‘Sulm nga Irani’, arrestime dhe tërheqje e SHBA-ve| Pikëpyetjet rreth incidentit në bazën ajrore Fairford

Ngjarja në bazën ajrore RAF Fairford mbetet e mbushur nga pikëpyetje, por zhvillimet tregojnë se autoritetet britanike dhe amerikane e kanë marrë seriozisht mundësinë e një kërcënimi të lidhur me Iranin. Gjithçka nisi pas raportimeve për disa furgonë dhe persona pranë bazës, ku më pas u ndaluan pesë shtetas britanikë. Në automjete u gjetën sasi të mëdha karburanti, por nuk u zbuluan eksplozivë. Pikërisht këtu nis dilema kryesore. Nëse bëhej fjalë për një përpjekje konkrete terroriste, mungesa e eksplozivëve dhe lirimi i të ndaluarve e ‘dobësojnë’ këtë version. Por kjo nuk do të thotë domosdoshmërisht se kërcënimi ishte i sajuar. Një operacion zbulimi, testim i sigurisë së bazës ose përgatitje për një veprim të ardhshëm mund të mos lërë pas prova të drejtpërdrejta për një...