Tregti e paligjshme me milingona në Kenia me shifra të çuditshme, mbretëreshat shiten qindra dollarë

Një treg i zi në rritje për milingonat mbretëreshë po zhvillohet në Kenia, ku insektet e rralla shiten deri në 220 dollarë copa për koleksionistët ndërkombëtarë. Autoritetet kanë zbuluar mijëra milingona të kontrabanduara, duke ngritur shqetësime për ndikimin në ekosistem dhe përhapjen e specieve pushtuese. Fenomeni është përqendruar rreth qytetit Gilgil, në Luginën Rift, ku gjatë sezonit të shirave ndodh fluturimi i çiftëzimit. Kjo është koha kur mbretëreshat e fekonduara dalin nga foletë, duke u bërë objektiv i lehtë për mbledhësit lokalë që i shesin tek ndërmjetës dhe kontrabandistë. Sipas autoriteteve keniane, rreth 5,000 mbretëresha të milingonave gjigante korrëse u sekuestruan në një operacion në Naivasha vitin e kaluar. Ato ishin paketuar në epruveta me pambuk të lagësht për të mbijetuar deri në dy muaj...