Departamenti Amerikan i Thesarit ka vendosur sanksione ndaj biznesmenit Luftar Hysa dhe rrjetit të tij familjar e të biznesit, duke e akuzuar për përfshirje në krimin e organizuar transnacional dhe pastrim parash, përfshirë lidhje me kartelin e fuqishëm meksikan Sinaloa. Ky vendim ka rikthyer fuqishëm në debatin publik një çështje të tre viteve më parë: takimin e Kryeministrit Edi Rama me Luftar Hysën në zyrën e tij, një takim që ngjalli polemika të shumta në atë kohë.
I ftuar në një emision televiziv, gazetari Bledian Koka tha se ky zhvillim nga Thesari i SHBA-VE, përbën “hallin e madh” dhe “dëmin e pakontrollueshëm” për Kryeministrin Rama, duke e tejkaluar rëndësinë e çështjeve të brendshme korruptive. Sipas Kokës, ndryshe nga skandalet vendase që ai i cilësoi si “shpërthime të kontrolluara” për nevoja propagande, lidhja me një individ dhe rrjet të sanksionuar nga SHBA për krim të rëndë ndërkombëtar, është një goditje direkte dhe e pamenaxhueshme për qeverinë.
Në qendër të diskutimit është fakti se një kompani e lidhur me familjen Hysa, tashmë e dizenjuar nga SHBA, ka marrë nga qeveria shqiptare licencën për një nga projektet më të mëdha turistike në Vlorë, atë të hotelit me pesë yje dhe kazinosë në Marina Bay.
Kjo sipas gazetarit Koka e vendos ekzekutivin shqiptar në një pozitë tejet të vështirë, pasi del se ka favorizuar një grup të cilin partneri strategjik i Shqipërisë, e konsideron si organizatë kriminale. Koka vuri në dukje gjithashtu një “artikulim të njëjtë” dhe justifikim të përbashkët mes Kryeministrit Rama dhe vetë Luftar Hysës kur janë pyetur për këtë çështje.
Historia e këtij skandali nisi me publikimin e një fotografie nga takimi në Kryeministri, ku i pranishëm ishte edhe një deputet gjerman. Reagimi i Kryeministrit Rama në atë kohë, i cili mori rolin e mbrojtësit në vend që të niste një hetim nga institucionet ligjzbatuese, u kritikua nga Koka si një veprim i papërshtatshëm për një zyrtar të lartë shteti.
Zotin Rama e sikletos shumë dhe që si me thënë ravijëzon dhe sigurisht që ka të bëjë me raportet e zotit Rama me Shtetet e Bashkuara të Amerikës. Kushdo që ka besuar që ky problem ose ky hall po e thoja kështu, mund të ishte, si me thënë, problemet ligjore të zonjës Balluku, besoj që me këtë që ka ndodhur sot, në fakt mund të kuptojë që në fakt halli i madh i zotit Rama ka qenë pikërisht ky. Sepse, sigurisht që sot ka ndodhur dizenjimi i familjes Hysa dhe i të gjithë bizneseve të tyre, por po e them në parantezë, një nga kompanitë e sekuestruara ose të dizenjuara, nga Shtetet e Bashkuara të Amerikës, është e njëjta kompani me të cilën qeveria shqiptare i ka dhënë kësaj, kësaj familje, licencën për atë që është në një nga bizneset kryesore në Vlorë, Marina Bay, që është hoteli dhe kazinoja që operon prej kohësh tashmë në, në këtë, në këtë hotel. Pra, ky nuk është, nuk është vetëm një, një dizenjim i këtyre kompanive, si me thënë, sepse pjesa më e madhe e tyre është kompanitë ,që me të cilët familja Hysa vepron mes Meksikës, Kanadasë dhe përfitimi dhe përfitime financiare që vijnë në Shtetet e Bashkuara të Amerikës.
Asnjëra prej kompanive nuk operon në Shtetet e Bashkuara të Amerikës, por janë të dizenjuar si si organizatë kriminale. Dhe unë mendoj që ky është fiks ai momenti që një kryeministër nuk do të donte t’i ndodhte dhe ose që pret të ndodhë dhe pret të ndodhë sa më vonë. Unë mendoj që gjithë shqetësimi i zotit Rama ishte një shqetësim i cili, si me thënë, e tejkalonte mundësinë e tij për ta kontrolluar dëmin. Ky është një dëm i cili nuk mund të kontrollohet. Pra, në qoftë se ty të ndodh dëmi brenda me SPAK-un e me këto andrallat tona të përditshme, gjëra që ti, ne, ne e kemi parë fare mirë që të gjitha shpërthimet kanë ndodhur të kontrolluara sipas nevojave të propagandës ditore të zotit Rama.
Edhe Erion Veliaj, edhe Belinda Balluku, Arben Ahmetaj, tjetri, tjetri, të gjithë këto që kanë ndodhur kanë qenë shpërthime të kontrolluara. Kjo është një gjë tjetër. Kjo është një ngjarje në të cilën zoti Rama ka lënë edhe prova me artikulimet e veta, ka lënë edhe ka bërë edhe avokatinë siç me të drejtë e transmetuam ne gjatë kësaj kohe dhe po të shikoni ka një moment të caktuar kur ajo që thotë zoti Rama përballë gazetarëve në vitin 2022, kohës kur i bënte konferencat me gazetarët në distancë për shkak të Covid-it të kohës, është i njëjti artikulim që ka edhe zoti Hysa në intervistën e dhënë për, për zotin Fevziu. Pra një kryeministër i cili vihet në dijeni pas një artikulli ose njihet me një artikull, jo ky ishte rasti i dytë që zoti Rama ekziston, sepse ka dhe një intervistë të zotit Rama i cili është pyetur për këtë çështje në, në, në emisionin e zotit Fevziu, kjo video nuk ekziston për momentin në YouTube. Nuk nuk e gjejmë dot. Kjo video është zhdukur.
Dhe, dhe, dhe që, edhe që e konfirmonte takimin dhe e minimizonte. Kjo video për momentin nuk gjendet. Ndoshta mund, në arkivat tona mund ta kemi ruajtur, por kjo, kjo gjë nuk gjendet, por kemi këtë videon tjetër. Po. Sepse kjo, çdo gjë ka nisur nga kjo foto e publikuar dikur. Pra një foto e cila fotografohet nga, nga larg, një, një delegacion po e quajmë kështu, që ndodhej në kryeministri. Po e diskutonim pak më herët me Klodin, thashëPo pikërisht, pra, shpoti e ka marrë për shkak se ishte një deputet gjerman dhe nga fotoja e deputetit gjerman Mark Hauptmann, rezulton që një person, personi tjetër që ishte aty ishte zoti Hysa që për, për Shqipërinë si me thënë ishte i panjohur, ndoshta gazetarët e kronikës mund të kishin informacion, por jo domosdoshmërisht se çfarë përfaqësonte, dhe që nga aty momenti pastaj ka nisur me thënë saga e asaj që njihej e Luftar Hysës në Shqipëri.
Mbas kësaj ngjarje, mbas këtij denoncimi që u bë atëherë në, në, në portalet e kohës, ka ndodhur që ka qenë një media meksikane, që publikon një artikull, e cila thotë se Luftar Hysa dhe tre vëllezërit e tij ishin njerëz që pastronin paratë e kartelit Sinaloa, që realisht informacioni kur doli atëherë ishte një informacion lunatik. Si mundet pra që një familje shqiptare ose disa, një biznesmen shqiptar të ketë lidhje direkte me kartelin Sinaloa, dihet sa e rrezikshme, sa e fuqishme po ashtu është financiarisht, ky kartel, dhe që si ka mundësi që nga, mirë që janë të lidhur atje, por ka ardhur edhe biznesin e kryen, kryen në Shqipëri. Këtu çfarë ndodh? Publikohet informacioni dhe kryeministri i Shqipërisë pyetet sërish për këtë ngjarje. Çfarë, ajo që ndodh ndoqëm pak më herët, është pikërisht përgjigja që kryeministri i ka dhënë gazetarëve dhe pyet dhe çfarë shohim ne?
Madje te italianët ishte, ishte më i zgjeruar, por ajo që po shikojmë është hera e parë kur flet si, po të shikoni, gjuha që me të cilën zoti Rama i përgjigjet gazetarëve shqiptarë dhe gjuha me të cilën zoti Hysa përdor në tek zoti Fevziu, është i njëjti argument, i njëjti justifikim. Ku kemi ne takat të pastrojmë ne me një, me një vrimë në Vlorë atë që janë miliardat e trafikut të drogës dhe pasuria e kartelit Sinaloa. Çfarë ndodh? Në qoftë se zoti Hysa është në të drejtën e vet ta bëjë këtë apologji, si ka mundësi që kryeministri i Shqipërisë, se këtu pastaj është ajo e çuditshmja, në vend që të thotë, ose minimalisht t’u përgjigjet gazetarëve, ne e kemi lexuar artikullin, organet tona ligjzbatuese sigurisht që janë duke bërë verifikimet e tyre sepse normalisht do të duhet ta bëjnë këtë lloj verifikimi dhe nëse do rezultojë diçka që mund të, mund, mund të ketë lidhje me këtë informacion, patjetër që ne do të vëmë në dispozicion. Por zoti Rama jo vetëm që nuk e jep këtë përgjigje normale që duhet të japë një shtetar, përkundrazi, ai as nuk e çon nëpër mend t’i thotë institucioneve ligjzbatuese hetojeni familjen Hysa.
Category: Politikë
-
Pas goditjes nga Uashingtoni, gazetari shpërthen: Rama s’mund të fshihet më, deklaratat e tij janë prova publike
-
Ministrja Ibrahimaj: Partneriteti strategjik Itali–Shqipëri, një urë e fortë drejt rritjes ekonomike dhe integrimit evropian
Në kuadër të Mbledhjes së Përbashkët Ndërqeveritare mes Shqipërisë dhe Italisë, u nënshkrua sot memorandumi i mirëkuptimit midis Agjencisë Shqiptare të Zhvillimit të Investimeve (AIDA) dhe SIMEST S.p.A.
Ministrja e Ekonomisë dhe Inovacionit, znj. Delina Ibrahimaj, theksoi rëndësinë e kësaj nisme për thellimin e bashkëpunimit ekonomik dhe për mbështetjen e bizneseve shqiptare në procesin e ndërkombëtarizimit.
“Italia ka qenë dhe mbetet partneri ynë strategjik më i afërt, investitori i parë dypalësh dhe ndërmjetësi kryesor ekonomik dhe institucional i Shqipërisë në rrugën drejt integrimit evropian. Marrëveshja AIDA-SIMEST përfaqëson një hap konkret drejt krijimit të një ekosistemi të integruar mbështetjeje për bizneset, duke nxitur inovacionin, digjitalizimin dhe rritjen e qëndrueshme”, u shpreh ministrja Ibrahimaj.
Ministrja Ibrahimaj bëri të ditur se bashkëpunimi midis institucioneve si CDP (Cassa Depositi e Prestiti) dhe SIMEST po ndërton ura të forta bashkëpunimi në fusha kyçe si kërkimi shkencor, inovacioni teknologjik, financimi i zhvillimit dhe mbështetja e ndërmarrjeve të vogla e të mesme (SME).
Në këtë kuadër, ministrja nënvizoi edhe rëndësinë e marrëveshjes së pensioneve mes Shqipërisë dhe Italisë, e cila hyri në fuqi më 1 korrik 2025, duke mundësuar bashkimin e periudhave të sigurimeve për qytetarët që kanë punuar në të dy vendet. Deri më tani janë paraqitur rreth 1,500 aplikime, prej të cilave 700 janë përpunuar me sukses nga Instituti i Sigurimeve Shoqërore.
Ibrahimaj bëri të ditur se këto marrëveshje tregojnë qartë vizionin tonë të përbashkët për një të ardhme europiane, për një ekonomi më të fortë, më inovative dhe të qëndrueshme.
“Shqipëria e konsideron Italinë jo vetëm si një partner strategjik, por si një vend mik e vëlla, që qëndron në krah të saj në rrugën drejt integrimit të plotë në Bashkimin Evropian. Qëllimi ynë i përbashkët është zgjerimi i urës tashmë të fortë dhe të sigurt midis Tiranës dhe Romës, që bashkon ndërmarrje, universitete, institucione, komunitete dhe qytetarë në familjen e madhe evropiane”, theksoi znj. Ibrahimaj. -
“Më kanë kërcënuar me prerjen e kokës së fëmijëve”, Iris Luarasi: Jam nënë vetë. Nuk do të doja të më thërrisnin…
Deputetja e PS, Iris Luarasi, ka zbuluar se është kërcënuar me jetën e fëmijëve. Sipas saj, këto kërcënime vijnë vetëm pse mbështeti projektligjin për Barazinë Gjinore.
“Kemi qenë pjesë e debateve publike dhe politike. Në një farë mënyrë duket sikur jemi mësuar me kulturën e sharjeve dhe fyerjeve. Por këtë herë ka qenë si asnjëherë më parë sepse kam marrë kërcënime me vdekje, për prerje të kokave të fëmijëve.
Patjetër që i kam denoncuar. Më thuaj kush është kundër familjes? Për çfarë arsye Iris Luarasi të mos respektonte familjen. Unë jam nënë dhe nuk do të doja të më thërrisnin prindi 1 dhe 2.”, tha ajo. -
“Depolitizoni administratën zgjedhore”/ Rekomandimi i ambasadorit të BE, Gonzato për partitë politike
Politika po bëhet gati të ndryshojë rregullat e lojës për zgjedhjet, ndërsa ndërkombëtarët presin një produkt të mireë dhe gjithëpërfshirës.
Diplomati i Bashkimit Europian, Silvio Gonzato kërkoi që raporti i misionit të OSBE OHDIR dhe rekomandimet e Venecias të jene udhërrëfyesit e komisionit bipartisan që nis punën të martën.
“Nevoja për një reformë dhe sistem zgjedhor gjithëpërfshirës të cilin e kemi kërkuar prej kohësh, është kërkesë e nënvizuar në raportin e fundit te OSBE OHDIR që nxjerr mangësitë domethënëse ne ketë proces zgjedhor, keqpërdorimi i burimeve shtetërore dhe mungesa e fushës së barabartë të lojës, rëndësia e fuqizimit të pavarësisë dhe neutralitetit te institucioneve, nevoja për të mbikëqyrjen e fushatave zgjedhore dhe garantimit te kushteve te barabarta për aktoret politik. Këto reforma janë hapa themeltarë në rrugëtimi ne Shqipërisë drejt BE”, u shpreh Silvio Gonzato.
Komisionieri Ilirjan Celibashi është i bindur se ka ardhur koha që politika të mbajë larg duart nga administrimi i zgjedhjeve. Pret depolitizim të administratës zgjedhore duke propozuar një formulë mikse.
“Dominimi vetëm nga partitë politike të administrimit të zgjedhjeve në Shqipëria krijuar handikapin e vet ne lidhje me standardin profesional te administrimit te zgjedhjeve. Ndaj konfirmoj qëndrimin e KQZ për të ndryshuar definitivisht mënyrën si administrata zgjedhore është e organizuar. Kjo nuk do thotë që partitë politike të zhvishen tërësisht nga tërësia e tyre, por dhe nga mundësia për të qenë pjesë e administrimit, por jo sikurse është sot kur 100% e procesit administrohet prej tyre.“, u shpreh kreu i KQZ, Ilirjan Celibashi.
Për trajnimin e administratës zgjedhore KQZ në bashkëpunim dhe mbështetje të Bashkimin Europian dhe Këshillin Evropës kanë nisur një projekt të ri që synon formimin e integritetit të proceseve zgjedhore. -
Mbledhja e qeverive Shqipëri-Itali, Spiropali: Pikënisje historike në rrugëtimin e përbashkët drejt një Evrope të bashkuar
Ministrja e Jashtme, Elisa Spiropali, e ka cilësuar pikënisje historike për projekte të reja, mbledhjen e dy qeverive shqiptare dhe italiane që u mbajtën të enjten në Romë.
Spiropali shprehet se ky bashkëpunim mes dy vendeve do të ndihmojë në rrugëtimin e përbashkët drejt një Evrope më të bashkuar.
“Mbledhja e përbashkët mes dy qeverive Shqipëri-Itali, një pikënisje historike për projekte të reja, për bashkëpunim edhe më të ngushtë dhe për rrugëtimin e përbashkët drejt një Europe më të bashkuar”, shkruan në rrjetin social X, kryediplomatja Elisa Spiropali.
Gjatë mbledhjes së përbashkët të dy qeverive në Romë, u nënshkruan 16 marrëveshje. -
Diskutimet për Qeverinë: Çfarë e pret Kosovën ditët në vijim?
Kosova i mbajti zgjedhjet parlamentare në shkurt të 2025-tës, por viti lehtësisht mund të përfundojë pa një Qeveri të re.
Nënkryetari i Lëvizjes Vetëvendosje (LVV), Glauk Konjufca, ka afat deri më 19 nëntor që t’ia propozojë Kuvendit përbërjen e re qeveritare, për të parë nëse i ka votat e nevojshme për ta formuar ekzekutivin e ri.
Në ditën kur u caktua mandatar, Konjufca u bëri thirrje partive tjera politike që t’i linin anash inatet dhe të votonin për një Qeveri të përkohshme deri në prillin e vitit tjetër – kur i skadon mandati presidentes aktuale, Vjosa Osmani – por, partitë e mëdha shqiptare e bënë të qartë se nuk kanë votë për të.Konjufca është mandatari i dytë i LVV-së, pas kreut të partisë, Albin Kurti, që do të provojë të formojë Qeverinë e re.
Kjo parti, ndonëse ka fituar më së shumti vota në zgjedhjet e fillimvitit, nuk ka siguruar mjaftueshëm vende në Kuvend për ta zgjedhur e vetme Qeverinë.
“Kurti 2.5”, “Konjufca 1” apo tjetër?
Naim Jakaj, nga Instituti i Kosovës për Drejtësi (IKD), thotë për Radion Evropa e Lirë se beson që kabineti që do ta paraqesë Konjufca do të jetë i njëjtë me kabinetin e propozuar nga Kurti, dhe nëse përbërja dhe përkrahja politike nuk kanë ndryshuar, nuk pritet rezultat i ri në votim.
“Në këto rrethana, konsiderojmë që e vetmja mundësi reale për një qeveri të re do të ishte një marrëveshje politike për ta prodhuar një qeveri teknike, me mandat të kufizuar, dhe me disa objektiva të qarta, të cilat tashmë janë problematike”, shprehet Jakaj, duke përmendur si më kritike: miratimin e buxhetit të shtetit dhe të disa komunave për vitin e ardhshëm, ratifikimin e marrëveshjes ndërkombëtare që lidhet me Planin e Rritjes së Bashkimit Evropian, si dhe miratimin e buxhetit për Radiotelevizionin e Kosovës (RTK).
Për dallim prej Konjufcës, që nuk është deklaruar në publik rreth formimit të Qeverisë, Kurti tha ditë më parë se këtë javë mund të ketë më shumë hollësi rreth procesit.
Ai përsëriti qëndrimin e tij se nuk është mirë për Kosovën të ketë zgjedhje edhe në dhjetor, edhe në prill.
“Deputetët e Republikës janë para përzgjedhjes: ose ‘Kurti 2.5’ deri në dhjetor, ose ‘Konjufca 1’ deri në prill. Por, pa asnjërën prej tyre nuk është e mundur”.
Pse nuk po thirret seanca?
Rëndom në Kosovë, seancat për formim të Qeverisë janë mbajtur shpejt pasi është mandatuar një figurë për kryeministër.
Për Jakajn, situata e tanishme është e pazakontë, dhe ai është i befasuar me Konjufcën.
“Kam pasur pritje të tjera nga zoti Konjufca, që ai të jetë më i shpejtë dhe më dialogues me partitë tjera, në mënyrë që të gjejë një zgjidhje”.
Përveç mungesës së votave, në Kosovë flitet gjerësisht se një tjetër arsye për zvarritje të procesit është që koha e zgjedhjeve eventuale të përshtatet me pushimet e diasporës në Kosovë, diku rreth 28 dhjetorit.
Jakaj shpreson që presidentja do ta evitojë këtë datë, meqë është periudhë feste në pjesën më të madhe të botës.
“Nëse zgjedhjet do të mbaheshin pas datës 24 dhjetor, do të përbënin problem, në kuptimin që të mos ketë prani ndërkombëtare për t’i monitoruar zgjedhjet e jashtëzakonshme”.
Sipas Kushtetutës së Kosovës, nëse Qeverinë nuk arrin ta bëjë as mandatari i dytë, atëherë presidentja Osmani duhet t’i shpallë zgjedhjet, të cilat duhet të mbahen jo më vonë se 40 ditë nga dita e shpalljes së tyre.
Vetë Osmani tha ditë më parë se u ka treguar krerëve të partive ish-opozitare që nëse nuk dëshirojnë ta pranojnë një nismë legjislative të nisur nga ana e Qeverisë në detyrë për miratimin e ligjeve – sikurse ai për buxhetin ose Planin e Rritjes së BE-së – atëherë një kërkesë formale mund ta bëjë ajo në emrin e tyre, mirëpo fillimisht partitë duhet të kenë gatishmëri që ato ligje t’i votojnë në Kuvend.
“Ka mundësi të zgjidhet kjo çështje, mirëpo deri më tani nuk kam përgjigje”, u shpreh ajo.
Sipas presidentes, marrëveshjet ndërkombëtare në vlerë gati 1 miliard euro, buxheti i shtetit dhe çështje tjera do të duhej të votoheshin “nga përfaqësuesit e këtij Kuvendi, të cilët janë votuar më 9 shkurt të këtij viti, por akoma s’kanë vendosur asgjë”.
Çfarë nëse vendi shkon në zgjedhje?
Ekspertët parashikojnë që do të gjendet një mënyrë që Kosova të ketë buxhet deri në fund të muajit mars të vitit të ardhshëm, ndërsa fondet e huaja rrezikojnë të humbin.
Nëse pas 31 marsit s’ka institucione funksionale, atëherë vendi do të përballet me situatë të paparashikueshme, meqë nuk do të ketë paga për punëtorët e sektorit publik dhe as operatorët e sektorit privat nuk do të mund t’i kryejnë punët e tyre, në mungesë të kryerjes së obligimeve nga ana e shtetit.
Megjithatë, partitë vazhdojnë të mos gjejnë mes, dhe besojnë se zgjedhjet e parakohshme janë opsioni i vetëm real.
Njohësit e çështjeve politike, në anën tjetër, nuk presin ndryshime të mëdha në rezultate, dhe përsërisin që vetëm kompromisi e nxjerr vendin nga kriza.
Mbetet të shihet kush do ta bëjë kthesën e madhe…/rel -
Nga ndihma për ndryshimet në Kode te rehabilitimi i të burgosurve, zbardhet takimi Lamallari-Nordio
Gjatë qëndrimit në Romë me kabinetin qeveritar, ministri i Drejtësisë, Besfort Lamallari, është pritur në takim zytar nga homologu i tij italian, Carlo Nordio.
Përmes një postimi në rrjetet sociale, Lamallari thotë se ka disktuar mes të tjerash për mbështetjen që Italia mund t’i japë Shqipërisë në ndryshimet ligjore për Kodin Penal dhe Kodin e Procedurës Penale, por edhe për rehabilitimin dhe ri-integrimin e të dënuarve në institucionet e ekzekutimit të vendimeve penale.
Më poshtë reagimi i plotë i ministrit Lamallari:Kënaqësi e veçantë që vizitën time të parë zyrtare si Ministër Drejtësie ta zhvilloja në Itali dhe për më tepër të takohem me homologun tim italian Carlo Nordio, me të cilin patëm një bisedë miqësore e tejet produktive për forcimin e mëtejshëm të marrëdhënieve dypalëshe dhe në mënyrë të posaçme marrëdhënieve juridiksionale me jashtë. Diskutuam gjithashtu për mbështetjen që Italia mund të na japë në ndryshimet ligjore që ne do të bëjmë për Kodet Penale dhe të Procedurës Penale, por edhe në ambicien tonë për rehabilitimin dhe ri-integrimin e të dënuarve në institucionet e ekzekutimit të vendimeve penale. Ne e çmojmë shumë partneritetin me Italinë fqinje, kontributin e saj të jashtëzakonshëm për forcimin e shtetit të së drejtës, sundimit të ligjit dhe avokatinë e pandalshme për integrimin e Shqipërisë në BE.
-
Rruga e Shqipërisë drejt BE dhe raporti me Greqinë, Rama: Deri në 2028, s’do të ketë nevojë t’i tërheq veshin Kyriakos, sepse…
Kreu i qeverisë shqiptare gjatë konferencës me homologen e tij italiane, Georgia Meloni, u shpreh se Shqipëria është e gatshme që të bashkëpunojë me Athinën zyrtare, përtej sfidave të kaluara mes dy vendeve.
Sipas tij, deri në vitin 2028 kur Italia do të drejtojë negociatat politike për anëtarësimin e Shqipërisë në BE, Shqipëria nuk do të ketë nevojë që ‘t’i tërheqë veshin’ kryeministrit grek, sepse sipas Ramës, nuk do të ketë çështje të pazgjidhura mes dy vendeve tona fqinje.
“Si Italia ashtu dhe Greqia janë dy vende fqinj, fakti që është deti në mes na relakson. Ndoshta ndonjëherë jemi në një linjë kontakti, ndoshta ndonjëherë mund të jetë më e ndërlikuar sepse s’kemi kohë të relaksohemi duke notuar….
Pasi ka kaluar një moment jo i lehtë për arsyet që të gjithë i njohin, ne jemi në rrugën e duhur dhe jemi duke punuar mirë së bashku. Parimet për mbrojtjen e pakicave janë vlera për ne. Kur Shqipëria vë para nesh apo na thërret në këtë drejtim, apo na bën ndonjë vërejtje, janë të mirëseardhura.
Ne jemi duke punuar për gjithë pjesën tjetër, dhe jam optimist që në vitin 2028 kur Italia do të jetë Kryesinë dhe Giorgia do duhet të drejtojë negociatat politike e anëtarësimit të Shqipërisë në BE, nuk do të ketë nevojë t’i tërheq veshin Kyriakos, sepse do të jetë zgjidhur çdo gjë”, tha Rama.
Top Channel
-
Me kazino e restorante pastron paratë e kartelit Sinaloa, çfarë nënkuptojnë sanksionet ndaj mikut të Ramës, Luftar Hysa dhe familjarëve të tij
SHBA dhe Meksika godasin rrjetin ndërkombëtar të familjes Hysa, të lidhur me Kartelin Sinaloa
Thesari i Shteteve të Bashkuara të enjten vendosi sanksione ndaj anëtarëve të familjes Hysa në Meksikë, duke e akuzuar atë se e ka përdorur perandorinë e kazinove dhe restoranteve si mbulesë për shpëlarjen e parave të kartelit meksikan, Sinaloa.
Thesari amerikan tha se “Grupi i Krimit të Organizuar Hysa (HOCG) u godit sot pas një pune të përbashkët mes Shteteve të Bashkuara dhe Qeverisë së Meksikës”
Sipas Thesarit, familja Hysa, apo HOCG, përfshin anëtarët e familjes, Luftar Hysa, Arben Hysa, Ramiz Hysa, Fatos Hysa dhe Fabjon Hysa.
Çfarë nënkuptojnë sanksionet ndaj tyre?
Çdo aset i familjes Hysa në SHBA, ose që varet nga sistemet financiare amerikane, është i bllokuar dhe nuk mund të përdoret pa aprovimin e OFAC-it, njoftoi Thesari amerikan.
Personat apo entitetet amerikane nuk mund të bëjnë biznes me ta (transferim parash, mallrash, shërbimesh) pa licencë.
Institucionet financiare, amerikane ose ndërkombëtare që përdorin sistemin amerikan, duhet të kenë kujdes të veçantë ose të mos bashkëpunojnë me këto entitete ose me entitete që janë më shumë se 50 për qind në pronësi të tyre.
Njoftimi I plotë për shtyp i publikuar në faqen zyrtare të Thesarit të Shteteve të Bashkuara
Linku origjinal
Thesari Amerikan dhe Qeveria e Meksikës Bashkëpunojnë për të Goditur një Organizatë Ndërkombëtare të Krimit
Grupi i Krimit të Organizuar Hysa (HOCG), që përfshin anëtarët e familjes Luftar Hysa (Luftar), Arben Hysa (Arben), Ramiz Hysa (Ramiz), Fatos Hysa (Fatos) dhe Fabjon Hysa (Fabjon), ka përdorur ndikimin e vet përmes investimeve apo kontrollit mbi biznese të ndryshme në Meksikë — përfshirë biznese bastesh dhe restorante luksoze — për të pastruar të ardhurat e përfituara nga trafiku i narkotikëve.
Mendohet se HOCG operon me miratimin e Kartelit Sinaloa, i cili ka kontroll kriminal mbi pjesën më të madhe të territorit ku grupi zhvillon aktivitetet e tij.
Luftar Hysa, që lëviz mes Meksikës dhe Kanadasë, është shpesh i pranishëm në media si figura kryesore e familjes Hysa, duke dhënë intervista publike për bizneset e familjes në Meksikë dhe Evropë.
Ai, së bashku me Fatosin, Arbenin dhe Fabjonin, ka bashkëpunuar me një shtetas amerikan për pastrimin e parave, përfshirë transportimin e sasive të mëdha të parave në dorë nga Meksika drejt SHBA-së, ku kompania e shtetasit amerikan përdorej për të pastruar fondet.
Gjithashtu, Luftari dhe Arbeni kanë përdorur një shoqëri me bazë në Evropë për të përfituar nga pastrimi i fondeve të paligjshme që i përkisnin trafikantëve të dyshuar të drogës. Luftari zotëron ose drejton disa kompani të përdorura nga rrjeti HOCG.
Arben Hysa zotëron ose drejton disa kompani që përdoren nga grupi në Meksikë. Ai është përfshirë gjithashtu në kontrabandimin e parave në dorë drejt SHBA-së për qëllime pastrimi, si dhe në përdorimin e bizneseve të lojërave të fatit dhe restoranteve luksoze në Meksikë për pastrimin e parave të drogës.
Ramiz Hysa është përfshirë në përdorimin e bizneseve të lojërave të fatit dhe restoranteve luksoze si mbulesë për pastrimin e fitimeve nga shitja e narkotikëve.
Fatos dhe Fabjon Hysa, së bashku me Luftarin dhe Arbenin, kanë marrë pjesë në kontrabandimin e sasive të mëdha të parave drejt SHBA-së për pastrimin e fondeve. Ata gjithashtu kanë përdorur një shoqëri evropiane për të përfituar nga pastrimi i fondeve të paligjshme që u përkisnin trafikantëve të dyshuar të drogës.
Me veprimin e sotëm, OFAC ka vendosur në shënjestër edhe disa individë dhe subjekte të tjera që janë pjesë e rrjetit të HOCG.
Ndër to përfshihet Entretenimiento Palmero, S.A. de C.V., kompani me bazë në Meksikë, në pronësi të Arben Hysës, e cila konsiderohet si thelbësore për operacionet e grupit.
Gilberto Lopez Lopez, shtetas meksikan, vepron si komisioner i saj.
Eselda Baku (ish Eselda Hysa), shtetase shqiptare me banim në Meksikë dhe vajza e Ramizit, është anëtare e bordit të drejtorëve të kompanisë.
Gjithashtu, disa kompani të tjera të lidhura me rrjetin Hysa janë përfshirë në listën e subjekteve të sanksionuara nga OFAC.
Bliri S.A. de C.V. (Mexico)
Cucina Del Porto S.A. de C.V. (Mexico)
Diversiones Los Mochis S.A. de C.V. (Mexico)
El Arte de Cocinas y Beber S.A. de C.V. (Mexico)
Entretenimiento Villahermosa S.A. de C.V. (Mexico)
Entretenimiento Y Espectaculos B.C. S.A. de C.V. (Mexico)
Grupo Internacional Canhysamex S.A. de C.V. (Mexico)
H Hidrocarburos S.A. de C.V. (Mexico)
Hysa Forëarders S.A. de C.V. (Mexico)
LH Pro-Gaming S.A. de C.V. (Mexico)
LH Rental S.A. De C.V. (Mexico)
Operadora Alejil S.A. De C.V. (Mexico)
Operadora de Empresas LH S.A. de C.V. (Mexico)
Procesadora de Alimentos Hs S.A. de C.V. (Mexico)
Rosetta Gaming S.A. de C.V. (Mexico)
Hysa Holdings Inc (Canada)
Rosetta Gaming Inc (Canada)
Rosetta Gaming SP ZOO (Poland)
Departamenti i Thesarit të Shteteve të Bashkuara po vendos në shënjestër Grupin e Krimit të Organizuar Hysa (HOCG) në bazë të Urdhrit Ekzekutiv 13581, i ndryshuar, për shkak se përbën një person të huaj që vepron si një organizatë e rëndësishme ndërkombëtare e krimit të organizuar.
Thesari po sanksionon:
Luftar Hysa, Arben Hysa, Fatos Hysa, Ramiz Hysa dhe Fabjon Hysa, në bazë të të njëjtit urdhër, pasi janë në pronësi ose nën kontrollin e Grupit të Krimit të Organizuar Hysa, ose kanë vepruar (drejtpërdrejt ose tërthorazi) në emër të tij.
Entretenimiento Y Espectáculos B.C. S.A. de C.V., Hysa Holdings Inc., dhe Rosetta Gaming Inc., në bazë të Urdhrit Ekzekutiv 13581, pasi janë në pronësi ose nën kontrollin e Luftar Hysës, ose kanë vepruar në emër të tij.
Diversiones Los Mochis S.A. de C.V., Entretenimiento Palmero S.A. de C.V., Entretenimiento Villahermosa S.A. de C.V., Grupo Internacional Canhysamex S.A. de C.V., H Hidrocarburos S.A. de C.V., dhe Procesadora De Alimentos S.A. de C.V., për shkak se janë në pronësi ose nën kontrollin e Arben Hysës, ose kanë vepruar në emër të tij.
Gilberto Lopez Lopez dhe Eselda Baku, në bazë të të njëjtit urdhër, për shkak se janë në pronësi ose nën kontrollin e kompanisë Entretenimiento Palmero S.A. de C.V., ose kanë vepruar në emër të saj.Bliri S.A. de C.V., Hysa Forëarders S.A. de C.V., LH Pro-Gaming S.A. de C.V., Operadora de Empresas LH S.A. de C.V., dhe Rosetta Gaming S.A. de C.V., për shkak se janë në pronësi ose nën kontrollin e Arben Hysës dhe Luftar Hysës, ose kanë vepruar në emër të tyre.Cucina del Porto S.A. de C.V., El Arte de Cocinas y Beber S.A. de C.V., dhe Operadora Alejil S.A. de C.V., për shkak se janë në pronësi ose nën kontrollin e Gilberto Lopez Lopez, ose kanë vepruar në emër të tij.Në përmbledhje, këto masa nën E.O. 13581 synojnë të bllokojnë asetet dhe aktivitetet financiare të një rrjeti ndërkombëtar të krimit të organizuar të drejtuar nga familja Hysa, që operon në Meksikë, Evropë dhe Amerikën e Veriut, me lidhje të dyshuara me Kartelin Sinaloa.
PASOJAT E SANKSIONEVE
Si rezultat i këtij vendimi, çdo pasuri ose interes në pasuri që u përket personave të përfshirë në listën e sanksioneve dhe që ndodhet në territorin e Shteteve të Bashkuara ose në posedim apo nën kontrollin e personave amerikanë, do të bllokohet dhe duhet të raportohet pranë Zyrës së Kontrollit të Aseteve të Huaja (OFAC).
Gjithashtu, çdo subjekt që zotërohet drejtpërdrejt ose tërthorazi, individualisht apo në total, 50% ose më shumë nga një ose më shumë persona të sanksionuar, konsiderohet gjithashtu i bllokuar. Përveç rasteve kur ekziston një licencë e veçantë ose e përgjithshme e lëshuar nga OFAC, rregulloret ndalojnë çdo transaksion nga persona amerikanë ose brenda territorit të SHBA-së që përfshin pasuri apo interesa të personave të sanksionuar.
Shkeljet e sanksioneve amerikane mund të çojnë në ndëshkime civile ose penale, si për persona amerikanë ashtu edhe të huaj. OFAC mund të vendosë gjoba edhe në bazë të përgjegjësisë së plotë (strict liability). Udhëzimet për Zbatimin e Sanksioneve Ekonomike të OFAC sqarojnë më tej mënyrën se si zbatohen këto sanksione. Institucionet financiare dhe palët e tjera rrezikojnë përfshirjen në sanksione nëse marrin pjesë në transaksione që përfshijnë persona të sanksionuar ose të bllokuar.
Këto ndalime përfshijnë çdo kontribut financiar, mall, shërbim apo mbështetje për, ose në dobi të, personave të sanksionuar — si dhe pranimin e fondeve, mallrave apo shërbimeve prej tyre.
Për më tepër, transaksionet e kryera me personat e sanksionuar sot mund të çojnë në sanksione dytësore ndaj institucioneve të huaja financiare që marrin pjesë në to. OFAC mund të ndalojë ose të vendosë kushte të rrepta mbi hapjen apo mbajtjen në SHBA të llogarive ndërbankare për banka të huaja që kryejnë me dijeni transaksione të rëndësishme në emër të personave të sanksionuar.
Forca dhe integriteti i sanksioneve të OFAC burojnë jo vetëm nga aftësia për të përfshirë persona në listën SDN (Specially Designated Nationals), por edhe nga gatishmëria për të hequr persona prej saj, në përputhje me ligjin. Qëllimi i fundit i sanksioneve nuk është ndëshkimi, por ndryshimi pozitiv i sjelljes. Për informacion mbi procesin e kërkesës për heqje nga lista e OFAC, përfshirë lista SDN, OFAC ka publikuar udhëzime për Peticion për Heqje nga Lista e OFAC.
-
Mbledhja e qeverive Shqipëri-Itali/ Spiropali: Pikënisje historike për projekte të reja
Ministrja e Punëve të Jashtme Elisa Spiropali ka shpërndarë pamje nga mbledhja e përbashkët mes qeverive të Italisë dhe Shqipërisë, ditën e sotme në Romë.
Spiropali e quan këtë mbledhje të parë të përbashkët, si një pikënisje historike për projekte të reja, bashkëpunim edhe më i ngushtë në rrugëtimin e përbashkët drejt Evropës së bashkuar.Postimi i Ministres së Jashtme, Elisa Spiropali në X:
Omnes viae Romam ducunt — Të gjitha rrugët të çojnë në Romë☀️
Mbledhja e parë e përbashkët mes dy qeverive Shqipëri-Itali, një pikënisje historike për projekte të reja, për bashkëpunim edhe më të ngushtë dhe për rrugëtimin e përbashkët drejt një Europe më të bashkuar.