FFF me deklaratë zyrtare/ Infantino nuk e ka mbështetjen tonë

Pas disa ditëve me diskutime edhe Franca më në fund ka tërhequr mbështetjen e saj për Presidentin e FIFA-s, Xhani Infantino, përpara zgjedhjeve të reja presidenciale që do të mbahen më 18 mars 2027, në Rabat të Marokut. “Një sërë ngjarjesh që përfshijnë drejtpërdrejt qeverisjen e FIFA-s dhe Presidentin e saj kanë dalë në pah, pas mbështetjes së FFF-së më 29 qershor, në kundërshtim të plotë me parimet thelbësore të qeverisjes së mirë dhe vlerat e futbollit”, deklaroi Federata Franceze në një deklaratë, duke iu referuar planit të Infantinos për të shitur aksionet e Kupës së Botës në një fond privat kapitali për 4.2 miliardë dollarë. “Sot, pavarësisht se projekti është braktisur përfundimisht falë një përgjigjeje të koordinuar brenda UEFA-s dhe në bashkëpunim me disa...