Panik te qytetarët/ Tym dhe flakë gjigante, autobusi shkrumbohet në mes të qytetit (FOTO-VIDEO)

January 30, 2026 January 30, 2026 Një incident i rrezikshëm u shënua të premten në mëngjes, në lindje të Selanikut, ku një autobus urban i kompanisë së transportit publik OASTH u përfshi nga flakët.Ngjarja ndodhi rreth orës 10:40, në kryqëzimin e rrugëve Kifisias dhe M. Psellou. Menjëherë pas njoftimit, në vendngjarje mbërritën forcat e zjarrfikësve, me gjashtë efektivë dhe tre mjete zjarrfikëse, të cilët ndërhynë për shuarjen e flakëve. Sipas informacioneve paraprake, zjarri ka shpërthyer në pjesën e pasme të autobusit, ndërsa shkaqet e incidentit mbeten ende të paqarta dhe po hetohen nga autoritetet përkatëse. Fatmirësisht, nuk raportohet për persona të lënduar, pasi të gjithë pasagjerët arritën të zbrisnin nga autobusi në kohë dhe pa rrezik.