Lajmidites.com

Category: Aktualitet

  • 24-vjeçarja në Lezhë në panik, policia kërkon personin që e përndoqi me makinë dhe i publikoi të dhënat personale në rrjetet sociale

    Një e re në Lezhë ka kaluar çaste paniku, pasi është përndjekur nga një person.

    Policia bën me dije se shtetasja me inicialet L. A., 24 vjeçe, banuese në Lezhë, ka bërë kallëzim se një person i paidentifikuar e ka përndjekur me automjet, i ka shkruar në numrin e telefonit dhe ka publikuar të dhënat e saj në një rrjet social.
    Sa më sipër, vijojnë hetimet nga specialistët për dokumentimin e plotë të rastit.
    Ndërkohë, materialet procedurale iu referuan Prokurorisë së Lezhës, për veprime të mëtejshme.

    Top Channel

  • Gazmend Boranji, përfitues i ndihmës nga Bashkia, regjistroi fshehurazi bisedën me Majlinda Bufin dhe në bashkëpunim me PD e dorëzoi në SPAK

    Kryetarja e Bashkisë Roskovec, Majlinda Bufi, është dërguar për gjykim nga SPAK, pasi një audio-përgjim i regjistruar fshehurazi nga Gazmend Boranji, qytetari të cilit Bashkia i kishte ardhur në ndihmë me rindërtimin e banesës, u bë prova kryesore në hetim. Sipas të dhënave, Boranji është pajisur me mikrofon regjistrimi dhe ka realizuar bisedën që më pas është dorëzuar pranë SPAK-ut, në bashkëpunim me përfaqësues të Partisë Demokratike, degës Roskovec, dhe me mbështetjen e një televizioni pranë PD-së.Reklama në FieriWeb – “Oazi i Pishave”

    Gazmend Boranji

    Bashkia Roskovec kishte përfshirë Gazmend Boranjin në programin social të përmirësimit të kushteve të banimit, duke e ndihmuar në momentet më të vështira. Megjithatë, sipas burimeve vendore, ndihma e marrë u kthye pas shpine, duke u përdorur politikisht për të futur në kurth kryebashkiaken. Reklama në FieriWeb – “KETU MUND TE JETË REKLAMA JUAJ”

    Audioja e regjistruar fshehtazi përmban këtë bisedë të plotë midis Bufit dhe Boranjit, të zhvilluar në ambientet e Bashkisë Roskovec:Reklama në FieriWeb – “PASTIÇERI “RUSTEMAJ”

    Reklama në FieriWeb – “BREGU CLIMA”

    Majlinda Bufi: Këtë që të them ty, nuk ja them njeriu tjetër. Nuk i takon kujtdo, ty të takon. Të kam ndihmuar se më ke ardhur në zyrë dhe më ke thënë që je nevojtar, që para dy vitesh.Reklama në FieriWeb – “COVIM CAFFE”

    Gazmend Boranji: Po.

    Majlinda Bufi: Prit të mbaroj unë.

    Gazmend Boranji: Kam ardhur për atë kutinë…

    Majlinda Bufi: Prit.

    Gazmend Boranji: Po.

    Majlinda Bufi: Për kutinë të kemi ndihmuar. Nuk e kemi bërë për shumë njerëz. E para. E dyta, pas kësaj të kemi ndihmuar, të kemi futur në listën e personave në bazë të një programi për ndonjë riparim shtëpie — jo për shtëpi të re. Kur kam ardhur tek shtëpia jote, bashkë me mamanë tënde, ti nuk më pritët mirë. Dhe jo vetëm që nuk ma dhe për nder ndihmën që të kam dhënë, nuk the as faleminderit, por jeni sjellë edhe ndryshe.

    Të kam nisur mesazhe kur ti, me dy gishta, i thoje “fitore” kandidatit tjetër. Të kam nisur te Messenger-i yt.

    Gazmend Boranji: Kur?

    Majlinda Bufi: Nuk jam fëmijë unë që të gënjej ty. Unë nuk kam nevojë për votën tënde, por kam nevojë për respekt. Nëse unë humb nga vota jote, unë iki që tani nga këtu. Para një muaji kam qenë tek shtëpia jote me ekipin, dhe më priti mamaja jote. Mbas atij takimi, ke ardhur në zyrë bashkë me gruan dhe më the “faleminderit për ndihmën që më dhe”. Por ato i the sa për sy e faqe.

    Ndërkohë që mua më thoje faleminderit, nga ana tjetër vazhdoje me atë… Të gënjen Dhurata. Çfarë kujton ti? Se bar ha unë? Pse nuk më thonë mua njerëzit çfarë bën ti ose të tjerët?

    Ore ti bëj çfarë të duash, unë nuk kam jetën tënde në dorë. As tënden, as të askujt. Se unë nuk kam lindur dhe s’do vdes kryetare. Por ty që të kam ndihmuar, të më sillesh kështu, me këtë lloj mosmirënjohjeje…

    Gazmend Boranji: Ë… hajde…

    Majlinda Bufi: Çfarë “hajde”, ore? “Hajde” ti mua?

    Gazmend Boranji: Më mirë mos ta kisha kërkuar atë ndihmë.

    Majlinda Bufi: Çfarë? Mos ta kishe kërkuar 100 herë.

    Gazmend Boranji: Po, ishte më mirë…

    Majlinda Bufi: Ti e di si shpëton nga kjo gjë? Ja, po ta them unë tani:

    Nga ky moment deri sa të mbarojnë zgjedhjet, mos ta hapësh gojën dhe shiko punën tënde. Nuk dua votë, mos dil fare për votim. Rri në shtëpinë tënde. Vetëm kaq — dhe mos flisni asnjë fjalë, as ti, as familja jote.

    Mos dil për votim, nuk dua votë. E bëj këtë vetëm se ti je mosmirënjohës, je gënjeshtar. Nuk vazhdohet kështu…

    Gazmend Boranji: Unë…

    Majlinda Bufi: Po, ti je gënjeshtar.

    Gazmend Boranji: Gabim…

    Majlinda Bufi: Unë gabim?! Ti vazhdon akoma me atë punë. Më thua mua “gabim”? Më gënjen mua sy për sy? Pse, e vdekur jam unë, të më gënjejnë njerëzit si puna jote?

    Edhe një herë po të them: faleminderit, 100 herë. Dil përballë meje! Por ti të më mashtrosh mua kështu? Të gënjejë ty buçja?!

    Reagimi i plotë zyrtar i SPAK-ut

    SPAK njoftoi zyrtarisht se ka përfunduar hetimet dhe më datë 14 nëntor 2025 ka dërguar për gjykim procedimin penal nr. 98/2023 në ngarkim të Majlinda Bufit, për veprën penale “Përdorim i funksionit publik për veprimtari politike ose zgjedhore”, parashikuar nga neni 328/a/3 i Kodit Penal.

    Sipas SPAK:

    Majlinda Bufi, në cilësinë e Kryetares së Bashkisë Roskovec, i ka kërkuar shtetasit G.B. (Gazmend Boranji) të mos marrë pjesë në zgjedhjet e 14 majit 2023 dhe të mos përfshihet në aktivitete politike të palëve të tjera.

    Regjistrimi u publikua fillimisht në media më datë 6 maj 2023, me titullin: “Mos guxo të votosh – Publikohet audio përgjimi tjetër skandaloz i kryebashkiakes së Roskovecit”.

    Hetimi konstatoi se familja e G.B. ishte përfituese e programit social të Bashkisë, megjithëse objekti i ndërtimit kishte mangësi dokumentare dhe nuk ishte banesë ekzistuese.

    Para takimit të regjistruar, në banesën e G.B. kishin shkuar punonjës të IMT-së për ta paralajmëruar për ndërtime pa leje.

    Në takim, Majlinda Bufi e ka vënë Boranjin nën presion duke i përmendur pikërisht këto probleme administrative.

    Bufi i ka kërkuar atij që “të rrijë në shtëpi, të mos hapë gojën dhe të mos shkojë fare të votojë”.

    SPAK thekson se kërkesa e Bufit është bërë nën presion dhe kundër vullnetit të qytetarit.

    Pavarësisht kësaj, SPAK konfirmon se Gazmend Boranji ka ushtruar të drejtën e votës në zgjedhjet e 14 majit 2023.

    Çështja tashmë i kalon gjykatës, ndërsa në Roskovec debati është ndezur fuqishëm. Qytetarë të shumtë shprehen të indinjuar se një person që ka marrë ndihmë konkrete nga Bashkia, përfshirë ndërtim shtëpie dhe mbështetje sociale, është përdorur dhe instrumentalizuar politikisht për të goditur kryebashkiaken.

    Nga ana tjetër, SPAK do të vlerësojë në gjykatë nëse Majlinda Bufi ka ushtruar presion politik në kundërshtim me ligjin, apo nëse regjistrimi i realizuar me qëllim politik ka manipuluar rrethanat reale.

  • Ja si do të jetë protesta e ditës së hënë para kryeministrisë…

    Ja si do të jetë protesta e ditës së hënë para kryeministrisë…

    Të hënën e 17 nëntorit, Partia Demokratike do të zhvillojë një protestë përpara kryeministrisë.
    Në bashkëbisedimin me qytetarët në rrjetet sociale, kryetari i PD-së, Sali Berisha, zbuloi dhe planin e kësaj proteste, duke u shprehur se do të vendoset një foltore përpara kryeministrisë dhe një herë në javë deputetët dhe qytetarët do të flasin.

    “Protesta e ditës së hënë ka këtë karakter, që të sqaroj çdo qytetar. Ne hapim aty një foltore, një parlament. Domethënë, ju keni parë se në 10 seanca, opozita është lejuar të debatojë vetëm në 1 seancë, si kurrë në ndonjë vend pluralist, apo në historinë e këtij vendi.

    Atëherë ne para këtij bllokimi të plotë ne hapim foltoren parlamentare qytetare para kryeministrisë. Një herë në javë ku deputetë dhe qytetarë do thonë zërin e tyre.

    Pra, ky është qëllimi i kësaj proteste.
    Protesta të tjera po projektohen dhe do organizohen, por ato do përgatiten dhe thirren në kohën më të përshtatshme”, u shpreh Berisha.

  • Zjarrfikësit shpëtojnë dy fëmijë të mitur në Astir, pas zjarrit që shpërtheu në një pallat

    Zjarrfikësit shpëtojnë dy fëmijë të mitur në Astir, pas zjarrit që shpërtheu në një pallat

    Një apartament në zonën e Astirit në Tiranë është përfshirë nga flakët këtë të shtunë.
    Forcat zjarrfikëse kanë mbërritur menjëherë në vendngjarje dhe kanë bërë të mundur shuarjen e zjarrit. Gjatë operacionit, zjarrfikësit kanë nxjerrë nga ballkoni i apartamentit dy fëmijë të mitur, të cilët janë jashtë rrezikut.
    Burime nga vendngjarja bëjnë me dije se situata është vënë nën kontroll dhe fatmirësisht nuk ka persona të lënduar dhe janë raportuar vetëm dëme materiale.
    Autoritetet po vijojnë hetimet për të përcaktuar shkaqet e zjarrit.

    gijotina.com/

  • “It’s the drugs, stupid!” ose një manual për të parashikuar të ardhmen!

    “It’s the drugs, stupid!” ose një manual për të parashikuar të ardhmen!

    Nga Lorenc Vangjeli

    E vërteta është gjithmonë shumë e dukshme, por njerëzia zakonisht zgjedh të vetëverbohet vetëm për mos ta parë. Çfarë nuk duket është njëlloj sikur të mos ekzistojë! Megjithatë ka disa sinjale domethënëse në Tiranë e përtej, të cilat teorikisht duhet të kishin ngritur stuhinë perfekte, që ende nuk po e dallojnë kryesisht ata që kanë zgjedhur të vetëverbohen.

    Në janar të këtij viti Presidenti Trump firmosi një urdhër ekzekutiv që i konsideron kartelet e drogës si organizata terroriste. Që do të thotë se fuqia më e madhe politike, ushtarake e morale e gjithë botës, do të hyjë në luftë me to me të gjitha mjetet në dispozicion. Duke mos përjashtuar edhe përdorimin joproporcional të forcës dhe forcën e pakufishme të informacionit që zotëron. Që nga aeroplanmbajtëset në Karaibe e deri tek tarifat tregtare. “America First” shfaqet gjithashtu edhe në një numër i papërcaktuar dallgësh që nisin nga bregu Lindor i Atlantikut e që herët a vonë, do të përplasen në bregun Perëndimor të oqeanit, do të depërtojnë në Mesdhe e do të ngjiten deri lart në Adriatik. Sanksionimi nga Departamenti Amerikan i Thesarit për familjen Hysa, emigrantë shqiptarë të stacionuar mes SHBA-së e Kanadasë, duke e konsideruar të lidhur me kartelin e Sinaloas në Meksikë, është një fill Ariane për të ecur, qoftë dhe verbtazi, drejt parashikimit të një të ardhmeje jo shumë të largët. Një njësi e FBI-së në zyrat e SPAK-ut në Tiranë dhe prania e DEA-s në Shqipëri, janë vetëm sinjale të dukshme për të trajtuar kufinjtë e një logjike të thjeshtë: amerikanët, por dhe evropianët që si rregull ndjekin gjurmët e parave për të gjetur emrat e mëkatarëve, nuk e tolerojnë mbylljen e ciklit të trafikut të drogës. Sepse paratë e gjeneruara nga ai trafik, pavarësisht se ku tentohet të pastrohen, për përkufizim, janë në thelb para amerikane dhe evropiane, sa kohë që përdoruesit e saj janë ata që paguajnë.

    “Çunat e Londrës”, siç quhet me përkedheli një kastë shoferësh të makinave me timon djathtas e që miklohen fort në Tiranë, kanë bërë të mundur që në Shqipëri të ketë një prani “të çuditshme” britanike. Natyrisht prani jo diplomatike dhe me njerëz që në pamje të parë mund të duken edhe si turistë në gjurmim të Maldiveve shqiptare. Njerëzit e ish-perëndorisë me diell që nuk perëndonte kurrë, janë stacionuar në kryeqytet, por dhe në bregdetin e jugut kryesisht, por jo për të shijuar perëndimet spektakolare të diellit në detin Jon. Edhe kur shfaqen si gazetarë me emra që Google nuk i njeh për të tillë. Paundi britanik i fituar në mënyrë kriminale në Londër, quhet ende “pronë” e Kurorës edhe nëse shpenzohet në shezlongjet e resorteve shqiptare.

    Natyrisht nuk mungojnë gjermanët, kurse belgët e kanë thënë edhe zyrtarisht. Dy ministre belge kërkuan një muaj më parë në Tiranë hisen e shtetit të tyre nga pasuritë kriminale të sekuestruara në Shqipëri si rezultat i hetimeve të kryera në vendin e tyre. Edhe për ta, eurot e fituara nga krimi e të shndëruara në tulla Tiranë, janë para gjermane apo belge.

    Tani që ka mbaruar zyrtarisht sezoni i turizmit në Shqipëri, një numër në rritje mediash të huaja, sa herë që shkruajnë për vendin e shqiponjave, nuk harrojnë të shtojnë edhe fjalët për krimin e organizuar, trafikun e drogës, rolin e shqiptarëve në zinxhirin e trafikut, nga vendi i origjinës e deri në shpërndarjen tek konsumatori evropian dhe për mënyrat e pastrimit të mundshëm të parave të fituara po në Shqipëri. Harta mediatike shndërrohet kështu në një termometër që mat temperaturë delikate në vend. Dhe si në mjekësi, temperatura e organizmit është përgjithësisht shenja e parë e diçkaje që nuk shkon me trupin.

    Sekuestrimet pothuaj inekzistente të kokainës në portet dhe portat hyrëse në Shqipëri, çikërrimat që u janë kapur vetëm ca fakirëve fundorë në Tiranë, tregojnë një tablo krejt tjetër nga perceptimi empirik. Vetëm në një rrugë lokalesh të famshme në Tiranë mund të konsumohet deri në një pikë pesë apo dy kilogram kokainë në fundjavë vjeshte, përcakton një gazetar nga ata pa emër të shfaqur në Google.

    Ndoshta edhe nuk është kështu. Ndoshta Shqipëria edhe në këtë rast është rast i veçantë. Dhe ky është versioni më pozitiv i mundshëm. Kurse në versionin më të keq të mundshëm, harta e trafikut të drogës me protagonistë shqiptarë, mund të shpjegojë pothuaj gjithçka ndodh në Tiranë e gjetkë. Shpjegon politikën, biznesin, median, vrasjet e bujshme kriminale, cash-in e jashtëzakonshëm në qarkullim apo të fshehur në dhoma të posaçme. Ndoshta shpjegon edhe hetimet e SPAK-ut dhe dosjet më të bujshme të tij. Dosjet e krimit, por edhe të politikës.

    “Gjithçka mund të ndodhë, jetojmë në Tironë!”, paralajmëronte dikur Edi Rama për të gjithë ata që zgjedhin të vetëverbohen. Edhe për zengjinët e rinj arrogantë që ende shpresojnë se Zoti mund ta bëjë ëndërr, ëndrrën ku shumëkush po jeton prej vitesh në Shqipëri. Atë ëndrrën mashtruese, të droguar me USD, Euro, Paund, shufra floriri, Kriptomonedha, makina e prona pafund, që i përkasin Perëndimit, do të rikthehen në Perëndim dhe që nuk mund të luhen si në jerm në kazinotë e fatit askund gjetkë.

  • Berisha: Protesta do bëhet vetëm para kryeministrisë sepse aty i kanë zyrat Rama dhe Lubia

    Berisha: Protesta do bëhet vetëm para kryeministrisë sepse aty i kanë zyrat Rama dhe Lubia

    Gazeta Standard është portali zyrtar i gazetës se përditshme “Standard”. Parimi ynë është informimi i thelluar i mbeshtetur ne objektivitet dhe investigim. “Behu pjese e lajmit”- eshte motoja jone kryesore qe fton lexuesit te jene pjese e jona

  • U proceduan për punësimin e paligjshëm të Muçi Shaljanit në AMP/ Gjykata rrëzon akuzat ndaj dy efektivëve të Komisariatit nr. 3

    U proceduan për punësimin e paligjshëm të Muçi Shaljanit në AMP/ Gjykata rrëzon akuzat ndaj dy efektivëve të Komisariatit nr. 3

    Muçi Shaljani

    TIRANË- Gjykata Penale e Tiranës ka rrëzuar masat e sigurisë të vendosura ndaj dy efektivëve të Komisariatit nr. 3, Bruno Cara dhe Arshim Zajmi, të cilët u arrestuan pak ditë më parë në lidhje me procedurat e paligjshme të punësimit të Muçi Shaljanit në AMP. Arrestimi i tyre erdhi pas atentatit mafioz në aeroportin e Rinasit, ku mbeti i vrarë 47-vjeçari Gilmando Dani dhe u plagos punonjësi i Agjencisë së Mbikëqyrjes Policore, Muçi Shaljani, i cili humbi jetën mbrëmjen e kaluar, pas ndodhej prej 4 ditësh në intubim në spitalin e Traumës në gjendje të rëndë shëndetësore.
    Prokuroria kishte kërkuar ndaj dy policëve masën “detyrim paraqitje”, si dhe ndalimin e daljes jashtë vendit deri në përfundimin e hetimeve. Por trupi gjykues i hodhi poshtë këto kërkesa, duke i cilësuar masat si të pabazuara. Cara dhe Zajmi vijojnë të jenë nën hetim nga AMP, pasi dyshohet se kanë lëshuar një vërtetim pune për Shaljanin në kundërshtim me procedurat zyrtare. Gjykata pritet të vijojë shqyrtimin e plotë të çështjes për të sqaruar rrethanat dhe përgjegjësitë e mundshme.
    Si Muçi Shaljani “i futi këmbët” në AMP?
    Burime bëjnë me dije për ZËRI-n se Muçi Shaljani u bë pjesë e AMP-së gjatë muajit shtator, kur ky institucion drejtohej nga Artjol Saliasi pas shkarkimit të Florjan Sulejmanit. Drejtori i ri i kësaj strukture, Eduart Merkaj, me marrjen e detyrës, kishte kërkuar rishikimin e një sërë kontratash që ishin nënshkruar me agjentët, përfshirë dhe Shaljanin. Dëshmia e tij do të ishte me vlerë të madhe për hetimin e ngjarjes, por Shaljani nuk arriti të mbijetonte. 40-vjeçari rezulton gjithashtu që të jetë pronar i një hoteli në Tiranë.
    Në lidhje me atentatin dy oficerë: një efektiv i komisariatit numër 3 në Tiranë dhe një polici i zonës. Nënkomisari Bruno Cara me detyrë Specialist për Hetimin e Krimeve dhe Inspektor Ashim Zajmi, me detyrë Nd/Specialist i Policimit në Komunitet, janë të dyshuar për kryerjen e veprave penale “Falsifikim i vulave i stampave ose i formularëve” dhe “Shpërdorim i detyrës”. Ata dyshohet se kanë favorizuar të plagosurin Shaljani, që të bëhej pjesë e AMP-së, ku në bashkëpunim me njëri-tjetrin kanë përpiluar Vërtetimin e Besueshmërisë për Muçi Shaljanin.
    Ndërkohë Drejtori i Përgjithshëm i Agjencisë së Mbikëqyrjes Policore, Eduart Merkaj, ka urdhëruar pezullimin e zinxhirit komandues të strukturës së Forcës së Posaçme Operacionale të AMP-së, pas atentatit. Hetimet vijojnë si për komandimin e Muçi Shaljanit si agjent i AMP-së, gjithashtu edhe për kapjen e atentatorëve./ZËRI

  • Nesër “ndeshen” Shqipëri-Angli në Air Albania/ Policia blindon kryeqytetin, publikon planin e masave

    Nesër “ndeshen” Shqipëri-Angli në Air Albania/ Policia blindon kryeqytetin, publikon planin e masave

    foto ilustruese

    TIRANË- Policia e Shtetit ka publikuar planin e masave për ndeshjen Shqipëri-Angli, që do të luhet nesër më 16 nëntor në orën 18:00 në stadiumin “Air Albania”. Për mbarëvajtjen e ndeshjes do të kryhen kontrolle të imtësishme dhe nuk do të lejohen banderola me përmbajtje raciste, fishekzjarrë, flakadane, lëndë piroteknike apo sende të tjera.
    Hyrja e tifozëve në stadium do të nisë në orën 15:00. Ndërsa duke nisur nga ora 14:00 deri në përfundim të ndeshjes, do të ketë kufizime qarkullimi në të gjitha rrugët përreth stadiumit. Forcat e rendit do të shoqërojnë ekipin e Anglisë nga mbërritja në Rinas deri në largim.
    NJOFTIMI I POLICISË SË SHTETIT:
    Me qëllim garantimin e rendit dhe sigurisë publike para, gjatë dhe pas zhvillimit të ndeshjes ndërkombëtare të futbollit ndërmjet ekipeve të Shqipërisë dhe Anglisë, që do të zhvillohet më datë 16 nëntor, në orën 18:00, në stadiumin “Air Albania”, duke u mbështetur dhe në përvojën pozitive për planifikimin, organizimin dhe menaxhimin e situatës së rendit dhe sigurisë publike gjatë aktiviteteve me përmasa ndërkombëtare, Policia e Shtetit ka hartuar një plan të detajuar masash.
    Në këtë kuadër janë marrë masa për shoqërimin dhe sigurimin e futbollistëve të ekipit të Anglisë, nga aeroporti i Rinasit, në hotel, në stadium dhe në kthim për në Rinas;
    -Organizimi i shërbimeve për garantimin e rendit publik para, gjatë dhe pas përfundimit të ndeshjes së futbollit, jo vetëm pranë stadiumit, por edhe kontrolli i territorit në të gjithë qytetin e Tiranës;
    -Kryerja e kontrolleve të hollësishme në mjediset e stadiumit për shtetas të paautorizuar, sende dhe lëndë të ndaluara, para se të futen tifozët;
    -Sigurimi i rrugëkalimeve të shërbimeve të emergjencës;
    -Menaxhimi i trafikut rrugor në qytetin e Tiranës, para, gjatë dhe pas ndeshjes së futbollit.
    Për të garantuar sigurinë para, gjatë dhe pas zhvillimit të kësaj ndeshjeje ndërkombëtare, është bashkëpunuar me të gjitha institucionet që kanë rol në mbarëvajtjen e këtij aktiviteti, konkretisht me Federatën Shqiptare të Futbollit dhe UEFA-n, Gardën e Republikës, Policinë Bashkiake, Shërbimin Zjarrfikës, Shoqëritë private të sigurisë (stjuardët dhe personeli i sigurisë), Spitalet, qendrat shëndetësore dhe ato të ndihmës së parë.
    Janë vendosur kontakte dhe po bashkëpunohet dhe me personelin e shërbimit të sigurisë të ekipit të futbollit të Anglisë, në funksion të rritjes së standardeve të sigurisë para, gjatë dhe pas zhvillimit të kësaj ndeshjeje ndërkombëtare.
    Për mbarëvajtjen e këtij aktiviteti, më datë 16 nëntor  nga ora 14:00 deri në përfundim të ndeshjes, nga Policia e Shtetit, në bashkëpunim me bashkinë e Tiranës, do të aplikohen kufizime të qarkullimit të mjeteve në disa akse rrugore në afërsi të stadiumit dhe konkretisht:
    * Rruga “Papa Gjon Pali II”;
    * Rruga “Dervish Hima”, pranë ambasadës së SHBA-së;
    * Rruga “Asim Zeneli”, pranë ambasadës së SHBA-së;
    * Rruga “Themistokli Gërmenji”;
    * Rruga “Ismail Qemali”, kryqëzimi i Liceut;
    * Rruga “Mustafa Matohiti”, pranë shkollës “Kosova”;
    * Rruga “Jul Variboba”, pranë postës;
    * Rruga “ Lekë Dukagjini”, pranë ish-Gardës së Republikës;
    * Rruga “Avdyl Frashëri”, pranë kryqëzimit të Librit Universitar;
    * ⁠Rruga “Skerdilajd Llagami”;
    * ⁠Rruga “Faik Konica”.
    Në zbatim të planit të masave, punonjësit e Policisë së Shtetit do të ushtrojnë kontroll të imtësishëm ndaj tifozëve, para futjes në stadium, me qëllim parandalimin e hyrjes në stadium, të banderolave me përmbajtje raciste, të fishekzjarrëve, flakadanëve, lëndëve piroteknike, monedhave metalike, çadrave, çakmakëve, karikuesve të celularëve, mjeteve/produkteve për përdorim kozmetik dhe sendeve të tjera të forta, të rrezikshme për jetën dhe shëndetin e pjesëmarrësve.
    Me këtë rast, informojmë shtetasit shqiptarë dhe të huaj, se në bazë të Kodit Penal të Republikës së Shqipërisë, veprimet e dhunshme në aktivitetet sportive, si hyrja në fushën e lojës gjatë kohës së zhvillimit të aktivitetit sportiv nga persona të paautorizuar, përbën kundërvajtje penale dhe dënohet me gjobë nga 50 000 deri në 100 000 lekë. Kur nga kjo vepër, ka ardhur pengimi i zhvillimit normal të aktivitetit sportiv, dënohet me gjobë ose me burgim deri në tre muaj.
    Hedhja e sendeve të forta në fushën e lojës ose mbi njerëzit, mbajtja apo përdorimi i lëndëve piroteknike, fishekzjarrëve, flakadanëve, gjatë zhvillimit të një aktiviteti sportiv, dënohen me burgim nga gjashtë muaj deri në tre vjet.
    Legjislacioni penal shqiptar e konsideron vepër penale, goditjen apo çdo vepër tjetër dhune, ndaj sportistit, trajnerit, arbitrit, ndërmjetësit sportiv, për shkak të veprimtarisë sportive, dhe i dënon me burgim nga një deri në tre vjet.
    Kjo vepër, kur kryhet në ambiente sportive, më shumë se një herë, apo nga drejtues apo anëtarë të klubeve sportive, dënohet me burgim nga një deri në pesë vjet.
    Hyrja në stadium e tifozëve dhe e sportdashësve që kanë blerë biletë, fillon në orën 15:00.
    Kërkojmë mirëkuptimin e tifozëve që të paraqiten në hyrjen e stadiumit, duke filluar nga kjo orë, pasi për shkak të fluksit të tifozëve, pak para fillimit të ndeshjes, mund të humbasin mundësinë për të hyrë në stadium.
    Për mbarëvajtjen e këtij aktiviteti sportiv, Policia e Shtetit ka angazhuar qindra punonjës policie, të cilët do të garantojnë rendin dhe sigurinë publike, si dhe do t’ju ofrojnë ndihmë dhe informacion, në rast nevoje, në mënyrë që ky aktivitet të përmbyllet pa incidente, në interes të imazhit të vendit./ZËRI

  • FOTOLAJM/ Qytetarë e aktivistë protestë kundër ligjit për barazinë gjinore: Begaj të mos e dekretojë

    FOTOLAJM/ Qytetarë e aktivistë protestë kundër ligjit për barazinë gjinore: Begaj të mos e dekretojë

    Foto nga protesta

    TIRANË- Është mbajtur sot protesta e dytë kundër projektligjit për barazinë gjinore në sheshin Skënderbej. Dhjetra qytetarë dhe aktivistë organizuan tubimin nën moton “Mos ma prek familjen”, ndërsa protestuesit i kërkuan Presidentit të vendit Bajram Begaj që të mos e dekretojë ligjin, duke e cilësuar atë si një kërcënim për familjen tradicionale shqiptare.

    pamje nga protesta

    pamje nga protesta

    pamje nga protesta

    pamje nga protesta

    pamje nga protesta

    pamje nga protesta

    Përveç thirrjeve dhe pankartave, protestuesit firmosën një peticion që do t’i dorëzohet Presidencës dhe kërkuan organizimin e një referendumi për të vendosur vetë populli mbi këtë çështje. Tubimi u shoqërua me momente simbolike, ku nuk munguan flamujt kombëtarë dhe u këndua himni kombëtar. Protesta e parë u mbajt me 6 nëntor para Kuvendit të Shqipërisë, në të njëjtën ditë kur ku projektligj u miratua nga socialistët me 77 vota pro./ZËRI

  • Klaudio Përkola dënohet me 25 vite burg për vrasjen e Bujar Likës dhe Paulin Gjergjit

    Klaudio Përkola dënohet me 25 vite burg për vrasjen e Bujar Likës dhe Paulin Gjergjit

    Gjykata e Apelit ka dënuar Klaudio Përkolën me 25 vite burgim si ndihmës në atentatin që rezultoi në vrasjen e Bujar Likës dhe Paulin Gjergjit. 26-vjeçari u shpall fajtor për vrasje në rrethana cilësuese. Më herët, gjykata ka dënuar edhe ekzekutorët e sulmit, përfshirë Eduart Lamaj, i cili u plagos gjatë incidentit dhe u arrestua në një spital në Tiranë.
    Atentati ndodhi pesë vjet më parë, ku u shpallën të pandehur Eduart Lamaj dhe Ilir Xhepaj, ndërsa Oltion Vlashi dhe Klaudio Përkola janë ende në kërkim. Dëshmitë nga kamerat e sigurisë tregojnë momentet kur viktimat ishin duke pirë kafe, në momentin që një person i maskuar dhe i armatosur me kallashnikov ka qëlluar në drejtim të tyre. Gjatë shkëmbimit të zjarrit, qitësi u plagos dhe ndihmësit e tij shkuan në vendin e ngjarjes për ta zhvendosur.
    Hetimet zbuluan se vrasësit ishin të maskuar dhe të veshur me uniforma kamuflazhi, dhe ata kishin përdorur një makinë e cila u gjet e braktisur pas masakrës në Tiranë. Policët, duke hetuar pronarin e automjetit, arritën në emrin e Klaudio Përkolës, të cilin e kishin blerë për 4200 euro dy muaj para ngjarjes.

    Kjo makinë ishte blerë dy muaj para masakrës nga i shumëkërkuari. Mbrojtja insiston se Përkola nuk ka marrë pjesë në vrasje, por kërkesa për ta dënuar atë për moskallëzim krimi dhe përkrahje të autorit të ngjarjes u hodh poshtë nga gjykata.
    gijotina.com/