Zvicra do t’u paguajë 55,000 euro secilës prej familjeve të viktimave të zjarrit në Crans-Montana

Qeveria zvicerane njoftoi sot se do t'u paguajë nga 50,000 franga (rreth 55,000 euro) familjeve të viktimave dhe atyre që u plagosën rëndë në zjarrin e Vitit të Ri në një bar në resortin e skive Crans-Montana. Qëllimi i këtij “kontributi solidariteti” është të ofrojë mbështetje të shpejtë financiare për familjet e viktimave dhe të mbijetuarve, dhe të shërbejë si një gjest ngushëllimi, njoftoi Këshilli Federal Zviceran, raporton Reuters. Presidenti zviceran Guy Parmelin tha në një konferencë për shtyp se autoritetet ndajnë dëshirën për të vërtetën dhe drejtësinë me viktimat dhe familjet e tyre. "Ne duam të dimë se çfarë ndodhi, pse dhe si mund të ishte parandaluar", tha Parmelin. 41 persona humbën jetën në zjarr dhe më shumë se njëqind u plagosën.