Deputeti i PD-së Bledion Nallbai ka dalë nga Prokuroria e Posaçme, ku u shpreh se ishte thirrur si person në dijeni.
Ndërkohë demokrati ka ironizuar edhe ministren e Infrastrukturës dhe Energjisë Belinda Balluku, e cila është thirrur po ashtu ditën e sotme në SPAK e shoqëruar me një avokat.
“Isha si person në dijeni, edhe kujdes Belindën eee”, tha ai.
Category: Politikë
-
Deputeti i PD-së del nga SPAK, zbulon arsyen përse u thirr nga Prokurorët e Posaçëm
-
Grida Duma paralajmëron rikthimin në politikë?
Në episodin më të fundit të podcastit të saj, Grida Duma ka surprizuar publikun me një deklaratë që ngjan si sinjal për rikthimin e saj në politikë.
Përballë Hati-t, një nga personazhet më viralë në rrjetet sociale, Duma flet për mundësinë e krijimit të një partie që do të ketë në qendër gratë dhe modelet e reja të shoqërisë shqiptare.
“Një ditë do zgjohem në mëngjes dhe do bëj një parti që do ketë në fokus gratë,” thotë Duma, duke i drejtuar Hati-t një ftesë të hapur për t’u përfshirë në këtë nismë.
“Bëj një sakrificë katër vite vetëm, jep modelin tënd të vërtetë. Ndoshta nuk fitojmë, por do prekësh gjithë Shqipërinë.”
E ftuara e saj, Hati, e pranoi idenë me entuziasëm:
“Mendoj që do e bëja. Më pëlqejnë sfidat, më pëlqejnë gjërat e reja. Pse jo, do e testoj veten deri ku mund të shkoj.”
Në fund të bisedës, Duma e lë të hapur idenë se kjo mund të mos ketë qenë thjesht një shkëmbim idesh, por fillimi i diçkaje konkrete:
“Kjo është më shumë se një ftesë, por do ta mbaj mend që e kemi bërë këtë bisedë bashkë, përpara se të të marrë dikush tjetër.” -
Mblidhet grupi parlamentar i PD-së, çfarë do diskutohet. Ja cilat mund të jenë temat e diskutimit
Sot më 27 tetor do të mbahet mbledhja e Grupit Parlamentar të Partisë Demokratike, përpara nisjes së punimeve të Kuvendit, ku do të diskutohet mbi çështje të rëndësishme si ajo për ngritjen e komisioneve (Komisioni për Reformën Territoriale dhe ai për Reformën Zgjedhore) dhe koordinimi i fjalimeve të deputetëve.
“Sot pritet të miratohen dy komisione, ajo territoriale dhe zgjedhore. Kjo mund të jetë çështja kryesore që do të flasin deputetët e Partisë Demokratike në mbledhjen e Grupit Parlamentar”, tha gazetari i Klan News Enkel Xhangoli.
Maxhoranca dhe opozita kanë rënë dakord që të ketë ekspertë të huaj në komisione, kur kjo është e nevojshme.
“Pritet të koordinohen edhe fjalimet që do të mbajnë deputetët e PD-së në Kuvend, ku do të raportojnë krerët e drejtësisë”, shtoi gazetari.
Një detaj i rëndësishëm është mungesa e kreut të Grupit Parlamentar, Gazment Bardhi, i cili nuk do të jetë në mbledhje pasi është përjashtuar 15 ditë pas përplasjes me kreun e parlamentit, Niko Peleshi.
-
Pse ‘qeveria Rama’ ka kaq inat me shëndetësinë dhe arsimin?!
Në një kohë kur financat publike shqiptare shfaqin një tablo të rrallë për rajonin, me një buxhet me suficit dhe të ardhura në rritje, prioritetet e qeverisë duken sërish të përmbysura.
Në rishikimin e fundit të buxhetit, fondet për arsimin dhe shëndetësinë janë shkurtuar për të disatin vit me radhë duke konfirmuar një tendencë që është kthyer në rregull: dy sektorët më të rëndësishëm për zhvillimin afatgjatë të vendit po marrin gjithnjë e më pak vëmendje buxhetore.
Sipas të dhënave zyrtare, shpenzimet për arsimin në raport me të ardhurat buxhetore janë në rënie të vazhdueshme që prej vitit 2019, kur zinin 11.4% të totalit të fondeve buxhetore.
Në buxhetin fillestar të vitit 2025, Ministria e Arsimit kishte parashikuar 62 miliardë lekë, ose 8.2%, por pas rishikimit, fondet u ulën në 61 miliardë lekë, duke përfaqësuar vetëm 7.3% të shpenzimeve totale.
E njëjta tablo përsëritet edhe për shëndetësinë, ku fondet janë rritur nominalisht më pak se vetë buxheti total. Ndërsa shpenzimet e përgjithshme të qeverisë u zgjeruan me 6.7% në krahasim me 2024, ato për shëndetësinë vetëm me 3.6%.
Si rezultat, pesha e shëndetësisë në shpenzimet publike ra nga 10.45% vitin e kaluar në 9.7% këtë vit – një rënie që tregon mungesë të prioritetit për një sektor që është bazë e mirëqenies dhe sigurisë sociale.
Kjo prirje nuk justifikohet me mungesë fondesh. Përkundrazi, buxheti i shtetit ka krijuar suficit, çka nënkupton se qeveria ka të ardhura më shumë sesa shpenzon.
Sipas të dhënave të Ministrisë së Financave, në 9-mujorin 2025, buxheti i shtetit rezultoi me suficit prej 47 miliardë lekësh për të tretin vit radhazi. Gati gjysma e suficitit, një shumë prej 23.3 miliardë lekësh, erdhi nga mosrealizimi i shpenzimeve publike.
Pra ajo që mungon është aftësia për t’i përdorur këto burime në mënyrë produktive dhe me ndikim të qëndrueshëm. Në arsim e shëndetësi ulja e fondeve në fund të vitit lidhet me mospërdorimin e fondeve ekzistuese, që tregon mangësi administrimi, që në rastin më të mirë vijnë nga paaftësia.
Nëse shpenzimet për rrugë dhe infrastrukturë rriten çdo vit, madje në situata kur ka mjaft paqartësi nëse kostot reale të infrastrukturës janë ato që paraqiten në raporte institucionesh, si dhe me cilësi jo të kënaqshme, arsimi dhe shëndetësia, dy sektorë mjaft problematikë për cilësinë e shërbimit që ofrojnë, po shndërrohen në “viktima” të një planifikimi fiskal që parapëlqen investimet e tenderueshme, me kthim të shpejtë nga fondi i prokuruar dhe me përqendrim në një numër biznesesh të afërta me qeverinë ndaj investimit afatgjatë në kapitalin njerëzor dhe që siguron një rishpërndarje të shëndetshme dhe me përfitim të gjerë të të ardhurave publike.
Për më tepër që cilësia e dobët e shërbimit në këta sektorë është një ndër faktorët e rëndësishëm që nxit emigrimin e shqiptarëve, duke përforcuar efektin negativ.
Në fakt, të dy sektorët janë themel për çdo vend që aspiron integrimin në Bashkimin Europian, por që rruga deri aty duket gjithnjë e më e gjatë.
Sipas Institutit të Vjenës për Studime Ndërkombëtare, Shqipëria është ndër vendet me ecurinë më të ngadaltë në konvergjencën me BE-në në fushat e arsimit dhe shëndetësisë.
Shpenzimet për arsim historikisht kanë përfaqësuar vetëm 3% të PBB-së (rreth 57% e mesatares së BE-së), ndërsa për shëndetësinë – 3% të PBB-së, ose vetëm 43% të nivelit europian.
Ky hendek nuk është vetëm statistikor. Ai reflekton cilësi më të dobët në arsim, rezultate të ulëta në testet ndërkombëtare, mungesë mjekësh, emigracion të lartë profesional dhe ulje të produktivitetit në ekonomi.
Në raportin e fundit të platformës Converge2.eu, që mat procesin e afrimit me standardet e BE-së, Shqipërisë i duhen 39 vite për të arritur nivelin europian në shëndetësi dhe më shumë se 50 vite për arsimin, nëse ritmet aktuale vazhdojnë.
Në aspektin e varfërisë, vendit do t’i duhen rreth 100 vjet për të kapur mesataren e BE-së, një tregues që lidhet drejtpërdrejt me mungesën e shpenzimeve publike për arsim, shëndetësi dhe politika sociale.
Në thelb, ky është paradoksi i ekonomisë shqiptare: një buxhet me të ardhura në rritje, por me shpenzime publike që prodhojnë pak ndikim cilësor social.
Arsimi është baza e zhvillimit dhe e barazisë së mundësive; shëndetësia është parakushti për një forcë punëtore të qëndrueshme dhe për jetëgjatësi produktive.
Të dyja janë shumë të rëndësishme në këto momente në dy ekstreme, e para për të krijuar një të ardhme të qëndrueshme për brezin e ri, si një parakusht për frenimin e emigracionit të të rinjve.
E dyta për të krijuar infrastrukturën e nevojshme për një popullsi që sa po vjen e po plaket, me moshën mediane që i është afruar BE-së (në mbi 44 vjeç).
Kur këto dy shtylla lihen në hije, çdo kilometër rrugë e re dhe çdo ndërtesë e ndërtuar mbetet bosh nga përmbajtja.
Në një vend ku buxheti “nuk mungon”, por vizioni mungon, çdo rishikim që lë pas dore arsimin dhe shëndetësinë është më shumë se një gabim teknik – është një zgjedhje politike që vonon konvergjencën me Europën dhe shpresën për një zhvillim të qëndrueshëm./ Monitor/
-
Lëvizjet e fundit nga SPAK, Agron Shehaj mesazh Ramës: Bëhu burrë dhe jep dorëheqjen
Kryetari i Partisë Mundësia, Agron Shehaj i bëri thirrje kryeministrit Edi Rama të japë dorëheqjen, pas thirrjes së zëvendëses së tij, Belinda Ballukut në SPAK.
Shehaj reagoi ndaj deklaratës së Edi Ramës, se “drejtësia ka punën e vet”, me një video-mesazh në rrjetet sociale. Kreu i Partisë Mundësia kujtoi se para Ballukut, drejtësia kërkoi të arrestojë Arben Ahmetajn dhe ka arrestuar Erion Veliajn. “Si, nuk të intereson që po arrestojnë Belinda Ballukun? Ej, kthjellohu! Është zëvendësja jote. Para saj donin të arrestonin Ahmetajn që ia mbathi në arrati në Zvicër. Ndërkohë Erion Veliajn, krahun tënd të djathtë, e ke në burg, për korrupsion dhe ai. Sa veta duhet të të arrestojnë ty që të mbash përgjegjësi? Bëhu burrë, mbaj përgjegjësi dhe jep dorëheqjen!”, u shpreh këtë fundjavë Shehaj në video mesazhin e tij. -
“55 për qind e shqiptarëve nuk mbyllin dot muajin”, Tabaku: Qeveria ka zgjedhur gjithmonë oligarkët mbi qytetarët
Deputetja e Partisë Demokratike, Jorida Tabaku, ka postuar video ne rrjetet sociale ndaj gjendjes ekonomike të familjeve shqiptare, duke e cilësuar si pasojë direkte të politikave të gabuara të qeverisë socialiste gjatë 12 viteve të fundit. Në video, Tabaku thekson se 55% e shqiptarëve nuk arrijnë të mbyllin muajin, pasi të ardhurat e tyre nuk mjaftojnë për shpenzimet bazike të jetesës, shkollës, energjisë, transportit apo ushqimit.
“Shqipëria është një vend i mrekullueshëm me potenciale të jashtëzakonshme, por fatkeqësisht sot 55% e shqiptarëve nuk mbyllin dot muajin. Kjo ndodh sepse sa herë që qeveria ka pasur mundësi të zgjedhë, ka zgjedhur për pakicën, për 5% që merr gjithë pasuritë, kundrejt 55% që lufton për të përballuar muajin”, deklaron Tabaku. Sipas saj, shkaku qëndron në rritjen e taksave, kapjen e tregut dhe politikat klienteliste, që kanë favorizuar një grusht të vogël oligarkësh në kurriz të qytetarëve.
Tabaku thekson se është koha për të ndryshuar sistemin e kapur dhe për t’i kthyer prioritetet tek familjet dhe shtresa e mesme, jo tek koncesionet dhe interesat e ngushta. “Këto duhet të ndryshojmë, këtë sistem të kapur dhe këto zgjedhje të gabuara që e kanë çuar Shqipërinë në këtë moment të vështirë”, tha këtë fundjavë deputetja demokrate. -
Ballukut s’i “zënë këmbët dhe” nga frika e arrestimit, nga Zvicra ja mbath në Bullgari, vjen era azil
Në një kohë dolën lajmet se këtë të hënë ministrja e Transporteve, Belinda Balluku do të thirrej në Prokurorinë e Posaçme (SPAK) për t’u njohur me akuzat penale ndaj saj, zëvendëskryeministrja u shfaq të premten në Zvicër, në një vizitë që u përfol si tentativë për t’u shmangur nga hetimet. Por sikur të mos mjaftonte kjo, Balluku thuhet se ndodhet në Bullgari, një tjetër lëvizje e papritur që vjen në kulmin e akuzave për korrupsion dhe që ngjan më shumë me arrati sesa me punë shtetërore.
Nga Zvicra në Bullgari, udhëtimi i saj vjen me aromë frike, por edhe me erë azili politik. Ka qenë kreu i Grupit Parlamentar të PD-së, Gazment Bardhi, ai që paralajmëroi dje se Balluku nuk do të paraqitet në SPAK, duke e akuzuar se ka sajuar udhëtime për të shmangur drejtësinë. Në reagimin e tij të gjatë dhe thumbues, Bardhi nuk kurseu ironinë ndaj numrit dy të qeverisë. Ai përmendi me radhë aferat që sipas tij e rëndojnë Ballukun: “Si të zhdukësh 50 milionë euro në tunelin e Llogarasë, si të vjedhësh 180 milionë në kontratat e energjisë, si të marrësh 5 milionë në digën e Zadejës, dhe si të avullosh 80 milionë me anije termocentral që s’u vunë kurrë në punë.” Sipas tij, çdo përpjekje e Ballukut për t’u fshehur pas udhëtimeve zyrtare është e kotë. “Ajo mund të shtyjë edhe pak me akrobacitë e saj nëpër trena dhe avionë”, shkruan Bardhi, “por stacioni i saj i fundit do të jetë vetëm një: burgu i grave në Pojskë. Dhe përpara se të mbërrijë atje, një ndalesë do ta bëjë patjetër në SPAK.” Ashtu siç paralajmërova, për të mos shkuar të hënën në SPAK, ku duhet të njihet me akuzën penale për vetëm një nga shumë vjedhje të saj, Belinda Balluku raportohet se ka sajuar një vizitë në Bullgari.
Atje me siguri do të mbajë një “masterclass” për përvojën e saj të pasur me tenderat: Si të zhdukësh 50 milion € si në tunelin e Llogarasë; Si të vjedhësh 180 milion € në shit-blerje energjie; Si të vjedhësh 5 milion € në një digë hidrocentrali, si në rastin e Zadejës; dhe Si të avullosh 80 milion € me anije termocentral, që s’u vunë kurrë në punë. Belinda Balluku mund ta shtyjë edhe pak me akrobacitë nëpër trena dhe avionë, por stacioni i saj fundor do të jetë vetëm një: burgu i grave në Pojskë. Dhe përpara se të mbërrijë stacionin final, herët a vonë, një ndalesë do ta bëjë së shpejti patjetër në SPAK”, shkroi dje Bardhi në rrjetet sociale. -
Çfarë po ndodh? Deputeti i PD paraqitet në SPAK, ja si u shfaq para gazetarëve
Deputeti i Partisë Demokratike, Bledion Nallbati ka mbërritur këtë të hënë në SPAK.
Ende nuk dihet arsyeja pse demokrati është paraqitur në Prokurorinë e Posaçme. Megjithatë ai ka përshëndetur gazetarët dhe operatorët ndërsa shfaqet i buzëqeshur.
-
Gjoksrrahje qeveritare mbi fatin e ri të Xhamisë së Plumbit në Shkodër
Xhamia e Plumbit në Shkodër, një monument simbol i trashëgimisë islame, tashmë qëndron e qetë dhe ngadhjimtare pas çdo rrebeshi. Më saktë, pas çdo shiu të rrëmbyeshëm ajo përmbytej paq, duke ofruar një pamje trishtuese. Por pas një rikonstruksioni komplementar, ajo rrezaton siç i ka hije, pasfidueshëm nga faktorë natyrorë, siç shirat.
Edhe pse e mundësuar nga TIKA, qeveria priret ta marrë ajo meritën e rikonstruksionit, edhe pse pjesën e saj, për hir të së vërtetës, e ka kryer pa ndonjë ekuivok.
Kështu, fillimisht kryeministri Rama e më pas e gjithë skota qeveritare, kanë nxituar ta promovojnë realitetin e tij të Xhamisë së Plumbit në Shkodër.
“Xhamia e Plumbit, një ndër monumentet më të vjetra dhe më të bukura të Shqipërisë, ndërtuar nga Mehmet Pashë Bushati, e cila dikur përmbytej çdo vit, sot pas restaurimit të thellë e rikualifikimit urban të territorit të saj, nuk cënohet më prej reshjeve intensive.
Një ndërhyrje e mbarë që ka rikthyer jo vetëm vlerat historike dhe arkitekturore, por edhe jetën shpirtërore e vizitorët në këtë vend të shenjtë të Shkodrës”, shkruan i pari i qeverisë.
Por tashmë, muslimanët e Shkodrës janë në tjetër hall të madh. Ata, më saktë Myftinia, thotë se kulla që do ndërtohet te Hotel Rozafa është mbi pronën e saj. Në këtë rast, qeveria nuk ka me çfarë rreh gjoksin për ndonjë drejtësimbajtje në çështjen delikate të pronave. /tesheshi.com/
