Qindra emigrantë shpëtohen në det pranë Kretës

Qindra emigrantë kanë mbërritur në ishullin grek të Kretës ditët e fundit, ndërsa kushtet e favorshme të motit duket se kanë nxitur një rritje të kalimeve nga Afrika e Veriut. Rojat bregdetare shpëtuan sot 346 persona në rrezik në det në shtatë operacione të veçanta brenda vetëm pesë orëve, sipas autoriteteve. Mediat greke raportuan se emigrantët ishin nisur nga Libia. Një ditë më parë, 456 emigrantë mbërritën në Kretë. Sipas autoriteteve, shumica ishin burra nga Pakistani, Afganistani, Bangladeshi, Sudani dhe Egjipti. Zyrtarët besojnë se rrjetet e trafikimit të qenieve njerëzore po shfrytëzojnë detin e qetë për të rritur numrin e nisjeve. Në operacionet e shpëtimit morën pjesë disa anije të rojes bregdetare greke, ndërsa agjencia e BE-së për mbrojtjen e kufijve “Frontex” ofroi mbikëqyrje ajrore....