Reshje të dendura shiu në Indonezi, të paktën 10 të vdekur dhe dhjetëra të zhdukur pas rrëshqitjes së dheut

Ekipet e shpëtimit po garojnë me kohën për të gjetur rreth 80 persona të zhdukur në provincën Java Perëndimore, pasi një rrëshqitje dheu vrau të paktën 10 persona, thanë sot autoritetet indoneziane. Rrëshqitja e dheut ndodhi të shtunën për shkak të shirave të rrëmbyeshëm që filluan një ditë më parë dhe pritet të vazhdojnë për 24 orët e ardhshme, sipas agjencisë meteorologjike të vendit. Dedi Kurniawan, 36 vjeç, tha se ishte rrëshqitja e parë e dheut që kishte parë në fshatin malor Pasir Langu, rreth 100 kilometra në juglindje të kryeqytetit Xhakarta. “Ndonjëherë kishim vetëm përmbytje të vogla nga një lumë aty pranë, por këtë herë (katastrofa) erdhi nga pylli”, i tha ai agjencisë së lajmeve Reuters. Search efforts resume in West Java, Indonesia, after...