunimit të përndjekurve politikë. Përfaqëson shtresën e të përndjekurve dhe këto janë kandidatura të shkëlqyera”, deklaroi Këlliçi në Off the Record me Andrea Dangllin në A2 CNN.
Ai nuk e fshehu pëlqimin për kandidaturën e Adriana Kalasë për Avokatin e Popullit, e cila sipas Këlliçit ka organizuar 44 protesta para Bashkisë së Tiranës.
“44 javë protesta para Bashkisë Tiranë, për shkak të betejës publike dhe ndihmës ndaj padive të PD. Unë do i qëndroj vendimit të grupit parlamentar”, tha Këlliçi në Off the Record me Andrea Dangllin në A2 CNN.
Këlliçi akuzoi mazhorancën për manipulim teknik të procesit për të çuar para procesin me një kandidat të preferuar të saj.
“Do shohim nesër si do vijojë seanca. Ne kemi vullnetin e plotë për të mbështetur kandidaturat tona por nga ajo procedurë që është manipuluar teknikisht dhe janë përdorur teknikalitet për të çuar para procesin me një delfin të mazhorancës që është Endri Shabani, i propozuar e mbështetur nga mazhoranca. Endri Shabani nuk ka lidhje me PD e opozitën e bashkuar”, theksoi ai. -
PD tërhoqi firmat për Avokatin e Popullit, Genc Gjokutaj: Duhet të shihen firmat për çdo kandidat, të ‘pastrojmë’ shtëpinë…
Avokati Genc Gjokataj ka reaguar pas vendimit të Partisë Demokratike për të tërhequr firmat për të gjithë kandidatët për Avokatin e Popullit.Gjokutaj thotë se kjo tërheqje e PD nuk erdhi vetëm si pasojë e manipulimeve të socialistëve, por edhe nga aktorë brenda PD në përzgjedhjen e kandidatëve.“Është domosdoshmëri jetike për PD që pastrimin e shtëpisë të pa inicuar deri tani ta fillojë me ketë rast”-thotë Gjokutaj.“Sot PD u tërhoq nga gara për Avokatin e Popullit pas makinacioneve të Mazhorancës në lidhje me këtë temë!Ky veprim e meriton të vlerësohet! Por kjo tërheqje e PD nuk erdhi vetëm si pasojë e manipulimeve tësocialistëve por edhe nga aktorë brenda PD në përzgjedhjen e kandidatëve. Është domosdoshmëri jetike për PD që pastrimin e shtëpisë të pa inicuar deri tani ta fillojë me ketë rast.Duhen bërë publike domosdoshmërisht firmat e deputetëve të PD për secilin kandidat të propozuar në emër të saj e më pas të kuptojmë se me kë kemi të bëjmë dhe pse demokratët vuajnë. PD e kishte kandidaten Adriana Kalaja dhe nuk kish nevojë për të tjerë. Sepse 6 kandidatë tregon se kemi të bëjmë me një pazar i tipit më i shkathti më i shpejti dhe punëmbaruar!Edi Rama nuk rrëzohet tek Pazari i Ri por në vijën e frontit nga demokratët që e duan PD dhe Demokracinë!”-shkruan Genc Gjokutaj.
-
“Vendimi për Avokatin është politik”, Kalaja shpërthen: PD po sillet si parti e paralizuar nga frika e Ballës
Adriana Kalaja, në një lidhje direkte për një emision televiziv, shprehu zhgënjimin e saj që Partia Demokratike nuk doli me një emër për Avokatin e Popullit.
“Jam e zhgënjyer që Partia Demokratike nuk doli me një emër për Avokatin e Popullit, patjetër që po. Zotit Berisha i kam thënë që erdhëm deri në momentin që PD-ja ka dhënë firmat për kandidaturat, duke mos ngatërruar votimin me mbështetjen për t’u futur në garë, për 8 emra. Unë jam vetofruar në garë. Nga të tetë personat të dilte një emër, sepse kaq firma ka PD-ja. Na pëlqen apo jo. Mbase nuk do ishte Adriana Kalaja fituese, do ishte dikush tjetër. Unë e respektoj procesin. Grupi parlamentar i PD-së ka kohë akoma, deri të enjten”, tha Kalaja.
“Duhet të fusë të gjithë firmat që ka dhënë për të tetë kandidatët, t’i fusi në garë, fituesin ta vendosë me vendim politik dhe t’ia çojë Taulant Ballës dhe Edi Ramës. Nuk duhet të pyesë Partia Demokratike, ky është një kompleks absolutisht i papranueshëm. Madje, për mua është i panevojshëm që të thuash “nuk po çojmë ne këtë se na rrëzon Taulant Balla”. Atëherë, le të ikë PD-ja nga Parlamenti sepse Balla po i rrëzon çdo gjë. Partia Demokratike të çonte kandidatin e vet. Ka kohë deri të enjten, ta bëjnë me votim. Votimi të jetë i ndershëm, i fshehtë. Nëse unë nuk mbështetem nga PD-ja, nuk mund të kërkoj votat e Partisë Socialiste”, shtoi Kalaja.
Sipas saj, “ky është vendim politik për t’i treguar opinionit që Avokatin e Popullit nuk e kthen në garë”.
“Nuk më duket korrekte tërheqja nga gara”, tha më tej Kalaja. -
“Turp për PD dhe PS”, Ndregjoni shpërthen: Po bëni lojë për t’i dhënë Avokatin e Popullit Endri Shabanit
Besim Ndregjoni, kryetar i Unionit Presidencial Mbarëkombëtar i ish të përsekutuarve të Shqipërisë, ka folur për zgjedhjen e Avokatit të Popullit.
Ndregjoni akuzoi dy forcat e mëdha politike, PD dhe PS se po bëjnë një lojë të turpshme, ndërsa i bëri thirrje kreut të PD, Sali Berisha që të vendosë nëse është ose jo me antikomunistët.
Sipas Ndregjonit PD dhe PS po bëjnë një lojë të fshehtë, për të vendosur Endri Shabanin në krye të institucionit të Avokatit të Popullit.
Ndregjoni i bëri deklaratat nga Malësia e Madhe gjatë një aktiviteti me ish të përndjekurit politikë, pak orë përpara se komisioni I ligjeve të miratonte listën e kandidatëve që do ti dërgohen seancës plenare për votim.
‘I drejtohem PD dhe PS t ju vijë turp që pas 30 vitesh kandidon një anti komunist për avokat populli dhe ju bëni lojën e kim filmit të viteve 50′ kur dënoheshin shqiptarët anti komunist. Sot dy partitë kryesore kanë urrejtje ndaj anti komunistëve dhe bëjnë lojëra të ndyra dhe që avokatin e popullit mos t ia japin shtresës anti komuniste.
Nuk kemi nevojë për poste, për tituj. I bëj thirrje doktor Berishës, sot është dita për të treguar veten, je me anti komunizmin apo je me komunizmin dhe bën propogandë anti komuniste?
Deputetët e PD kanë dhënë firmat për Endri Shabanin pa pikë përgjegjësie. Në korrik 2025, parlamenti më ka hequr të drejtën për tu votuar si kandidat për avokat populli. I plotësoj të gjitha kriteret dhe nuk shkeli asnjë ligj.
Në 2011 kur u zgjodh kandidati i PS Igli Totozani, PD nuk ka shfaqur asnjë rezervë dhe ka thënë do ta votojmë. Tani PS që është në pushtet kërkon të bëjë marrëveshje, do zgjedhim avokatin që duam ne dhe jo atë që propozoni ju. Ky është skandal. Avokati duhet ti shërbejë ligjeve për të drejtat e njeriut. Shqipëria nuk ka dënuar krimet e regjimit komunist’, tha ai.
-
‘PS po zgjedh Avokatin e Pushtetit, jo të Popullit’, Topalli: Proces i paligjshëm, dhunim i institucionit
Deputetja e Partisë Demokratike të Shqipërisë, Jozefina Topalli, reagoi ashpër ndaj vijimit të procesit për Avokatin e Popullit, pavarësisht tërheqjes firmëtarëve të deputetëve të PD, duke e cilësuar këtë sjellje si një tjetër akt arbitrar i pushtetit që përdor ligjin vetëm sa herë i shërben vetë atij.
Sipas saj, procedura është shkelur me vetëdije, ndërsa institucioni i Avokatit të Popullit po kthehet në një instrument partie dhe jo në një mbrojtës të qytetarëve.
“Në një moment kur Parlamenti duhej të provonte se procedurat dhe ligji kanë vlerë më të madhe se interesi i radhës i pushtetit, mazhoranca socialiste zgjodhi të bëjë të kundërtën”, shprehet ajo mes t1% tjerash në një postim në rrjetin social.
Madje ish-kryeparlamentarja bën edhe ironi me mazhorancën, duke theksuar se “PS po emëron Avokatin e Pushtetit dhe jo të Popullit”.
“Sot PS nuk po voton një Avokat të Popullit. Po voton një avokat të pushtetit. Dhe ky është një mesazh i rrezikshëm: se ligji vlen vetëm kur firmat janë në favor të qeverisë, kur jo, shpërfillen. Ky është standardi i një pushteti që ka frikë nga çdo institucion i pavarur”, shprehet Topalli mes të tjerash.
Ajo e cilëson një akt të rrezikshëm politik dhe një frikë të pushtetit ndaj institucioneve të pavarura.
Reagimi i deputetes së PD, Jozefina Topalli:
“Sot nuk po diskutojmë më për Avokatin e Popullit, por për mënyrën se si pushteti e kupton ligjin: si formalitet që zgjat deri sa t’i shërbejë, e hidhet tej sapo nuk i duhet më.
Disa deputetë kanë tërhequr firmat. Kjo, në çdo parlament normal, do të thoshte ndalim i menjëhershëm i procesit dhe rihapje e procedurës. Por jo këtu. Këtu mazhoranca vendos të ecë përpara sikur asgjë të mos ketë ndodhur, sepse kandidati është “i tyre” dhe ligji duhet t’i bindet vullnetit të PS-së, jo anasjelltas.
Ky nuk është vetëm një absurditet procedurial; është dhunim i vetë funksionit të Avokatit të Popullit. Si mund të mbrojë qytetarët një institucion që lind nga një proces i paligjshëm dhe i imponuar? Si mund të quhet i pavarur një kandidat që votohet me forcë, edhe kur bien firmat që e kanë sjellë këtu?
Sot PS nuk po voton një Avokat të Popullit. Po voton një avokat të pushtetit. Dhe ky është një mesazh i rrezikshëm: se ligji vlen vetëm kur firmat janë në favor të qeverisë — kur jo, shpërfillen. Ky është standardi i një pushteti që ka frikë nga çdo institucion i pavarur. -
Gara për Avokatin e Popullit, PS merr vendimin, Gogu: Nuk kemi asnjë emër, mbështesim kandidaturat e opozitës
Partia Socialiste do të votojë një nga kandidaturat e opozitës për zgjedhjen e Avokatit të Popullit.
Kështu tha për gazetarët, deputeti i PS, Toni Gogu, pas mbeldhjes së grupit parlamentar socialist.
Për këtë post kandidatë janë: Aranita Brahaj, Jola Hysaj, Besim Ndregjoni, Adriana Kalaja, Tartar Bazaj, Skënder Haluca dhe Endrit Shabani.