VIDEO/ Sulmet masive të Ukrainës ndaj “Amazonës së Rusisë”, Putin reagon për herë të parë: Nuk ka dhe s’do të ketë pasoja kritike!

Vladimir Putin foli sot (19 gusht) për herë të parë për sulmet e rregullta ukrainase ndaj depove të Wildberries, gjigantit rus të tregtisë elektronike që konsiderohet “përgjigja e Moskës ndaj Amazon”, duke u përpjekur të minimizojë pasojat e sulmeve dhe duke urdhëruar restaurimin e objekteve të dëmtuara. Wildberries përbën pothuajse 50% të tregut rus të shitjes me pakicë online. Kompania është shënjestruar vazhdimisht nga Ukraina, kryesisht sepse shet produkte me përdorim të dyfishtë që Kievi thotë se mund të përdoren nga forcat ruse në fushën e betejës. “Sigurisht, nuk ka pasoja kritike nga sulme të tilla. Nuk ka pasur kurrë dhe nuk mund të ketë”, tha Putin në një takim të Këshillit për Zhvillim Strategjik dhe Programe Kombëtare. “Faktorë të ndryshëm ndikojnë në zhvillimin ekonomik...