Treni ADN prej Anagnostit – poetika e kujtesës dhe kamera e ndërgjegjes

January 23, 2026 January 23, 2026 Nga Arian Leka Në librin “Treni ADN”  (Intergrafika, 2024) Dhimitër Anagnosti shfaqet jo si poeti që mëton një vend në poezi, por si autor që e ka poezinë si vazhdim të domosdoshëm të jetës së vet krijuese. Qasja ndaj poezisë, si hapësirë arti e pashijuar, e vendos autorin në sporvën e një dallimi thelbësor, që veçon poetët episodikë nga ata që shkruajnë nën “ankthin e domosdoshmërisë” apo nga kërkesa për ta lënë me shkrim dëshminë e tyre. Tashmë ambicia artistike e Anagnostit është qetësuar falë fronit prej korifeu në kinematografi, por nevoja ekzistenciale e tij për t’u shprehur edhe përmes vargjeve është shtysa që e fton jo thjesht të dëshmohet, por për të dëshmuar edhe përmes poezisë. “Treni ADN”  vjen si një libër ku poezia, kinemaja, kujtesa...