Fier/ Arrestohet 31 vjeçari, shkoi të digjte mbeturinat i vuri zjarrin fshatit

Një 31 vjeçar, banues i fshatit Kreshpan të Fierit u arrestua pasi akuzohet për shkatërrim të pronës me zjarr. Anesti Tahiraj u arrestua pasi nga hetimet e kryera për zjarrin e rënë dje, në fshatin Kreshpan, dyshohet se ka ndezur zjarr për djegien e mbeturinave në një tokë që kishte marrë me qira dhe për shkak të erës së fortë, flakët janë përhapur në sipërfaqe të tjera toke në fshat, duke shkaktuar dëme të konsiderueshme.