Kujtimi

Poezi nga Lasgush Poradeci. Edhe në mungove, Edhe në ndryshove, Edhe në dredhove, Në më gjarpërove:  Kujt j-a dhè mungimin? Kujt ja dhè ndryshimin? Kujt j-a dhe dredhimin? Kuja gjarpërimin?  Mungime-e ndryshime, Mungime-e dredhime, Dh’ato gjarpërime- Hon për zemrën t’ime.  Zemr’ e mall i parë, Zemërëz’ e vrarë Kujton dyke qarë, Pushton me llaftarë Lulen e pavdarë, Trupin e pangarë.  Pa ri pshoj qetuar Dyke ëndëruar Ndaj po puth nër duar- Si ndaj koh’ e shkuar-  Fort i dëshëruar, Fort i dhëmshëruar, Fort i lumtëruar, Ballin dritë-qëruar Syrin qjell-kulluar, Gjirin-vajzëruar, Trupin-qumështuar./KultPlus.com