Lajmidites.com

Category: Sport

  • Mbetën jashtë Botërorit për shkak të magjisë së zezë… Akuza e çuditshme vjen nga Nigeria

    Mbetën jashtë Botërorit për shkak të magjisë së zezë… Akuza e çuditshme vjen nga Nigeria

    17 Nëntor 2025

    16:46

    Telesport

    Victor Osimhen dhe Nigeria e tij mbeten përfundimisht jashtë Kupës së Botës 2026. Në betejën e djeshme në play-off ndaj DR Congo, pas barazimit 1-1 në kohën e rregullt, fituesi u vendos nga pika e bardhë e penalltisë, aty ku futbollistët kongolezë u treguan më të saktë.
    Pas ndeshjes, trajneri i Nigerisë, Eric Chelle, pretendon se lojtarët dhe stafi i DR Congos përdori ‘voodoo’ (magjia e zezë) gjatë ekzekuutimit të penalltive dhe kjo ishte sipas tij shkak kryesor për eliminimin e ekipit të tij.
    “Gjatë të gjitha penalltive, lojtarët e Kongos bënin pak vudu… kjo është arsyeja pse isha nervoz me ta”, tha Chelle. DR Congo në muajin mars do të luajë dhe finalen e fundit për biletën e fundit për Kupën e Botës 2026.

  • Kualifikueset për Euro U-17, Shqipëria e mbyll me një pikë. Mundet nga Kazakhstan në ndeshjen e fundit

    Kualifikueset për Euro U-17, Shqipëria e mbyll me një pikë. Mundet nga Kazakhstan në ndeshjen e fundit

    Kombëtarja U-17 luajti sot ndeshjen e tretë dhe të fundit në raundin e parë të kualifikueseve të Kampionatit Europian 2026 ndaj Kazakistanit.
    Takimi i zhvilluar në “SRP Trate Nedelišće”, në Nedelišće, u fitua nga Kazakistani U-17 me rezultatin 2-1.
    Trajneri Fatjon Tafaj e nisi ndeshjen me këtë formacion titullar: Simon Lleshi (GK), Kostantinos Varesi (C), Xhoel Mezani, Dennis Pierro, Petro Marku, Dion Vata, Kledi Qosja, Mattias Allasufi, Armend Muslika, Frensi Mali, Sokol Uldedaj.
    Kazakistani U-17 zhbllokoi rezultatin në minutën e 21-të me sulmuesin Chernomorets. Pjesa e parë u mbyll 1-0.
    Në fraksionin e dytë, Kazakistani U-17 gjeti sërish rrjetën në minutën e 58-të me Zhilkaidar, duke e çuar rezultatin në 2-0.
    Pavarësisht rezultatit, në pjesën më të madhe të ndeshjes Kombëtarja U-17 ishte në kontroll të lojës dhe krijoi disa mundësi të mira. Nga minuta e 76-të, Shqipëria mbeti me 10 lojtarë pas daljes me të kuq të sulmuesit Himallari.
    Kuqezinjtë nuk u dorëzuan dhe në fund të takimit në kohën shtesë shënuan gol me Armend Muslikën, megjithatë asgjë nuk ndryshoi dhe ndeshja u mbyll me fitoren 2-1 të Kazakistanit U-17.

  • Reali kushton 10 miliardë euro, Perez gati të shesë 10% aksione

    Reali kushton 10 miliardë euro, Perez gati të shesë 10% aksione

    Ditë më parë është raportuar se Florentino Perez do të tërhiqet nga drejtimi i Real Madrid para se t’i përfundojë kontrata presidenciale në 2028. Mirpo ditët e fundit po flitet ndryshe.

    Madje sot nga mediat pranë Los Blancos shprehen se kreu i klubit synon të shesë 5% deri në 10% të aksioneve të Real Madridit një investitori të jashtëm.

    Ai do ta paraqesë planin në mbledhjen e jashtëzakonshme të aksionarëve të këtij muaji. Presidenti e vlerëson klubin me 10 miliardë euro, që do të thotë se shitja do të sillte midis 500 milionë dhe 1 miliard euro.

    Vazhdo leximin

  • FOTO/ Atentat në qendër të Manhatanit lojtarit të njohur të NFL

    FOTO/ Atentat në qendër të Manhatanit lojtarit të njohur të NFL

    Lojtar i njohur i NFL-së (futbolli amerikan) qëllohet në një atentat në qendër të Manhattanit në SHBA, ndërsa ndodhet në spital në gjendje kritike për jetën.
    Kris Boyd, një mbrojtës i krahut për New York Jets në NFL, mori plagë të rënda pasi u qëllua në bark ditën e djeshme (16 nëntor).
    Siç raporton BBC, rreth orës 02:00 sipas orës lokale, policia mori një telefonatë për një të shtënë jashtë restorantit luksoz Sei Less, në qendër të Manhattanit.
    Kurse sipas CBS, Departamenti i Policisë së Nju Jorkut po heton incidentin, por nuk ka bërë asnjë arrestim.
    “Jemi në dijeni të situatës që përfshin Kris Boyd dhe nuk do të bëjmë asnjë koment të mëtejshëm në këtë kohë”, tha një zëdhënës i Jets për BBC-në.
    Policia publikoi dhe një video që tregon të dyshuarin e plagosjes së rëndë. Motivet dhe dinamika mbeten ende të panjohura.
    Përpara se t’i bashkohej Jets në fillim të këtij viti, Boyd luajti dy sezone me Houston Texans, e më pas një sezon me Arizona Cardinals dhe katër sezone me Minnesota Vikings. Lojtari i Jets kishte qenë jashtë loje për shkak të një dëmtimi në shpatull që pësoi gjatë një stërvitjeje të ekipit në gusht.

    Shoku i tij i skuadrës, Jermaine Johnson, postoi një mesazh në X duke kërkuar lutje për shokun e tij të skuadrës.
    “Ju lutem të gjithëve, dërgoni lutjet tuaja për vëllain dhe shokun tim të skuadrës Kris Boyd dhe familjen e tij!!! Zot, të lutem vendos dorën tënde shëruese mbi Kris dhe ktheje atë në shëndet dhe siguri. Zot, të lutem ndihmoje ta kalojë këtë shëndoshë e mirë. Në emrin tënd, Amen”.

  • Shqipëria me sytë në Gjermani për Botërorin

    Shqipëria me sytë në Gjermani për Botërorin

    Shqipëria do të presë të enjten, për të mësuar rivalin në gjysmëfinalen e “play off”. Fakt është tashmë se kuqezinjtë janë përfundimisht në vazon e tretë, dhe sfidën gjysmëfinale do e luajnë në transfertë. Data e paracaktuar është 26 mars.
    Përfaqësuese të tjera, mbeten në garë për të ndryshuar fatin e tyre. Në letër ekziston mundësia, që në përfundim të ditës sot të ketë një situatë të re në vazon e dytë.
    Në rast se Gjermania do humbasë ndaj Sllovakisë, atëherë janë sllovakët që kualifikohen direkt. Ky skenar do të vështirësonte gjithçka për kuqezinjtë në “play off”. Fillimisht Gjermania do të vendosej si rival i mundshëm në rast finaleje, ndërsa në anën tjetër do të ishte Polonia që merrte vendin e Sllovakisë në vazon e dytë .
    VAZO E DYTË AKTUALISHT
    Sllovaki, Skoci, Çeki dhe Irlandë
    SKENAR SI MUND TË NDRYSHOJË SITUATA SOT NË VAZON E DYTË
    Gjermani – Sllovaki
    Fitorja e Sllovakisë sot në transfertë i dërgon në Botëror, ndërsa Gjermania si vend i dytë do të vendosej në vazon e parë. Sllovakisë i duhet të bëjë mrekullinë sot, që ky skenar të realizohet.
    Në rast se Sllovakia fiton sot, vazo e dytë do të bëhet: Poloni, Skoci, Çeki dhe Irlandë.
    *Shqipëria ka humbur të gjitha mundësitë për të qenë në vazon e dytë. Ndërkohë disa përfaqësuese mbeten në lojë, pasi kualifikueset vijojnë. Shembull është rasti i Uellsi, që në rast se fiton ndaj Maqedonisë së Veriut do fitojë vendin e Irlandës në vazon e dytë.

  • “Më dhemb fakti që nuk shënova”, Arbër Hoxha: Mëkat, zhvilluam super ndeshje

    “Më dhemb fakti që nuk shënova”, Arbër Hoxha: Mëkat, zhvilluam super ndeshje

    Arbër Hoxha ishte një nga lojtarët më të mirë të Shqipërisë përballë Anglisë. Sulmuesi i Dinamo Zagreb zhvilloi një paraqitje fantastike, por shpërdoroi edhe rastin më të pastër për të ndëshkuar “Tre Luanët” përpara se Harry Kane të realizonte golin e parë. Pikërisht ky detaj nuk e lejon Hoxhën të festojë plotësisht, i vetëdijshëm se ai rast mund të ndryshonte rrjedhën e këtij takimi:
    “Nuk jam aq i lumtur sepse nuk arritëm të marrim një rezultat pozitiv dhe kur e mendon që Kombëtarja luajti super ndeshje, me rastet që krijoi deri në minutën e 70′ para se anglezët të shënonin golin, ishim të barabartë. Edhe pse ata e patën në kontroll ndeshjen, rastet i patëm ne edhe pse nuk arritëm të shënonim gol. Më dhemb fakti që nuk e shënova atë rastin që kisha, por duhet ta lemë pas këtë ndeshje dhe të përqendrohemi te ajo në mars për “play-off”. Kemi bërë ndeshje të mira, kemi hasur shumë vështirësi gjatë këtij rrugëtimi, por nuk jemi dorëzuar asnjëherë dhe tani të vijmë në mars të përqendruar. Besojmë dhe shpresojmë te grupi që do të arrijmë një vend në Kupën e Botës. S’duhet të ndjehemi asnjëherë inferiorë, sepse grupi ka shumë kualitet dhe të përqendrohemi pavarësisht kë kemi kundërshtar, mund të bëjmë diferencën”, u shpreh Hoxha për mikrofonat e FSHF-së.

    (BalkanWeb)

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Kombëtarja U-21 zhvillon sot miqësoren e radhës ndaj Ukrainës, Simon Simoni i bashkohet grupit

    Kombëtarja U-21 zhvillon sot miqësoren e radhës ndaj Ukrainës, Simon Simoni i bashkohet grupit

    Kombëtarja U-21 do të luajë sot në “Elbasan Arena” ndeshjen e dytë miqësore të nëntorit ndaj Ukrainës, në orën 18:00.
    Departamenti i Komunikimit në FSHF bën me dije se pjesë e grupit për ndeshjen e sotme do të jetë edhe portieri Simon Simoni, i cili është bashkuar me skuadrën pas përfundimit të sfidës Shqipëri – Angli.

    I gjithë grupi është në gjendje të mirë dhe do të jetë në dispozicion të trajnerit Alban Bushi për përballjen ndaj Ukrainës.

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Dëmtimi i Armando Brojës, ja sa pritet të zgjasë rikuperimi i tij

    Dëmtimi i Armando Brojës, ja sa pritet të zgjasë rikuperimi i tij

    Armando Broja nuk po kalon një moment të mirë. Sikur të mos mjaftonte që sulmuesi nuk po gjen dot golin me kuqezinjtë, ai u dëmtua në sfidën ndaj Anglisë.
    Ai u aktivizua në minutën e 75 në vend të Bajramit, por nuk ishte e thënë që ta mbyllte sfidën. Sa i takon dëmtimit, të reja të rëndësishme vijnë së fundmi. Bëhet fjalë për ndrydhje të gradës 1 dhe rikuperimi mund të zgjasë 14-16 ditë.

    Broja synon që të rikthehet në fushë sa më parë të jetë e mundur, për të kërkuar kështu të jetë në formë për ndeshjet e marsit.
     

  • E bujshme! Jake Paul do të duelojë ndaj Anthony Joshua më 19 dhjetor në Majemi

    E bujshme! Jake Paul do të duelojë ndaj Anthony Joshua më 19 dhjetor në Majemi

    Jake Paul ka konfirmuar duelin e tij të radhës në ring, kundër Anthony Joshua, në Majemi, më 19 dhjetor. YouTuber-i i kthyer në boksier do të ndajë ringun me ish-kampionin e botës në peshën e rëndë Joshua, në një sfidë me tetë raunde, me doreza 10oz në peshat e rënda.
    Paul duhej të përballej me Gervonta Davis, por dueli u anulua pasi u ngrit një padi civile kundër kampionit të boksit të peshave të lehta dhe Joshua hyn si një kundërshtar zëvendësues i frikshëm. “Ky nuk është një simulim i inteligjencës artificiale. Kjo është Dita e Gjykimit,” deklaroi Paul.
    “Një përballje profesionale në peshat e rënda kundër një kampioni elitar botëror. Kur të mposht Anthony Joshua, çdo dyshim do të zhduket dhe askush nuk mund të më mohojë mundësinë për të luftuar për një titull botëror. Për të gjithë ata që më urrejnë, kjo është ajo që donit”, shtoi Jake Paul.
    Joshua do të boksojë për herë të parë që nga humbja e tij me nokaut ndaj kampionit të atëhershëm të IBF, Daniel Dubois. “Jake ose kushdo mund ta bëjë këtë punë. Pa mëshirë. Mora pak pushim dhe po kthehem me një mega-shfaqje. Është një mundësi e madhe për mua”, tha britaniku.
    “Ju pëlqen apo jo, unë jam këtu për të bërë numra masivë, për të pasur ndeshje të mëdha dhe për të thyer çdo rekord duke qëndruar i qetë. Mbani mend fjalët e mia, do të shihni shumë më tepër luftëtarë që shfrytëzojnë këto mundësi në të ardhmen. Jam gati ta thyej internetin për shkak të fytyrës së Jake Paul”, shtoi Joshua.
    Eddie Hearn, promotori i Joshua, tha: “Ata thonë të kesh kujdes çfarë dëshiron, pak a shumë kjo është e gjitha që kam nevojë të them. Dy nga emrat më të mëdhenj në sport do të përplasen më 19 dhjetor. Ndërsa e admiroj dashurinë e Jake, ai do ta zbulojë në mënyrën më të vështirë në Miami.”

  • Gjermani- Sllovaki, sfida e vendit të parë, Holanda për konfirmimin

    Gjermani- Sllovaki, sfida e vendit të parë, Holanda për konfirmimin

    Sot kualifiueset e Botërorit zona UFEA ecën me 6 ndeshje. Për të tjera konfirmime. Ato mbyllën nesër me sfidat e fundit në grupet kualifikuese të Europës.

    Programi për sot:

    20:45

    Republika Çeke- Gjibraltar

    Gjermani- Sllovaki

    Maltë- Poloni

    Mali i Zi- Kroaci

    Holandë-Lituani

    Irlandë e Veriut- Luksemburg/Sportiim.al/

    Vazhdo leximin