Prokurori i Përgjithshëm Olsian Çela u është përgjigjur pyetjeve të deputetëve që i janë adresuar sot në Kuvend.
Pyetjes së deputetit të PD Agron Gjekmarkaj për raportoni e OSBE/ODIHR në lidhje me krimet zgjedhore, konkretisht për përdorimin e administratës dhe fondet, ai deklaroi:
Janë marrë disa masa për krime zgjedhore, nga ana jonë u ndërtuan seksione të posaçme për periudhën zgjedhore me qëllim që këta prokurorë në prioritet të kishin hetimin e këtij krimi.
Ka një sërë çështjes penale që ka nisur hetime, nga 2025 rezulton se janë disa çështje penale, nuk e them dot numrin e saktë, por janë në gjithë territorit, që lidhet me përdorimin e administratës apo fondeve publike në fushatë. Mbetet për t’u parë në vijim. Kontrolli realizohet nga pushteti gjyqësor.
Category: Politikë
-
“U përdor administrata dhe fondet publike për zgjedhjet?”/ Çela i përgjigjet pyetjeve të deputetit të PD: Kanë nisur disa hetime
-
Braçe ironizon opozitën: 2 orë e 40 minuta shkuan kot! Prokurorin pyete në Gjykatë për çështjen tënde
Deputeti i PS-së, Erion Braçe ka ironizuar opozitën për zvarritjen që i bënë raportimit të krerëve të institucioneve të drejtësisë me argumentin se duhet të parashtrojnë pyetje edhe me zë.
Teksa ka ndarë disa pamje nga brenda Kuvendit ndërsa seanca është ndërprerë, deputeti thotë se rreth 3 orë kohë iku duke pritur që të vendosin për një kërkesë të tillë. Më tej ai thumbon teksa thotë se prokurori mund të pyetet për çështje konkrete, përfshirë edhe të atyre që janë në Kuvend, në gjykatë.
“2 orë e 40 minuta kot, pa punë duke pritur të vendosin do e pyesin me zë prokurorin apo jo!! Në fakt, prokurorin për çështje konkrete edhe tënden, e pyet në gjykatë jo këtu!”, ka shkruar Braçe. -
“PS ka frikë të tmerrshme”/Berisha paralajmëron protesta: S’do e lejojmë situatën të degradojë
Kreu i Partisë Demokratike, Sali Berisha nga ambientet e jashtme të Kuvendit paralajmëroi se aksioni i opozitës do të radikalizohet përmes protestave.
Sipas kreut të opozitës, ministrat dhe deputetët socialistë janë të trembur, ndërsa PD sheh protestat si zgjidhje që situata të mos degradojë.
“Natyrisht ne jemi opozitë. Partia Socialiste ka frikë të tmerrshme, deputetët dhe ministrat e saj kanë frikë të tmerrshme nga vetja e tyre. Absolutisht do ketë protesta se pa protesta situata vijon të degradojë gjithnjë e më shumë”, tha Berisha. -
Zgjedhjorja/ Gjiknuri: Brenda pak ditësh do japim edhe propozimet, fokusi i parë do jetë financimi i partive
Damian Gjiknuri, i cili do jetë bashkëkryetari i PS në komisionin për Reformën Zgjedhore tha jashtë Kuvendit se i kanë dhënë përfaqësim të gjitha partive politike, edhe atyre me 1 deputetë, të cilët nuk do të kenë të drejtë vote, por mund të bëjnë propozimet e tyre. Gjiknuri tha se PS shumë shpejt do të bëjë propozimet e saj dhe fokusi i parë do të jetë ligji për financimin e partive politike.
“Kuvendi votoi në mënyrë konsensuale ngritjen e dy komisioneve, ai për reformën zgjedhore. Për shkak të numrit të lartë të partive në Kuvend u kemi dhënë të drejtën të gjithë partive, edhe atyre me 1 mandat të marrin pjesë të bëjnë propozime, vetëm nuk janë anëtarë formal, por asgjë nuk i pengon për të qenë me të drejta të plota. Ne nuk mund të kemi numër pafund deputetësh, por e rëndësishme është ta trajtojmë në mënyrë gjithëpërfshirëse, duke pasur të gjithë palët dhe duke ruajtur traditën për marrjen e ekspertizës nga ODIHR apo Venecia. Brenda pak ditësh ne do japim edhe propozimet, komisioni do nisë nga puna, fokusi i parë do jetë ligji i financimit të partive dhe ka nevojë për të adresuar”, tha Gjiknuri.
I pyetur nëse do të ketë ndryshim të sistemit zgjedhor, Gjiknuri tha se çdo gjë është në tavolinë.
“Çdo gjë është në tavolinë, edhe herën e fundit e ndryshuam sistemin zgjedhor. Jemi të hapur se cili do të jetë varianti më i mirë, edhe për territorialen nëse do të kemi një ndarje të re territoriale për Shqipërinë”, tha Gjiknuri. -
“Nesti Angoni brenda Kuvendit”, Sali Berisha: Kush është ministri që denoncoi në SPAK Erion Veliajn
Pas kërkesës së kreut të Grupit Parlamentar të PS-së, Taulant Balla për 15 minuta pushim, kreu i Kuvendit, Niko Peleshi ndërpreu seancën plenare.
Disa nga deputetët, përfshirë ish-kryeministrin Sali Berisha, zgjodhën që të dilnin jashtë ambienteve të Parlamentit dhe të flisnin për mediat.
Kreu i opozitës, Berisha, deklaroi se Nesti Angoni, personi që denoncoi kryebashkiakun e Tiranës Erion Veliaj, i cili është arrestuar që më 10 shkurt, në fakt ndodhet brenda Parlamentit.Sipas Berishës ai është deputeti socialist Toni Gogu.
Berisha: I thashë unë, dil e betohu në Kushtetutë, por nuk del dot Nesti Angoni. Se tani thonë që ky Gogu është Nesti Angoni, ia hoqën Belindës…
Berisha gjithashtu komentoi edhe refuzimin e Partisë Socialiste për t’i drejtuar pyetje krerëve të institucioneve të drejtësisë, të cilët do të raportojnë sot në Kuvend.
Balla i dha opozitës dy mundësi, ose të pranojë faktin që pyetjet Altin Dumanit dhe krerëve të tjerë të institucioneve të drejtësisë t’i paraqiten me shkrim, ose në të kundërt do të vijojnë me procesin e votimit. Berisha u shpreh se kjo është e papranueshme dhe se socialistëve “nuk iu leverdis” raportimi i tyre. Berisha theksoi se vitet e kaluara është vendosur në zbatim praktika pyetje përgjigje me gojë.
Berisha: Për pyetjet ka disa praktika. Në shumë raste, pyetje nuk bëhen fare. Deputetët, opozita e gjykon të mos bëhen pyetje dhe ka ndodhur jo një, por në mënyrë të përsëritur. Pyetjet me shkrim mendoj se janë një normë për t’i dhënë mundësi të pyeturit që të përgatitet. Kjo është normale. Por kjo nuk përjashton as të drejtën e pyetjes me gojë pas dëgjimit të raportit, as të drejtën e leximit të pyetjes që i ka bërë me shkrim. Këta janë në frikë dhe tmerr.Problemi është se duhet të dëgjojnë shqiptarët çfarë pyetjesh janë bërë. Se pastaj lexo një pyetje po, lexo një pyetje jo, lexo një gjysmë pyetje, nuk jemi në pozita miqësore aty. Jo, ajo është një palë kundërshtare, e cila është marrë me luftë të egër kundër pluralizmit politik./vizionplus.tv -
Raportimi i Dumanit dhe Çelës në Kuvend, zbulohet pakti Balla- Këlliçi për pyetjen e krerëve të institucioneve të pavarura
Kreu i Grupit Parlamentar i PS Taulant Balla ka kërkuar 15 minuta pushim të seancës plenare, për t’u takuar me opozitën dhe për të dakordësuar vijim e seancës dhe raportimin e drejtuesve të institucioneve të drejtësisë.
Balla tha se nëse opozita nuk bie dakord që pyetjet për drejtuesit të bëhen me shkrim, jo me gojë siç kërkon opozita, atëherë do të kërkojë që kjo seancë maratonë të kalojë direkt në votim.
“Në mungesë të kryetarit të grupit, zoti nënkryetar Belind Këlliçi, kërkesa juaj për të shkelur rregulloren, as sot as pa një muaji nuk do e marrë dakordësimin tonë. Kërkoj 15 minuta pushim për një bisedë bashkë me ju dhe kryetarët e grupeve prezentë, nëse s’do kemi dakordësinë tuaj për të vijuar, do kërkoj ndërprerje të diskutimeve dhe kalim në votim”, tha Balla.
Pas mbledhjes që zgjati rreth një orë, palët janë dakordësuar që do të respektohet rregullorja dhe pyetjet do të lexohen nga drejtuesi i institucionit, me të drejtë komenti 2 minuta nga deputetët.Top Channel
-
‘Të rregullojmë trafikun’/ Binaj: Në 1 vit humbasim 15 ditë duke pritur nëpër Tiranë
Kanididati i pavarur për Bashkinë e Tiranës, Florjan Binaj ka ndarë sot një shqetësim të përditshëm të banorëve të kryeqytetit.
Përmes një postimi në rrjetet sociale, Binaj shprehet se trafiku në Tiranë i bën qytetarët të humbasin 15 ditë në vit.
Binaj shkruan se nëse rregullohet trafiku në kryqytet, ajo kohë e shpenzuar gjatë pritjes në rrugë mund të kalohet me familjen.
“Çdo qytetar i Tiranës humb mesatarisht 1 orë në ditë në trafik. Në 1 muaj humb 1 ditë e 6 orë. Në një vit humb 15 ditë. Nëse rregullojmë trafikun në Tiranë, ato 15 ditë mund t’i kalojmë pranë prindërve tanë, fëmijëve tanë ose me miqtë tanë”,-shkruan Binaj.
-
A do t’i shmanget Berisha Dumanit në Kuvend? Ja si përgjigjet kryedemokrati
Pas ndërprerjes së seancës plenare, kreu i PD-së, Sali Berisha u është përgjigjur pyetjeve të gazetarëve.
Ai u pyet nëse do t’i shmanget kreut të SPAK, Altin Dumanit në Kuvend, pas deklaratave dhe ofendimeve që ka bërë në publik ndaj këtij të fundit.
Berisha u përgjigj duke thënë se nuk ka asgjë personale me të dhe se çdo gjë që ka pasur, e ka thënë në publik.
“S’kam asgjë personale unë. Ato çfarë kam pasur i kam thënë më shumë se çdo njeri tjetër. Kam hallinë qytetarëve. Nëse kërkoj të bëjë pyetje, debate, është për të mbrojtur interesin e qytetarëve”, tha ai. -
“Hapësirat publike do të çlirohen të tëra pa përjashtim”/ Ultimatumi Rama nuk ndal aksionin, nisin paralajmërimet
Kryeministri Edi Rama ka ndarë në rrjetet sociale pamje nga lirimi i hapësirave publike në vend. Në fotot e postuara nga kreu i qeverisë shihen çmomtimet të fasadave dhe tendave që kanë zënë trotuare.
“Hapësirat publike do të çlirohen të tëra pa ndalim dhe pa përjashtim”, shkruan Rama krahas fotove.
Aksioni i lirimit të hapësirave publike ka nisur gjatë sezonit veror këtë vit, ndërsa kryeministri Rama ka bërë me dije se ky proces do të vijojë deri në lirimin e të gjitha hapësirave të zaptuara në të gjithë vendin. -
‘2 orë e 40 minuta shkuan kot’, Braçe: Prokurori mund të pyetet për çështje konkrete në gjykatë dhe jo këtu
Deputeti i PS-së, Erion Braçe ka ironizuar opozitën për zvarritjen që i bënë raportimit të krerëve të institucioneve të drejtësisë me argumentin se duhet të parashtrojnë pyetje edhe me zë.
Teksa ka ndarë disa pamje nga brenda Kuvendit ndërsa seanca është ndërprerë, deputeti thotë se rreth 3 orë kohë iku duke pritur që të vendosin për një kërkesë të tillë. Më tej ai thumbon teksa thotë se prokurori mund të pyetet për çështje konkrete, përfshirë edhe të atyre që janë në Kuvend, në gjykatë.
“2 orë e 40 minuta kot, pa punë duke pritur të vendosin do e pyesin me zë prokurorin apo jo!! Në fakt, prokurorin për çështje konkrete edhe tënden, e pyet në gjykatë jo këtu!”, ka shkruar Braçe.