“Të tmerruar dhe të tronditur”/ Masakra me 10 viktima në shkollë, liderët botërorë dërgojnë mesazhe ngushëlluese drejt Kanadasë

Pas të shtënave fatale në një shkollë në Tumbler Ridge, Kanada, ku 10 persona humbën jetën, ka ardhur edhe reagimi i disa liderëve ndërkombëtarë. Presidenti francez Emmanuel Macron deklaroi se Franca “qëndron pranë popullit kanadez”: “Të tmerruar nga sulmi në një shkollë në Tumbler Ridge. Mendimet tona janë me familjet e viktimave, të plagosurit dhe gjithë komunitetin arsimor.” Kryeministri australian Anthony Albanese tha se është “i shokuar dhe i pikëlluar” nga ngjarja dhe i dërgon ngushëllimet e tij të sinqerta të gjithë kanadezëve të prekur. Ndërkohë, Kancelari gjerman Friedrich Merz u shpreh “thellësisht i tronditur” dhe iu shpreh solidaritet familjeve dhe të plagosurve, duke u uruar atyre shërim të shpejtë. Top Channel