Kaos në aeroportet britanike, anulohen mbi 600 fluturime pas defektit në sistemin e kontrollit ajror, qindra mijëra pasagjerë orë të gjata pasigurie

Një defekt teknik në sistemin britanik të kontrollit të trafikut ajror ka shkaktuar kaos në aeroportet kryesore të vendit, duke detyruar anulimin e më shumë se 600 fluturimeve dhe duke lënë qindra mijëra pasagjerë përballë vonesave dhe pasigurive. Problemi preku sistemin e përpunimit të të dhënave të fluturimeve të NATS, operatorit britanik të kontrollit të trafikut ajror. Ndër aeroportet më të prekura ishin Heathrow, Gatwick, Stansted, Manchester dhe Birmingham, ndërsa probleme u raportuan edhe në aeroporte të tjera në Angli dhe Skoci. Sipas të dhënave të Flightradar24, deri të martën në mbrëmje ishin anuluar më shumë se 600 fluturime, ndërsa qindra të tjera u vonuan. British Airways, easyJet, Ryanair dhe kompani të tjera ajrore u përballën me pasoja të drejtpërdrejta nga ndërprerja. NATS fillimisht njoftoi...