Pesë autobusë 100% elektrikë për shërbimin urban në Tiranë

Bashkia e Tiranës ka shtuar në flotën e transportit publik autobusë elektrikë dhe hibridë, ndërsa projekti për krijimin e një sistemi të transportit të shpejtë me autobusë (BRT) ndodhet në fazën e projektimit. Në linjën urbane “Unaza” operojnë 5 autobusë 100% elektrikë dhe 26 autobusë hibridë. Autobusët elektrikë nuk prodhojnë emetime ndotëse gjatë lëvizjes, ndërsa ata hibridë përdorin një teknologji që synon të ulë konsumin e karburantit dhe emetimet krahasuar me mjetet konvencionale. Ndërkohë, për projektin BRT, Bashkia ka nisur punën përgatitore në bashkëpunim me Bankën KfW dhe GIZ. Projekti parashikon krijimin e korsive të dedikuara për autobusët dhe rritjen e kapacitetit të transportit të udhëtarëve. Ndërhyrjet në fazën fillestare pritet të përqendrohen në tre linja: Unaza, Kinostudio–Kombinat dhe Tirana e Re. Sipas projektit, synohet...