Investigimi/ 88 milionë euro për rrugën që u shemb! Si Balluku dhe Berberi ‘mbyllën sytë’ para fakteve të projektit
Kaq sa treguam më sipër, është ajo që SPAK ka hetuar deri më tani. Për këtë pjesë të dosjes, Prokuroria e Posaçme shprehet se hetimet vijojnë. Por Plug, do të zbardh në vijim, duke publikuar të gjitha provat, që tregojnë se Erion Isai dhe Entela Çano, falsifikuan projektin e rrugës Korçë-Ersekë, duke i rritur kostot deri në 88 milionë euro. Jo vetëm kaq, por edhe pse ishin në dijeni Autoriteti Rrugor Shqiptar dhe Ministria e Infrastrukturës e drejtuar nga Belinda Balluku, lejuan që rruga të ndërtohej mbi një projek të falsifikuar, që rriti me dyfish kostot dhe mbi të gjitha, nuk u ndërtua me standarde që garantojnë sigurinë e drejtuesve të mjeteve.
Këto janë pamjet që tregojnë shembjen e rrugës Korçë-Ersekë në Lotin 2, pikërisht në segmentin 4.15 km, projekt që u hartua nga Entela Çano dhe Erion Isai. Emisioni ‘Plug’ transmetoi në sezonet e kaluara, një emision ku tregonte se çfarë ndodhi me shembjen e rrugës, kush ishte kompania zbatuese e projektit ANK Konstruksion dhe fijet e kësaj kompanie me lidhjet shtetërore.
Tashmë që SPAK ka nisur të hetojë shembjen e rrugës Korçë-Ersekë, Plug do të zbardh edhe shkaqet që çuan në një nga skandalet më të mëdha të infrastrukturës shqiptare, paralajmëruar që në gjenezën e saj. Më sipër, treguam se ishte pikërisht kompania e Entela Çanos, A&E Enginiering, që hartoi dhe dhuroi projektin e rrugës për bashkinë Kolonjë.
Ky që shihni në ekran, është projekti i zbatimit i rrugës Korçë-Ersekë, i bërë nga Entela Çano. Siç shihet, projekt-zbatimi, përbëhet nga vetë këto dy foto, që me sa duket janë bërë nga google maps, dhe më pas, nëpërmjet programeve kompjuterike, fotove u është shtuar dhe vija e kuqe që supozon gjurmën e rrugës.
Në raportin teknik të rrugës, që mban firmën dhe vulën e kompanisë A&E Engineering, pretendohet që Projekti i Zbatimit “Rruga Korce – Erseke “(Loti 2) është rezultat i bashkëpunimit me përgjegjësit lokale dhe komunitetin e zonës ku u finalizuan kontrollet dhe verifikimit e domosdoshme; si dhe përvetësimi i të dhënave gjeologjike dhe gjeoteknike, topografike, të dhëna të trafikut, etj. Por në kallëzimin penal, që inxhinieri Romeo Nazarko ka bërë në SPAK, pretendohet se në terren nuk kanë zbritur inxhinierët e Entela Çanos, por inxhinierët e kompanisë ANK, e cila duket se kishte marrë garanci se do të ishte fituese e tenderit 28 milionë euro për ndërtimin e kësaj rruge.
“Mashtrim në lidhje me faktin se projekti është rezultat i komunitetit të zonës. Ky fakt nuk është i vërtetë, pasi nuk është bërë asnjë konsultim me banorët e fshatrave ku ndodhet ky projekt me gjatësi 4.15 km. Përkundrazi, kur u informova se inxhinierët gjeodezë kishin shkuar në terren për të vëzhguar segmentin e ri rrugor, u përpoqa të kontaktoja administratorin e studios së projektimit, por përgjigja që mora ishte se ende nuk kishte një version të seksionit të ri” thuhet në kallëzimin e Nazarkos.
Plug nuk mund të verifikojë dot, nëse në terren kanë bërë studim inxhinierët e Entela Çanos apo Agim Kolës, ndërsa sa u përket dëgjesave publike, banorët tregojnë se një gjë e tillë nuk ka ndodhur.
Madje, ashtu siç ishte parashikuar nga kallëzimi i inxhinierit Romeo Nazarko, rruga sot nuk u shërben shumë fshatrave, pasi është ndërtuar larg prej tyre dhe nuk ka hyrje dalje aksesi. Banorët tregojnë se ndërtimi i rrugës mbi projektin e kërkuar nga Erion Isai dhe bërë për dy muaj nga Entela Çano, ndërsa sot fshatrat po shpopullohen.
Jo vetëm kaq, por ndërtimi i kësaj rruge, e ka bërë shtetin të jetë borxh ndaj banorëve të disa fshatrave, të cilët nuk janë dëmshpërblyer kurrë për pronat që u mori ndërtimi i këtij aksi.
Jo vetëm kaq, por Plug, nisur nga fakti se projekti i zbatimit për këtë rrugë u hartua në kohë rekord, ka verifikuar procedurat standarde që ndjek Autoriteti Rrugor Shqiptar për të hartuar projekte për ndërtimin e rrugëve të reja.
Nga një verifikim i dhjetëra tenderave, që ARRSH ka shpallur për hartimin e projektzbatimit të rrugëve të reja, rezulton se një kompanie i duhen minimalisht 22 muaj për të hartuar një projekt, ndërsa kostoja për hartimin e një projekti të ngjashëm, shkon nga 800 mijë deri në 1 apo dy milionë euro, në varësi të specifikave të rrugës.
Një tender të tillë e ka fituar kompania e Entela Çanos, A&E Engineering. Bëhet fjalë për tenderin që shihni në ekran, “Studim projektim By Pass Elbasan” i mbajtur në muajin nëntor të vitit 2022. Siç shihet, Entela Çanos i është dhënë gati dy vjet kohë të hartojë projektin për ndërtimin e By Pasit të Elbasanit, i cili ende nuk është tenderuar. Vetëm nga ky tender kuptojmë, që Entela Çano nuk shkoi kurrë në Ersekë për të studiuar terrenin ku më pas do të kalonte rruga. Nga ky tender i ARRSH kemi dhe një tjetër të dhënë interesante, koston e hartimit të një projekti.
Siç shihet, për projektimin e bypasit të Elbasanit, Entela Çano ka marrë plotë 1 milionë euro nga buxheti i shtetit. Ndërsa projektin e rrugës Korçë- Ersekë, Entela Çano ia bëri dhurat Erion Isait?!. Ky fakt shërben për të kuptuar se Entela Çano nuk i dhuroi Erion Isait qindra mijëra euro apo ndoshta dhe miliona euro projekt, pasi ky nder, u shpërblye me tendera korruptivë dhe fiktiv që Erion Isai do ti jepte kompanisë A&E Engineering, duke shkelur çdo ligj të prokurimit dhe financave publike, të cilat Plug i denoncoi në emisionin e kaluar.
Një tjetër skandal në këtë projekt, është rritja fiktive e kostove. Në projektin fillestar, i cili mbahet nga ARRSH dhe nuk bëhet publik, rruga ishte parashikuar të ndërtohej me një kosto prej 1 milionë euro për një 1 km.
Loti i parë me gjatësi prej 17 kilometrash, i inaguruar nga Damian Gjiknuri në vitin 2018, kushtoi rret 15 milionë euro.
Ndërkohë, loti i dytë me gjatësi 4.15 km kushtoi plotë 26 milionë euro, dhe loti i dytë pjesa e dytë kushtoi 25 milionë euro. Pas shembjes së rrugës në pjesën e parë të lotit të dytë, ARRSH shtoi edhe rreth 5 milionë euro shtesë me justifikimin e rishikimit të projektit, por që kurrë nuk u bën transparente. Në total, sipas ARRSH, rruga Korçë-Ersekë ka kushtuar 8.2 miliardë lekë apo më shumë se 82 milionë euro, sipas projektit të Entela Çanos.
Për rritjen e kostove të rrugës në dy lotet e tjera, pati edhe një hetim nga Agjencia e Prokurimit Publik.
Plug disponon të plotë vendimin e hetimit të APP, ku konstaton se ky institucion, që në vitin 2021 kishte gjetur rritje të kostove të rrugës, por nuk mori asnjë masë, pasi gjatë hetimit, sipas Agjencisë së Prokurimit Publik, ARRSH kishte argumentuar rritjen e kostove me disa vkm të miratuara nga qeveria Rama për çmimet e materialeve të ndërtimit. Por teksa APP nuk mori asnjë masë për rritjen fiktive të kostove, ky institucion dyshohet se ka kryer një tjetër vepër penale, duke lejuar zbatimin e projektit me një tender abuziv.
Nga dokumenti që disponon emisioni PLUG, rezulton se APP ka konstatuar se procedurat dhe kriteret e tenderit të rrugës Korçë-Ersekë, u hartuan në mënyrë të tillë që të favorizonin kompaninë fituese ANK, ndërsa po kjo kompani e fitoi tenderin duke mos plotësuar një seri kriteresh të përcaktuara nga ARRSH për këtë procedurë prokurimi me vlerë 30 milionë euro.
AGJENCIA E PROKURIMIT PUBLIK: Nga verifikimi i zbatimit të procedurës së prokurimit objekt hetimi administrativ, si dhe nga shqyrtimi i kundërshtimeve të dërguara nga AK, APP risjell në vëmendje të AK respektimin drejtë të dispozitave të parashikuara në LPP dhe VKM. Gjatë këtij hetimi rezultoi se janë hartuar kritere kualifikimi që vijnë në kundërshtim me nenis 46 të LPP. Konkretisht, AK ka hartuar kritere të veçanta kualifikimi të lidhura me kategori licencast profesionale, numrin e stafit teknik, llojin dhe numrin e mjeteve, raport testimet mbi kampionet e ndërtimit, të cilat nuk vijnë në linjë me rregullat e prokurimit publik dhe legjislacionin e fushës.
Në çdo rast, hartimi i tyre duhet të argumentohet teknikisht dhe ligjërisht, konform parashikimeve ligjore në fuqi. Për më tepër, në lidhje me licencën profesionale të shoqërisë. stafin teknik, punonjësit e kërkuar dhe mjeteve, gjatë fazës së pritjes së ofertave, APP ka sjellë në vëmendjen e AK nevojën për argumentim, në përputhje me volumet e punimeve objek kontrate. Kërkesa e kritereve të pranimit të paargumentuara konform nenit 46 të LPP, mund të pengojë pjesëmarrjen e ofertuesve të mundshëm, të cilët plotësojnë kapacitetet e domosdoshme për realizimin e objektit të kontratës.Këtë skandal, që Agjencia e Prokurimit Publik e konstatoi vet, e mbuloi vetëm duke gjobitur deri në 2 milionë lekë, gjashtë anëtarë të njësisë së prokurimit për mospërmbushje të parashikimeve ligjore në ligjin e prokurimit publik.
Emisioni Plug ka siguruar një raport të Kontrollit të Lartë të Shtetit, për një auditim të kryer në Ministrinë e Financave dhe Ekonomisë, ku zbardhet një e dhënë shumë e rëndësishme. Sipas dokumentit që shihni në ekran, vet qeveria kishte parashikuar një fond prej 1.2 miliardë lekësh, apo rreth 14 milionë eurosh, me kursin e kohës, për ndërtimin e Lotit 2, pjesa e parë, të rrugës Korçë-Ersekë.
Siç shihet nga ky dokument, qeveria do të paguante në tre vjet shumën e 1.2 miliardë lekëve për ndërtimin e kësaj rruge. Por, ARRSH në varësi të Belinda Ballukut lidhi një kontratë me kompaninë ANK, për vlerën e 2.8 miliardë lekëve apo rreth 30 milionë eurove për ndërtimin e vetëm 4..15 km rrugë. Dhe sipas KLSH, kjo ishte në shkelje, pasi u angazhuan fonde, përtej parashikimeve buxhetore.
KLSH: “Ndërtim rruga Korçë Ersekë Loti 2 (pjesa e parë), është parashikuar në PBA 2020-2022 me plan buxheti në total për tre vite në shumën 1.2 miliard lekë. Detajimi i këtij investimi është kryer me Aktin Normativ nr.28/2020 në shumën 576 milion lekë në muajin Korrik dhe është rishikuar në rritje në Dhjetor 2020 duke paraqitur një plan përfundimtar në shumën 606,828 mijë lekë.
Nga auditimi konstatohet se për këtë projekt është lidhur kontrata në shumën 2,822,415 mijë lekë me TVSH me afat 24 muaj, duke angazhuar fonde përtej atyre të planifikuara në PBA 2020-2022 (në vlerën 1.2 miliard lekë) me datë kontrate 08.10.2020, regjistruar në SIFQ në datë 12.10.2020.
Ndërmarrja e angazhimit është përtej fondeve në dispozicion për diferencën në shumën 1,622,415 mijë lekë dhe miratimi i këtij investimi duke çelur vlerën e vetëm 20% të kostos së projektit kanë mundësuar detyrimet e prapambetura duke qenë se periudha e kohëzgjatjes së punimeve nuk përputhet me periudhës e buxhetuar për shlyerjen e këtij investimiPra, kostoja e ndërtimit të këtij segmenti prej 4.15 km, u rrit jashtë planeve buxhetore me gati 17 milionë euro nga sa vetë qeveria kishte parashikuar, pa llogaritur këtu edhe shembjen e rrugës. Deri këtu është e qartë, se Agjencia e Prokurimit Publik anashkaloi rritjen e kostove të ndërtimit të rrugës, duke i besuar verbërisht Autoritetit Rrugor Shqiptar, ndërsa ky i fundit, kishte miratuar 30 milionë euro për një projekt të falsifikuar.
Vetë ARRSH, nuk dha asnjë shpjegim teknik, pse u miratua projekti i Entela Çanos dhe nuk u vijua me projektin vitit 2010, që parashikonte rrugë në një segment që nuk rrezikonte të shembej, dhe mbi të gjitha ndërtimi ishte me kosto disa dhjetëra milionë euro më lirë sesa projekti që paraqiti Entela Çano dhe Erion Isai në ARRSH. Ky i institucion, që në atë kohë drejtohej nga Ergys Verdho, ka kryer edhe një tjetër vepër penale. ARRSH dhe kreu i saj Ergys Verdho, jo vetëm miratuan një projekt të falsifikuar, por njëkohësisht, ia besuan mbikqyrjen e punimeve të këtij projekti, hartueses në letra të tij, Entela Çano.
Më 26 tetor 2020, ARRSH hapi tenderin me objekt prokurimi: “Supervizion Punimesh Ndërtim rruga Korçë- Ersekë, Loti 2 (pjesa e pare)”. Vlera e fondit limit të këtij tenderi ishte 190 mijë euro, ndërsa në garë morën pjesë 5 kompani, nga të cilat në fazën e dytë kaluan vetëm tre: 1. “GJEOKONSULT &CO” 2. “A & E ENGINEERING” dhe 3.“MCE” & “Studio Servis K-SA” & “INDAY-18”. Në përfundim, fituese u shpall pikërisht kompania e A&E Engineering, e Entela Çanos, ndërsa si dhuratë për vitin e ri 2020, në datën 31 dhjetor të atij viti, Ergys Verdho dhe Entela Çano, lidhën kontratën me vlerë totale 224 mijë euro për mbikqyrjen e punimeve të këtij projekti.
Pra, jo vetëm që projekti nga Entela Çano nuk iu bë dhuratë bashkisë Kolonjë, por ARRSH, vendosi që punimet e këtij projekti të falsifikuar dhe korruptiv, t`ia besonte ish zyrtares së lartë të Fondit Shqiptarë të Zhvillimit, duke skualifikuara nga gara madje edhe kompani që ofruan çmime shumë më të ulëta për mbikqyrjen e punimeve të kësaj rruge.
PlugSyri tv
Tag: arrsh
-
Investigimi/ 88 milionë euro për rrugën që u shemb! Si Balluku dhe Berberi ‘mbyllën sytë’ para fakteve të projektit
-
Nga përurimi te rrëshqitja e masivit, shembja që zbuloi problemet e rrugës Qukës- Qafë Plloçë
Nga Esmeralda Topi, Faktoje
Mëngjesin e 23 nëntorit, disa familjarë nga Tirana nisën një udhëtim drejt Maliqit për të marrë pjesë në një përkujtimore. Ata vendosën të kalonin nga rruga e re Qukës – Qafë Plloçë, pak javë pas ceremonisë inauguruese, ku daullet, veshjet popullore dhe buka me qiqra tipike e juglindjes ishin pjesë e festës.
Por të gjitha makinat e nisura herët u detyruan të devijonin rrugën, pasi Qafë- Plloça ishte bllokuar nga një masiv i madh shkëmbor.
“Ishim të pavendosur se nga do të kalonim për shkak të motit të keq, por në fund zgjodhëm rrugën e re,” tregon Geri, një nga udhëtarët, duke shtuar se përvojën e morën si mësim. “Nuk bëhet në mot të keq, e aq më pak në dimër”, përfundon ai.
Problemet nisën që herët
Problemet e para me rrugën që u hap për qarkullim në shtator nisën që në javët e para. Por pamjet e çarjes të skarpatës dhe rënies masive të gurëve në nëntor treguan degradimin e shpejtë të veprës më të shtrenjtë dhe më të stërzgjatur të infrastrukturës në Shqipëri.
Rruga Qukës-Qafë Plloçë, 23 nëntor 2025
Shembjen e rrugës Autoriteti Rrugor Shqiptar (ARRSH) ia la motit të keq, duke lënë në hije përgjegjësinë e kontraktorit.
“Reshjet e dendura të shiut… kanë shkaktuar çarjen e skarpatës dhe rënien e gurëve në trup të rrugës në km 35,” tha ARRSH në një njoftim në rrjetin social facebook më 23 nëntor.
Për të lehtësuar qarkullimin e mjeteve, Autoriteti Rrugor ndërtoi një kalim të përkohshëm në kilometrin 37, pjesa e fundit e rrugës Qukës – Qafë Plloçë.
Seksioni ku ka ndodhur shembja është më i shtrenjti për kilometër. Një segment prej 9.2 kilometrash që ka kushtuar 70 milionë dollarë. E thënë ndryshe 7.6 milionë dollarë për kilometër.
Ndërsa e gjithë rruga Qukës – Qafë Plloçë (43,4 km) ka kushtuar 242.6 milionë dollarë.
Verifikim
Një javë pas ndërtimit të bypassit si zgjidhje emergjente nga ARRSH, Faktoje udhëtoi drejt juglindjes dhe vizitoi zonën. Pamjet nga segmenti i tretë, ku kishte ndodhur shembja masive, ishin të njëjta me ato të ditës së parë.
Masivi shkëmbor vijonte mbi asfalt, barrierat të shtrembëruara dhe skarpatat mbrojtëse nuk ishin përfunduar. Mjetet devijonin nga kalimi paralel i përkohshëm.
Edhe më 6 dhjetor, panorama ishte e njëjtë.
Për t’i dhënë zgjidhje afatgjatë zonës ku ka ndodhur rrëshqitja, Autoriteti Rrugor Shqiptar thotë se do të bëj monitorim dhe studim.
“Për këtë rrëshkitje do të bëhet monitorim dhe studim gjeologo-inxhinierik për të arritur zgjidhjen më të mirë teknike dhe sigurinë në rrugë”- ARRSH për Faktoje.al.
Por problemet nuk janë të izoluara vetëm në këtë segment. Edhe në pjesë të tjera të rrugës ka problematika me elementët kyë të sigurisë rrugore, skarpatat mbrojtëse mungojnë duke vënë në rrezik kalimtarët.
Rruga u përurua pa përfunduar
“Ndodhemi në segmentin Qukës- Qafë Plloçë, tashmë totalisht i përfunduar…”, deklaronte zëvendëskryeministrja Belinda Balluku gjatë përurimit.
Por dy muaj më vonë, masivi shkëmbor bllokoi rrugën, duke vënë në provë sigurinë dhe menaxhimin e këtij projekti që kërkoi gati dy dekada pune dhe qindra milionë dollarë. Dhe ndonëse u festua me daulle dhe valle popullore, rruga u inaugurua e papërfunduar plotësisht.
Segmenti i tretë i rrugës, ai nga km 33 deri në 43, nuk ishte ende dorëzuar kur qeveria e hapi për qarkullim aksin Qukës -Qafë Plloçë.
Faktoje kishte kërkuar informacion nga ARRSH dhe përgjigja erdhi më 28 nëntor, një ditë para shembjes. Sipas Autoritetit Rrugor punimet në rrugë kishin përfunduar, por punohej ende për përforcimin e skarpatave me ankora dhe rrjeta mbrojtëse.
Përgjigje kjo që faktonte një problem të njohur në Shqipëri, rrugët shpesh inaugurohen pa u përfunduar plotësisht. Si afat, ARRSH dha fundin e muajit nëntor.
“Kontraktori është në periudhën e defekteve, ka pastruar dherat e rëna në rrugë dhe po punon për stabilizimin e skarpatave”- ARRSH, 28 nëntor 2025.
Por masivi shkëmbor nuk priti dorëzimin. Ai rrëshqiti, duke bllokuar rrugën dhe duke treguar se inaugurimet ceremoniale nuk garantojnë siguri. Autoriteti u detyrua të shtynte afatin e dorëzimit të seksionit në fundvit dhe të ndërtonte një bypass të përkohshëm që devijon trafikun.
Përfundim
Aksi Qukës – Qafë Plloçë i gjatë 43,4 km nisi të ndërtohej 16 vite më parë. Ndonëse u inagurua me daulle dhe bukë me qiqra, të dhënat zyrtare faktojnë se rruga nuk ishte përfunduar.
Shembja masive në pjesën e fundit të rrugës nxorri në pah mungesën e sigurisë, edhe pse fatura e projektit infrastrukturor ka qenë e majme dhe punimet kanë zgjatur për vite me radhë.
Nisur nga informacionet e mbledhura dhe verifikimi i kryer, deklaratën e zëvendëskryeministres së pezulluar nga detyra, Belinda Balluku se ‘segmenti Qukës- Qafë Plloçë është i përfunduar…’ e kategorizojmë të pavërtetë. /Faktoje/
-
Nuk ndalet Rama/ mesazhe Gjykates Kushtetuese ne mbrojtje te Ballukut dhe kreut te ARRSH dhe OSHE
Nuk ndalet Rama/ mesazhe Gjykates Kushtetuese ne mbrojtje te Ballukut dhe kreut te ARRSH dhe OSHE
Edi Rama ka reaguar sërish në mbrojtje të ushtares së tij këtë të diel, në podcastin e përjavshëm “Flasim”, lidhur me çështjen e pezullimit të zv/Kryeministres dhe njëkohësisht Ministres së Energjisë dhe Infrastrukturës, Belinda Balluku.
Rama e ka quajtur një precedent kërcënues, sipas tij, ndërhyrjen siç ai ka konstatuar të gjykatës dhe prokurorisë në pushtetin ekzekutiv.
Përsa i përket masës arrest shtëpie ndaj drejtorit të ARRSH dhe drejtorit të KESH-it, Rama lë të kuptojë qartazi se nuk i intereson aspak çfarë ndodh me to, pasi sipas tij “kjo po është punë e prokurorit dhe gjykatësit”.
Ai shprehet se arrestet pa gjyq janë bërë “bukë e djathë” në Shqipëri.
Ajo që e shqetëson Ramën është fakti se Balluku nuk mund ti zëvendësojë ata përsa kohë vijon të jetë e pezulluar nga detyra.
Duket se lideri paska harruar që drejtori i ARRSH dhe drejtori i KESH-it, kanë vepruar në kundërshtim me ligjin duke zbatuar urdhrat e Ballukut. Apo ato nuk përbëjnë kërcënim për liderin dhe ndaj nuk i merr në mbrojtje si Ballukun…?!
“Edhe njëherë dua të ritheksoj qëndrimin tim lidhur me domosdoshmërinë e moscenimit të parimit themelor të ruajtjes së balancës mes pushteteve kushtetuese në Republikën e Shqipërisë.
Edhe njëherë, dua ta theksoj, se ankimimi që kam bërë në Gjykatën Kushtetuese nuk është një betejë politike, nuk është as një kundërvenie ndaj drejtësisë, nuk është as një presion mbi këdo qoftë, përfshirë edhe këto shpjegime, të cilat janë të domosdoshme për ata që më kanë besuar privilegjin e udhëheqjes së këtij vendi, por është një betejë institucionale, një betejë themelore për mbrojtjen e kufijve mes pushteteve dhe për moslejimin e marrjes së kompetencave ekskluzive të kryeministrit, qeverisë dhe parlamentit nga një prokuror e një gjykate, një precedent kërcënues për demokracinë, në kuptimin më të drejtpërdrejtë të fjalës dhe krejt i panjohur në Europë dhe në krejt botën demokratike.
Ky veprim, që “de jure” quhet pezullim, por “de facto” është nënshtrim brutal i ekzekutivit, sjell përditë pasoja pas pasojash. Arsyeja, pse unë i ndaj disa shembuj me publikun, është për t’u kuptuar deri në fund se çfarë ka ndodhur, çfarë po kalojmë dhe çfarë po përpiqemi dhe po përpiqem të bëj, përmes adresimit të kësaj problematike befasuese dhe të befasishme në Gjykatën Kushtetuese, dhe të ndaj, jo vetëm pasojat, por edhe dëmet që mund të bëhen të pallogaritshme.
Ja për shembull, janë vendosur në arrest shtëpie drejtori i ARRSH dhe drejtori i KESH-it. Nuk ka asnjë rëndësi se si i mendoj unë arsyet e këtyre ndalimeve, se kjo po, kjo është punë e prokurorit dhe gjykatësit – për sa kohë, siç kanë konstatuar me shqetësim më shumë sesa një herë autoritetet e Këshillit të Europës, paraburgimet e arrestet e shtëpisë, pa gjyq, janë bërë “bukë e djathë” në Shqipëri.
Por fakti është se ata nuk hetohen në gjendje të lirë, dhe kështu cila është pasoja? Pasoja është se lihen pa kokë edhe dy institucione të tjera kyçe për vendin, të cilat mbulojnë infrastrukturën kombëtare të rrugëve dhe infrastrukturën kombëtare të energjisë.
Mirëpo, pse kjo pasojë tani është e lidhur drejtpërdrejtë me pezullimin dhe pse kjo pasojë tani bëhet e pariparueshme, për sa kohë pezullimi, jo vetëm antidemokratik, por edhe alogjik i një anëtari të kabinetit, e bën të pamundur zëvendësimin e tyre, pasi ligji nuk ia jep askujt tjetër, përveç autoritetit ekskluziv të ministrit edhe të drejtën e këtyre emërtesave. Kaq e thjeshtë është pse ministri nuk mund të pezullohet si të ishte një funksionar publik i çfarëdolloj niveli tjetër
Ka një devizë, ne e kemi ndjekur si postulat: Mos ndërhy në punët e drejtësisë. Por, nga ana tjetër, kjo ndërhyrje brutale në trupin e qeverisë është një këmbanë alarmi, që duhet dëgjuar deri në fund, për të mos u përsëritur më kurrë. Dhe kështu, duke ndihmuar njëri-tjetrin dhe duke rivendosur në pozicionet kushtetuese njëri-tjetrin, ndihmojmë Shqipërinë, ndihmojmë konsolidimin dhe modernizimin e shtetit shqiptar“, tha Rama. -
“Drejtorët e ARRSH dhe KESH nën arrest shtëpie”, Rama: Nuk emërojmë dot të tjerë se Balluku është e pezulluar
Në nisje të episodit të 9-të të podkastit “Flasim”, i cili ndodhet në sezonin e 5-të të tij, kryeministri Edi Rama foli sërish për pezullimin nga detyra me vendim të GJKKO-së, të zëvendëskryeministres dhe ministres së Energjisë dhe Infrastrukturës, Belinda Balluku.
Kreu i qeverisë tha se arsyeja pse ka ankimuar në Gjykatën Kushteteuse masën e sigurisë të vendosur ndaj Ballukut, është sepse sipas tij ky veprim, që “de jure” quhet pezullim, “de facto” është nënshtrim brutal i ekzekutivit.
Si argument të ri të pasojave që sjell pezullimi i Ballukut në qeverisjen e vendit, kryeministri Rama solli edhe bllokimin e punës së Autoritetit Rrugor Shqiptar dhe Korporatës Elektroenergjike Shqiptare, pasi 2 drejtorët përkatës të këtyre 2 institucioneve ndodhen në arrest shtëpie me kërkesë të SPAK dhe vendim të GJKKO-së. Numri një i ekzekutivit thotë se i vetmi ministër në kabinetin qeveritar që mund të emërojë drejtuesit e ri të ARRSH dhe KESH është ministrja e Energjisë dhe Infrasktuturës, por që momentalisht është në pamundësi për të ushtrimit të detyrës.
Kryeministri Edi Rama në podkastin “Flasim”:
Edhe njëherë dua të ritheksoj qëndrimin tim lidhur me domosdoshmërinë e moscenimit të parimit themelor të ruajtjes së balancës mes pushteteve kushtetuese në Republikën e Shqipërisë.
Edhe njëherë, dua ta theksoj, se ankimimi që kam bërë në Gjykatën Kushtetuese nuk është një betejë politike, nuk është as një kundërvenie ndaj drejtësisë, nuk është as një presion mbi këdo qoftë, përfshirë edhe këto shpjegime, të cilat janë të domosdoshme për ata që më kanë besuar privilegjin e udhëheqjes së këtij vendi, por është një betejë institucionale, një betejë themelore për mbrojtjen e kufijve mes pushteteve dhe për moslejimin e marrjes së kompetencave ekskluzive të kryeministrit, qeverisë dhe parlamentit nga një prokuror e një gjykates, një precedent kërcënues për demokracinë, në kuptimin më të drejtëpërdrejtë të fjalës dhe krejt i panjohur në Europë dhe në krejt botën demokratike.
Ky veprim, që “de jure” quhet pezullim, por “de facto” është nënshtrim brutal i ekzekutivit, sjell përditë pasoja pas pasojash. Arsyeja, pse unë i ndaj disa shembuj me publikun, është për t’u kuptuar deri në fund se çfarë ka ndodhur, çfarë po kalojmë dhe çfarë po përpiqemi dhe po përpiqem të bëj, përmes adresimit të kësaj problematike befasuese dhe të befasishme në Gjykatën Kushtetuese, dhe të ndaj, jo vetëm pasojat, por edhe dëmet që mund të bëhen të pallogaritshme.
Ja për shembull, janë vendosur në arrest shtëpie drejtori i ARRSH dhe drejtori i KESH-it. Nuk ka asnjë rëndësi se si i mendoj unë arsyet e këtyre ndalimeve, se kjo po, kjo është punë e prokurorit dhe gjykatësit – për sa kohë, siç kanë konstatuar me shqetësim më shumë sesa një herë autoritetet e Këshillit të Europës, paraburgimet e arrestet e shtëpisë, pa gjyq, janë bërë “bukë e djathë” në Shqipëri. Por fakti është se ata nuk hetohen në gjendje të lirë, dhe kështu cila është pasoja? Pasoja është se lihen pa kokë edhe dy institucione të tjera kyçe për vendin, të cilat mbulojnë infrastrukturën kombëtare të rrugëve dhe infrastrukturën kombëtare të energjisë. Mirëpo, pse kjo pasojë tani është e lidhur drejtëpërdrejtë me pezullimin dhe pse kjo pasojë tani bëhet e pariparueshme, për sa kohë pezullimi, jo vetëm antidemokratik, por edhe alogjik i një anëtari të kabinetit, e bën të pamundur zëvendësimin e tyre, pasi ligji nuk ia jep askujt tjetër, përveç autoritetit ekskluziv të ministrit edhe të drejten e këtyre emërtesave. Kaq e thjeshtë është pse ministri nuk mund të pezullohet si të ishte një funksionar publik i çfarëdolloj niveli tjetër
Ka një devizë, ne e kemi ndjekur si postulat: Mos ndërhy në punët e drejtësisë. Por, nga ana tjetër, kjo ndërhyrje brutale në trupin e qeverisë është një këmbanë alarmi, që duhet dëgjuar deri në fund, për të mos u përsëritur më kurrë. Dhe kështu, duke ndihmuar njëri-tjetrin dhe duke rivendosur në pozicionet kushtetuese njëri-tjetrin, ndihmojmë Shqipërinë, ndihmojmë konsolidimin dhe modernizimin e shtetit shqiptar. -
“Duket se ditët e këqija për propagandën false të Edi Ramës nuk po marrin fund”/ Denoncimi i PD: Asfalti në unazën e…
Në emër të PD zëdhënësja e antikorrupsionit në PD, Genta Vangjeli denoncoi problematikat në unazën e Burrelit, pasi është çarë asfalti para se të përfundojë ndërtime. Ajo ka kërkuar që SPAK të nisë menjëherë hetimet, për këtë çështje duke e konsideruar një skandal korruptiv.
Deklarata e zëdhënëses së Antikorrupsionit në PD, Genta Vangjeli
Duket se ditët e këqija për propagandën false të kryeministrit Edi Rama nuk po marrin fund.
Më 22 tetor, në rrjetin e tij social Facebook, Kryeministri publikoi foto nga punimet drejt përfundimit për ndërtimin e unazës në qytetin e Burrelit, ku po hidheshin shtresat e fundit asfaltike, ndërsa kishin përfunduar të gjitha punimet për veprat e artit.
Por e vërteta është krejt tjetër.
Në datën 6 Mars ARRSH lidhi kontratën me kompaninë Ulza shpk (me subjekt mbështetës ASI 2A CO shpk), me objekt ‘Sistemim asfaltim rrugët e Drejtorisë së Rajonit Verior Shkodër’ kundrejt vlerës 1.2 milion euro.
Sipas procedurës së prokurimit të zhvilluar nga ARRSH fituesi që do të kryente mbikqyrjen e punimeve për të njëjtin objekt ishte një bashkim operatorësh (LENI ING SHPK – ANGERBA SHPK), i shpallur fitues në datën 2 qershor të këtij viti pra 3 muaj pasi ishte lidhur kontrata për punët civile më lart, procese këto që ecin paralel me njëri tjetrin pasi asnjë punë ndërtimi nuk mund të zbatohet pa u mbikëqyrur njëkohësisht.
Ndërkohë në tabelën informuese teknike në terren, mbikëqyrës i punimeve nuk shfaqet bashkimi i operatorëve shpallur fitues më lart, por çuditërisht një punëmarrës i ARRSH z. Nikollaq Mihali.
Nuk dihet çfarë ndodhi me fituesit në letra të prokurimit për mbikëqyrjen dhe me fondet e shpenzuara për këtë qëllim por e sigurt është që punimet e ndërtimit për kontratën 1.2 mil euro që u prokurua nga ARRSH, u mbikëqyrën nga punëmarrësi i ARRSH.
Dhe…..rezultatin shiheni vetë….
Siç paraqitet në pamjet e marra në terren, asfalti është çarë e rruga është dëmtuar, e degraduar pa u përfunduar mirë……
Kjo është fytyra e vërtetë e propagandës qeveritare, e cila përpiqet të fshehë dëmin, korrupsionin dhe papërgjegjshmërinë me foto dhe statuse në rrjetet sociale.
Partia Demokratike kërkon që SPAK të hetojë këtë rast skandaloz. Shqiptarët nuk meritojnë vjedhjen, mashtrimin dhe as korrupsionin.
-
Denoncimi i PD për unazën në Burrel: 1.2 milion euro për rrugën që prishet menjëherë: SPAK duhet të veprojë
Partia Demokratike ka akuzuar qeverinë për propagandë të rreme dhe shkelje të rënda ligjore në punimet për ndërtimin e unazës së qytetit të Burrelit. Në një deklaratë publike, zëdhënësja e Antikorrupsionit në PD, Genta Vangjeli, ka hedhur akuza të drejtpërdrejta ndaj Kryeministrit Edi Rama dhe Autoritetit Rrugor Shqiptar.
Sipas saj, më 22 tetor Kryeministri publikoi në Facebook foto nga punimet drejt përfundimit të unazës, duke pretenduar se po hidheshin shtresat e fundit të asfaltit dhe se veprat e artit kishin përfunduar. Por, sipas PD-së, realiteti në terren është krejtësisht ndryshe.
Vangjeli deklaroi se më 6 mars, ARRSH ka lidhur kontratë me kompaninë “Ulza shpk”, me subjekt mbështetës “ASI 2A CO shpk”, me vlerë 1.2 milion euro, për sistemimin dhe asfaltimin e rrugëve të Rajonit Verior Shkodër. Ndërkohë, fituesi për mbikëqyrjen e punimeve është shpallur vetëm më 2 qershor, pra tre muaj pas nisjes së punimeve civile, në kundërshtim me rregullat e prokurimit, sipas të cilave mbikëqyrja duhet të zhvillohet paralelisht me punimet.
Sipas PD-së, në tabelën informuese në terren nuk figuron kompania fituese për mbikëqyrjen, por si mbikëqyrës shfaqet një punonjës i ARRSH, shtetasi Nikollaq Mihali. Kjo ngre pikëpyetje serioze mbi fatin e fondeve të shpenzuara për mbikëqyrjen dhe ligjshmërinë e procesit.
“Punimet e ndërtimit për kontratën 1.2 milion euro janë mbikëqyrur nga një punëmarrës i ARRSH dhe jo nga subjekti i kontraktuar. Sot rezultatin e shohim qartë: asfalti është çarë, rruga është dëmtuar dhe degraduar pa përfunduar mirë punimet”, – deklaroi Vangjeli.
Sipas Partisë Demokratike, ky rast përfaqëson “fytyrën e vërtetë të propagandës qeveritare”, e cila, sipas saj, përpiqet të fshehë korrupsionin dhe papërgjegjshmërinë pas fotove dhe postimeve në rrjete sociale.
Në përfundim, PD i ka bërë thirrje SPAK-ut të nisë hetimet për këtë çështje, duke theksuar se “shqiptarët nuk meritojnë vjedhje, mashtrim dhe korrupsion”.
Deklarata e zëdhënëses së Antikorrupsionit në PD, Genta Vangjeli
Duket se ditët e këqija për propagandën false të kryeministrit Edi Rama nuk po marrin fund.Më 22 tetor, në rrjetin e tij social Facebook, Kryeministri publikoi foto nga punimet drejt përfundimit për ndërtimin e unazës në qytetin e Burrelit, ku po hidheshin shtresat e fundit asfaltike, ndërsa kishin përfunduar të gjitha punimet për veprat e artit.
Por e vërteta është krejt tjetër.Në datën 6 Mars ARRSH lidhi kontratën me kompaninë Ulza shpk (me subjekt mbështetës ASI 2A CO shpk), me objekt ‘Sistemim asfaltim rrugët e Drejtorisë së Rajonit Verior Shkodër’ kundrejt vlerës 1.2 milion euro.
Sipas procedurës së prokurimit të zhvilluar nga ARRSH fituesi që do të kryente mbikqyrjen e punimeve për të njëjtin objekt ishte një bashkim operatorësh (LENI ING SHPK – ANGERBA SHPK), i shpallur fitues në datën 2 qershor të këtij viti pra 3 muaj pasi ishte lidhur kontrata për punët civile më lart, procese këto që ecin paralel me njëri tjetrin pasi asnjë punë ndërtimi nuk mund të zbatohet pa u mbikëqyrur njëkohësisht.
Ndërkohë në tabelën informuese teknike në terren, mbikëqyrës i punimeve nuk shfaqet bashkimi i operatorëve shpallur fitues më lart, por çuditërisht një punëmarrës i ARRSH z. Nikollaq Mihali.
Nuk dihet çfarë ndodhi me fituesit në letra të prokurimit për mbikëqyrjen dhe me fondet e shpenzuara për këtë qëllim por e sigurt është që punimet e ndërtimit për kontratën 1.2 mil euro që u prokurua nga ARRSH, u mbikëqyrën nga punëmarrësi i ARRSH.
Dhe…..rezultatin shiheni vetë….Siç paraqitet në pamjet e marra në terren, asfalti është çarë e rruga është dëmtuar, e degraduar pa u përfunduar mirë……
Kjo është fytyra e vërtetë e propagandës qeveritare, e cila përpiqet të fshehë dëmin, korrupsionin dhe papërgjegjshmërinë me foto dhe statuse në rrjetet sociale.
Partia Demokratike kërkon që SPAK të hetojë këtë rast skandaloz.
Shqiptarët nuk meritojnë vjedhjen, mashtrimin dhe as korrupsionin. -
Hetimet për ish-drejtorin e ARRSH, Evis Berberi, SPAK po pyet biznesmenin Valter Vegaj, tashmë i pandehur
Në seancën paraprake për dosjen në ngarkim të ish-drejtorit të ARRSH-së Evis Berberi, SPAK po merr në pyetje biznesmenin Valter Vegaj që është marrë i pandehur.
Gazetari Fatjon Gjinaj mëson, se Begaj kishte bërë memo me pretendimin se i është mohuar i drejta e dhënies së deklarimeve. Ndërkohë lidhur me këtë dosje që përfshin 23 të pandehur fizikë dhe 2 juridikë, javën e kaluar Evis Berberi kërkoi gjykim të shkuartuar kërkesë për të cilën GJKKO nuk është shprehur ende.
Ai kërkon gjithashtu kthimin e sendeve të sekuestruara dhe papërdorshmërinë e akteve. SPAK thotë se zyrtarët nën akuzë përmes një skeme të përpunuar bashkëpunimi mes tyre dhe kompanive private synonte kontrollin dhe përfitimin sistematik nga fondet publike në sektorët e energjisë dhe infrastrukturës.
Pas përfundimit të parashtrimeve nga palët, togat e zeza do të vendosin nëse e kalojnë në gjykim dosjen, e kthejnë pas për plotësim aktesh apo e pushojnë çështjen. -
Evis Berberi kërkon gjykim të shkurtuar: Komunikimet në telefon të mos merren si prova
evis berberi ne spak
TIRANË- Ish-kreu i Autoritetit Rrugor Shqiptar (ARRSH), Evis Berberi ka kërkuar gjykim të shkurtuar, në seancën që po zhvillohet sot në Gjykatën e Posaçme AntiKorrupsion. Berberi kërkon gjithashtu që t’i kthehen sendet e sekuestruara, përfshirë telefonin, dhe se komunikimet e nxjerra nga pajisjet elektronike të mos përdoren si prova në proces. Kërkesa e Beberit pritet të marrë përgjigje në datën 9 dhjetor, ku do të shpallet dhe vendimi nga ana e GJKKO-së, nëse çështja kalon për gjykim.
Telefoni i Beberit ka shërbyer dhe për akuzën që SPAK ngriti ndaj zëvendëskryeministres Belinda Balluku, pasi mes tyre kishte komunikime të vazhdueshme për fiksimin e tenderave.
Berberi ka kundërshtuar edhe më herët akuzat e SPAK për korrupsion dhe pastrim parash duke theksuar se “nuk provohen me prova konkrete”. Ai është nën hetim që prej marsit 2024, kohë kur edhe u arrestua. Sipas Prokurorisë së Posaçme, shtetasi Valter Begaj, administrator i një kompanie, përfitoi tre tendera në kohën kur Berberi ishte Drejtor i Përgjithshëm për Eficencën e Energjisë me vlerë totale 137.4 milionë lekë dhe tre tendera të tjerë, me vlerë 101.8 milionë lekë, kur ai drejtonte ARRSH-në.Tenderat e përfituar lidhen me konsulenca projektesh që janë fituar me çmim më të ulët nga kompania në të cilën sipas hetimeve rezultoi që Berberi të ishte akoma pjesë.
SPAK ka dërguar për gjykim ish-kreun e ARRSH, Ervis Berberi si dhe 21 persona të tjerë të akuzuar. Berberi akuzohet “Shkelje e barazisë së pjesëmarrësve në tendera apo ankande publike”, “Korrupsion pasiv i personave që ushtrojnë funksione publike” dhe “Pastrim i produkteve të veprës penale ose i veprimtarisë kriminale”. /ZËRI -
Tenderi i Llogarasë/ Ish-kreu i ARRSH, Ervis Berberi kërkon gjykim të shkurtuar
Seanca paraprake po mbahet për ish-kreun e ARRSH, Ervis Berberi dhe bashkëpunëtorëve te tij. Bëhet me dije se gjatë seancës, Ervis Berberi ka kërkuar gjykim të shkurtuar. Po ashtu ai pretendon për kthim të sendeve, fshirje korrespodence, pa përdorshmërinë e të dhënave të marra nga celulari.
Berberi akuzohet për veprat penale “Korrupsioni pasiv i personave që ushtrojnë funksione publike”, “Pastrimi i produkteve të veprës penale apo i veprimtarisë kriminale”.
Ortaku i ish-kreut të ARRSH-së, Valter Begaj akuzohet për kryerjen e veprave penale “Korrupsioni aktiv i personave që ushtrojnë funksione publike”, dhe “Pastrimi i produkteve të veprës penale apo i veprimtarisë kriminale”, kryer në bashkëpunim. Ervis Lame akuzohet gjithashtu për të njëjtat vepra penale.
Skema
SPAK ka dyshime se shumat Berberi fillimisht si Drejtor i Efiçencës së Energjisë ka zhvilluar tre procedura prokurimi me vlerë rreth 1.2 milionë euro që janë fituar nga kompania DAAM që drejtohej nga Valter Begaj, por që defakto sipas SPAK, kompania zotërohej prej Berberit.
Po kështu SPAK dyshon se në kohën që Berberi drejtonte ARSH, e njjëta kompani ka fituar tre tendera të tjerë më vlerë rreth 1 milionë euro.
Hetimet kanë zbuluar se kjo kompani është përdorur për kalimin drejt saj të sasive të mëdha të parave, nga kompania tjetër, “Net Group”, e sipërmarrësit Begaj, përmes transaksioneve të ndryshme.
Paratë e kaluara në favor të kompanisë “Daam”, janë përdorur për të blerë prona të patundshme në emër të kësaj shoqërie. Këto veprime kanë ngritur dyshime për Prokurorët, se gjenden përballë një veprimtarie të pastrimit të parave.
Transaksionet nga “Net Group” drejt shoqërisë “Daam”, në zotërim indirekt nga zoti Berberi, përkojnë, sipas hetimeve, me kohën kur shoqëria “Net Group” rezultoi fituese e disa tenderave të të shpallur nga Agjencia për Efiçencën e energjisë dhe Autoritetit Rrugor, nën drejtimin e zotit Berberi. Bëhet fjalë për prokurime publike me një vlerë totale prej mbi 2.7 milion euro me tvsh. -
Akuzat për korrupsion dhe pastrim parash, ish-kreu i ARRSH, Ervis Berberi kërkon gjykim të shkurtuar
Po mbahet seanca paraprake për ish-kreun e ARRSH, Ervis Berberi dhe bashkëpunëtorëve te tij.
Gazetarja e Top Channel, Anila Hoxha raporton se Ervis Berberi ka kërkuar gjykim të shkurtuar.
Po ashtu ai pretendon për kthim të sendeve, fshirje korrespodence, pa përdorshmërinë e të dhënave të marra nga celulari.Top Channel