Të paktën 41 persona humbën jetën nga shirat e rrëmbyeshëm në Peru këtë vit

Të paktën 41 persona kanë humbur jetën dhe një mbetet i zhdukur si pasojë e sezonit të shirave në Peru që nga fillimi i këtij viti, tha të martën Ministria e Shëndetësisë e vendit. Sipas një deklarate zyrtare, deri të hënën, 56 persona ishin plagosur, nga të cilët 48 u liruan dhe shtatë mbeten të shtruar në spital. Më 25 shkurt, qeveria peruane shpalli një gjendje të jashtëzakonshme 60-ditore në rajone të ndryshme për shkak të rrezikut të afërt që përbënin reshjet e dendura të shiut .