Qeveria greke duket se ka bërë një hap pas përballë protestave të fermerëve duke iu përgjigjur kërkesave të tyre. Ministri i Bujqësisë ka paraqitur një paketë gjithëpërfshirëse përgjigjesh për kërkesat e fermerëve duke bërë një lëshim të madh megjithëse ka ende pika të tjera që duhet të diskutohen. Qeveria ka ftuar në takim përfaqësuesit e fermerëve teksa shqetësimi kryesor është mbajtja hapur e rrugëve gjatë periudhës së festive në javët e ardhshme. Ndërkohë bllokimi në vend vazhdon ku si pasojë edhe aksi rrugor Kakavijë-Janinë që lidh vendin tonë me Greqinë, do të jetë i pakalueshëm për disa orë mbrëmjen e kësaj të marte.