Si i “fitoi” kandidati i Dodikut zgjedhjet për president të Republikës Srpska

Komisioni Zgjedhor i Bosnjës dhe Hercegovinës ka anuluar rezultatet e zgjedhjeve të parakohshme për Presidentin e Republikës Srpska, duke shpallur pavlefshmëri për 136 vendvotime në 17 komuna, përfshirë Banja Lukan, Zvornikun dhe Laktashin, pasi janë identifikuar parregullsi të shumta. KQZ ka gjetur mbi 15,800 vota të pavlefshme, më shumë se diferenca midis fituesit, Siniša Karan, dhe kundërshtarit të tij, Branko Blanusha. Parregullsitë përfshijnë vota të pavlefshme, nënshkrime të falsifikuara dhe manipulime të shifrave, ndërsa disa vota janë shtuar në favor të një kandidati dhe hequr nga tjetri. Komisioni ka identifikuar gjithashtu manipulime në procesverbalet e qendrave të votimit dhe inspektimin e listave të votuesve. Pavarësisht këtyre të dhënave, anëtarja e KQZ-së, Irena Hadžiabdić, ishte e vetmja që nuk mbështeti zgjedhjet e përsëritura në të gjithë...