Demokrati Ilir Alimehmeti ka reaguar sot lidhur me deklaratat dhe kundërdeklaratat mes kryeministrit Edi Rama dhe kandidatit për Bashkinë e Tiranës, Florjan Binaj.
Përmes një postimi në rrjetet sociale, Alimehmeti shprehet se lavdërimi i kryeministrit është problem.
Alimehmeti e cilësoi Ramën si një artist të dështuar, që nuk mund ta kuptojë Binajn.
“Një artist i shkëlqyer si Flori nuk mund të kuptohet dot nga një artist i dështuar si Rama që ka krijuar “kryevepra” si Veliaj, Beqaj, Balluku, Ahmetaj, etj.!Lavdërimi i tij është problem!”,-shkruan Alimehmeti.
Category: Politikë
-
“Ka krijuar kryevepra si Veliaj e Balluku”, Alimehmeti ironizon Ramën pas deklaratave për Binajn: Artist i dështuar
-
Xhamia e Plumbit, monumenti historik që la pas të shkuarën e përmbytjes dhe sot shkëlqen në madhështinë e besimit
Kryeministri Edi Rama ka ndarë me publikun në rrjetet sociale një fotogaleri të veçantë, duke sjellë në vëmendje një nga thesaret më të çmuara të Shkodrës dhe të Shqipërisë: Xhaminë e Plumbit, një ndër monumentet më të vjetra dhe më të bukura të vendit, ndërtuar nga Mehmet Pashë Bushati.
Ky monument historik, i njohur për arkitekturën e tij madhështore dhe rëndësinë shpirtërore, dikur përmbytej çdo vit nga reshjet e dendura, duke rrezikuar integritetin e tij dhe qetësinë e vizitorëve. Fotogaleri krahasuese e publikuar nga Kryeministri tregon ndryshimin dramatik: më parë Xhamia e Plumbit ishte nën kërcënimin e ujit, ndërsa sot, pas një restaurimi të thellë dhe rikualifikimi urban të territorit përreth, ajo qëndron e sigurtë, duke ruajtur vlerat historike dhe arkitekturore pa u cënuar nga elementet e natyrës.Restaurimi nuk ka rikthyer vetëm bukurinë vizuale të xhamisë, por ka ringjallur edhe jetën shpirtërore dhe vizitorët në këtë vend të shenjtë të Shkodrës. Tani, hapësirat përreth janë të aksesueshme dhe të sigurta, duke e kthyer Xhaminë e Plumbit në një destinacion ku trashëgimia kulturore dhe besimi harmonizohen në mënyrë të përsosur.
Kjo ndërhyrje është një shembull i qartë i kujdesit për trashëgiminë kulturore shqiptare, duke treguar se me planifikim dhe përkushtim, monumentet historike mund të ruajnë integritetin e tyre dhe të vazhdojnë të shërbejnë si pika referimi për komunitetin dhe vizitorët e ardhshëm.
Fotot e postuara nga Rama shfaqin jo vetëm transformimin fizik, por edhe rritjen e sigurisë dhe funksionalitetit, duke konfirmuar se investimet në trashëgimi nuk janë thjesht restaurime estetike, por rikthime të jetës dhe historisë në hapësirat publike.
Xhamia e Plumbit sot nuk është vetëm një monument për të admiruar, por një dëshmi e angazhimit të Shqipërisë për të ruajtur dhe promovuar identitetin e saj historik dhe shpirtëror.
Albert Vataj -
“Hallet i ke nga ata që ta kanë përdorur avionin si taksi”, Ilir Kulla i përgjigjet Behgjet Pacollit (FOTO)
Behgjet Pacolli dhe Ilir Kulla
TIRANE- Përplasja në distancë mes Ilir Kullës dhe Behgjet Pacollit në lidhje me përplasjen për aeroportin e Vlorës, ka vijuar edhe këtë fundjavë. Pasi Pacolli e quajti Kullën, një njeri që nuk ka respekt për bukën e ngrënë në shtëpinë e tij, ka ardhur reagimi dhe nga ky i fundit.
“Konakun dy herë ta kam shkelur me dikë tjetër, në hotel kam paguar çdo herë, hallet i ke nga ata që ta kanë përdorur avionin si taksi.”-shkruan Kulla në rrjete sociale.Postimi ne FB
Por çfarë tha Kulla? I ftuar te Arjan çani në “Zonë e Lirë” në MCN TV, Kulla tha se për këtë çështje do të priten koka. Kulla u shpreh se ka shumë probleme ndërsa shtoi se kompania turke e përfshirë në aeroport ka qenë fiktive.
“Ka filluar që para 3 muajsh nga SPAK një hetim për aeroportin e Vlorës. Kur t’i futet SPAK zyrtarëve të nivelit të dytë e tretë dhe gjërave që kanë firmosur do të kenë probleme. Transferimet mes aksionerëve, nuk janë regjistruar në QKB. Janë letra private dhe nëpër noterë. Këta kanë detyrim, në bazë të kontratës së koncesionit me partnerin që është shteti shqiptar që është përfaqësuar nga qeveria. Se kush ka hedhur firmën do i zbardhë hetimet. Pacolli thotë do të shkoj dhe në arbitrazh. Për të operuar një aeroport, përveç pistës, ndërtesës ke nevojë për Drejtorinë e Aviacionit Civil dhe Agjencinë Nacionale të Trafikut Ajror që varen nga MIE. Nëse ata nuk japin autorizim, aeroporti nuk do të funksionojë kurrë. Nga kjo histori do të priten shumë koka sepse dëmi edhe në imazh, edhe në besueshmëri por edhe në financë është shumë i madh”, ka thënë Kulla.
Këto deklarata nervozuan Pacollin i cili i tha Kullës se ka përbuzur konakun ku ka ngrënë, duke deklaruar se kanë patur afrimitet në të shkuarën.
“Zotni Kulla,Mbrëmë, nga sa dëgjova, nuk paske lënë gjë pa thënë për mua. A të ka shkuar ndërmend, vallë, se ndoshta po e përbuz atë konak ku je ulur, e atë bukë që ke ngrënë (jo një herë të vetme)? Të kemi pritur dhe trajtuar gjithmonë, unë, vëllezërit e mi dhe stafi, si një njeri dinjitoz. Duket se, ndonjëherë, mikpritja paska kujtime më të shkurtra se darka vetë. Zoti na ruajt nga njerzit si ju!”-shkroi Pacolli dy ditë më parë. /ZËRI -
PS thyen heshtjen për ODIHR, Manja: Konstatimet si akuzat e PD
Kryetari i komisioni të Ligjeve Ulsi Manja theu heshtjen e mazhorancës për raportin e ODIHR që kritikon PS për përdorimin e administratës dhe sistemit të patronazhimit në zgjedhjet parlamentare të 11 majit.
Manja e pranon që gjetjet e ODIHR mbështeten konstatimet e PD pas zgjedhjeve. Me ketë koment ai kaloi direkt në faqet e fundit, tek rekomandimet.
“Përsa i përket konstatimeve janë ata që besoj pas 11 majit i di çdo shqiptar se sa janë theksuar nga opozita jo një po disa herë edhe në seancë plenare”, tha Manja.
Demokratët bënë detyrën politike duke sjellë pasazhet e dokumentet të ODIHR në Kuvendin e Shqipërisë, që sipas tyre janë më të detajuara si asnjëherë më parë.
Në mbledhjen e përbashkët të komisionit të ligjeve dhe për Nismat Qytetare, Bashkëpunimin dhe mbikëqyrjen institucionale u miratuan 6 rezoluta për institucionet e drejtësisë, Komisionit për Prokurimin Publik dhe Administratës Publike. Demokratët votuan kundër.
Të hënën në orën 10:00 institucionet e drejtësisë do ta raportojnë në seancë plenare, ku deputetët do të kenë mundësi t’i drejtohen me pyetje për rrethe 150 minuta. -
Rama vizitë në Berlin, merr pjesë në forumin ndërkombëtar të nivelit të lartë
Përmes një postimi në faqen e tij në Facebook, Rama ka ndarë edhe foto nga Berlini, ku në krah të saj shkruan se është i ftuar si njëri nga dy folësit e sesionit përmbyllës nesër, së bashku me Presidenten Ursula von der Leyen.
Sipas Ramës, në fokus të këtij takimi janë sfidat globale të ekonomisë, klimës, teknologjisë dhe qeverisjes.
“Berlin – Në Berlin Global Dialogue (BGD) – forumi ndërkombëtar i nivelit të lartë që zhvillohet çdo vit në kryeqytetin e Gjermanisë, me fokus sfidat globale të ekonomisë, klimës, teknologjisë dhe qeverisjes – ku jam i ftuar si njëri ndër dy folësit e sesionit përmbyllës nesër, së bashku me Presidenten Ursula von der Leyen”, ka shkruar Rama në faqen e tij në Facebook. -
Rama ironizon Binajn: Aktor që më imiton mua, shkriu së qeshuri edhe Kongresin e PS
Fitoren në qytetin e Tiranës dhe të Vlorës në zgjedhjet e 9 nëntorit, me dy kandidate gra Ogerta Manastirliun dhe Brunilda Mersinin, kryesocialsiti Edi Rama e sheh të padiskutueshme. Duke përmendur drejtimin e Manastirliut në QSUT dhe të deputetes Mersini në spitalin rajonal të Vlorës, kryeministri Edi Rama thotë se të dyja janë fituese të garës, ndërsa kundërshtarët e tyre i ironizoi duke thënë se janë shëmbëlltyre e radhës e disfatës së Partisë Demokratike.
“Është një risi absolute e zgjedhjeve të parakohshme vendore kandidimi i dy grave për Tiranën dhe Vlorën, dy qytete të dorës së parë për Shqipërinë, që do të drejtohen nga dy gra, të cilat kanë një karrierë shumë të ngjashme në një periudhë të caktuar kur kanë drejtuar respektivisht rilindjen e Qendrës Spitalore Universitare dhe të Spitalit Rajonal të Vlorës, dy realitete të transformuara tërësisht falë kapacitetit të tyre menaxherial dhe sidomos vullnetit të tyre të hekurt. Ato janë të dyja fituese të padiskutueshme të garave, ku kundërshtarët përfaqësojnë shembëlltyrën më kuptimplote të humbjes së radhës, të ndjesë pastë Partia Demokratike”, u shpreh kryeministri Rama.
Për herë të parë, në podcastin ‘Flasim’, Rama komenton edhe kandidaturën e opozitës për Tiranën, Florian Binajn, një artistit komik që dikur njihej për shfaqjet e tij në Portokalli për imitimin e kryeministrit Rama.
“Këneta është kaq e dëshpëruar, sa për Tiranën ka nxjerrë një aktor humori në rolin e një kandidati gjoja të pavarur, që për vite të tëra i ka bërë për të qeshur të gjithë, madje edhe vetë Kongresin e Partisë Socialiste, ku ka ardhur njëherë për të luajtur rolin tim.
Prandaj, nuk e gjykoj fare keq aktorin për rolin e ri që ka marrë, se aktorët këtë punë kanë, me role jetojnë. Por kush voton mua dhe Partinë Socialiste, do të votojë Ogertën, që t’i japë Tiranës drejtuesen e duhur dhe qeverisë partneren e duhur në krye të bashkisë, për të vazhduar punën transformuese për kryeqytetin e Shqipërisë 2030”, tha Rama. -
Gara për bashkinë e Vlorës, Mersini: Më shumë zhvillim dhe transparencë! Sota: Ndëshkim arrogancës së qeverisë
Në 9 nëntor qytetarët e Vlorës do të zgjedhin kryetarin e ri të Bashkisë mes socialistes Brunilda Mersini dhe Dionis Sotës, i cili ka hyrë në garë si kandidat i pavarur, por që ka mbështetjen e Partisë Demokratike dhe forcave të tjera opozitare.
Socialistja Brunilda Mersini në një intervistë për Vizion Plus shpjegon se sfida e saj nuk është rezultati i 9 nëntorit, por si do u shërbejë më mirë qytetarëve të Vlorës.
“Vlora është një qytet që ka pritshmëri shumë të larta dhe me shumë të drejtë. Sepse kërkon të ketë një menaxhim më transparent, më dinjitoz dhe më bashkëkohor. Dhe synimi im është që institucioni i bashkisë të jetë një institucion partner i qytetit”, tha Brunilda Mersini, kandidatja socialiste për bashkinë e Vlorës.Dionis Sota garon si kandidat i pavarur në një bashki që njihet si bastion i socialistëve, por duket se kjo sfidë nuk e tremb Sotën. Sipas tij PS edhe pse fitoi 83 mandate u soll në mënyrë arrogante me Vlorën.
“Pikërisht se i dhamë 83 mandate dhe u soll në një mënyrë më arrogante pikërisht në momentin që i dhamë më shumë se mund të parashikohej. Dhe në mënyrë të drejtpërdrejtë u soll më bashkinë e Vlorës në një mënyrë që nuk i takon autoritetit të një qyteti siç është Vlora e cila ka gjak ka pasion, ka histori, ka flamurin kombëtar dhe kjo është e papranueshme. Pra dhe ky është shkaku që nuk do ta fitojnë më”, tha Dionis Sota, kandidat i pavarur për bashkinë Vlorë.
Kandidati që gëzon mbështetjen e Partisë Demokratike tregon për Vizion Plus se nuk ka komunikuar me liderin e opozitës Sali Berisha.
“Jo nuk kam folur. Unë në momentin që kam shpallur kandidaturën e pavarur ka qenë data 7 ora 7, jo rastësisht, kam hapur dyert për çdo forcë opozitare dhe për të gjithë qytetarët e Vlorës”, tha Sota.
Kandidatja socialiste Mersini ka gati dhe programin e saj per Vlorën edhe pse mandati nëse fiton do të jetë i shkurtër.
“Synimi im është një Vlorë e pastër në 180 ditë, ku ka një program realist se si do të menaxhohen burimet njerëzore, mbetjet urbane dhe se si landfilli i Sherishtës do të jetë një partner në punën e përditshme për eliminimin e hot spoteve kudo në Vlorë. Rruga e lagjes sime, është një projet që do të përfshijë urbanizimin e lagjeve të Vlorës, me ndriçim, trotuare dhe asfaltim”, deklaroi Mersini.
Zgjedhjet e pjesshme për bashkinë e Vlorës mbahen pak javë pasi Ermal Dredha dha dorëheqjen nga posti i qytetarit të parë të Vlorës.
/vizionplus.tv -
‘Tuneli i Llogarasë, simboli i abuzimit ‘/ Hoxhaj: Nëse SPAK ndalet vetëm tek tenderi 2 mln euro, po amniston Ballukun
Gazetari investigativ Julian Hoxhaj, autor i emisionit “Plug” në SYRI TV, ka zbuluar detaje të reja mbi hetimin që po zhvillohet ndaj zv.kryeministres Belinda Balluku, në lidhje me aferën e tunelit të Llogarasë. I ftuar në edicionin informativ të lajmeve, Hoxhaj deklaroi se është “hapur një rubinet i vogël” nga i cili është filtruar edhe emri i ministres në komunikimet që kanë dalë nga telefonat e ish-drejtorit të ARRSH, Evis Berberi.
Sipas tij, nga një fraksion i dosjes së Berberit, e ndarë në disa pjesë për shkak të volumit të të dhënave, janë zbardhur biseda që kanë çuar në hetimin e tenderit për mbikëqyrjen e punimeve të tunelit të Llogarasë. Ky tender, tha Hoxhaj, po hetohet prej muajsh nga SPAK dhe tashmë janë përfshirë emra të rinj, përfshirë edhe vetë znj. Balluku.
“Jemi në një fazë të re të hetimit. Nuk janë më në qendër ish-zyrtarët apo drejtori i ARRSH, por vetë ministrja Balluku, e cila dyshohet se ka ndikuar që tenderi të përfundojë tek kompania e ish-vartësit të saj”, u shpreh Hoxhaj.
Gazetari nënvizoi se bëhet fjalë për një tender të dyshuar prej 2 milionë eurosh, por që lidhet drejtpërdrejt me aferën shumë më të madhe të ndërtimit të vetë tunelit të Llogarasë, vepër që sipas tij është “një nga aferat më të paprecedenta në historinë e infrastrukturës shqiptare”.
Sipas Hoxhajt, kompania që mbikëqyri punimet rezulton të jetë në pronësi të ish-drejtorit të ARRSH, personi që ka firmosur edhe disbursimet financiare për kompaninë turke që fitoi projektin. “Rreth 30 milionë euro fitim kanë përfituar dy kompani turke që nuk kanë kryer asnjë punim vetë, por vetëm kanë nënkontraktuar një kompani shqiptare”, theksoi ai.
Ai shtoi se tenderi fillestar ishte parashikuar me vlerë 140 milionë euro, por pas anulimit dhe ritenderimit, shifra arriti në 190 milionë euro. “Pra, 50 milionë euro kanë shkuar në xhepat e një kompanie që nuk ka bërë asgjë përveçse ka transferuar para”, theksoi gazetari.
Hoxhaj ngriti dyshime se nëse SPAK kufizohet vetëm tek tenderi 2 milionë euro, atëherë mund të bëhet fjalë për “një formë amnistie”, ndërsa nëse hetimet shtrihen në gjithë aferën e 190 milionë eurove, “atëherë kemi të bëjmë me një hetim serioz që mund të cenojë pozitën e zv.kryeministres aktuale Belinda Balluku”.
Hoxhaj:
Është hapur një rubinet i vogël dhe nga ky rubinet duket që është filtruar edhe emri i Belinda Ballukut. Bëhet fjalë për sekuestrimin e 4 telefonave të ish-drejtorit të ARRSH, Evis Berberi, dhe nga një fraksion i dosjes së Evis Berberit, dosje e ndarë në disa fraksione sepse telefonat e tij kanë qenë një minierë ari për Prokurorinë e Posaçme, janë zbardhur në fakt edhe komunikimet me ministren Balluku të cilat kanë çuar në hetimin e tenderit për mbikëqyrjen e punimeve për tunelin e Llogarasë.
Është pikërisht ky tender që të paktën deri tani po hetohet, është bërë publik edhe më përpara, pra hetimi i tenderit për mbikëqyrjen e tunelit të Llogarasë nuk është diçka e re, ka qenë të paktën disa muaj më parë dhe ne e kemi komunikuar atë, por tashmë jemi në një fazë të re, jemi në një fazë ku të pandehur ose persona nën hetim nuk janë më ish-zyrtarët apo drejtori i ARRSH, por është përfshirë edhe vetë zonja Balluku, e cila mesa duket ka ndikuar që ky tender të përfundojë pikërisht tek kompania e ish-vartësit të saj që u bë drejtor i ARRSH, Evis Berberi.
Kjo është indicia e parë, pra bëhet fjalë për 2 milionë euro të abuzuara ose një tender të paracaktuar, por duhet të kemi parasysh një gjë.
Nuk mund të flitet për tenderin e mbikëqyrjes së punimeve të tunelit të Llogarasë pa folur më parë për vetë aferën e tunelit të Llogarasë. Mund ta cilësojmë si aferë.
Është vërtetuar deri më tani që kompania që mbikëqyri punimet është kompania e ish-drejtorit të ARRSH, njeriut që ka firmosur paratë dhe pjesën financiare për disbursimin financiar të kompanisë turke, etj., etj., por lidhja është e tillë, indiciet kanë qenë publike, deklaratat kanë qenë publike të ish-zëvendëskryeministrit Arben Ahmetaj.
Ajo që ka ndodhur me tunelin e Llogarasë është një nga aferat më të paprecedenta në historinë e ndërtimit të veprave infrastrukturore në Shqipëri.
Unë ju thashë që ka shkuar 30 milionë euro fitim për 2 kompanitë turke të cilat nuk kanë bërë asnjë punim vetë, pra kanë nënkontraktuar një kompani shqiptare e cila rezultoi se ishte pikërisht kompania e parë që kishte hyrë në garë dhe do ta ndërtonte tunelin e Llogarasë me rreth 140 milionë euro. Më pas u anulua tenderi i këtij projekti dhe u ritenderua me 190 milionë euro.
Pra, 50 milionë euro kanë shkuar në xhepat e një kompanie turke e cila nuk ka bërë asgjë, ka bërë vetëm transferim parash.
Nëse SPAK ka hyrë apo jo tek 190 milionë eurot, këtë nuk di ta them sot, por unë po ju them se faktet më të rënda janë pikërisht tek ky projekt, pra tek ky tender, dhe jo tek 2 milionë euroshi.Ne na ka treguar historia në të shkuarën që projekte të tilla janë përdorur edhe si karrem për të shkuar pikërisht tek projekti më i madh apo tek aferat më të mëdha, por janë përdorur edhe si mekanizma për të amnistuar zyrtarët e lartë me dënimin më të vogël të mundshëm.
Nëse prokuroria mbetet deri tek tenderi 2 milionë euro, atëherë ngrihen dyshime se mund të jetë edhe një lloj amnistie. Nëse prokuroria ka shkuar përtej këtij tenderi dhe ka hetuar në vetvete atë që ka thënë zoti Ahmetaj një vit më parë në emisionin “Çim Peka Live”, atëherë kemi realisht të bëjmë me një hetim serioz dhe që do të cenojë pozitën e zv/kryeministres aktuale Belinda Balluku.
-
Kuvendi zhvillon nesër seancën plenare, ja çfarë pritet të ndodhë
Kuvendi i Shqipërisë do të mblidhet nesër në një seancë plenare. Seanca e nesërme është caktuar të mbahet në orën 10:00.
Në urdhrin për seancën e së hënës, të firmosur nga kryeparlamentari Niko Peleshi, janë përcaktuar disa çështje me rëndësi në rendin e ditës.
Ndër to: ngritja e komisionit të posaçëm për Reformën Zgjedhore, për Reformën Adminstrativo-Territoriale, si edhe raportimi i veprimtarisë së Prokurorisë së Përgjithshme, ILD-së dhe KLGJ-së.