Sportisti ukrainas tregon ‘çmimin’ e luftës përmes helmetës, Komiteti Olimpik ia ndalon!

February 10, 2026 February 10, 2026 Garuesi ukrainas në skeleton (lloj sporti dimëror), Vladyslav Heraskevych, ka denoncuar se Komiteti Olimpik Ndërkombëtar nuk do t’i lejojë të garojë me një helmetë të dedikuar për sportistët ukrainas që kanë humbur jetën gjatë luftës. Sportisti, i cili u rendit i katërti në Kampionatin Botëror 2025, kishte përdorur helmetën gjatë stërvitjeve në Cortina, por të hënën në mbrëmje, 9 shkurt, është njoftuar zyrtarisht se nuk i lejohet më. Sipas KOK-ut, kjo shkel Rregullin 50 të Kartës Olimpike, i cili ndalon manifestimet ose propagandën në ambientet olimpike. Heraskevych thekson se nuk bëhet fjalë për një mesazh politik, por për një homazh ndaj anëtarëve të “familjes olimpike”, disa prej tyre ish-medalistë të rinj. Në helmetë shfaqen, ndër të tjerët, patinatori Dmytro Sharpar dhe bokseri Pavlo Ishchenko. KOK-u...