Lajmidites.com

Category: Politikë

  • EMRAT/ Konfirmohen kandidaturat për zgjedhjet e 9 nëntorit, KQZ lë jashtë gare Gjergji Nikën

    EMRAT/ Konfirmohen kandidaturat për zgjedhjet e 9 nëntorit, KQZ lë jashtë gare Gjergji Nikën

    gjergji nika-kryekomisioneri ilirjan celibashi

    TIRANË- Komisioni Qendror i Zgjedhjeve (KQZ) ka miratuar sot kandidimet për 5 bashkitw e vendit, për zgjedhjet e datës 9 nëntor 2025. KQZ nuk ka pranuar regjistrimin si kandidat tw Gjergji Nika për Bashkinë e Vlorës. Kryekomisioneri Ilirjan Celibashi tha se Nika duhet të ishte propozuar nga një Komitet Nismëtar dhe duhet të kishte respektuar procedurën.
    “Është e qartë që interpretimi nuk mund të jetë literal por edhe llogjik. Këtu kemi edhe aspekt proceduriale por edhe materiale të rregullimit të kësaj cështje. Aspektet proceduriale janë ato që kanë të bëjnë me mënyren sesi shkohen në një regjistrim të një kandidati dhe materialet me kushtet që kërkohen.
    Aspekti proceduriale është i qartë plotësisht, ti duhet të ndjekësh një procedurë të caktuar që shkosh tek procesi i regjistrimit. Dhe unë mendoj që përjashtimi që ka bërë Kodi Zgjedhor për një kategori të caktuar, si kandidatët që mbështeten nga zgjedhësit, për të cilat ka një procedurë të caktuar, ndryshe nga ajo që ka për subjektet politike. Dhe procedurën kandidatët duhet ta respektojnë. Ju kishit detyrimin që të arfirmoheshit si kandidat i mbështetur nga zgjedhur  vetëm duke përgatiur këtë kërkesë tek Komiteti Nismëtar. Favori që ligji iu ka bërë është që ju nuk kishit nevojë për të mbledhur firma.
    Patjetër që ka vend për të diskutuar, por e kemi një precedentë në vitin 2023, ku do të duhet që edhe në rastin ku kandidatët janë të mbështetur nga zgjedhësit, të cilat janë deputetë apo kryetar bashkisë, propozimi për ta duhet që të vinte nga një komitet Nismëtar. Kemi një precedentë të tillë, kështu që duke respektuar këtë precedentë, me keqardhje më të madhe, por nuk mund ta regjistrojmë si kandidat. Natyrisht keni gjithë të drejtën për ta kontestuar këtë vendimmarrje, por në precedentin e regjistuar, nuk mund ta regjistrojmë kanidaturën tuaj”, tha Celibashi.
    Cilët janë kandidatët e regjistruar për zgjedhjet e pjesshme lokale të 9 nëntorit
    Kandidatët për Bashkinë Vlorë
    Brunila Mersini – PS
    Dionis Sota – I pavarur (mbështetur nga PD)
    Kandidatët për Bashkinë Berat
    Ervin Ceca – PS 
    Pavlo Shkarpa – I pavarur (mbështetur nga PD)
    Kandidatët për Bashkinë Tepelenë
    Gramos Sako – PS
    Gabriel Guma – I pavarur (mbështetur nga PD) regjistrohet
    Kandidatët për Bashkinë Cërrik
    Florenc Doka – PS
    Eligert Hima – Shqipëria Bëhet
    Amarildo Hoxha – I pavarur (mbështetur nga PD)
    Kandidatët për Bashkinë Mat 
    Altin Bojni – PS regjistrohet
    Suzana Pasha – E pavarur (larguar nga PS)
    Eduart Brahilika – I pavarur (mbështetur nga PD)

    Një ditë më parë, në një reagim në rrjetet sociale, Nika akuzoi KQZ se po pengon garën. Sipas tij, KQZ po vepron në sinkron me interesat e dy partive të mëdha, PS dhe PD, ndërsa thekson se ligji i njeh të drejtën që, si këshilltar bashkiak, të kandidojë si i pavarur edhe pa mbledhur firma përmes Komisioneve Nismëtare. Nika pretendon se, megjithëse ka dorëzuar kandidaturën brenda afateve ligjore, KQZ po përdor artifica dhe interpretime të qëllimshme të ligjit për ta përjashtuar nga gara për Bashkinë e Vlorës.
    Nika shpalli kandidaturën e pavarur duke dalë nga linja e Partisë Demokratike, pasi kjo forcë politike ka vendosur të mbështesë kandidaturën e pavarur të Dionis Sotës. Sipas këshilltarit, Partia Demokratike ka nevojë të “çlirohet” nga individë groteskë, siç i cilëson ai, dhe se opozita nuk mund të tallet më me demokratët./ZËRI

  • “Na bënte për të qeshur”/ Binaj i përgjigjet Ramës: Aktori më i madh në Shqipëri është…

    “Na bënte për të qeshur”/ Binaj i përgjigjet Ramës: Aktori më i madh në Shqipëri është…

     Florjan Binaj-edi rama

    TIRANË- Florjan Binaj, kandidati i pavarur për Bashkinë e Tiranës, reagoi pas deklaratës së kryeministrit Edi Rama, i cili ironizoi opozitën, duke e quajtur “kënetë të dëshpëruar” që zgjedh një aktor humori për kandidat. Rama e quajti Binaj “një aktor gjoja i pavarur”, i cili sipas tij është futur në rol. Përmes një postimi në rrjetin e tij social, Binaj e cilëson kryeministrit si aktorin më të madh në Shqipëri. 
    “Aktori më i madh në Shqipëri është Edi Rama, që u merr 140 milionë Euro qytetarëve duke ” i bindur” se po bën incenerator pa vënë asnjë tullë! Prestigjiator”, shkruan Binaj.

    Në podcastin e sotëm të “Flasim”, kryeministri Edi Rama kometoi për herë të parë kandidaturën e Binajt, ndërsa nuk i kurseu thumbimet as për aktorit e as për opozitën.
    “Këneta është kaq e dëshpëruar, sa për Tiranën ka nxjerrë një aktor humori në rolin e një kandidati gjoja të pavarur, që për vite të tëra i ka bërë për të qeshur të gjithë, madje edhe vetë Kongresin e Partisë Socialiste, ku ka ardhur njëherë për të luajtur rolin tim. Prandaj, nuk e gjykoj fare keq aktorin për rolin e ri që ka marrë, se aktorët këtë punë kanë, me role jetojnë. Por kush voton mua dhe Partinë Socialiste, do të votojë Ogertën, që t’i japë Tiranës drejtuesen e duhur dhe qeverisë partneren e duhur në krye të bashkisë, për të vazhduar punën transformuese për kryeqytetin e Shqipërisë 2030”, tha Rama.

  • KQZ nuk e regjistroi, Gjergji Nika ankimon vendimin, KAS shqyrton sot kërkesën

    KQZ nuk e regjistroi, Gjergji Nika ankimon vendimin, KAS shqyrton sot kërkesën

    Gjergji Nika

    TIRANË- Anëtari i Këshillit Bashkiak të opozitës në Vlorë, Gjergji Nika ka ankimuar në KAS vendimin e Komisionit Qendror të Zgjedhjeve (KQZ) që nuk e regjistroi si kandidat në zgjedhjet e 9 nëntorit. Përmes një shkrese drejtuar KAS, Nika kërkon shfuqizimin e vendimit të KQZ-së dhe regjistrimin e tij si kandidat i pavarur. 
    Ndërkohë që në mbledhjen e ditës së sotme, KQZ refuzoi kandidaturën e Nikës, duke argumentuar se duhet të ishte propozuar nga një Komitet Nismëtar dhe duhet të kishte respektuar procedurën. Sipas KQZ, nga shqyrtimi i dokumentacionit të depozituar rezulton se mungon regjistrimi i Komitetit Nismëtar, që do të përgatiste punën për regjistrimin për kandidat për kryetar të Bashkisë Vlorë.

    Megjithatë, Komisioni i Ankimimeve dhe Sanksioneve (KAS) do të zhvillojë sot, në orën 19:00, një seancë publike për shqyrtimin e kërkesës ankimore të depozituar nga Gjergj Nika, i cili nuk është regjistruar ende si kandidat për kryetar të Bashkisë Vlorë.
    Nika u shkëput nga Partia Demokratike pak ditë më parë, duke u shpallur kandidat i pavarur. Sipas këshilltarit, Partia Demokratike ka nevojë të “çlirohet” nga individë groteskë, siç i cilëson ai, dhe se opozita nuk mund të tallet më me demokratët./ZËRI
    Dokumenta bashkëngjitur

  • Rama e cilësoi vetëm si humorist/ Binaj i kundërpërgjigjet: Ti je aktor, more 140 milion euro për inceneratorë që nuk ekzistojnë

    Rama e cilësoi vetëm si humorist/ Binaj i kundërpërgjigjet: Ti je aktor, more 140 milion euro për inceneratorë që nuk ekzistojnë

    Aktori Florjan Binaj ka reaguar pas deklaratave të kryeministrit Edi Rama, ku ironizoi kandidaturën e tij për Bashkinë e Tiranës.
    Përballë Ogerta Manastirliut, të cilën e cilësoi si “një menaxhere të zonja dhe fituese të padiskutueshme”, Rama “sulmoi” opozitën, duke thënë se ajo është “aq e dëshpëruar sa ka nxjerrë kandidat një aktor humori, i cili dikur ka bërë për të qeshur edhe Kongresin e PS-së”.
    Menjëherë pas kësaj deklarate, nuk ka vonuar edhe reagimi i Binajt i cili përmes një postimi në rrjetet sociale iu kundërpërgjigj Ramës duke e akuzuar për aferën e Inceneratorëve.
    “Aktori më i madh në Shqipëri është Edi Rama, që u merr 140 milionë euro qytetarëve duke ‘i bindur’ se po bën incenerator pa vënë asnjë tullë! Prestigjator!”, shkruan Binaj.
    Kryeministri Edi Rama në episodin e katër të podcastit të tij “Flasim” kishte të ftuar Ogerta Manastirliun, kandidaten e socialistëve për zgjedhjet lokale në Bashkinë e Tiranës.
    Teksa ngriti lart figurën e Manastirliut dhe aftësitë e saj, ai sulmoi opozitën duke thënë se është aq e dëshpëruar, sa ka zgjedhur si kandidat një aktor humori, i cili dikur ka bërë për të qeshur edhe Kongresin e Partisë Socialiste.
    “Dy qytete të dorës së parë për Shqipërinë, që do të drejtohen nga dy gra. Ato janë padiskutim fituese. Këneta është kaq e dëshpëruar sa ka nxjerrë kandidat një aktor humori, i cili, madje edhe Kongresin e PS e ka shkrirë gazin. Nuk e gjykoj aktorin e ri për rolin e ri që ka marrë. Ogertën që t’i japë Tiranës drejtimin e duhur”, tha ai.

  • “Shkriu së qeshuri edhe Kongresin e PS”, Florjan Binaj i përgjigjet Ramës: Aktori më i madh je ti

    “Shkriu së qeshuri edhe Kongresin e PS”, Florjan Binaj i përgjigjet Ramës: Aktori më i madh je ti

    Aktori Florjan Binaj ka reaguar pas deklaratave të kryeministrit Edi Rama, ku ironizoi kandidaturën e tij për Bashkinë e Tiranës.
    Rama ironizoi opozitën, duke thënë se ajo është “aq e dëshpëruar sa ka nxjerrë kandidat një aktor humori, i cili dikur ka bërë për të qeshur edhe Kongresin e PS-së”.
    Menjëherë pas kësaj deklarate, nuk ka vonuar edhe reagimi i Binajt i cili përmes një postimi në rrjetet sociale iu kundërpërgjigj Ramës.
    “Aktori më i madh në Shqipëri është Edi Rama, që u merr 140 milionë euro qytetarëve duke ‘i bindur’ se po bën incenerator pa vënë asnjë tullë! Prestigjator!”, shkruan Binaj.

  • “Këneta zgjodhi një humorist për Tiranën”/ Florjan Binaj i përgjigjet Ramës: Aktori më i madh i Shqipërisë je ti, prestigjator

    “Këneta zgjodhi një humorist për Tiranën”/ Florjan Binaj i përgjigjet Ramës: Aktori më i madh i Shqipërisë je ti, prestigjator

    Në podkastin ‘Flasim’, Edi Rama u ndal te kandidatura e Florjan Binajt për Bashkinë e Tiranës si kandidat i pavarur, por i mbështetur nga opozita.

    Kryeministri u shpreh se opozita ka zgjedhur një aktor humori për Tiranën, që dikur me imitimet për Ramën, “shkrinte gazi Kongresin e PS”.
    Menjëherë ka ardhur reagimi i Binajt, i cili e quan Ramën si aktorin më të madh të Shqipërisë dhe një prestigjator.
    “Aktori më i madh në Shqipëri është Edi Rama, që u merr 140 milionë Euro qytetarëve duke ‘i bindur’ se po bën incenerator pa vënë asnjë tullë! Prestigjator!”, shkruan Binaj.

    Top Channel

  • Instituti Demokratik i Kosovës: Zgjedhjet e parakohshme, zgjidhja më optimale

    Instituti Demokratik i Kosovës: Zgjedhjet e parakohshme, zgjidhja më optimale

    Instituti Demokratik i Kosovës (KDI) është shprehur i zhgënjyer nga dështimi i deputetëve të Kuvendit të Kosovës për të formuar Qeverinë e re, duke thënë se ky është një “zhvillim zhgënjyes pas kësaj krize të zvarritur institucionale”.

    “Ky rezultat është pasojë e drejtpërdrejtë e mungesës së dialogut politik dhe e dështimit për të arritur marrëveshje që do të mundësonin funksionimin normal të institucioneve të vendit”, thuhet në reagimin e KDI-së të publikuar në rrjetin social Facebook.

    Si pasojë e “bllokadës dhe polarizimit të thellë politik”, KDI-ja thotë se mbajtja e zgjedhjeve të parakohshme do të ishin zgjidhja më e mirë.

    “Në këto rrethana, zgjedhjet e parakohshme parlamentare përfaqësojnë opsionin më të qëndrueshëm dhe më të besueshëm për t’i dhënë fund kësaj krize dhe për t’i rikthyer qytetarëve mundësinë për të përcaktuar drejtimin politik të vendit”, thuhet në reagim.

    Megjithatë, ky institut theksoi se as zgjedhjet nuk garantojnë se do të formohen institucionet e reja, nëse nuk ka vullnet për konsensus politik dhe kompromis.

     

  • Kuvendi i Kosovës nuk zgjedh qeverinë e re, Kurti nuk merr 61 vota, “futet në lojë” presidentja Osmani…

    Kuvendi i Kosovës nuk zgjedh qeverinë e re, Kurti nuk merr 61 vota, “futet në lojë” presidentja Osmani…

    Propozimi i mandatarit Albin Kurti për një mandat të ri katërvjeçar nuk ka marrë përkrahjen e nevojshme prej 61 votash në Kuvendin e Kosovës.
    Kështu, me 56 vota pro, 52 kundër dhe 4 absentime, Kuvendi nuk e zgjodhi Qeverinë e re të Republikës së Kosovës. Kryetari i Kuvendit, Dimal Basha, tha se tani përgjegjësia kalon sërish te presidentja Vjosa Osmani dhe mbylli punimet e seancës së sotshme.
    Në prezantim të programit, mandatari Albin Kurti tha se nuk kishte arritur marrëveshje me asnjë parti tjetër për bashkëqeverisje.
    Ai kërkoi votën nga partitë tjera për të “vazhduar qeverisjen e mirë”. Në prezantim ai tregoi edhe emrat e 20 ministrave me të cilët synonte të siguronte shumicën.
    Tani presidentja Vjosa Osmani pritet të mbledhë liderët e partive dhe të konstatohet nëse ka ndonjë shumicë, apo duhet të shkohet në zgjedhje.

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

  • Kandidati i Berishës në Vlorë pa arsim të lartë: Pse Dionis Sota figuron me dy emra?

    Kandidati i Berishës në Vlorë pa arsim të lartë: Pse Dionis Sota figuron me dy emra?

    Gazeta ‘TemA’ ka siguruar formularin e vetëdeklarimit dhe jetëshkrimin e kandidatit të Sali Berishës për Bashkinë e Vlorës në zgjedhjet e pjesshme të 9 nëntorit, Dionis (Erjon) Sota, në të cilin bien në sy disa pasaktësi dhe elementë të pazakontë.
    Në formularin zyrtar të dorëzuar pranë KQZ-së, kandidati ka deklaruar se niveli më i lartë i arsimit të tij është “arsim i mesëm”, ndërkohë që në rubrikën për arsim të lartë ka shënuar “studim aktiv on-line/libra”, pa specifikuar asnjë institucion universitar apo program konkret studimi.

    Kjo do të thotë se kandidati i mbështetur nga Berisha për drejtimin e një prej bashkive më të rëndësishme të vendit nuk ka një arsim të lartë të përfunduar, dhe aktualisht ndodhet “në studim aktiv”, sipas vetëdeklarimit të tij. Një fakt që bie në kontrast me përvojën dhe profilin që kërkon ligji për drejtuesit e institucioneve vendore.
    Por ajo që tërheq vëmendjen edhe më shumë është ndryshimi i emrit të kandidatit.

    Në formularin e vetëdeklarimit për integritetin, të datës 18 tetor 2025, Dionis Anesti Sota ka shënuar se më herët ka mbajtur një tjetër emër: Erjon Sota. Sipas të dhënave të plotësuara, të dyja emrat lidhen me të njëjtin person — i lindur më 19 shkurt 1980 në Vlorë, me prindërit Anesti dhe Vasilika Sota.
    Kjo nënkupton se kandidati ka ndryshuar zyrtarisht emrin nga Erjon në Dionis, por pa bërë publik arsyet e këtij ndryshimi. Ligjërisht, ky fakt nuk përbën pengesë për kandidim, por përbën një element që kërkon transparencë ndaj publikut, sidomos kur bëhet fjalë për kandidatë që synojnë poste të zgjedhura.

  • Rama: “S’ka pushim!”. Janë regjistruar 14,471 denoncime, nga të cilat 10,709 janë zgjidhur, 3,762 të tjera janë në proces verifikimi

    Rama: “S’ka pushim!”. Janë regjistruar 14,471 denoncime, nga të cilat 10,709 janë zgjidhur, 3,762 të tjera janë në proces verifikimi

    Në të gjithë territorin e vendit vijon me intensitet puna për lirimin e hapësirave publike nga ndërtimet e paligjshme, si pjesë e vizionit transformues të qeverisë shqiptare, të përfshirë në programin “Rilindja Urbane 2.0”.Kjo nismë e re nuk është një aksion i përkohshëm apo një fushatë sezonale, por një ndërhyrje e qëndrueshme dhe sistematike në terren, me qëllim rivendosjen e rendit urban, rikthimin e hapësirave të përbashkëta për qytetarët dhe përmirësimin e cilësisë së jetesës në çdo qytet dhe fshat të vendit.
    E konceptuar si një ndërhyrje sistematike në terren dhe jo një aksion i përkohshëm, kjo nismë po vijon me shembjen e mureve dhe strukturave të betonit në territor, të cilat cenojnë hapësirën publike.

    Në kuadër të kësaj fushate, po kryhen ndërhyrje të thella për shembjen e mureve dhe strukturave të paligjshme të betonit që kanë uzurpuar trotuare, rrugë, plazhe dhe zona të tjera publike, duke dëmtuar peizazhin dhe duke privuar qytetarët nga e drejta për të përdorur hapësirën e përbashkët.

    Kryeministri Edi Rama publikoi sot në rrjetet sociale pamje nga operacionet që po zhvillohen në qytetin bregdetar të Vlorës, një nga destinacionet më të vizituara gjatë sezonit turistik.“S’ka pushim”, – shkruan ai, teksa ndan pamje nga shembja e mureve rrethues dhe strukturave pa leje pranë rrugëve të qytetit, si pjesë e përpjekjeve për ta kthyer Vlorën në një qytet model të urbanistikës bashkëkohore, ku hapësira publike i përket të gjithëve.

    Në kuadër të reformës për goditjen e fenomenit të ndërtimeve pa leje, në projektin e ri të Kodit Penal, i cili është hedhur tashmë për diskutim publik, parashikohen ndëshkime më të ashpra dhe masa më efektive për shkelësit e ligjit, me qëllim parandalimin e abuzimeve të ardhshme.
    Paralelisht, po përgatitet edhe Rregullorja e re Kombëtare e Hapësirës Publike, e cila do të vendosë standarde të qarta për shfrytëzimin ligjor të këtyre hapësirave nga subjektet private, duke përcaktuar në mënyrë transparente kufijtë mes interesit publik dhe atij ekonomik.
    Në ndihmë të qytetarëve, për të garantuar një proces të hapur dhe pjesëmarrës, është vënë në funksion portali zyrtar “HapësiraImePublike.gov.al”, një platformë digjitale për raportimin e rasteve abuzive.Deri më sot, në këtë portal janë regjistruar 14,471 denoncime, nga të cilat 10,709 janë zgjidhur dhe 3,762 të tjera janë aktualisht në proces verifikimi e shqyrtimi, duke dëshmuar se qytetarët po bëhen pjesë aktive e këtij transformimi.
    “Rilindja Urbane 2.0” nuk është thjesht një projekt ndërtimor, por një filozofi zhvillimi që synon të rikthejë qytetin tek qytetari — të pastër, të hapur, funksional dhe estetikisht të bukur. Në këtë kuptim, aksioni për lirimin e hapësirave publike është një hap drejt ndërtimit të një Shqipërie më të rregullt, më të gjelbër dhe më dinjitoze për brezat që vijnë.
    AV/KJ