Pjesëmarrja e Ikballe Hudutit në edicionin aktual të Big Brother ishte jo vetëm e planifikuar, por edhe e përgatitur deri në detajet më të vogla. Megjithatë, gjithçka ndryshoi në momentet e fundit, kur një lajm i papritur nga familja e detyroi të tërhiqej vetëm pak çaste para se të hynte në shtëpi.
Teksa Ikballja ishte rrugës drejt studios së spektaklit, ajo mori njoftimin se bashkëshorti i saj ishte sëmurë papritur. Situata urgjente e detyroi të kthehej menjëherë mbrapsht dhe të anulonte hyrjen e saj në format, pavarësisht se ndodhej gati për të nisur rrugëtimin e saj në reality show.
Gjatë transmetimit, produksioni prezantoi edhe dhomën speciale të përgatitur posaçërisht për Ikballe Hudutin, një shenjë e qartë se pjesëmarrja e saj ishte e siguruar dhe e planifikuar që në fazat e hershme të edicionit. Doma e personalizuar tregoi se ajo do të kishte një rol të rëndësishëm në dinamikën e lojës, gjë që e bën tërheqjen e saj akoma më të ndjeshme dhe të papritur.
Edhe pse mungon një konfirmim zyrtar nga ana e produksionit, Ikballja po pret që situata familjare të stabilizohet përpara se të marrë një vendim përfundimtar.
Ikballe Huduti është një figurë e njohur dhe shpesh e komentuar, ndaj hyrja e saj në Big Brother konsiderohej si një nga lëvizjet më të forta të këtij edicioni.
Category: Showbiz
-
Ikballe Huduti tërhiqet në çastet e fundit nga Big Brother VIP Kosova, arsyeja prekëse që ndaloi hyrjen e saj
-
Ja cila është tema e ‘Met Gala 2026’
Met Gala kthehet të hënën, më 4 maj 2026. E njohur zyrtarisht si Costume Institute Benefit, Met Gala është një ngjarje vjetore për mbledhjen e fondeve për Institutin e Kostumeve të Muzeut Metropolitan të Artit, e cila shënon gjithashtu hapjen e ekspozitës së tij pranverore. Ekspozita do të hapet për publikun më 10 maj 2026 dhe do të zgjasë deri më 10 janar 2027, në Galeritë Condé M. Nast të sapoinauguruara, një hapësirë e përhershme prej gati 12,000 metra katrorë ngjitur me Sallën e Madhe. Sponsorët për ekspozitën e këtij viti përfshijnë Saint Laurent, Condé Nast, dhe Jeff Bezos dhe Lauren Sánchez Bezos.
Cila është tema e Met Gala 2026?
Ekspozita e Institutit të Kostumeve për vitin 2026 titullohet “ Arti i Kostumeve” dhe eksploron një ide qendrore: se si trupi i veshur shfaqet kudo në koleksionin e Met, pavarësisht se në cilën galeri ndodheni.
Ekspozita kombinon pothuajse 200 vepra arti – skulptura, piktura dhe objekte që shtrihen nga parahistoria deri në ditët e sotme – me rreth 200 veshje dhe aksesorë. Shfaqja është e organizuar në tre kategori: trupa të kudondodhur në art (si forma nudo), trupa shpesh të anashkaluar (shtatzëna, të plakura ose me aftësi të kufizuara) dhe trupa universalë (siç janë përfaqësimet anatomike).
Manekinët do të kenë fytyra me pasqyra të dizajnuara nga artisti Samar Hejazi, duke u lejuar shikuesve të shohin reflektimet e tyre dhe të imagjinojnë veten të veshur me rrobat, e cila ishte një zgjedhje e qëllimshme nga kuratori Andrew Bolton për të “lehtësuar empatinë dhe dhembshurinë” midis shikuesit dhe veshjeve, tha ai për revistën W.
Cili do të jetë kodi i veshjes?
Kodi zyrtar i veshjes nuk është njoftuar ende. Bolton vëren se, ndërsa ekspozita e vitit të kaluar ishte Superfine: Tailoring Black Style , kodi i veshjes ishte Tailored for You, duke u dhënë mysafirëve udhëzime më specifike për veshjet e tyre. Kodi i veshjes zakonisht nuk zbulohet deri më afër ngjarjes, megjithëse duke pasur parasysh fokusin e temës në marrëdhënien midis veshjeve dhe trupit, pritet që pjesëmarrësit të përqafojnë dizajne të ndërgjegjshme për trupin, silueta skulpturale dhe ndoshta veshje transparente ose “të zhveshura” që theksojnë formën. Dizajnet e Saint Laurent ka të ngjarë të jenë të njohura në tapetin e kuq duke pasur parasysh sponsorizimin e markës.
Kur është Met Gala 2026?
Eventi zhvillohet gjithmonë të hënën e parë të majit. Këtë vit, kjo është 4 maji. -
Nis edicioni i katërt i Big Brother VIP Kosova, opinionistë të rinj, banorë të parë dhe surpriza në spektakël
Edicioni i katërt i Big Brother VIP Kosova ka nisur zyrtarisht, duke sjellë në ekran emra të rinj, opinionistë të përzgjedhur dhe prezantimin e banorëve të parë që do të garojnë për çmimin e madh.
Këngëtarja e njohur Leonora Jakupi është një nga risitë e këtij sezoni. Ajo ka pranuar rolin e opinionistes, duke e cilësuar këtë pjesëmarrje si një eksperiencë krejt të re për të.
“Është një emocion i veçantë, një eksperiencë ndryshe. E kam pasur shumë të vështirë t’i thoja ‘po’ këtij formati,” u shpreh Leonora, e cila theksoi se roli i saj do të jetë kryesisht analizues dhe këshillues.
Aktorja Olta Gixhari i rikthehet formatit për të dytin vit radhazi, sërish në rolin e opinionistes.
“Për mua është një nder i madh. Nuk ka më bukur sesa të jesh pjesë e një reality show kaq të madh,” tha ajo.
Banorja e parë e këtij edicioni është Hygerta Sako, e cila u prezantua në një hyrje simbolike me sy të mbyllur. E emocionuar, Hygerta tha se ndihet me fat që hyri e para dhe se dëshira e saj është të largohet vetëm në fund të lojës.
Ish-banori i BBVK, Blero Muharremi, prezantoi banoren e dytë, Benita Zena, e cila i bashkohet garës me energji dhe ambicie për t’u përballur me sfidat e formatit. Gjatë prezantimit, Blero tha se do të merrte pjesë sërish në Big Brother vetëm nëse organizohet një edicion me yjet e sezoneve të kaluara.
I treti që hyri në shtëpi është Getoari, i cili u shpreh hapur për një “vijë të kuqe” personale:
“Jam i martuar, ndaj dua që vajzat e shtëpisë të mos më presin,” tha ai me humor, duke prezantuar kufijtë e tij që në fillim.
Banorja e radhës është Elijona, e cila vjen si konkurrentja më e re në moshë e këtij edicioni.
“Nëse dikush më prek në pika të dobëta, më mirë të zhduket,” deklaroi ajo në klipin prezantues, duke lënë të kuptohet se është gati për çdo sfidë. -
Kris Jenner shpjegoi pse mban marrëdhënie miqësore me ish-partnerët e fëmijëve të saj
Për një kohë të gjatë, personaliteti 70-vjeçar i reality show-t, Kris Jenner foli me ish-burrin e Kim Kardashian, Kanye West, edhe gjatë shpërthimeve të tij publike. Por kur ai e quajti “Kris Jong-un” në vitin 2020, një referencë për udhëheqësin e Koresë së Veriut Kim Jong-un, kjo i dha fund çdo marrëdhënieje miqësore.
Ajo është gjithashtu në kontakt me ish-in e Khloe Kardashian, Tristan Thompson, dhe madje ka marrë pjesë në festa ku ai ka qenë, ndërsa i ka bërë më shumë lëshime ish-it të Kourtney Kardashian, Scott Disick, i cili mbetet anëtar i kastit në reality show The Kardashians.
Jenner madje ka thënë se Disick është i pabesueshëm dhe se “ai do të jetë gjithmonë një pjesë e veçantë e familjes sonë “. “Unë bie në dashuri me njerëzit, jetoj jetë dhe vite me partnerët e tyre, të dashurit e tyre ose burrat e tyre”, tha Kris Jenner në një episod të podcastit On Purpose me Jay Shetty.
“Dhe kam të gjitha këto kujtime, udhëtimet, mëngjeset e Krishtlindjeve, ditëlindjet dhe të gjitha momentet e bukura, të qeshurat, gëzimin, lotët, foshnjat”, shtoi ajo, duke iu referuar Kim Kardashian.
Më pas tha: “Këta janë, në shumicën e rasteve, baballarët e nipërve dhe mbesave të mia. Dhe unë i dua këta burra, dhe kjo dashuri nuk ikën kur kalojmë kohë vërtet të vështira me ta. Nuk më fiket një çelës.”
Kris Jenner theksoi se ish-burrat ose partnerët e fëmijëve të saj e dinë se “gjithmonë mund të vijnë tek unë” me problemet e tyre. Siç tha diku tjetër, ajo gjithashtu qëndron pranë tyre për hir të nipërve dhe mbesave të saj.
“Çfarë do të mendojnë nipërit dhe mbesat e mia pas 20 vitesh nëse gjyshja e tyre do ta kishte trajtuar keq babanë e tyre?” pyeti veten ajo.
“Apo nëse nuk do të isha plot dashuri, mirësi, dhembshuri dhe falje? Kjo është arsyeja pse u mësoj fëmijëve të mi faljen. Është një nga mësimet më të mëdha që mund t’u jap: të falin dikë që i ka trajtuar keq dhe të ecin përpara”, shtoi ajo. -
Hygerta Sako, banorja e parë e ”Big Brother Kosova Vip 4”
Showbiz E Hënë, 17 Nëntor 2025 21:24
Gazetarja e mirënjohur e ekranit, Hygerta Sako është banorja e parë e ”Big Brother Kosova Vip 4”. Mbrëmjen e së dielës, shikuesit e “Rubrikës Sportive” u befasuan nga mungesa e moderatores Hygerta Sako në ekran. Në vend të saj, programi u drejtua nga Kristo Thoma, gjë që ngriti menjëherë pikëpyetje mbi arsyen e largimit të papritur të Sakos nga transmetimi i përjavshëm. Nga sot, për të nis loja. -
Benita Zena me dhëmbë 14 mijë euro në BBVK4
Showbiz E Hënë, 17 Nëntor 2025 21:43
Benita Zena është një nga emrat më të komentuar dhe tashmë është banore e ”Big Brother Kosova Vip 4”. E njëjta është pritur nga Blero, i cili po interpretonte një nga këngët e tij, jashtë shtëpisë. Blero ndërkaq ka qenë pjesë e edicionit të dytë të këtij reality show. “Vullkani po vjen edhe ka me dridh shtëpinë”, ka thënë ajo në klipin prezantues. “Kam hyrë të sfidoj veten. Pika ime është karakteri që e kam shumë të fortë”, theksoi mes tjerash. -
BBVK4, dhoma e gjumit me dy kate
Showbiz E Hënë, 17 Nëntor 2025 22:10
Edicioni i katërt i Big Brother VIP Kosova ka nisur sonte me një atmosferë të zjarrtë dhe me surpriza që u zbuluan që në hapjen e dyerve të shtëpisë më të famshme në vend. Pas hyrjes të disa prej banorëve, vëmendja u përqendrua te një nga hapësirat më të veçanta të këtij sezoni, dhoma e gjumit me dy kate. Banorët që janë futur deri më tash, kanë shkuar menjëherë drejt dhomës për të parë ambientin ku do të kalojnë netët e tyre. -
FOTO/ Dy opinioniste gra në BBVK4, ja si duken për Prime e parë
Showbiz E Hënë, 17 Nëntor 2025 20:47
Sonte nis ”Big Brother Kosova Vip 4”, dhe për herë të parë do të jenë dy opinioniste gra. Olta Gixhari dhe Leonora Jakupi, siç edhe janë përfolur. Para pak çastesh u publikua edhe një foto e tyre, ku shihet se ato janë gati për këtë mision të ri dhe po shkëlqejn. -
Pas përplasjes fizike, Top Channel largon dy moderatoret e “Wake Up”
Një lëvizje e papritur ka ndodhur në Top Channel, ku drejtuesit e televizionit kanë vendosur të largojnë nga “Wake Up” moderatoret Enxhi Nasufi dhe Neada Muçaj. Vendimi vjen pas një periudhe të gjatë tensionesh mes dy prezantueseve, të cilat, sipas burimeve të VoxNews, kanë ndikuar drejtpërdrejt në atmosferën e punës dhe ecurinë e programit.
Raportet midis Enxhit dhe Neadës prej kohësh nuk kanë qenë të mira. Fillimisht konfliktet kanë nisur me mosmarrëveshje të vogla në prapaskenë, por situata është përshkallëzuar deri në momente ku debati verbal është kthyer në përplasje fizike.
Në puntatën e fundit ku të dyja ishin të pranishme, tensioni ishte i dukshëm edhe për publikun. Ftohtësia mes tyre reflektohej në kamera, ndërsa bashkëmoderatori Blendi Salaj vihej në një pozicion delikat duke u përpjekur të mbante ekuilibrin dhe të shmangte përplasjet live.
Prej kohesh, Blendi, Enxhi dhe Neada kishin krijuar një identitet të fortë si treshe në ekranet e mëngjesit, duke shoqëruar publikun me energji dhe informacione që në orët e para të ditës. Largimi i dy moderatoreve përbën një ndryshim të madh për programin dhe lë hapur shumë pikëpyetje mbi drejtimin që Top Channel do i japë “Wake Up” në vazhdim.
Deri tani, nuk ka një prononcim publik nga Enxhi dhe Neada, ndërsa Top Channel pritet të sqarojë së shpejti se kush do të marrë drejtimin e programit pas largimit të tyre. -
“Kam luftuar shumë për këtë”/ Juliana tregon betejën me IVF dhe vendimin për t’u bërë nënë
Ish-finalistja e Big Brother VIP Kosova 1, Juliana Nura, ka ndarë një rrëfim të ndjerë dhe thellësisht personal në një intervistë për “Prive”, ku ka zbuluar se viti 2025 për të ka nisur me një prej vendimeve më të rëndësishme të jetës së saj.
Juliana tregoi se prej vitesh ishte përballur me dilema dhe hezitime për t’u bërë nënë, por më në fund ka vendosur t’i japë vetes mundësinë për të përjetuar mëmësinë përmes fekondimit artificial. Ajo tha se për të, për shumë gra të sigurta në çdo aspekt të jetës, dëshira për maternitet mbetet një hap natyral megjithëse vuri në dukje se respekton plotësisht gratë që zgjedhin një rrugë tjetër.
Nisur në fillim të vitit 2025, procesi i IVF ka qenë, sipas Julianës, një nga përvojat më sfiduese të jetës së saj. Ajo rrëfeu se ka kaluar jo një, por tre cikle të plota të fekondimit in vitro.Unë mendoj që dëshira e çdo femre që është e kompletuar emocionalisht, fizikisht, financiarisht, mendërisht, është të bëhet nënë. Jo të gjitha, por shumica. Sepse unë kam shoqe që nuk duan të bëhen nëna dhe kam respekt për to.
Kam nisur ta bëj IVF që nga fillimi i vitit 2025. Ka qenë një vit shumë i vështirë sepse nuk ishte aspak e lehtë. Gratë e kanë thënë edhe më herët në media që IVF është gjëja më e vështirë që kanë kaluar deri tani. Unë vetë i kam provuar tri IVF: i kemi nxjerrë vezët, i kemi ngrirë, i kemi bërë bashkë me spermatozoidet, kështu që i kemi gati embrionet. Ende nuk e di muajin kur do të mbetem shtatzënë, por e di që ka qenë një procedurë shumë e vështirë. Por ia uroj çdo gruaje, s’ka rëndësi me burrë apo pa burrë, që të bëhet nënë nëse e ka dëshirë.