Numërimi i votave me postë nga jashtë Kosovës ka filluar pasditen e së premtes, 17 tetor, në Qendrën e Numërimit dhe Rezultateve (QNR), njoftoi zëdhënësi i Komisionit Qendror Zgjedhor, Valmir Elezi.
Elezi tha për media se komisioni i ka aprovuar rreth 30 mijë pako me fletëvotime, dhe se i ka hedhur poshtë rreth 4 mijë të tjera.
Mbi 44 mijë qytetarë kishin të drejtë vote me postë nga jashtë vendit dhe patën 1 muaj kohë ta bënin këtë, nga 17 shtatori deri më 11 tetor.
“Nga të dhënat që kemi nga shërbimi votues, numri i pakove të supozuara me fletëvotime që janë aprovuar është 29,636, ndërkaq janë refuzuar 3,977. Arsyeja më e shprehur se përse janë refuzuar këto pako, në 3,660 raste mungon dëftesa e regjistrimit, një dokument, me të dhëna unike, që votuesi i regjistruar e pranon nga KQZ-ja”, tha Elezi.
Elezi theksoi gjithashtu se numërimi dhe verifikimi i votave brenda vendit përfundoi të premten për 30 nga 38 komunat e vendit.
Zgjedhjet lokale në Kosovë u mbajtën më 12 tetor, por në shumicën e komunave do të ketë një raund të dytë muajin e ardhshëm, pasi ato nuk arritën t’i zgjidhnin kryetarët e tyre në rundin e parë.
Në ditën e zgjedhjeve votuan 39.58% e mbi 2 milionë qytetarëve me të drejtë vote brenda vendit.
Sipas KQZ-së, në 21 komuna është zgjedhur kryetari në raundin e parë, ndërsa në 17 komuna të tjera, përfshirë Prishtinën, do të mbahet edhe raundi i dytë.
Praktikat e mëparshme kanë treguar se fitorja në rundin e parë nuk garanton fitoren përfundimtare edhe në raundin e dytë në rastet kur ka balotazh.
Nga komunat me shumicë serbe, vetëm në Kllokot do të ketë raund të dytë, ndërsa në nëntë të tjerat ka fituar Lista Serbe, partia më e madhe e serbëve të Kosovës, e cila ka mbështetjen e Beogradit./Marrë nga REL
Category: Kosova
-
Kosovë, 30 mijë pako me votat e diasporës mund të ndryshojnë rezultatin e zgjedhjeve lokale
-
Tirana në qendër të vëmendjes! Protesta për UÇK-në zë vend në mediat ndërkombëtare
Protesta e mbajtur sot në sheshin “Skënderbej” në Tiranë, në mbështetje të ish-krerëve të Ushtrisë Çlirimtare të Kosovës (UÇK), ka tërhequr vëmendjen e mediave të njohura ndërkombëtare.
Media britanike The Telegraph raportoi dhe theksoi pjesëmarrjen masive, duke raportuar se mijëra shqiptarë u mblodhën në sheshin “Skënderbej”, ndërsa protestuesit akuzuan Gjykatën Speciale në Hagë të mbështetur nga Bashkimi Evropian, për qasje të njëanshme dhe të padrejtë ndaj luftëtarëve të UÇK-së që luftuan për pavarësinë e Kosovës në vitet 1998–1999.
Agjencia turke e lajmeve Anadolu raportoi se në kryeqytetin shqiptar u organizua një protestë kombëtare nën moton “Unë jam UÇK”, në mbështetje të ish-pjesëtarëve të UÇK-së që aktualisht përballen me drejtësinë në Hagë.Po ashtu, The Washington Post shkroi se protestues nga Shqipëria, Kosova dhe vende të tjera evropiane mbushën sheshin qendror të Tiranës, në mbështetje të ish-udhëheqësve të UÇK-së, duke e përshkruar këtë forcë si një grup guerrilësh shqiptarë që udhëhoqi luftën për çlirim dhe pavarësi nga Serbia.
Edhe New York Post i kushtoi vëmendje ngjarjes, duke raportuar: “Mijëra njerëz protestojnë në kryeqytetin e Shqipërisë kundër gjykatës së mbështetur nga BE që ndjek penalisht veteranët e luftës së Kosovës.”
Kjo protestë mbarëkombëtare, ku morën pjesë qytetarë nga të gjitha trevat shqipfolëse, kishte për qëllim shprehjen e solidaritetit dhe kërkesën për drejtësi ndaj ish-krerëve të UÇK-së, të cilët ndodhen në paraburgim në Hagë.
/vizionplus.tv -
Haradinaj reagon për protestën: Tirana UÇK. Liri për çlirimtarët
Kryetari i Aleancës për Ardhmërinë e Kosovës (AAK), Ramush Haradinaj, ka reaguar menjëherë pas përfundimit të protestës mbarëkombëtare “Liria ka emër”, e cila u mbajt sot (17 tetor 2025) në Sheshin “Skënderbej” të Tiranës.
Përmes një postimi të shkurtër në rrjetin social Facebook, ish-komandanti i UÇK-së përshëndeti mobilizimin masiv dhe bëri thirrje për lirimin e ish-krerëve të Ushtrisë Çlirimtare të Kosovës që po mbahen në Hagë.
“Tirana UÇK. Liri për Çlirimtarët!”, shkruan Haradinaj. -
Ish-luftëtari i UÇK-së në Tiranë: Spiunët shqiptarë i çuan ish-komandantët në Hagë
Ish-luftëtari i UÇK-së Abdulla Veseli ngriti akuza ndaj shqiptarëve që sipas tij kanë spiunuar dhe kanë çuar në Hagë 4 ish-komandantët e UÇK-së. Nga sheshi Skënderbej në Tiranë, ku ka mbërritur për të mbështetur luftën e UÇK-së Veseli theksoi se ata nuk kanë bërë krime, por kanë luftuar për lirinë e Kosovës, ndërsa masakrat sipas tij janë kryer nga serbët.
“Kam qenë edhe në Hagë dhe do jem në krah të mbrojtjes së lirisë së pastër. Ne nuk kemi bërë krime kemi luftuar për çlirimin e Kosovës dhe krerët e UCK që janë në Hagë janë të pafajshëm. Por një pyetje kam për popullin shqiptar e kam dyshime se spiunët shqiptarët i kanë çuar në Hagë. Aktakuzat nuk qëndrojnë janë nga Rusia e Serbia nuk ka shqiptar që ka bërë krime në popullin serb e kosovar. Ne nuk kemi bërë krime, krime e masakra kanë bërë serbët”, tha Veseli për A2 CNN.
Ai u bëri thirrje shqiptarëve që të bashkohen dhe të luftojmë për liri.
“Shqiptarët të bashkohen, të jemi një dhe të luftojmë për liri se boll kemi qenë të shtypur dhe të bëhemi një dhe të jemi më të fortë”.
Veseli theksoi se pjesë e UÇK kanë qenë dhe nënat dhe motrat kosovare.
“Pjesë e UÇK kanë qenë edhe nënat e motrat tona, që kanë ndihmuar UÇK. 80% e gjinisë mashkullore janë angazhuar për t’u çliruar Kosova dhe për të as këtë liri që gëzojmë sot. Ne jemi afër shumë me Hashim Thaçin, kemi qenë edhe në shkollë dhe jemi njohur herët. Na i morën dhe e çuan padrejtësisht dhe ne do luftojmë deri në fund deri sa të lirohen”, u shpreh Veseli për A2 CNN.
Ai tha se shpresat për lirimin e tyre i ka te SHBA.
“Shpresat tona janë në SHBA se po të mos ishin SHBA nuk do ishim të lirë dhe SHBA do kontribuojë deri në fund që të lirohen”. -
Protesta për ish-krerët e UÇK në Tiranë, Përparim Rama: Të qëndrojnë të fortë, do të lirohen shumë shpejt
Kryetari i Bashkisë së Prishtinës Përparim Rama, nga protesta në Tiranë në mbështetje të ish-krerëve të UÇK, tha se ata duhet që të qëndrojnë të fortë pasi sipas tij do të marrin lirinë shumë shpejt.
‘Unë besoj në drejtësi, besoj në liri dhe besoj se ata janë të pastër, besoj në pastërinë e vlerave të Ushtrisë Çlirimtare të Kosovës. Ata duhet që të qëndrojnë të fortë sepse do të lirorohen shumë shpejt’, tha ai. -
“Po barazohet viktima me xhelatin”- Hysni Gucati: S’do lejojmë të përdhosen emrat e komandantëve tanë
Kreu i Organizatës së Veteranëve të UÇK-së, Hysni Gucati, ka marrë pjesë në protestën e organizuar ditën e sotme në Tiranë, në mbështetje të luftës së drejtë të Ushtrisë Çlirimtare të Kosovës për liri.
Gjatë fjalës së tij, Gucati tha se në Hagë po përpiqen të barazojnë viktimën (që ishte populli i Kosovës) me xhelatin (që ishte Serbia), shkruan A2 CNN.
Ai shtoi gjithashtu se gjithë bota i kanë parë me sytë e vet masakrat e kryera nga serbët në Kosovë gjatë kohës së luftës.
Sipas Gucatit, varret e dëshmorëve të Kombit kanë dëshmuar se UÇK ka qenë një ushtri çlirimtare dhe shtoi se kurrësesi nuk do të lejojnë që të përdhosen emrat e komandantëve të UÇK-së.
“Ne sot po protestojmë për të ngritur zërin për drejtësi. Jemi këtu për të mbrojtur luftën e shenjtë të UÇK-së, për të mbrojtur gjakun e derdhur për liri, për të mborjtur gjakun e derdhur për liri, për të mbrojtur nderin e çlirimtarëve tanë.
UÇK nuk ka nevojë të dëshmojë se ka qenë ushtri çlirimtare. Këta e ka dëshmuar historia, e ka dëshmuar populli, e kanë dëshmuar varret e dëshmorëve të kombit. E kanë dëshmuar bota mbarë që panë me sytë e vet krimet e serbëve në Kosovë.
Sot përmes kësaj Gjykate të padrejtë, nuk po gjykohen krimet. Po përpiqen të barazojnë viktimën me xhelatin. Por ne nuk do të lejojmë që të përdhosen emrat e Komandantëve tanë. Kjo protest nuk ka lidhje me politikën, por është protestë e popullit shqiptar. Ne nuk kërkojmë mëshirë, por drejtësi dhe barazi para ligjit”, tha mes të tjerash Gucati. -
Veteranët e UÇK-së rreshtohen para memorialit, nderojnë Skënderbeun
Protestuesit kanë filluar të mblidhen në sheshin ‘Skënderbej’ në mbështetje të ish-krerëve të Ushtrisë Çlirimtare të Kosovës, të cilët ndodhen në paraburgim në Hagë.
Veteranët e UÇK-së janë rreshtuar para memorialit, ku kanë nderuar heroin kombëtar Gjergj Kastriot Skënderbeu.Lexo edhe :Related Posts
Po ashtu disa prej tyre kanë mbajtur në duar edhe flamujt e UÇK-së.Protesta pritet që të nisë në orën 17:00.
-
“Liria ka emër, Drejtësi për çlirimtarët”/ Nis protesta në Tiranë në mbështetje të ish-krerëve të UÇK-së
Ka nisur në sheshin “Skënderbej” protesta madhështore në mbështetje të ish-krerëve të Ushtrisë Çlirimtare të Kosovës, të cilët ndodhen në paraburgim në Hagë.
Protesta mban moton “Liria ka emër, Drejtësi për çlirimtarët”.Lexo edhe :Related Posts
Në protest po marrin pjesë qytetarë nga të gjitha trevat shqiptare, përfaqësues të shoqërisë civile dhe figura të njohura politike nga Shqipëria, Kosova, Maqedonia e Veriut e më gjerë.Në orët e para të ditës së sotme, në “Rrugën e Kombit”, e cila u bë pa pagesë në shenjë solidariteti me pjesëmarrësit e protestës, u vërejtën lëvizje të shtuara. Dhjetëra automjete nga Kosova, të zbukuruara me flamuj kuqezi dhe simbole të UÇK-së udhëtuan në grupe drejt kryeqytetit shqiptar.
Kjo protestë është e treta me radhë pas atyre të mbajtura në Prishtinë dhe Hagë, ku më 14 shtator u mblodhën rreth 10 mijë shqiptarë në afërsi të Gjykatës Speciale. Në Hagë, që prej 3 prillit 2023, po zhvillohet procesi ndaj ish-krerëve të UÇK-së: Hashim Thaçi, Kadri Veseli, Jakup Krasniqi dhe Rexhep Selimi, të cilët i kanë mohuar të gjitha akuzat për krime lufte dhe krime kundër njerëzimit.
/vizionplus.tv -
Studentët nga Kosova bashkohen në Tiranë, thirrje: UÇK, Hashim Thaçi
Kosova E Premte, 17 Tetor 2025 15:47
Në ”Sheshin Skëndërbej” në Tiranë çdo moment e më shumë po mblidhen qytetarët që do të mbajnë një protestë pro UÇK-së dhe liderëve që po gjykohen padrejtësisht në Hagë. Me pankarda në duar studentët nga Kosova po qëndrojnë në sheshin ”Skëndërbej”. ”UÇK, UÇK, Hashim Thaçi. O Hashim ti ku je krejt krejt studentët këtu i ke”, thonin ata. -
“Procesi deri tani ka kushtuar 2,4 miliardë euro”, Haxhiu për gjyqin ndaj UÇK: Një prokuror paguhet 350 mijë euro në vit
Procesi i gjykimit të katër liderëve të UÇK-së në Hagë ka arritur shifra marramendëse.
Në një lidhje direkte në Tv Klan, Baton Haxhiu tha se vetëm për mbrojtjen e krerëve janë shpenzuar rreth 60-80 milionë euro. I gjithë procesi ka arritur në 2.4 miliardë euro.
“2.4 miliardë deri tani, 2.4 miliardë ka shkuar i gjithë procesi. Bashkimi Europian vitin e parë ka ndarë 700 milionë. Nje prokuror me gjithë nevojat që ka, me fëmijët, shtëpinë e gjithë të tjerat veç pagës, shkon diku te 300-350 mijë viti. Këtu hetuesit paguhen më së shumti për arsye se ata eksplorojnë në terren dhe kanë punuar gati 2 vite para se të formohet Gjykata Speciale. Mund ta mendoni sesa ka shkuar ai hulumtim për të gjetur gjithë ata dëshmitarë, për t’i paguar, për t’u gjetur strehim nëpër Europë për të qenë dëshmitarët e mbrojtur. 2.4 miliardë është zyrtarisht që BE i ndan në buxhetin e saj për Gjykatën Speciale” – tha Haxhiu.