Nisin punimet restauruese në shtëpinë e familjes Gashi në Suharekë

Kanë nisur punimet restauruese në shtëpinë e familjes së Xhevdet Gashit, në fshatin Dubravë të Suharekës, ka njoftuar Ministria e Kulturës dhe Turizmit. Sipas njoftimit, shtëpia, e ndërtuar në shekullin XIX, përfaqëson një shembull të veçantë të arkitekturës tradicionale të banimit, me organizim karakteristik të hapësirave, të ngjashëm me kullat tradicionale të gurit. Ministria ka bërë të ditur se përmes këtyre punimeve synohet ruajtja e vlerave historike dhe arkitektonike të objektit, në mënyrë që ato të ruhen edhe për brezat e ardhshëm.  ObserverKult Lexo edhe: Tiranë, përfundon murali në Parkun e Artit, homazh për gratë e Arkivit Filmik Shqiptar