Avokat Idajet Beqiri ka deklaruar në emisionin ‘3D’ të Alban Dudushit në RSTH1 se Partia Demokratike duhet ta bëjë analizën në bazë por një analizë të tillë nuk mund ta realizojë me eksponentët politikë si Flamur Noka dhe Albana Vokshi.
Ai vuri në dukje se Partia Demokratike, duhet t’u hapë rrugën të rinjve.
“Analiza nuk vjen nga lart, analiza vjen nga poshtë dhe që të vijë analiza nga poshtë të diskutojë problemet dhe debatet por jo me Saliun. Të vijë Saliu aty. Nuk është analiza për të, ka deputetë, ka të deleguar, ka Këshill Kombëtar etj., dhe të përplasen gjërat. Këtu bëhet debati dhe thotë që; do ecim me sekretar të përgjithshëm, Flamur Nokën, po s’bëhet sa të jetë jeta kjo parti. Pse nuk bëhet? Sepse ia numërojnë, ça problemesh ka ai me ligjin etj. Albana Vokshi, po s’bëhet sepse është e korruptuar. Nuk bëhet as me atë naftën që i ka marrë Shqipërisë, as me ish-ekspozitën ‘Shqipëria sot’ që e mori me falsifikime dokumentesh, se do dalë tani nga vendimet e Gjykatës së Lartë. Ça duhet? Duhen djemtë e rinj”, tha Beqiri.
Avokat Beqiri theksoi më tej se Berisha ka minuar themelet në Partinë Demokratike dhe nuk lejon instalimin e një fryme në këtë forcë politike.
“Arkitekti juaj është minusi i ‘Romës’. Është minusi i themeleve tuaja. Ai u ka lënë një trashëgimi dhe këtë trashëgimi të rëndë që u ka lënë juve, sado të lufton i ju do të përshtateni siç kanë bërë të tjerët. Ka pasur shumë të rinj aty, në vend që të sillni frymën e re, u dha Berisha frymën e vjetër atyre.
Për rrjedhojë ngarkesa që ju ka lënë ai ju nuk bëheni më. Me atë ngarkesë që ka Partia Demokratike, duke filluar me prillin e Shkodrës, me majin e 1996-s, duke filluar me grushtin e shtetit, me firmat piramidale që e rrëzoi shtetin, duke filluar me Gërdecin dhe me 21 janarin, është një barrë e jashtëzakonshme. Pastrojeni veten nga këto”, u shpreh më tej Beqiri.
Tag: albana
-
“Nuk bëhet analizë me Nokën”, Beqiri: Albana Vokshi, pronare e ish-Ekspozitës me dokumente false!
-
Punimet e COSAC, Vokshi: Shqipëria të ecë drejt standardeve evropiane, jo përmes atyre të dyfishta
Deputetja e Partisë Demokratike, Albana Vokshi, ka marrë pjesë në punimet e plenarit të 74 të Konferencës së Komisioneve Parlamentare për Çështjet e Bashkimit Europian (COSAC) të mbajtur në Kopehagen në 30 nëntor 2025, ku ka mbajtur një fjalë mbi rrugën europiane të Shqipërisë dhe rëndësinë e standardeve demokratike në procesin e integrimit.
Në këtë takim ishin të pranishëm të gjithë kryetarët e Komisioneve Parlamentare për Çështjet e Bashkimit Europian dhe qindra parlamentarë.
Në fjalën e saj, deputetja e PD, Albana Vokshi u shpreh se aspirata e Shqipërisë është të bëhet një vend i krahasueshëm me Danimarkën, e cila konsiderohet model i shtetit të së drejtës dhe i mungesës së korrupsionit. Ajo theksoi se ‘rruga drejt Danimarkës’, simbolizon përpjekjen për çrrënjosjen e korrupsionit dhe vendosjen e një demokracie funksionale.
Duke folur para përfaqësuesve të parlamenteve kombëtare të vendeve të BE-së dhe eurodeputetëve, Vokshi nënvizoi se Evropa nuk mund të jetë e plotë dhe e sigurt pa Ballkanin Perëndimor, por theksoi se kontributi i rajonit në BE është i mundur vetëm nëse vendet qeverisen nga ligji dhe standardet demokratike.
Vokshi u bëri thirrje institucioneve europiane të vijojnë mbështetjen për reformat që garantojnë sundimin e ligjit, pavarësinë e drejtësisë, lirinë e medias dhe integritetin zgjedhor, duke theksuar se procesi i anëtarësimit duhet të jetë i bazuar në meritë dhe progres të matshëm sipas kritereve të Kopenhagës.
‘Vetëm duke garantuar drejtësi të vërtetë, zgjedhje konkurruese, institucione funksionale dhe respektimin e të drejtave themelore, një vend mund të jetë kontributor i denjë në Bashkimin Europian,’ u shpreh deputetja Albana Vokshi, duke shtuar se Shqipëria mund t’i arrijë këto standarde me mbështetjen e partnerëve europianë.
Fjala e deputetes së PD, Albana Vokshi:
Faleminderit zonja Kryetare,
Sot jam shumë e kënaqur që flas, si pjesë e delegacionit shqiptar, mbi aspiratën tonë për t’u bërë një vend si Danimarka. Në ekonominë politike, Danimarka përshkruhet si shteti ideal i mungesës së korrupsionit, dhe përpjekjet për të çrrënjosur korrupsionin përshkruhen metaforikisht si ‘rruga drejt Danimarkës, për t’u bërë si Danimarka’.
Ardhur nga Shqipëria, besoj se Evropa nuk do të jetë e plotë dhe e sigurt pa Ballkanin Perëndimor. Por vendet e Ballkanit Perëndimor mund ta forcojnë BE-në dhe ta bëjnë atë më të sigurt vetëm nëse qeverisen nga ligji dhe nga standardet demokratike.
Jam e bindur se procesi i zgjerimit duhet të ndjekë një standard të vetëm për të gjithë, dhe jo standarde të dyfishta. Vullneti politik dhe konsideratat gjeopolitike nuk mjaftojnë. Një vend:
që nuk ka zgjedhje të lira dhe të ndershme,
që ka korrupsion endemik,
që ka gjyqësor të kompromentuar dhe të politizuar,
ku parlamenti është jofunksional dhe mungojnë mekanizmat e kontrollit dhe balancës,
ku pushteti është i përqendruar në një dorë,
e ka të vështirë të bëjë përparim real e të vërtetë.
Ndaj, ju bëj thirrje për vijimin e mbështetjes tuaj për reforma që garantojnë sundimin e ligjit, pavarësinë e drejtësisë, lirinë e medias dhe integritetin zgjedhor, në përputhje me një proces anëtarësimi të bazuar në meritë dhe me progres demokratik të matshëm në respektim të kritereve të Kopenhagës.
Vetëm duke garantuar drejtësi të vërtetë, zgjedhje konkurruese, institucione funksionale dhe respektim të të drejtave themelore, një vend mund të bëhet një kontributor i vërtetë në BE.
Jam e bindur se ne mund t’i arrijmë këto standard, dhe me mbështetjen tuaj, ne do t’ia dalim!
Faleminderit.
-
Agjenti i AMP-së shoferi i bosit të krimit, ministrja Koçiu thërret në takim Eduart Merkajn
albana kociu dhe eduart merkaj
TIRANË- Drejtori i Agjencisë së Mbikëqyrjes Policore (AMP) Eduart Merkaj ka shkuar këtë të mërkurë, më 12 nëntor, në zyrën e ministres së Brendshme Albana Koçiu, një ditë pas ngjarjes së rëndë që ndodhi në Rinas, ku mbeti i vrarë Gilmando Dani dhe u plagos miku i tij, Muçi Shaljani. Ky i fundit punonjës i AMP-së, ka shkaktuar një ‘furtunë’ në radhët e institucionit. Paraditen e sotme, Merkaj njoftoi nisjen e një analize të thellë mbi punësimin e 40-vjeçarit, ndërsa pezulloi të gjithë zinxhirin drejtues të operacionales së AMP-së.
Burime pranë DSIK, institucion që verifikon pastërtinë e figurës për punonjës të AMP-së bëjnë me dije se Muçi Sheqeri nuk rezulton të ketë pasur certifikatë sigurie, ndaj ka nisur një hetim për të zbuluar mënyrën e punësimit të tij pranë Agjencisë së Mbikqyrjes Policore.
Vrasja e ndodhur mesditën e së martës në Rinas, ndodhi disa minuta pas raportimit të ministres së brendshme Albana Koçiu në Komisionin Parlamentar për çështjet e brendshme, ku tha se Shqipëria është një vend i sigurt dhe në muajt e fundit ka pasur një ulje të rasteve kriminale.
Burime bëjnë me dije për ZËRI-n se Muçi Shaljani është bërë pjesë e AMP-së gjatë muajit shtator, kur ky institucion drejtohej nga Artjol Saliasi pas shkarkimit të Florjan Sulejmanit. Drejtori i ri i kësaj strukture, Eduart Merkaj, me marrjen e detyrës, kishte kërkuar rishikimin e një sërë kontratash që ishin nënshkruar me agjentët, përfshirë dhe Shaljanin. Dëshmia e tij do të ishte me vlerë të madhe për hetimin e ngjarjes, por aktualisht punonjësi i AMP ndodhet në gjendje kritike për jetën në Spitalin e Traumës, ndërsa dy prej plumbave e kanë prekur në kokë. 40-vjeçari rezulton gjithashtu që të jetë pronar i një hoteli në Tiranë, ndërkohë që nga verifikimet e para rezulton që të jetë pa precedentë të mëparshëm penal./ZËRI -
Tre vrasje në një ditë, Ministrja Albana Koçiu flet “përçart”: Nuk janë vrasje mafioze
Pak ditë më parë në Shqipëri ndodhën tre vrasje brenda pak orësh.Por sipas ministres së Brendshme, Albana Koçiu, këto janë krime, por nuk janë vrasje mafioze.
Gjatë raportimit në Komisionin për Çështjet e Brendshme dhe të Mbrojtjes, Koçiu tha se “në asnjë vend të botës polici nuk mund të rrijë në kuzhinë për të parandaluar djalin të vrasë babain, apo picierin të vrasë kuzhinerin”.
Sipas saj këto janë ngjarje tragjike, por nuk implikohet puna e policisë së shtetit.
“Janë tre krime të rënda, por nuk janë vrasje mafioze, por janë të pashmangshme nga puna që bën policia. Unë nuk besoj se ka ndonjë vend të botës ku polici të rrijë në kuzhinë për të parandaluar që djali të godasë babain me thikën e bukës, apo në një vend të botë ku polici rri në kuzhinën e restorantit për të parandaluar picierin të godasë me thikë kuzhinierin. Janë ngjarje tragjike, por nuk implikohet puna e policisë së shtetit. Autorët janë kapur pas ngjarjeve”, tha Albana Koçiu.
Në kundërshti me të dhënat ndërkombëtare që e rendisin Shqipërinë mes vendeve me kriminalitetin më të lartë në rajon, Ministrja e Brendshme, Albana Koçiu, gjatë raportimit në Komisionin për Çështjet e Brendshme dhe të Mbrojtjes, deklaroi se Shqipëria është një vend i sigurt.
Ministrja theksoi se vrasjet janë reduktuar nga 41 në 29 nëntëmujorin e fundit, ndërsa zbulueshmëria e veprave penale ka arritur mbi 94%.
“Shqipëria është një vend i sigurt, dhe kjo faktohet nga çdo raport ndërkombëtar. Shqipëria ka dalë nga të gjitha listat e zeza.
Kemi rritur ndjeshëm sigurinë, duke arritur 94% zbulueshmëri për veprat penale. Në 20,19% të tyre janë zbardhur plotësisht. Janë konfiskuar dhe sekuestruar 65.5 milionë euro me burim nga kriminaliteti. Është ulur numri i krimeve të rënda, në nëntëmujorin e parë të këtij viti janë regjistruar 29 vrasje me dashje, nga 41 që ishin në të njëjtën periudhë të një viti më parë. –tha ajo ndër të tjera.
Megjithatë, të dhënat ndërkombëtare japin një panoramë krejtësisht të ndryshme. Indeksi Global i Krimit të Organizuar 2025 e rendit Shqipërinë mes vendeve me nivel të lartë kriminaliteti në rajon, me një mesatare prej 5.20 pikësh në një shkallë nga 1 deri në 10.
Raporti evidenton se grupet kriminale shqiptare kanë ndikim të fortë në ekonominë dhe politikën vendase, si dhe shtrirje rajonale e globale në trafikun e drogës dhe emigrantëve.
Gjithashtu edhe për shqiptarët, perceptimi i pasigurisë mbetet i lartë, sidomos në raport me korrupsionin, trafikun e drogës dhe ndikimin e grupeve kriminale.
-
Lirohet nga detyra prefekti i Gjirokastrës, emërohet Albana Hasanaj
Në mbledhjen e sotme Këshilli i Ministrave ka liruar nga detyra prefektin e Gjirokastrës, Odise Kote. Në vend të tij është emëruar Albana Hasanaj. Kjo e fundit deri më tani ka mbajtur postin e drejtoreshës së Zyrës Arsimore në Gjirokastër. Lirimi i Kotes nga detyra vjen pasi mbushi moshën për të dalë në pension. ©Argjiroja.net
-
FOTO/ Edhe Klevis Balliu ‘infektohet’ nga Albana Vokshi, postimin me Chat GPT e poston pa redaktuar…
Klevis Balliu, deputet i PD
TIRANE- Inteligjenca Artificiale mund të themi me plot gojën që po ndryshon njëherë e mirë njerëzimin, mënyrën si flasim apo edhe komunikojmë.
Chat Gpt është kthyer në një asistent dixhital, por duke patur parasysh thirrjen e të gjithë komunitetit teknologjik në botë se “Chati” bën edhe gabime, ai duhet parë e korrigjuar përherë. Por duket se politikanët shqiptarë kanë një besim të verbër te ‘boti’ në telefonat tanë.
Pas Albana Vokshit e cila u kap mat nga rrjeti disa javë më parë sesi publikonte në rrjet një status të fortë politik, bashkë me pyetjen e botit për ta bërë më të rëndë ose më të bukur gjuhën, kësaj here është Klevis Balliu që ka bërë thuajse një postim të njëjtë.
Postimi i Balliut shihet me gjuhën tipike të botit përfshirë edhe shenjat e pikësimit siç janë ** apo – në mes të fjalive./ZËRIPostimi i Balliut
-
FOTO / Pas Albana Vokshit, edhe Balliu del ‘zbuluar’. Detajet nga ChatGPT, ku shkruajnë reagimet politike
Pak kohë më parë, gazeta ‘TemA’ evidentoi postimet e deputetes së PD, Albana Vokshi, që reaizoheshin me ndihmën e Chat GPT, ku ajo kishte postuar se si IA e pyeste në donte ta bënte denoncimin më të fortë dhe më të besueshëm. Duke dashur të denonconte një aferë, sipas saj, të një prej ministrive, Vokshi kishte harruar të hiqte këto ‘detaje’ të inteligjencës artificiale.
Me sa duket, të njëjtën gjë si Vokshi, bën edhe deputeti tjetër i PD-së, Klevis Balliu (alias Balliu Junior), i cili, siç shihet edhe në postimin më poshtë, ka harruar të heqë prej postimit **, tipike për shkrimet e shkruara me inteligjencë artificiale.
Nga këto që po shohim përditë, siç duket, i vetmi që nuk përdor inteligjencën artificiale në atë parti është Flamur Noka, i cili mjafton që imiton Doktorin dhe ka nevojë për ChatGPT./TemA -
Kërcënimet ndaj Albana Vokshit/ EPP Women del me rezolutë: Dhuna ndaj grave në politikë kërcënim për demokracinë
Forumi i Grave të Partisë Popullore Europiane miratoi një rezolutë historike kundër dhunës ndaj grave në politikë dhe jetën publike, me nismën e Albana Vokshit, zëvendëspresidente e grupimit më të madh politik të grave të qendrës së djathtë EPP Women. Ky dokument nuk është vetëm një thirrje për mbrojtjen e grave, por një denoncim i hapur i mungesës së demokracisë në vende si Shqipëria, ku dhuna e zgjedhjeve dhe kërcënimet politike ndaj grave përdoren për të penguar opozitën dhe për të minuar lirinë.
Rezoluta e EPP Women thekson se dhuna ndaj grave nuk është thjesht “çështje gjinore”, por një sulm sistematik ndaj demokracisë. Ajo shërben si paralajmërim që Bashkimi Europian duhet të jetë më kërkues ndaj vendeve ku zgjedhjet shoqërohen me dhunë, kërcënime dhe fyerje mizogjiniste të orkestruara nga pushteti dhe krimi i organizuar.Dokumenti nënvizon se “Dhuna ndaj grave në politikë nuk është vetëm një tragjedi individuale, por një sulm sistematik ndaj demokracisë. Ajo i largon nga jeta publike gratë me integritet dhe vlera demokratike, duke lënë hapësirë për rrjete oligarkike dhe kriminale që nuk përfaqësojnë të drejtat e grave.”
Në dokument janë përfshirë raste konkrete nga Shqipëria, si kërcënimet ndaj Albana Vokshit dhe familjes së saj gjatë zgjedhjeve të 11 majit 2025, fyerjet seksiste ndaj kandidateve opozitare, dhe sulmet e drejtpërdrejta verbale nga Kryeministri Rama ndaj grave në politikë si dhe rastet e sulmeve ndaj grave ne drejtwsi, që shkarkohen pasi nuk i binden urdhërave të qeverisë.
Rezoluta i referohet rasteve konkrete nga Shqipëria, ku gjatë zgjedhjeve të 11 majit 2025, Albana Vokshi dhe familja e saj u kërcënuan nga grupe kriminale të lidhura me pushtetin. Po ashtu, në dokument theksohet se gjatë fushatës, kandidatet opozitare u bënë objekt i një vale sulmesh dhe fyerjesh denigruese, ndërsa vetë Kryeministri Rama përdori gjuhë seksiste ndaj grave në politikë.
Duke marrë shkas nga rasti i Shqipërisë, por duke renditur edhe edhe raste të dhunës ndaj gazetareve gra në Gjeorgji apo rasteve të dhunës fizike dhe online në disa vende të Europës, rezoluta e EPP Women vë në dukje se “Këto praktika krijojnë një efekt frikësues: gratë hezitojnë të shprehin mendime ose të marrin pjesë në jetën publike nga frika e sulmeve dhe ndëshkimeve. Një dhunë e tillë minon bazat e demokracisë dhe stabilitetin politik.”- thuhet në rezolutë.
“Kur gra si Albana Vokshi kërcënohen nga krimi i organizuar në Shqipëri apo kur gra gazetare në Gjeorgji akuzohen, kjo nuk është çështje grash. Është rrëmbim i demokracisë duke përdorur gratë si peng. Ne nuk i fituam të drejtat tona për t’i humbur ato në heshtje.” – deklaroi: Sekretarja e Përgjithshme e EPP, Dolors Montserrat.
Rezoluta e EPP Women kundër dhunës së grave në politikë nuk do të jetë vetëm një një shprehje qëndrimi, por gratë europiane kanë vendosur të ngrenë zërin. Ato i kërkojnë Partisë Popullore Europianë, që të lëvizë të gjithë mekanizmat e Bashkimit Europian, si edhe institucioneve europiane, që të reagojnë dhe të veprojnë. Përmes një aksioni prej 12 pikash, rezoluta e grave europiane të qendrës së djathtë prek direkt edhe Shqipërinë në tre çështje kyçe:
* Dënimin e të gjitha formave të dhunës dhe frikësimit ndaj grave në politikë, duke përfshirë edhe kur kryhen ose tolerohen nga zyrtarë shtetërorë, aktorë politikë ose grupe kriminale
* Integrimin e sigurisë së grave në politikë si një pikë referimi në zgjerimin e BE-së
* Hetimin dhe ndjekjen penale të autorëve të krimit, duke përfshirë autoritetet shtetërore ose ata të lidhur me krimin e organizuar.
EPP Women i kërkoi Partisë Popullore Europiane dhe institucioneve të Bashkimit Europian të mbështesin rezolutën dhe të riafirmojnë se dhuna ndaj grave në politikë është një sulm i drejtpërdrejtë ndaj demokracisë.
Në një koment të saj, Albana Vokshi u shpreh se “Thirrja drejtuar institucioneve europiane është e qartë: të mos tolerojnë dhunën politike si mjet për të dobësuar opozitën dhe demokracinë. Ky dokument nuk është vetëm një dënim i hapur i praktikave të dhunshme dhe intimidimit politik, por një apel që Bashkimi Europian të jetë më kërkues ndaj standardeve demokratike në vendet kandidate si Shqipëria.
Nëse dhuna ndaj grave në politikë tolerohet, demokracia mbetet vetëm në letër.
Mesazhi është i fortë: demokracia nuk mund të ekzistojë kur kërcënimi dhe sulmi ndaj grave synojnë të heshtin opozitën.”- u shpreh zonja Vokshi.
Forumi i grave të qendrës së djathtë europiane EPP Women, i cili u zhvillua në Larnaka, Qipro, e konsideron mbështetjen e rezolutës si një test për vlerat mbi të cilat ngrihet vetë Bashkimi Europian. -
“Nikon e gjorë s’po e lënë të mbretërojë, Ogi me pako me aspirina”, satira e Gjekmarkajt: Zv.kryelideri tundte kokën, Albana mallkonte sa të bëhej mishi….
Nikon e gjorë nuk po e lënë asnjë ditë të “mbretërojë” në krye të Kuvendit! Ai vetëm skuqet, i pafuqishëm të kundërshtojë!“Ç’na ka gjetuar mua e Bake xhanit,” i thotë vetes, “nuk na pyet kush as për osh, as për balosh!”Të paktën Bakja bëhet firar, nuk i duhet të përballet, fshihet nën divan sa të dojë, po mua ç’më gjeti?!!! Pu pu pu!!!
Kuqerremsia herën e fundit e shqetësoi shumë Antonetën, e cila tha: “Po dergjet , po dergjet, çoni ujë, çoni ujë!”Evis Kushi kërkonte një leckë me uthull për t’ia vënë mbi ballë në akçihanen e Kuvendit!Merakosej që nuk po e gjente!Ogi tundte një pako me aspirina, po s’u vu re, i mban tani per fushate se helbete dhimbje koke!Dilua doli me vrap jashtë duke rënkuar për të mbushur një gjym, por kur u kthye gjithçka kishte mbaruar!Prej mbi një muaji nuk ka drejtuar asnjë seancë i ngrati — lexon njoftime e procesverbale, pastaj i thonë: lipsu!Një ditë mendoi mos të vinte fare aty, po t’i ngjiste në shtyllë ato haberre, se po i duket vetja si kasnec!Dilema i binte si sëpatë mbi ndërgjegje: “Më mirë Ditmari lektor e bahçevan në Harvard apo unë këtu?”
Ja edhe dje — ja mbyllën seancën kundër vullnetit të vet!Nga poshtë i bënin shenja kopanisjeje!Klevis Balliu i tregonte pëllëmbën me ca lëvizje që të kallnin datën! Shyqyr qe nuk ështe edhe Salianji se të prish gjakun, zift llafin kopaçe doren laneti!Kryezevendes Lideri tundte kokën si ai që do të lëshojë anatemen e me yxhym të linte pershtypjen se do e ndukte nga veshi!Albana jonë që tek fjala mishëron ekzistencën mallkonte sa me tu bë mishi kokërr! “Mos bëfsh hajër o Nikoqir, si nuk pamë një ditë të mirë!”
Tao po kaq u hakërrye nga salla duke vikatur: “Jam kryetari i shumicës, jam kryetari i shumicës, mbylle, mbylle!”Një provë force që e fitoi!Nikoqiri u ngashërye në heshtje, po nuk bëzajti, u nënshtrua!Kolesteroli po i rritet nga ankthi! Tensioni 18 !Gjumi i është bërë def!Sytë kokërdhok! I fërkonte herë pas here dhe këqyrte Lamallarin , për të cilin nuk kujtohet ku e ka parë e kush është — e ngatërronte me një mbathës kuajsh në dalje të Devollit, një Llari Llari !Albana Koçinë me hostes të linjave ajrore! Mbase me të Lufthanes qe heren e fundit i derdhi qumeshtin mbi pantallona!Gonxhja i fanitej si muratori që i kishte restauruar shtëpinë në Korçë!Tezen e ngatërronte me Etildën, pastaj u kujtua që Babo e kishte lënë jashtë Kuvendit, e bëri një “hëm” keqardhjeje! Po ngaterrohet Tezja me Etilden more i paudhe!Gjynah që s’e vuri në vend të Tonit, psherëtiu — më mirë ajo shpirtëdhembshura se ky zullap!Me njërin sy qau pak!
Kërkonte Borën, i mësuar ta shihte te banaku i qeverisë katër vjet, dhe i dukej padrejtësi që ajo, e heshtur me Iglin si Gjoci me Mricin, atje në mes të mexhlisit nuk pipëtinin!I ngulte shikimin Vin Hoxhës dhe pyeste veten: “Po ky ç’ka qenë, çfarë është, çdo të bëhet virani?” ! Xhafa i dukej si Ali Pashe Tepelena! Termeti si Zenel Gjoleka!
Anila Denaj nga larg i rrezatonte si vikinge sikur e kishte takuar ne Finlande!Klosi i shfaqej si Tarzani me pasthirrma!Gaz Bardhi si vetë dreqaga me dy brirë e nga syte nxirrte shkendija!
Sa i mbyll qerpikët, si në ëndërr, i del Mamica me ato petkat arbërore që veshi në Kalabri, duke valluar siç thone asaj ane , shoqëruar nga Kostaqi me daulle, i cili i vikaste te veshi:
“Nikoqiiiiiir NikoqiiiiirParlamenti s’të bën ty mirëTë rëndon nga shëndetjaDorë rëndë është HyqymejaTë streson ty opozitaDhe partia të qet në pritaBam bum, bam bum — kush e dhje-vi këtë punë!”
Tao është në apogje!Krenaria i është harlisur si hardhi!Madje i tha Ulsiut: “Shko më sill një kafe të mirë” si shenjë autoriteti!Ja përsëriti dy herë!Ai bëri sikur nuk e dëgjoi!Toni u ngrit me vrap si kamarier lepe-peqe dhe ja solli hazerxhevap!Tao e rrufiti ngadalë, teksa ai priste gjithë temena me dorën mbi gjoks!Atë ditë Toni kishte vënë edhe papion si profesionist, madje edhe jelek me sumbulla!
Gjithnjë e më hijerëndë Tao, mendohet gjatë, flet ngadalë me suspancë,si i kalkuluar qamet,i vendos ato të uruara fjalë si copa mermeri në themel të parlamentarizmes!
Të rinjve u mbështet kokën në gjoks si ai dikur të veten në të Babos kraharor dhe i përkëdhel si kolopuçer, të cilët do të venë mbarë nëse udhëzimet e Taos i ndjekin fill e për pe!
Niko, Tao dhe Toni janë tre buajt që tërheqin qerren e parlamentarizmes!Sipër në të rri Babua që i cyt me hosten dhe nga pas —Demokracia shqiptare si silazh!Top Channel
-
“Jam burri i ëndrrave të tua…”/ Mjeku psikiatër e përndoqi prej kohësh, Albana Bejko publikon mesazhet
Moderatorja shqiptare, Albana Bejko, ka zbuluar të vërtetën rreth përndjekjes që mjeku psikiatër Behar Kamberi i ka bërë për një kohë të gjatë. Ajo ka treguar të gjithë zanafillën e takimit me shqiptarin nga Kosova, e më pas kontaktin që ky i fundit i ka bërë në platforma të ndryshme sociale, përfshirë numrin personal.
“Unë kam qenë në një restorant. Më ka kërkuar të bëjë një foto me mua, e kam bërë me shumë dashamirësi. Që nga ai moment e pash një lloj tendence për t;u afruar, por ia lash faktit që jemi personazh publikë. Kam marrë mesazhe edhe në numrin tim personal. Kam marrë telefonata, duke mos e ditur me kë kam të bëj, i kam kërkuar të më lërë të qetë sepse nuk kam pasur asnjë interes. Kam pasur mesazhe opsesive, deluzionale, që sipas tij pretendohet. Që pas fotos ai e kishte projektuar jetën. Që prej 2020, kisha marrë mesazhe nga ky person. Por takimi për së afërmi mendoj që e kanë bërë të ketë më pas reagime. Nuk kam marrë asnjë dhuratë nga ai, ndryshe nga sa është folur. Duke parë që qëllimi është i sëmurë, nuk do pranoja asnjë dhuratë. Kam qenë e frikësuar, kam ndryshuar stilin e jetesës. Kam pasur debat në prokurori për këtë pjesë. Kam marrë mesazhe, që janë agresive, jo nga përmbajtja, por kur them jo 1,2,3 herë, i kam thënë që nëse më bezdis do të të denoncoj në polici”, tha Albana Bejko ne ‘Goca dhe Gra’.
Për herë të parë ajo ka shfaqur edhe mesazhet që ai i dërgonte, duke i thënë se ‘ishte burri i saj i ëndrrave’ dhe se ‘e donte shumë’ dhe donte të martohej me të.
“Një moment i frikshëm ishte kur në ambientet ku unë punoj, personi u afrua më kërkoi që të uleshim për kafe, në atë moment reagimi ishte instiktiv, i trembur, i thash ‘të lutem mu hiq qafe’. Kaluan 4 djem në atë moment, dhe kjo e trembi pak. Periudha intensive e përndjekjes ka qenë qershor i vitit të shkuar deri para pak ditësh, dhe unë më pas telefonave policinë”, tha ajo.