Organizatat e Luftës së Ushtrisë Çlirimtare të Kosovës kanë njoftuar se më 16 nëntor do të zhvillojnë një protestë para Asamblesë Parlamentare të Këshillit të Evropës në Strasburg.
Kryetari i Organizatës së Veteranëve të Luftës së UÇK-së, Hysni Gucati, bëri të ditur se protesta do të nisë në orën 13:00.
“Shoqatat e dala nga lufta kanë vendosur që protesta e radhës të organizohet më 16 nëntor, para Asamblesë Parlamentare të Këshillit të Evropës në Strasburg”, deklaroi Gucati gjatë një konference për media.
Ky do të jetë tubimi i tretë i këtij lloji në mbështetje të ish-krerëve të UÇK-së që po përballen me drejtësinë ndërkombëtare. Më 17 tetor, në Tiranë u mbajt një protestë e madhe ku mijëra qytetarë kërkuan drejtësi për ish-udhëheqësit e UÇK-së, ndërsa një demonstratë e ngjashme ishte zhvilluar edhe në Hagë më 14 shtator.
Aktualisht, në Dhomat e Specializuara në Hagë po vijon procesi gjyqësor ndaj ish-presidentit Hashim Thaçi, ish-kryeparlamentarëve Kadri Veseli e Jakup Krasniqi, si dhe ish-deputetit Rexhep Selimi. Të katërt janë akuzuar për krime lufte dhe krime kundër njerëzimit, akuza të cilat i kanë mohuar në tërësi.
Category: Bota
-
Veteranët e UÇK protestë përpara Këshillit të Evropës në Strasburg, zbulohet data
-
Veteranët e UÇK-së, protestë më 16 nëntor në Strasburg
Pas protestës mbarëkombëtare në Tiranë, në mbështetje të ish-drejtuesve të Ushtrisë Çlirimtare të Kosovës, organizatat e dala nga Lufta e Ushtrisë Çlirimtare të Kosovës kanë vendosur se protestën e rradhës do ta mbajnë më 16 Nëntor para Asamblesë Parlamentare të Këshillit të Evropës në Strasburg.
“Shoqata e dala nga lufta kanë vendosur që Protesta e radhës ta organizoj me 16 nëntor në ora 13:00 para Asamblesë Parlamentare të Këshillit të Evropës në Strasburg”, u shpreh Hysni Gucati, kryetari i OVL-UÇK.
Sa i përket një proteste në Maqedoninë e Veriut, Gucati tha se nuk do të mbahet para se atje të përfundojë procesi zgjedhor.
Veç protestës mbarëkombëtare të 17 Tetorit në Tiranë, në mbështetje të ish drejtuesve të UÇK-ës, vetaranët e luftës se Kosovës, kanë mbajtur më herët protesta edhe në Prishtinë dhe Hagë.
Prej 5 vitesh, Hashim Thaçi, Jakup Krasniqi, Kadri Veseli, Rexhep Selimi, po gjykohen në Hagë, nga gjykata special. -
Bill Gates ngre alarmin: Bota po fokusohet gabim, uria dhe sëmundjet janë kërcënimet më të mëdha
Filantropi amerikan dhe bashkëthemeluesi i Microsoft, Bill Gates, ka paralajmëruar se prioritetet globale duhet të ndryshojnë urgjentisht, pasi “uria dhe sëmundjet janë dy nga problemet më të mëdha dhe më të neglizhuara të njerëzimit”. Në një shkrim të publikuar së fundmi, Gates thekson se megjithëse ndryshimet klimatike janë shqetësuese, ato “nuk do të çojnë në zhdukjen e njerëzimit”, ndërsa pasojat e urisë dhe mungesës së kujdesit shëndetësor po marrin jetë çdo ditë.
Sipas tij, shumë nga investimet në luftën kundër ndryshimeve klimatike janë “të kushtueshme, të diskutueshme dhe joefektive”, ndërkohë që fondet duhet të përqendrohen tek programet humanitare që shpëtojnë jetë. Gates kërkon që filantropët dhe qeveritë të rishikojnë shpërndarjen e burimeve dhe të vendosin në qendër “parandalimin e vuajtjes njerëzore”, veçanërisht në vendet më të varfra.
Ai kritikoi gjithashtu shkurtimet e administratës së presidentit Donald Trump ndaj USAID-it, të cilat kanë ndikuar në ndalimin e ndihmave ushqimore e mjekësore për miliona njerëz. Gates solli shembullin e një fëmije 10-vjeçar nga Sudani i Jugut që humbi jetën pasi nuk mori mjekimin kundër HIV-it, pas ndërprerjes së ndihmave.
Në prag të samitit global COP30, Gates apelon që investimet të ridrejtohen drejt luftës kundër urisë dhe sëmundjeve, duke theksuar se “suksesi i vërtetë matet me jetët e shpëtuara, jo me deklaratat politike për klimën”. -
Kremlini në përpjekje për të ndaluar ekstradimin e mercenarit rumuno-francez nga Dubai
Kremlini po përpiqen të ndalojnë ekstradimin nga Dubai të Horațiu Potra-s, një ish-ushtar të Legjionit të Huaj Francez me shtetësi rumune dhe franceze, i cili kërkohet në Rumani për planifikimin e një grushti shteti.
Potra u arrestua më 24 shtator, në Dubai bashkë me djalin dhe nipin e tij, ndërsa përgatiteshin të udhëtonin drejt Moskës. Ai akuzohet nga autoritetet rumune se ka bashkëpunuar me politikanin ultra-nacionalist pro-rus, Călin Georgescu, për “rrëzimin e rendit kushtetues”.
Përpjekjet për të ndaluar ekstradimin po drejtohen nga Igor Spivak, kreu i “Shoqërisë Ruse për Lindjen e Mesme”, dhe nga Aleksandër Kalinin, një aktivist moldav pro-Kremlinit që rekruton luftëtarë për ushtrinë ruse në Ukrainë. Spivak ka pranuar se ka angazhuar avokatë në Emirate për lirimin e Potra-s dhe se do të udhëtojë vetë drejt Dubait.
Sipas hetuesve rumunë, Potra dhe Georgescu janë takuar në dhjetor të vitit të kaluar për të planifikuar një “marrje të dhunshme të pushtetit”, pas anulimit të raundit të parë të zgjedhjeve presidenciale ku Georgescu kishte dalë fitues. Në atë periudhë, autoritetet rumune sekuestruan armë të paligjshme dhe shuma të mëdha parash në pronat e Potra-s.
Potra, që ka shërbyer më parë si truprojë për liderë të huaj dhe ka drejtuar kompani mercenare në Afrikë, akuzohet gjithashtu për evazion fiskal dhe financim të paligjshëm të fushatës së Georgescu-t.
Edhe pse Potra mohon lidhjet me Rusinë, dosjet hetimore përfshijnë dëshmi për udhëtime të tij në Moskë dhe takime me ambasadorin rus në Bukuresht.
Sipas burimeve të The Guardian, ndërhyrja e Spivak dhe Kalinin ka marrë “miratimin e heshtur” të autoriteteve ruse. Megjithatë, përpjekjet për të ndaluar ekstradimin duket se po dështojnë dhe Potra mund të kthehet në Rumani për t’u përballur me drejtësinë në ditët në vijim. -
Pas shkatërrimeve në Xhamajkë, uragani Melissa godet Kubën
Uragani Melissa ka goditur Kubën të mërkurën, disa orë pasi shkaktoi shkatërrim në Xhamajkën fqinje, teksa kjo ishte stuhia më e fuqishme që goditi këtë ishull në Karaibe.
Melissa goditi brigjet jugore dhe lindore të Kubës me erëra që arritën deri në 195 kilometra në orë, tha Qendra kombëtare amerikane për uragane.
“Stuhia shkatërruese, përmbytjet dhe rrëshqitjet e dheut si dhe erërat e fuqishme të uraganit po vazhdojnë edhe mëngjesin e sotëm”, tha kjo qendër.Afër 735 mijë persona u evakuuan nga shtëpitë e tyre në pjesën lindore të Kubës teksa stuhia afrohej, thanë autoritetet. Presidenti kubanez, Miguel Diaz-Canel, paralajmëroi të martën se stuhia mund të “shkaktojë dëme të mëdha” dhe u bëri thirrje njerëzve të respektonin urdhrat për evakuim.
Fuqia e uraganit Melissa është dobësuar, por vazhdon të jetë një stuhi e rrezikshme e kategorisë tre, pasi goditi Xhamajkën me erëra të fuqishme. Kur goditi Xhamajkën, stuhia ishte klasifikuar në kategorinë pesë.
Stuhia ka shkaktuar përmbytje në Xhamajkë dhe ka lënë mbi 500 mijë banorë pa energji elektrike. Kryeministri xhamajkan, Andrew Holness, tha se stuhia ka dëmtuar spitale, shtëpi banimi dhe biznese, si dhe ka shkaktuar dëme në infrastrukturën rrugore.
Holness tha se qeveria nuk kishte marrë ende njoftime për ndonjë vdekje të konfirmuar nga stuhia, por duke pasur parasysh fuqinë e uraganit dhe shkallën e dëmeve, “presim që mund të ketë humbje jete”.
Meteorologët nga AccuWaether kanë thënë se Melissa është uragani i tretë më i fuqishëm që ka goditur Karaiben, pas Wilmas më 2005 dhe Gilberit më 1988 – që ishte stuhia e fundit e madhe që kishte goditur drejtpërdrejt Xhamajkën.
Shkencëtarët thonë se uraganet po forcohen më shpejt dhe po bëhen më të shpesht si pasojë e ngrohjes së ujërave të oqeanit të shkaktuar nga emetimet e gazeve serrë. Shumë liderë të Karaibeve u kanë bërë thirrje vendeve të pasura, që janë ndotës më të mëdhenj, të ofrojnë reparacione në formën e ndihmës ose lehtësimit të borxhit për ishujt tropikalë.
Erërat e uraganit Melissa u dobësuan teksa stuhia kaloi mbi malet e Xhamajkës, duke goditur komunitetet malore të cenueshme ndaj rrëshqitjeve të tokës dhe përmbytjeve.
Mediat lokale raportuan të paktën tre të vdekur në Xhamajkë gjatë përgatitjeve për stuhinë.
“Shteti ynë është shkatërruar nga uragani Melissa, por ne do ta rindërtojmë dhe do ta bëjmë këtë edhe më mirë se më parë,”, tha kryeministri Holness mëngjesin e së mërkurës.
Në Bahama, që pritet të goditet nga Melissa pas Kubës, Qeveria ka urdhëruar evakuimin e banorëve nga pjesët jugore të arkipelagut. -
Aksident i rëndë në Itali, makina përplaset “kokë më kokë” me autobusin që transportonte 50 studentë, të lënduarit dërgohen në spital
Një aksident i rëndë ka ndodhur në zonën e Trevisos të Italisë, ku një autobusi që transportonte rreth 50 studentë u përplas me një makinë.
Shoferi i makinës, 85-vjeç, ka humbur jetën si pasojë e përplasjes. Pesë studentë në autobus janë plagosur, ndërsa 19 të tjerë janë dërguar në spital për të marrë
Mediat vendase raportojnë se drejtuesi i autobusit, 40-vjeç, arriti të shpëtojë studentët, duke i ndihmuar të dalin jashtë.
Sipas Karabinierëve, aksidenti ka ndodhur pas një kthese të fortë, ku makina ka kaluar në korsinë përballë dhe ka shkaktuar përplasjen. Të dy automjetet kanë përfunduar jashtë rrugës.
Autobusi ka rënë në një kanal anash rrugës, por shoferi ka ruajtur kontrollin, duke pasur mundësi të shpëtonte pasagjerët.
Në vendngjarje mbërritën zjarrfikësit nga Motta di Livenza dhe Treviso, disa ambulanca dhe një helikopter.
Hetimet mbi rrethanat e aksidentit vazhdojnë nga karabinierët, për të kuptuar rrethanat e përplasjes fatale.Top Channel
-
Papa kërkon paqe: Boll me luftërat me pirgje të vdekurish, lufta s’është kurrë e shenjtë
“Lufta nuk është kurrë e shenjtë, e shenjtë është vetëm paqja”: mesazhi i Papa Leonit XIV në përfundim të takimit ndërfetar të Shën Egjidit, ishte i qartë dhe i vendosur: Të gjithë janë të lodhur nga luftërat.
“Bota ka etje për paqe: ka nevojë për një epokë të vërtetë dhe të fortë pajtimi, një epokë që i jep fund shtypjes, tregimit të forcës dhe indiferencës ndaj drejtësisë. Mjaft luftërave, me numrin e tyre të dhimbshëm të vdekjeve, shkatërrimit dhe mërgimit. Lutja është një forcë e madhe për pajtim. Ata që nuk luten abuzojnë me fenë, duke mbërritur deri tek vrasja. Jo më me thirrje e slogane të përdorura kundër krijesave të Zotit. Ne kemi besim se lutja ndryshon historinë e popujve”, shprehet Papa.
Në ceremoninë e mbajtur brenda Koloseumit së bashku me udhëheqës të besimeve të tjera të krishtera, ATi i shenjtë kujtoi fjalët e paraardhësit te tij, Papa Françeskut.
“Ne duhet t’u heqim feve tundimin për t’u bërë instrumente që nxisin nacionalizmin, ndarjen etnike dhe populizmin. T`i japin fund luftërave, kjo është detyrë e të gjithë politikanëve. Zoti do t’i mbajë përgjegjës ata që nuk kanë kërkuar paqe ose kanë nxitur tensione dhe konflikte”, shtoi Papa.Top Channel
-
Virologu i OBSH-së paralajmëron : Virusi i gripit të shpendëve ka ‘gjithçka që duhet për të shkaktuar një pandemi’
Një numër gjithnjë e më i madh fermash në Gjermani po preken nga gripi i shpendëve (H5N1), ndërsa ekspertët paralajmërojnë për rrezikun e një pandemie të mundshme.
Sipas Institutit Friedrich Loeffler (FLI), që nga fillimi i shtatorit janë regjistruar 31 shpërthime në blegtori dhe 131 raste tek shpendët e egër. Vetëm në javët e fundit, mbi 500 mijë pula, rosa, pata dhe gjela deti janë asgjësuar për të frenuar përhapjen e virusit.FLI raportoi se përhapja këtë vjeshtë është jashtëzakonisht e hershme dhe e shpejtë, duke shënuar një valë të fortë në Gjermaninë Lindore dhe Saksoninë e Poshtme. Instituti e ka kategorizuar rrezikun si “të lartë”, duke paralajmëruar për përhapje të mëtejshme për shkak të migrimit sezonal të shpendëve.
“Ka gjithçka që duhet për të shkaktuar një pandemi”
Virologu i njohur Klaus Stöhr, ish-drejtues i programit të gripit në Organizatën Botërore të Shëndetësisë (OBSH), deklaroi për agjencinë dpa se virusi H5N1 “në parim ka gjithçka që i duhet për të shkaktuar një pandemi”.
Megjithatë, ai theksoi se rreziku aktual për njerëzit mbetet shumë i ulët. “Kushdo që has kafshë të ngordhura nuk duhet t’i prekë ato, të mbajë distancë dhe të njoftojë menjëherë autoritetet veterinare”, shtoi Stöhr.Kërcënim për industrinë e vezëve dhe mishit të shpendëve
Sipas Shoqatës Qendrore të Industrisë Gjermane të Shpendëve (ZDG), përhapja e virusit mund të shkaktojë vështirësi në furnizimin me vezë dhe mish shpendësh.
Presidenti i shoqatës, Hans-Peter Goldnick, i bëri thirrje autoriteteve federale dhe shtetërore të ndërhyjnë menjëherë:“Jemi në një fazë të hershme, por të fortë të shpërthimit. Pritja nuk është një opsion.”
Masat parandaluese dhe vaksinimi
Ministria Federale e Bujqësisë po kërkon bashkëpunim të ngushtë midis niveleve të qeverisë dhe një rritje të tavanit të kompensimit për fermerët nga 50 në 110 euro për kafshë të asgjësuar.
Ndërkohë, Komiteti i Përhershëm për Vaksinimin (Stiko) rekomandon vaksinimin kundër gripit sezonal për personat që punojnë ose kanë kontakt të drejtpërdrejtë me shpendë, zogj të egër, derrat apo fokat, për të shmangur një infeksion të dyfishtë që mund të favorizojë shfaqjen e një varianti të ri të H5N1.Sipas Shoqatës Federale të Farmacistëve Gjermanë, gjatë sezonit të vaksinimit 2024/2025 janë kryer 122,000 vaksinime kundër gripit dhe 80,000 kundër COVID-19, shifra rekord krahasuar me vitet e kaluara.
Paralajmërim për muajt në vijim
Ekspertët parashikojnë që kulmi i migrimit të shpendëve ende nuk ka arritur, duke shtuar gjasat për përhapje të mëtejshme të virusit.
FLI i bën apel fermave që të respektojnë me përpikëri rregullat e higjienës dhe mbrojtjes, ndërsa opinioni publik këshillohet të shmangë çdo kontakt me shpendë të sëmurë apo të ngordhur. -
‘E morëm mesazhin’/ Presidenti serb, Vuçiç i tmerruar: Mos na ndëshkoni sërish, s’jam komunist
Sanksionet amerikane kanë tronditur presidentin serb, Aleksandër Vuçiç. Këtë e konfirmoi vetë ai gjatë një vizite zyrtare në Uzbekistan, ku tha se e ka kuptuar tashmë mesazhin e qartë nga Shtetet e Bashkuara. Vuçiç shtoi se nuk është gati të bëjë asnjë kompromis për industrinë e naftës NIS, shumica në pronësi të Rusisë.
“Imagjinoni mua duke dalë dhe duke thënë se po i kërkojmë qeverisë amerikane të bëjë këtë dhe atë… Faleminderit shumë, partnerë të dashur, për të gjitha këto. Meqenëse jetojmë në një botë realiteti, jo drejtësie, është e imja të them se e kuptuam atë mesazh. Unë nuk mashtrova askënd dhe thashë se amerikanët do të ishin të palëkundur. Ata donin të më bënin të thoja ‘shpëtuam edhe një muaj tjetër’ dhe se “patjetër që do të shtetëzonim pronën ruse’. Thashë se nuk jam komunist, nuk jam fashist, nuk kam marrë asgjë nga askush”, tha Vuçiç.
Sërish vazhdoi me propagandën e tij se qytetarët në serbi do të kenë një dimër të vështirë dhe të ftohtë, teksa u vetëshpall si herë duke garantuar se do t’i mbrojë ata. Vuçiç la të kuptohet se Amerika mund t’i vendosë sanksione të tjera Serbisë.
“U kërkoj partnerëve tanë amerikanë të mos vendosin sanksione dytësore ndaj institucioneve tona financiare. Të na lënë kohë deri në mesin e dhjetorit për të zgjidhur të gjitha problemet tona dhe pastaj të na njoftojnë të paktën shtatë ditë më parë, për të siguruar një jetë të sigurt për bankat tona”.
Është e paqartë pse do të vendoseshin sanksione të reja shtesë. Por dy janë pistat për këtë: e para ka të bëjë me goditjen e vendeve që i mundësojnë Rusisë të anashkalojë sanksionet e perëndimit dhe të furnizojë makinerinë e luftës të Putinit në Ukrainë, ndërsa e dyta me parandalimin e luftrave përmes presionit ekonomik, që përkthehet në frenimin e ndonjë agresioni kundër Kosovës.
-
“Mos na ndëshkoni sërish, s’jam komunist”, Vuçiç i lutet SHBA-ve për sanksionet: E morëm mesazhin
Sanksionet amerikane kanë tronditur presidentin serb, Aleksandër Vuçiç. Këtë e konfirmoi vetë ai gjatë një vizite zyrtare në Uzbekistan, ku tha se e ka kuptuar tashmë mesazhin e qartë nga Shtetet e Bashkuara. Vuçiç shtoi se nuk është gati të bëjë asnjë kompromis për industrinë e naftës NIS, shumica në pronësi të Rusisë.
“Imagjinoni mua duke dalë dhe duke thënë se po i kërkojmë qeverisë amerikane të bëjë këtë dhe atë… Faleminderit shumë, partnerë të dashur, për të gjitha këto. Meqenëse jetojmë në një botë realiteti, jo drejtësie, është e imja të them se e kuptuam atë mesazh. Unë nuk mashtrova askënd dhe thashë se amerikanët do të ishin të palëkundur. Ata donin të më bënin të thoja ‘shpëtuam edhe një muaj tjetër’ dhe se “patjetër që do të shtetëzonim pronën ruse’. Thashë se nuk jam komunist, nuk jam fashist, nuk kam marrë asgjë nga askush”, tha Vuçiç.
Sërish vazhdoi me propagandën e tij se qytetarët në serbi do të kenë një dimër të vështirë dhe të ftohtë, teksa u vetëshpall si herë duke garantuar se do t’i mbrojë ata. Vuçiç la të kuptohet se Amerika mund t’i vendosë sanksione të tjera Serbisë, shkruan A2 CNN.
“U kërkoj partnerëve tanë amerikanë të mos vendosin sanksione dytësore ndaj institucioneve tona financiare. Të na lënë kohë deri në mesin e dhjetorit për të zgjidhur të gjitha problemet tona dhe pastaj të na njoftojnë të paktën shtatë ditë më parë, për të siguruar një jetë të sigurt për bankat tona”.
Është e paqartë pse do të vendoseshin sanksione të reja shtesë. Por dy janë pistat për këtë: e para ka të bëjë me goditjen e vendeve që i mundësojnë Rusisë të anashkalojë sanksionet e perëndimit dhe të furnizojë makinerinë e luftës të Putinit në Ukrainë, ndërsa e dyta me parandalimin e luftrave përmes presionit ekonomik, që përkthehet në frenimin e ndonjë agresioni kundër Kosovës.