Ronela Hajati ka ndarë një prej mesazheve më të forta dhe më të ndjera të saj, duke treguar anën tjetër të asaj që publiku rrallë e sheh. Këngëtarja rrëfen se shpesh heziton të flasë, sepse sa herë ka shkruar ose ka shfryrë dufin, gjithçka është hasur në “veshë të shurdhët”.
Ajo tregon se ndjehet e bllokuar në të njëjtin cikël të vështirë, i cili rëndohet çdo ditë me dhjetëra përgjegjësi të reja, nga puna, fakti që muzika është pasioni i saj i madh, e deri tek presioni i komenteve toksike që e shoqërojnë vazhdimisht.
Ronela thotë se ndërkohë që duhet të këndojë dhe të gëzojë njerëzit, një pjesë e mirë e publikut merret me ofendime, kritika për pamjen, komente për ndërhyrje, apo gjykime të pamëshirshme, ndërsa askush nuk e di çfarë mund të mbajë një artist mbi supe në ato momente.
Ajo përmend lotët që ndonjëherë i ngrihen në grykë: fatura, familjen që mban, fëmijët që e presin, prindërit e sëmurë, mungesën e mbështetjes, marrëdhënie që nuk funksionojnë, dhe një dashuri që nuk e ka më. Gjithë këto, ndërkohë që duhet të duket e fortë në sytë e të gjithëve.
“Hera-herës vendi të jep 100 arsye për ta lënë, por unë vazhdoj e pyes: pse jemi kaq të ligj kaq shpesh?”, shkruan ajo, duke treguar lodhjen e akumuluar nga ky realitet.
Megjithatë, mes gjithë sfidave, Ronela jep edhe një mesazh reflektimi:
Nëse sot duhet të jemi falenderues, përveç shëndetit – duhet t’i falenderojmë Zotit që na ka dhënë një zemër të mirë.
Category: Showbiz
-
“Operacione, lopë…”/ Ronela Hajati e lodhur nga komentet fyese: lodhur nga komentet fyese
-
Heidi Baci, moderatorja zyrtare që do shoqërojë Blendi Salajn në “Wake Up”
Programi i mëngjesit “Wake Up” vjen me një ndryshim të rëndësishëm në ekran. Heidi Baci, një prej figurave më të komentuara të momentit, është zyrtarisht moderatorja e re që do të shoqërojë Blendi Salajn në drejtimin e emisionit.
Lajmi është konfirmuar përmes një fotografie të publikuar nga studioja e Top Channel, ku Heidi shihet e buzëqeshur në panelin e programit, ndërsa Blendi Salaj shfaqet i entuziazmuar me duart lart një atmosferë që tregon energjinë pozitive të dysheve të re.
Ky është rikthimi i parë i Heidit në një format të madh televiziv pas angazhimeve të saj të fundit në media dhe rrjete sociale. Prania e saj pritet të sjellë një frymë më të freskët, dinamike dhe të afërt me publikun e ri, duke kombinuar eksperiencën e Blendi Salajt me spontanitetin dhe prezencën e saj moderne.
Heidi do të jetë pjesë e përditshme e programit, duke sjellë intervista, tema sociale dhe një qasje të re në rubrikat e mëngjesit.
Ky ndryshim vjen pas largimit të Neada Muces dhe Enxhi Nasufit nga programi per shkak të debateve të tyre të shumta, që më pas u përshkallëzua në zenke fizike mes tyre. Asnjera prej tyre nuk e ka pranuar konfliktin, mirëpo kjo ishte arsyeja pse ato u larguan nga emisoni. -
Valbona Mhilli zbulon se ka pasur kontakt me Gjestin: Uroj të rikthehet shumë shpejt
Ish-banoria e Big Brother VIP Albania, Valbona Mhilli, së fundmi ka realizuar një sesion pyetje–përgjigjesh me ndjekësit e saj në Instagram, ku është pyetur edhe për këngëtarin e njohur dhe fituesin e edicionit të fundit të BBVA, Gjestin. Një ndjekës e pyeti drejtpërdrejt nëse ka pasur kontakt me të dhe si është gjendja e tij aktuale. Valbona u përgjigj shkurt, por me tone pozitive, duke thënë:
“Po! Uroj që shumë shpejt të rikthehet tek të gjithë ju me projektet e tij.”
Kjo përgjigje ka ngjallur menjëherë reagime dhe interes tek fansat, pasi Gjestit i është shmangur totalisht vëmendjes mediatike në muajt e fundit. Kujtojmë se pak kohë më parë, ai u përball me një humbje të rëndë familjare, pas një aksidenti tragjik në Pejë, ku vëllai i tij i vetëm humbi jetën. Prej asaj dite, artisti është tërhequr plotësisht nga rrjetet sociale dhe nuk ka bërë asnjë paraqitje publike.
Deklarata e Valbonës shihet nga fansat si një shenjë e mirë dhe një sinjal se GJesti mund të jetë duke u rikuperuar emocionalisht dhe ndoshta po përgatit rikthimin e tij artistik.
Publiku vazhdon të shprehë mbështetje për këngëtarin dhe shpreson që ai të kthehet sa më shpejt me projekte të reja muzikore. -
Fjalimi prekës i Big Mamës për Shpat Kasapin: Kjo nuk është lamtumirë
Gazeta “KOHA JONË” themeluar si e pavarur më datë 11 Maj 1991
Botues: Nikoll LESI. Adresa e redaksisë: Rruga “Sami Frasheri”, Pallatet e Aviacionit të Vjetër Nr. 2, TIRANA – ALBANIA -
Futbolli anglez në zi! Ndërron jetë legjenda e West Ham
West Ham United ka njoftuar me dhimbje vdekjen e legjendës së klubit, Billy Bonds MBE, i cili është ndarë nga jeta në moshën 79-vjeçare.
Lajmi u bë i ditur të dielën nga familja e tij përmes një deklarate prekëse, e shpërndarë nga klubi.
“Jemi të thyer të njoftojmë se humbëm babanë tonë të dashur sot,” shkruan familja. “Ai ishte i përkushtuar ndaj familjes dhe një njeri i sjellshëm, besnik, i përkushtuar dhe plot dashuri. Ai e deshi West Hamin dhe tifozët e tij me gjithë zemër. Trashëgimia e tij do të jetojë përgjithmonë.” Familja shtoi se Bonds u nda nga jeta “paqësisht”.
Klubi londinez e përshkroi Bondsin si “lojtar, trajner dhe menaxher legjendar”, duke shtuar: “Pusho në paqe Billy, udhëheqësi ynë i guximshëm, frymëzues dhe me zemër luani.”
Edhe Charlton Athletic, klubi i vetëm tjetër në karrierën e tij, shprehu ngushëllimet duke e cilësuar humbjen “tepër të dhimbshme”.
Billy Bonds konsiderohet gjerësisht si lojtari më i madh në historinë e West Hamit. Ai iu bashkua klubit në vitin 1967 nga Charlton dhe qëndroi për 21 vite, duke regjistruar plot 799 paraqitje – më shumë se çdo futbollist tjetër në historinë e klubit.
I gjithanshëm si mbrojtës dhe mesfushor, ai drejtoi Hammers drejt dy kupave FA dhe një titulli të Divizionit të Dytë. Pas tërheqjes nga futbolli në moshën 41-vjeçare, Bonds u përfshi në staf dhe u bë menaxher i parë i skuadrës në vitin 1990, duke siguruar një tjetër titull të Divizionit të Dytë dhe rikthimin në elitë. Ai u largua nga klubi në vitin 1994, përpara se të vazhdonte karrierën si trajner te Millwall. -
Përse Robert Berisha i dhuroi Nora Istrefit unazën me diamant?
Një nga marrëdhëniet më të komentuar në skenën muzikore shqiptare është padyshim ajo mes Nora Istrefit dhe ish-bashkëshortit të saj, Robert Berisha. Edhe pse secili ka vijuar jetën e tij pas ndarjes, dyshja vazhdon të mbetet në qendër të vëmendjes sa herë që shfaqen bashkë në publik dhe kësaj here, një gjest i thjeshtë, por domethënës, e riktheu diskutimin mbi dinamikën e tyre.
Gjatë një mbrëmjeje televizive ku e shkuara dhe e tashmja u përplasën në një mënyrë krejt të natyrshme, Nora Istrefi ishte e ftuara e radhës në emisionin e Robert Berishës. Takimi i tyre, i qetë dhe pa të papritura, u shndërrua shpejt në një atmosferë emocionale falë sinqeritetit dhe humorit që i karakterizon të dy.
Nora foli për sfidat personale që nga mosha 22-vjeçare, periudhë kur karriera e saj sapo po ngjitej, ndërsa paralelisht po përballej me fejesën, martesën dhe më pas mëmësinë. Ajo tregoi se shpesh ishte e pasigurt nëse do të mund të rikthehej në të njëjtin ritëm pune, por pranoi se pavarësisht presioneve, çdo vendim e ka çuar aty ku është sot.
Roberti ndërhyri me humor karakteristik, duke e pyetur me të qeshur: “A ke qenë e martume Nora se nuk e paskan dit?”, duke shkaktuar një moment të lehtë të cilin Nora e ktheu po me humor.
Por momenti që i befasoi të gjithë erdhi kur ai nxori një kuti të vogël me bizhuteri dhe i dhuroi Norës një unazë diamanti që, siç tregoi, e kishte blerë në Shtetet e Bashkuara. Dhurata nuk ishte romantike ishte një premtim për vajzën e tyre, Renee-n.
“Këtë unazë e mban ti deri sa Renee t’i bëjë 18 vjet”, i tha ai, duke e shndërruar objektin në një kujtim familjar që sipas tij duhet të udhëtojë me kohën derisa vajza të rritet.
Nora, e surprizuar, reagoi me falënderim dhe humor: “Paska me u gëzu Renee për këto unaza shumë të bukura, edhe unë po ja përdori pak deri sa të rritet.”
Roberti shtoi se unaza kushtonte rreth 10 mijë dollarë, detaj që e ndau po me humor për të zbutur intensitetin e momentit. -
Horoskopi për ditën e sotme, 01 dhjetor 2025
Dashi (21 Mars – 20 Prill)
Plot energji dhe gati për të pushtuar javën! Hëna në aspekt të mirë ju jep një shtysë të madhe, veçanërisht në çështjet praktike dhe profesionale. Jeni në një fazë rikuperimi të dukshme, që ju lejon të vendosni rregull në idetë dhe financat. Nëse ka pasur tensione në dashuri, ky është momenti ideal për t’i sqaruar. Energjia nuk ju mungon, shfrytëzojeni për t’i kushtuar kohë edhe mirëqenies fizike.Demi (21 Prill – 20 Maj)
E hëna fillon me disa rezistenca të vogla, por asgjë që qëndrueshmëria juaj e njohur nuk mund ta kapërcejë. Duhet t’i kushtoni vëmendje financave: është koha për të bërë bilance dhe për të planifikuar blerjet me kujdes më të madh. Në dashuri, nëse jeni në një lidhje të gjatë, mund të ndieni nevojën për një konfirmim ose një akt më romantik. Beqarët duhet të vëzhgojnë rrethin më me kujdes, pasi Venusi mund të sjellë surpriza të këndshme.
Binjakët (21 Maj – 20 Qershor)
Jeni në qendër të vëmendjes dhe idetë tuaja janë brilante, veçanërisht në fushën e punës ku mund të bëni propozime inovative dhe të bindni mbikëqyrësit. Ky është një ditë ideale për të ndërtuar marrëdhënie të reja profesionale ose për të rifilluar kontaktet e lëna pas dore. Në dashuri, dëshira për lehtësi dhe lojë është e fortë. Beqarët kanë një moment të shkëlqyer për njohje të reja, por kini kujdes të mos premtoni atë që nuk mund ta mbani.
Gaforrja (21 Qershor – 22 Korrik)
Të dashur Gaforre, mos u mbyllni në vetvete. Ky fillim dhjetori mund të sjellë pak trishtim lidhur me të kaluarën, por është thelbësore të shikoni përpara. Hëna sugjeron të kujdeseni për mirëqenien tuaj emocionale; kushtojini kohë gjërave që ju bëjnë të ndiheni mirë. Në punë, mund të ketë ndryshime në horizont. Mos kini frikë nga risitë, ato mund të jenë më të dobishme se sa mendoni. Në dashuri, kërkoni më shumë stabilitet dhe siguri. Nëse një lidhje nuk ju bind, është më mirë të flisni qartë. Mbështetuni tek intuita, është gjashtë-sens i juaji që nuk gabon kurrë.
Luani (23 Korrik – 22 Gusht)
Kreativiteti juaj është në kulmin, shfrytëzojeni për të nisur projekte ambicioze. Nëse ka pasur mosmarrëveshje kohët e fundit, ky është momenti të tregoni bujarinë dhe të bëni paqe, veçanërisht me ata që doni. Dashuria është e favorizuar: mund të përjetoni momente pasioni dhe intensiteti të madh. Beqarët kanë një magjepsi tërheqëse, përfitoni! Mos e teproni me krenarinë; ndonjëherë është më mirë të bëni një hap pas për të bërë dy hapa
Virgjëresha (23 Gusht – 22 Shtator)
Dita është e favorshme për të përgatitur strategji pune dhe për të rregulluar çështje burokratike në pritje. Jeni të saktë dhe metodikë, cilësi që do t’ju çojnë drejt suksesit, por përpiquni të mos jeni tepër kritik, veçanërisht me kolegët ose partnerin. Në dashuri, është koha për të rindërtuar dialogun dhe komplotin. Nëse jeni në një çift, planifikoni diçka speciale; beqarët të mos jenë shumë kërkues.
Peshorja (23 Shtator – 22 Tetor)
Pas një periudhe pak të paqëndrueshme, ndieni nevojën për më shumë qetësi, dhe yjet janë në anën tuaj. Diplomacia juaj do të jetë thelbësore për të zgjidhur çdo mosmarrëveshje në punë, ku mund të ndërmjetësoni me sukses midis fraksioneve të ndryshme. Dashuria është në qendër të vëmendjes: Venusi ju bën veçanërisht tërheqës dhe të hapur për eksperienca të reja. Nëse jeni në kërkim të shpirtit binjak, mos qëndroni mbyllur në shtëpi! Për ata që janë në çift, është momenti për të rigjallëruar pasionin. Mos hezitoni në vendimet e rëndësishme; gjykimi juaj është i vlefshëm.
Akrepi (23 Tetor – 22 Nëntor)
Jeni gati të prisni degët e thata, si në marrëdhënie ashtu edhe në situata pune që nuk ju kënaqin më. Intuita juaj është shumë e fortë, përdoreni si udhërrëfyes për vendimet e rëndësishme. Në punë, mos kini frikë të tregoni ambicien tuaj; është koha për të kërkuar avancimet që meritoni. Në dashuri, pasioni është intensiv, por kini kujdes të mos bini në xhelozi ose posedim të tepruar. Kërkoni një ekuilibër midis nevojës për intimitet dhe asaj për liri.
Shigjetari (23 Nëntor – 21 Dhjetor)
Shigjetari, horoskopi ju mbush me optimizëm dhe dëshirë për aventurë, pikërisht ndërsa muaji i lindjes suaj po përfundon! Jeni plot entuziazëm dhe gati të eksploroni mundësi të reja. Puna dhe udhëtimet janë të favorizuara, dhe mund të merrni lajme pozitive nga larg. Mos tërhiqeni përpara sfidave të reja, energjia juaj është ngjitëse. Në dashuri, dëshira për liri është e fortë. Nëse jeni në çift, përpiquni të mos e mbytni partnerin, por ndani ëndrrat tuaja. Beqarët janë tërheqës dhe gati për flirt interesant.
Bricjapi (22 Dhjetor – 20 Janar)
Jeni të vendosur për të arritur objektivat tuaja dhe yjet ju japin shtysën e duhur. Mund të ketë një rritje përgjegjësish, por serioziteti juaj do të shpërblehet. Është koha ideale për të planifikuar të ardhmen afatgjatë.
Në dashuri, mund të jeni pak të rezervuar, por mos harroni të tregoni ndjenjat tuaja ndaj partnerit. Beqarët të mos e mbyllin mundësinë për të socializuar, edhe pse janë të përqendruar në karrierë.
Mos lejoni që stresi i punës të ndikojë në jetën personale.
Ujori (21 Janar – 19 Shkurt)
Jeni në kërkim të stimujve të rinj intelektualë dhe mund të përkushtoheni në studime ose projekte inovative. Origjinaliteti juaj është çelësi i suksesit, mos kini frikë të jeni të ndryshëm. Në punë, bashkëpunimet janë të favorizuara, por përpiquni të jeni më fleksibël dhe të hapur ndaj ideve të të tjerëve. Në dashuri, ekziston një dëshirë e fortë për liri dhe pavarësi. Marrëdhëniet që ju kufizojnë mund të sfidohen. Beqarët tërhiqen nga njerëz jo konvencionalë. Mos u bëni shumë rebelë vetëm për shijen e rebelimit; përdorni inteligjencën tuaj për të ndërtuar, jo për të shkatërruar.
Peshqit (20 Shkurt – 20 Mars)
Dita mund të sjellë një ndjeshmëri më të madhe, por përdorini si një burim dhe jo si një dobësi. Jeni veçanërisht krijues dhe arti ose muzika mund të jenë një shpërthim i shkëlqyer. Në punë, përpiquni të jeni më të qartë në komunikime, për të shmangur keqkuptimet. Mos i besoni verbërisht të gjithëve, por zgjidhni aleatët me kujdes. Në dashuri, ekziston një dëshirë e fortë për romantizëm dhe bashkim. Nëse jeni në çift, do të përjetoni momente intensive. Beqarët mund të kenë një takim të papritur që i bën zemrën të rrahë fort. -
Fjalimi prekës i Big Mamës për Shpat Kasapin: Miku im, ti s’ke vdekur! Kjo nuk është lamtumirë, por shihemi përsëri (VIDEO)
Me zërin që i dridhej dhe lotët që nuk i pushonin, këngëtarja Big Mama ka mbajtur një fjalim lamtumire në ceremoninë mortore për Shpat Kasapin, i cili u nda nga jeta papritur në moshën 40-vjeçare.
Në mesazhin e saj, artistja nga Tetova tha se “Shpat Kasapi nuk ka vdekur”, pasi ajo që ka lënë pas do të jetojë përgjithmonë.
“Kjo nuk është lamtumirë miku, por kjo është një shihemi përsëri”, tha Big Mama mes lotësh.
Ajo kujtoi edhe fillimet e jetës artistike me Shpat Kasapin, që kur ishin fëmijë. “Sot jam këtu në këtë skenë që për ne të dy nuk qenë vetëm, skenë, ka qenë vendi ku kemi marrë frymë për herë të parë si fëmijë, si artistë. Kemi ndarë ëndrra, frikë dhe gëzim. Këtu kemi rritur, talentin, shpresat dhe miqësinë tonë. Sot jam këtu në këtë skenë që për ne të dy nuk ka qenë thjesht skenë, por vendi ku kemi marrë frymë për herë të parë si fëmijë”, deklaroi Big Mama.
Më tej ajo u shpreh: “Sot nuk kam fjalë për ta përshkruar boshllëkun që na ka lënë. Na ike shumë herët, shumë padrejtësisht, por kujtimi i tij do të rrojë në zemrat tona në cdo melodi që ai këndoi, në cdo buzëqeshje që na dhuroi dhe në cdo skenë, emri i tij do të përmendet gjithmonë. Shpat, miku im, kemi nisur bashkë prej këtu dhe sot prej këtu po të them lamtumirë. Do të na mungosh në cdo hap, në çdo moment e kujtim. Por ti nuk ke vdekur kurrë, zëri yt, shpirti yt, e gjithë dashuria që ke lënë pas do të jetojë përgjithmonë. Sot nga kjo skenë ku nisëm si fëmijë, po të lëshoj me lot, por të mbaj me shpirt. Kjo nuk është lamtumirë miku, por kjo është një shihemi përsëri”.
Këngëtari Shpat Kasapi u përcoll me duartrokitje nga Pallati i Kulturës në Tetovë, ndërsa arkivoli me trupin e pa jete ishte i mbuluar me flamurin shqiptar. -
Rezart Veleshnja shpërthen pas varrimit të Shpat Kasapit: Turp t’ju vijë! E nderuat Tosen, por jo një artist shqiptar
Aktori i njohur Rezart Veleshnja ka ndarë një video emocionale të krijuar si homazh artistik për këngëtarin Shpat Kasapi, duke shprehur mirënjohje, respekt dhe vlerësim për figurën e tij. Në videon simbolike, që përshkruan skena mbështetjeje dhe dashurie, Veleshnja ka shkruar:
“Mbi 3 mijë njerëz për ty o vllai im Shpat. Kaq zemër të mirë kishe.”
Mesazhi preku ndjekësit e tij, të cilët po e ndjejnë dhimbjen dhe përshkrimin e fortë emocional.
Veleshnja ka reaguar ashpër ndaj autoriteteve maqedonase, duke i akuzuar për mosrespekt dhe diskriminim pas ndarjes nga jeta të këngëtarit të njohur Shpat Kasapi. Veleshnja, i cili ka qenë mik i afërt i artistit, është revoltuar nga fakti që shteti maqedonas nuk shpalli ditë zie për vdekjen e Kasapit, ashtu siç kishte bërë dikur për këngëtarin Tose Proeski.
Sipas Veleshnjas, kjo diferencë trajtimi tregon qartë se mungesa e nderimit vjen vetëm sepse Shpati ishte shqiptar.
“Një shtet që s’mundesh as shtet t’i thuash! Turp e faqja e zezë, diskriminim në maksimum. Maqedonasit për Tose Proeskin e shpallën ditë zie, ndërsa për Shpat Kasapin qëndruan indiferent vetëm se ai është shqiptar! Turp t’kenë!”, – shkroi aktori.
Pak pas reagimit të tij, Komuna e Tetovës njoftoi se dita e nesërme, 1 dhjetor, do të shpallet ditë zie në nder të artistit Shpat Kasapi një vendim që erdhi nga autoritetet lokale shqiptare në Maqedoninë e Veriut, dhe jo nga qeveria qëndrore.
Screenshot
Screenshot
Screenshot
