Alketa Vejsiu ka ndezur sërish kuriozitetin e publikut me një përgjigje interesante gjatë rubrikës “Ask me a question” në Instagram. E pyetur nëse do ta prezantonte ndonjëherë Big Brother VIP Albania, moderatorja dha një përgjigje që la të hapura shumë interpretime.
“Po patjetër! Do lulëzonin lulet edhe në dimër”, shkroi Alketa, duke shtuar se aktualisht është e fokusuar tek projektet e saj në TV Klan, specifikisht tek talentet në muzikë, artistët që shfaqen në çdo skenë festivalesh.
Edhe pse nuk konfirmoi një angazhim konkret, mënyra si u shpreh ka bërë ndjekësit të mendojnë se prezantimi i BBVA prej saj mbetet një opsion real në të ardhmen. Moderatorja ka qenë gjithmonë një emër i përfolur për formatin, dhe kjo përgjigje vetëm sa e shton më shumë zhurmën rreth saj.
Screenshot
Alketa u pyet po ashtu për mendimin mbi realizimin e Big Brother Kosova. Ajo u përgjigj prerë se “duhej ta bënte një edicion vetë”, duke shtuar se formati në Kosovë, sipas asaj që kishte parë në rrjetet sociale, kishte “tejkaluar çdo limit etik”. Vejsiu theksoi se nuk është pro “porno-s në mes të ditës”, duke përmendur skena që sipas saj krijojnë “bezdi e diskomfort”, dhe se disa modele brenda shtëpisë “nuk përfaqësojnë asgjë, veç t’u tundin pasmet”.
Category: Showbiz
-
Dritë jeshile! Pas komenteve për “BBVK”, Alketa Vejsiu nuk e përjashton mundësinë e prezantimit të reality show
-
Tetovë – Blero, Adelina Tahiri, Big Mama, Dafina Zeqiri, etj. sot në ceremoninë e lamtumirës së Shpat Kasapit
Ceremonia mortore për këngëtarin e ndjerë Shpat Kasapi ka filluar sot në Pallatin e Kulturës në Tetovë, duke mbledhur në një atmosferë të ngarkuar me emocion familjarë, miq, kolegë dhe adhurues të muzikës, të gjithë për t’i dhënë lamtumirën e fundit një prej figurave më të dashura të skenës shqiptare.
Hapësira është e mbushur me trishtim dhe reflektim, ndërsa tingujt e heshtjes dhe lotët e të pranishmëve flasin për humbjen e papritur të artistit që ndërroi jetë në moshën 40-vjeçare. Secili prej të pranishmëve duket se ndan një pjesë të vetes me kujtimet e Shpat Kasapit, duke kujtuar jo vetëm zërin dhe muzikën e tij, por edhe personalitetin e ngrohtë dhe energjinë që transmetonte.Në ceremoninë mortore, përveç familjarëve të ngushtë, janë parë edhe figura të njohura të skenës muzikore shqiptare, si Blero, Adelina Tahiri, Big Mama dhe Dafina Zeqiri, të cilët kanë ardhur për të nderuar karrierën dhe kontributin e jashtëzakonshëm të Kasapit në muzikën shqiptare. Prezenca e tyre jo vetëm që thekson rëndësinë e Shpatit si artist, por edhe lidhjen e ngushtë dhe respektin që bashkësia muzikore ka ndaj tij.Të pranishmit ndajnë kujtime dhe emocione të paharrueshme, duke rikujtuar performancat e paharrueshme të Kasapit, këngët që e bënë të dashur për publikun dhe ndikimin e tij të thellë tek kolegët. Çdo fjalë, çdo përqafim dhe çdo lot duket se përcjell mesazhin e respektit dhe dashurisë për një jetë të shquar artistike që u shua herët.
Ceremonia do të vazhdojë më pas drejt varrezave të qytetit, ku Shpat Kasapi do të prehet përgjithmonë. Sot është një ditë për të përkujtuar jo vetëm muzikën e tij, por edhe jetën dhe arritjet artistike që lënë një gjurmë të pashlyeshme në kulturën shqiptare, duke e bërë humbjen e tij një moment reflektimi për të gjithë ne.
AV/KJ
-
I jepet sot lamtumira këngëtarit të njohur Shpat Kasapi
Këngëtari i njohur nga Maqedonia e Veriut, Shpat Kasapi, i cili u nda nga jeta më 26 nëntor 2025, do të përcillet diten e sotme për në banesën e fundit.
Lajmi i dhimbshëm është konfirmuar nga familja e tij, që me pikëllim kanë shpërndarë detajet e ceremonisë mortore. Homazhet për artistin do të zhvillohen sot, duke filluar nga ora 12:00, në Pallatin e Kulturës në Tetovë, ndërsa ceremonia e varrimit do të mbahet në orën 14:00 në varrezat e qytetit.
“Me hidhërim të thellë kumtojmë ndarjen nga jeta të birit, bashkëshortit, babait, vëllait dhe mikut tonë të dashur, Shpati ishte një zemër e pastër, një shpirt i gëzueshëm që jetonte me këngë në buzë dhe me dritë në sy. Ai përhapte vetëm dashuri e mirësi, dhe kushdo që e njihte, e ndiente ngrohtësinë e tij. Largimi i tij i papritur na ka thyer zemrat. Do të na mungojë zëri i tij i butë, buzëqeshja e sinqertë dhe prania e tij qetësuese. Kujtimi i tij do të mbetet i paharruar për ne,” thuhet në njoftimin e familjes.
Familja ka ftuar të gjithë ata që dëshirojnë të nderojnë kujtimin e Shpatit dhe t’i japin lamtumirën e fundit artistit të dashur, të marrin pjesë në ceremoninë mortore. -
Ç’po ndodh? Kris Jenner zgjedh vendin e varrimit
Kris Jenner deklaroi se dëshiron ta mbajë familjen e saj pranë edhe pas vdekjes.
Gjatë sezonit të ri të serialit “Kardashianët”, ajo deklaroi se është koha që familja të vendosë se çfarë dëshiron të bëjë kur të gjithë të vdesin, kështu që ajo dhe Khloe vizituan varrezat për të kërkuar vende varrimi. Duke folur në FaceTime me vajzat e saj, Kris deklaroi se mendon që familja duhet të ndërtojë një mauzole për veten e tyre, shkruan People.
Unë jam një person që vuaj nga çrregullimi obsesiv-kompulsiv dhe kam gjithçka nën kontroll dhe të organizuar. Ndjej se është përgjegjësia ime si kryefamiljare t’i mbledh të gjithë së bashku dhe ta zgjidhim atë në mënyrë që nëse ndodh diçka, të jemi të përgatitur dhe askush të mos ketë nevojë të frikësohet.
Kris shtoi se e di që do të shkojë në parajsë, por mendon se është shumë e rëndësishme se ku përfundon trupi i saj. “Po përpiqem vetëm t’jua bëj gjërat më të lehta. Kjo është menjëherë pranë Costco-s. Mund të shkoni atje, të bëni pazarin tuaj, të vini dhe të më përshëndetni”, i tha Kris Khloe-s.Khloe deklaroi se donte të digjej, por Kris ishte kundër kësaj, sepse Kylie nuk e donte.
Për më tepër, Kris deklaroi se ata kishin një komplot mjaftueshëm të madh për të gjithë. Kris deklaroi më tej se pasi të vdesë, do të pijë një martini në parajsë ndërsa shikon shfaqjen. -
Getoari pas daljes nga BBVK4: Qetësia ime më penalizoi, nuk isha aktiv në debate
Ish-banori i Big Brother VIP Kosova 4, Getoari, ka folur hapur për arsyet që, sipas tij, e çuan drejt eliminimit nga shtëpia më e famshme në vend. Në një intervistë në emisionin “Big Talk”, ai shpjegoi se profili i tij më i qetë dhe mungesa e përfshirjes në debate mund të kenë ndikuar tek vendimi i publikut.
“Nuk kam qenë shumë aktiv brenda shtëpisë së Big Brother VIP Kosova 4,” u shpreh ai, duke pranuar se roli i tij më i tërhequr nuk ka qenë gjithmonë në favor të tij.
Getoari shtoi se temperamentin e ka më të qetë, dhe kjo gjë është reflektuar gjatë qëndrimit në shtëpi, por ndoshta nuk ka qenë ajo që publiku kërkonte këtë edicion.
“Kam qenë në një pjesë më të qetë, besoj se edhe qetësia e ka vendin e vet, por publiku ka vendosur, është zgjedhja e tyre,” tha ai.
Megjithëse ai nuk ka qenë pjesë e përplasjeve apo toneve të larta, ish-banori mendon se pikërisht kjo e ka penalizuar në rrugëtimin e tij.
“Mendoj se më ka penalizuar që nuk kam qenë aktiv në debate dhe kam qenë më i qetë,” përfundoi Getoari, duke lënë të kuptohet se dinamika dhe energjia e debatit janë elementet kryesore që kërkon publiku në formatin e BBVK. -
Xheneta Fetahu “demaskon” Labinot Rexhën: “Kam mesazhet, kërkoi këshilla si të luante
Opinionistja e emisionit “Big Talk”, e njekohesisht ish banorja e “BBVK”, Xheneta Fetahu, ka hedhur kritika të forta ndaj banorit te shtepise Labinot Rexhës lidhur me mënyrën se si ai është futur në lojën e Big Brother VIP Kosova 4. Sipas saj, banori i shtepise Rexha ka kërkuar udhëzime dhe këshilla nga persona të ndryshëm përpara se të hynte në shtëpi, përfshirë edhe vetë ate, Xhenetën.
“Unë mendoj që siç është jashtë, është edhe brenda. Nuk ka lënë njeri pa ngacmuar për t’i pyetur për lojën”, u shpreh opinionistja e “Big Talk” në studio. Xheneta Fetahu madje tregoi se ka ruajtur edhe mesazhet që Rexha i ka dërguar, duke theksuar se është e gatshme t’i publikojë nëse kërkohet.
“Njëra prej tyre jam unë, i kam mesazhet dhe jua kam dërguar edhe juve në grup. Mund t’i bëj publike pa problem”, tha ajo, duke shtuar se për të, një lojtar nuk mund të quhet strateg nëse kërkon ndihmë për të ndërtuar lojën e tij.
“Për mua nuk je lojtar dhe as strateg, nëse i thua dikujt ‘më ndihmo’, ‘më trego si të luaj aty brenda’”, përfundoi opinionistja, duke vënë në pikëpyetje autenticitetin e strategjisë së banorit Labinot Rexha brenda shtëpisë së BBVK4. -
U nda para kohe nga jeta, sot i jepet lamtumira e fundit këngëtarit, Shpat Kasapi
Këngëtarit të njohur Shpat Kasapi do t’i jepet sot lamtumira e fundit. Homazhet për artistin do të zhvillohen në orën 11:00, në Pallatin e Kulturës në Tetovë, ndërsa ceremonia e varrimit do të mbahet në orën 14:00, në varrezat e qytetit.
Lajmi për ndarjen nga jeta të Kasapit u bë i ditur përmes një njoftimi në profilin e tij zyrtar, ku familjarët shprehen: “Me dhimbje të thellë njoftojmë largimin nga jeta të birit, babait, bashkëshortit, vëllait dhe shokut tonë të dashur, SHPAT KASAPI”.
Në njoftim theksohet se vdekja e papritur e artistit ka tronditur familjen: “Ikja e tij ka thyer zemrat tona. Do të na mungojë zëri i butë, buzëqeshja e sinqertë dhe prania e tij qetësuese. Kujtimi i tij do të mbetet i paharrueshëm.”Familja bën të ditur se të gjithë ata që dëshirojnë t’i japin nderimet e fundit janë të mirëpritur të marrin pjesë në ceremonitë mortore.
Shpat Kasapi ndërroi jetë më 26 nëntor në Itali, ku ndodhej me partneren, Selvije Jaon, dhe djalin e tyre. Dyshohet se këngëtari ka pësuar arrest kardiak.
/vizionplus.tv -
Horoskopi për ditën e sotme, e diel 30 nëntor 2025
DashiKi kujdes të mos e fajësosh veten për diçka për të cilën nuk je përgjegjës. Ndoshta ke ndikuar te dikush që të veprojë në një mënyrë të caktuar dhe tani ky veprim po të kthehet negativisht. Mos harro se secili merr vendimet e veta.
DemiJe në një periudhë kulminante emocionale dhe ndjenjat e tua janë të çrregullta dhe ndoshta të pakontrollueshme. Mos u ndje i detyruar të nxjerrësh logjikë nga asgjë. “Detyra” jote është të marrësh frymë thellë dhe të relaksohesh.BinjakëtMos e mbyll veten në një cep dhe mos izolo gjithçka përreth teje përveç shqetësimeve të tua të menjëhershme. Sa më shumë që e izolon veten dhe këmbëngul se nuk ke nevojë për ndihmën e askujt tjetër, aq më i frustruar dhe i trishtuar do të bëhesh.
GaforrjaKa gjasa t’i merrni gjërat për zemër pak më shumë se zakonisht. Ndryshimet dramatike në mjedisin dhe qëndrimin tuaj do t’ju mbajnë në gatishmëri. Do të fitoni shumë njohuri dhe mirëkuptim për njerëzit e tjerë. Do të jeni më të vetëdijshëm për ndjenjat dhe perspektivat e njerëzve të tjerë, duke ju ndihmuar të merrni vendime më të mira në punët tuaja.
LuaniDikush mund t’ju habisië me atë që thotë. Nëna juaj mund të ngrejë një çështje që as nuk e keni menduar. Ndoshta emocionet tuaja do trazohen kur të kujtoni diçka që ka thënë një grua e rëndësishme në jetën tuaj. Merrini parasysh ndjenjat, por mos lejoni që ato të dominojnë vendimet tuaja.
VirgjëreshaSot do të keni mundësi ta kuptoni plotësisht partnerin tuaj. Marrëdhëniet kanë tendencë të ecin me një ritëm të ngadaltë, ndonjëherë duke ecur përpara, ndonjëherë duke u kthyer pas. Ky është një proces natyror dhe nuk mund të shmanget, por të gjithë duhet të gjejmë kohë për të kuptuar nevojat e partnerëve tanë. Mundohuni të bëni pikërisht këtë!
PeshorjaMund të ndihesh sikur sapo ke takuar shpirtin tënd binjak. Të dy do të ndjeni dëshirën për të ecur drejt një mirëkuptimi edhe më të madh. Të dy e dini se kjo është një marrëdhënie që do t’i rezistojë çdo prove – dhe ndoshta do të testohet. Por dashuria dhe ndjenjat tuaja më të thella do të kapërcejnë çdo problem.
AkrepiBesnikëria ndaj punës është një pjesë kyçe e suksesit tuaj – veçanërisht sot. Demonstroni këtë besnikëri duke shkuar një hap përtej asaj që pritet prej jush. Nëse nuk ndjeni dëshirën për t’iu përkushtuar kësaj, atëherë gjeni një drejtim të ri.
ShigjetariËshtë e vështirë për ju të përballeni me njerëz të tjerë sot. Dikush po jua vështirëson komunikimin efektiv me këdo. Është më mirë të lini çdo çështje të rëndësishme për një ditë tjetër.
BricjapiNiveli juaj i produktivitetit në punë është jashtëzakonisht i lartë sot, prandaj shfrytëzojeni këtë kohë. Sa më shumë të arrini, aq më shumë do të frymëzoheni për të arritur qëllime të tjera. Ky cikël pozitiv në rritje do të çojë në sukses të madh në fund të ditës.
UjoriPuna juaj duket e lodhshme sot, edhe më shumë se zakonisht. Do të ndiheni të lidhur me një situatë që thjesht nuk ju përshtatet. Mos u nxitoni dhe mos vendosni papritur të hiqni dorë. Kjo është vetëm një fazë kalimtare që do të përfundojë së shpejti.
PeshqitMos ji shumë kritik ndaj punës së dikujt tjetër sot. Ai/ajo është më I ndjeshëm nga sa mund ta kuptosh në fillim. Një kritikë shumë e ashpër mund t’i sjellë lot në sy personit në fjalë. -
Dhimbje dhe lot në familje, Shpat Kasapi përcillet të dielën në banesën e fundit!
Këngëtari i njohur, Shpat Kasapi i cili ndërroi jetë pas një arresti kardiak teksa ndodhej në Itali do të përcillet nesër në banesën e fundit.
Lajmi është bërë i ditur përmes një njoftimi në faqen zyrtare të Instagramit të artistit të ndjerë.
Homazhet në nder të artistit do të mbahen në orën 11:00, në Pallatin e Kulturës në Tetovë. Ndërsa ceremonia mortore do zhvillohet në orën 14:00, në varrezat e qytetit të Tetovës.
“Me pikëllim të thellë njoftojmë ndarjen nga jeta të birit, babait, bashkëshortit, vëllait dhe shokut tonë të dashur, SHPAT KASAPI. Ikja e tij e papritur ka thyer zemrat tona. Do të na mungojë zëri i butë, buzëqeshja e tij e sinqertë dhe prania që na jepte qetësi. Kujtimi i tij do të mbetet i paharrueshëm për ne.”
Në njoftim, shkruhet se të gjithë ata që dëshirojnë t’i japin lamtumirën e fundit Shpat Kasapit janë të mirëpritur të marrin pjesë në ceremoninë e tij.
Shpat Kasapi ka qenë një nga emrat më të njohur dhe më të dashur të skenës muzikore shqiptare. I lindur më 1 maj 1985 në Tetovë, ai u rrit në një familje me traditë muzikore.
Karriera e tij nisi në fillim të viteve 2000, ku shumë shpejt u bë një prej idhujve të rinisë me stilin e tij modern, meloditë e lehta dhe performancat energjike.
Shpati u afirmua përmes tregut muzikor kosovar dhe atij shqiptar, duke sjellë këngë që u shndërruan në hite si “A më do?”, “Valle Kosovare”, “Dashni pa limit”, “Aroma e saj”, e shumë të tjera. Gjatë karrierës së tij, Kasapi mori pjesë në festivale të rëndësishme dhe realizoi bashkëpunime që lanë gjurmë te publiku. -
Melania Trump hap kompaninë e saj të produksionit “Muse Films”
Melania Trump, Zonja e Parë e SHBA-së, ka bërë një lëvizje të papritur në karrierën e saj publike. Ajo njoftoi themelimin e një kompanie të re produksioni të quajtur “Muse Films”, vetëm pak javë para publikimit të dokumentarit të krijuar për të nga Amazon MGM Studios.
Filmi dokumentar, i titulluar thjesht “Melania”, është realizuar nga regjisori i njohur Brett Ratner dhe pritet të shfaqet në kinematë amerikane më 30 janar, ndërsa do të mbërrijë edhe në disa tregje ndërkombëtare.Pas premierës, dokumentari do të jetë ekskluzivisht i disponueshëm në Amazon Prime Video.
Mediat amerikane raportojnë se Amazon ka blerë të drejtat e filmit në janar të këtij viti, duke e konsideruar projektin si një prej dokumentarëve më të komentuar të periudhës së tranzicionit të Shtëpisë së Bardhë.
Melania e bëri publik lajmin për kompaninë e re përmes kanaleve të saj zyrtare në rrjetet sociale, ku publikoi një video të shkurtër me logon e Muse Films. Emri “Muse” ka një domethënie të veçantë për ish-Zonjën e Parë, pasi ishte pseudonimi i saj i Shërbimit Sekret gjatë mandatit të Donald Trump.
Sipas burimeve nga Amazon MGM Studios, dokumentari “Melania” do të përqendrohet në:20 ditët e prapaskenave para inaugurimit të Donald Trump në vitin 2025
Vendimet dhe sfidat që Melania përjetoi gjatë organizimit të ceremonisë
Procesin e tranzicionit drejt kthimit në Shtëpinë e Bardhë
Rikthimin e saj në qendër të vëmendjes publikeFilmi premton pamje ekskluzive, takime vendimtare dhe biseda private, duke ofruar një qasje të rrallë në botën e Melania Trump dhe rolin e saj si figurë e fuqishme në politikën amerikane.
Melania shërben si producente ekzekutive e dokumentarit, së bashku me Fernando Sulichin nga New Element Media. Xhirimet për filmin nisën në dhjetor 2024, vetëm pak muaj para se familja Trump të rifillonte tranzicionin drejt administratës së re.