Tërmet i fuqishëm në Meksikë, ndërpritet konferenca e presidentes

Një tërmet i fuqishëm ka goditur jugun e Meksikës të premten, duke shkaktuar panik te miliona qytetarë pas festave të Vitit të Ri dhe duke ndërprerë për pak minuta konferencën e përditshme për shtyp të presidentes Claudia Sheinbaum. Sipas Shërbimit Gjeologjik të Shteteve të Bashkuara (USGS), tërmeti ishte me magnitudë 6.5 dhe kishte epiqendër pranë bregdetit të Paqësorit, në shtetin Guerrero, në një thellësi prej rreth 35 kilometrash. Autoritetet lokale dhe presidentja Claudia Sheinbaum njoftuan se nuk ka raportime të menjëhershme për viktima apo dëme të mëdha materiale në Guerrero. Në momentin e lëkundjeve, Sheinbaum ndodhej në Mexico City, ku alarmet sizmike u aktivizuan dhe ajo ndjeu dridhjet e tokës, duke u evakuuar me qetësi së bashku me gazetarët. Konferenca për shtyp rifilloi pak më...