Jorida Tabaku: “Made in Albania” po shuhet nga taksat dhe kriza ekonomike

Deputetja e Partisë Demokratike, Jorida Tabaku, vizitoi një fabrikë fasonerie, ku foli për thellimin e krizës në prodhimin vendas dhe mbylljen e bizneseve që deri dje eksportonin produkte “Made in Albania”. Gjatë vizitës, Tabaku tregoi se fabrika që pak muaj më parë kishte 120 punonjës, sot ka mbetur me vetëm 30. Sipas saj, mbi 90 familje kanë humbur vendin e punës, ndërsa makineritë e pluhurosura janë simbol i një sektori që po shuhet për shkak të politikave të gabuara ekonomike. “Këto janë produktet e fundit ‘Made in Albania’ që ky biznes ka prodhuar në tetor të vitit të shkuar. Fatkeqësisht, si rezultat i taksave të larta, pagesës së inputeve në doganë, zhvlerësimit të euros dhe rritjes së vazhdueshme të pagës minimale, këto biznese po mbyllen”,...