Qytetarët paralajmëruan protestë, policia rrethon Parlamentin dhe vendos gardh metalik

Kuvendi zhvillon sot seancën plenare, ndërsa paralelisht jashtë ambienteve të Parlamentit është paralajmëruar edhe një protestë. Në zonën përreth Kuvendit janë vendosur forca të shtuara policore, ndërsa policia ka ngritur edhe një gardh metalik për të rrethuar dhe kontrolluar perimetrin pranë institucionit. Masat e sigurisë vijnë pas tensioneve të regjistruara në seancën e kaluar plenare, e cila ishte edhe seanca e parë, ku pati përplasje mes forcave të policisë dhe protestuesve.