Orban drejt rënies pas 16 vitesh, pse kjo do të ishte disfatë për Vuçiçin, ja “pazari” që mund të ngelet përgjysmë

Marsela SHYTIA Disfata ose fitorja e Kryeministrit të Hungarisë, Viktor Orbán, në zgjedhjet parlamentare, nuk duhet domosdoshmërisht të reflektohet në situatën në Serbi, por rezultati do të jetë i rëndësishëm nga perspektiva e pozicionit të politikës së jashtme, shkruan media serbe “Danas”. Humbja e mundshme e Orbanit do të thotë që Presidenti i Serbisë, Aleksandër Vuçiç, mbetet pa aleatë në BE dhe dobëson pozicionin e tij, thonë të intervistuarit e “Danas”, duke komentuar se si një humbje e mundshme e Orbanit do të ndikonte në dinamikën politike në Serbi dhe në sjelljen e Vuçiçit, i cili e konsideron Orbanin një mik në BE. Vuçiç dhe Orban mbajnë lidhje të ngushta dhe miqësore, dhe përveç kësaj, i menaxhojnë vendet që udhëheqin në një mënyrë të ngjashme...