Një vit pas grabitjes në Luvër, xhevahiret e vjedhura ende në kërkim

Një vit pas grabitjes së bujshme në Muzeun e Luvrit në Paris, katër të dyshuarit kryesorë ndodhen në burg në pritje të gjykimit, por xhevahiret historike me vlerë rreth 100 milionë dollarë vazhdojnë të mbeten të zhdukura. Hetuesit kanë shteruar shumë nga pistat e mundshme, ndërsa ekspertët paralajmërojnë se sendet e çmuara mund të kenë përfunduar në duart e rrjeteve të krimit të organizuar. Grabitja ndodhi më 19 tetor të vitit të kaluar, kur autorët, të maskuar si punëtorë, përdorën pajisje prerëse industriale për të depërtuar në muze dhe për të marrë tetë objekte të çmuara. Mes tyre ishin një karficë dhe një kurorë që i përkisnin Eugénie-s, bashkëshortes së Napoleonit III. Presidenti francez, Emmanuel Macron, e cilësoi ngjarjen si një sulm ndaj historisë së...