Muçi “bën për vete” trajnerin e Trabzonspor, Fatih Teke apel drejtuesëve: Duhet ta blejmë menjëherë

Ernest Muçi mbetet i huazuar te Trabzonspori, pasi presidenca ka vendosur të presë fundin e sezonit që të vendosë të ardhmen. Trajneri Fatih Teke bashkë me stafin teknik, këmbëngulin që kartoni i tij të blihet menjëherë nga Beshiktashi. “SuperHaber” raporton në Turqi se kështu do të vazhdonte forma e jashtëzakonshme e Muçit. Deri tani janë 12 gola dhe pesë asistime, në më pak se tre muaj. Sipas stafit të Trabzonsporit: “Nëse tarifa e transferimit paguhet para përfundimit të sezonit, performanca e Muçit do të përmirësohet dhe qëndrueshmëria do të vazhdojë”. Huazimi i Muçit kushtoi 1 milion euro. Trabzonspori duhet të paguajë edhe 8.5 milionë euro të tjera për të blerë kartonin dhe presidenti Ertugrul Dogan nuk po nxitohet.