Tensione në stadium në futbollin italian, sulmohet shefi i arbitrave i Serie A, Gianluca Rocchi që më pas shoqërohet me polici

Pati momente tensioni intensiv mbrëmjen e djeshme gjatë ndeshjes Carrarese-Catanzaro. Shefi i arbitrave në kampionatin italian, Gianluca Rocchi, i cili ishte i pranishëm në Stadio dei Marmi për të vlerësuar ekipin e gjyqtarëve të përfshirë në ndeshje, u sfidua rëndë dhe më pas u sulmua verbalisht nga disa tifozë vendas. Situata u tensionua me zemërimin e tyre për disa vendime të dyshimta në fushë (veçanërisht penalltinë që vizitorët e kishin marrë dhe më pas shënuan në kohën shtesë, gol që solli edhe barazimin e rezultatit në 3-3). Arbitri, i rrethuar nga tifozët, u detyrua të largohej nga stadiumi nën shoqërimin e policisë. Top Channel