Tentoi të hynte në rezidencën e Trump në Mar-a-Lago, 20-vjeçari i armatosur qëllohet për vdekje! Ku ndodhej Presidenti?

Rezidenca e Donald Trump në Mar-a-Lago SHBA- Një 20 vjeçar është qëlluar për vdekje pasi kaloi perimetrin e sigurisë në rezidencën e Presidentit Donald Trump në Mar-a-Lago, sipas Shërbimit Sekret të SHBA. Edhe pse Trump shpesh kalon fundjavat në resortin e tij, ai ishte në Shtëpinë e Bardhë gjatë këtij incidenti. Zonja e Parë Melania Trump ishte gjithashtu me presidentin në Shtëpinë e Bardhë të shtunën në mbrëmje. Emri i personit që u qëllua nuk është bërë i ditur. Sipas Shërbimit Sekret, ai u “vërejt nga porta veriore e pronës Mar-a-Lago duke mbajtur atë që dukej të ishte një pushkë gjahu dhe një bidon karburanti”. Incidenti ndodhi në orën 1:30 të mëngjesit të dielën.