Ndërhyrja e Moskës, përsëriten zgjedhjet për presidentin e Republikës Srpska

February 5, 2026 February 5, 2026 Ministria e Jashtme ruse ndërhyri drejtpërdrejt të mërkurën në zgjedhjet presidenciale pjesërisht të përsëritura në Republikën Srpska, duke pretenduar se zbatimi i tyre është rezultat i presionit perëndimor që synon destabilizimin e këtij entiteti. Të dielën, më 8 shkurt, votimi do të përsëritet në 136 qendra votimi në 17 komuna, pasi Komisioni Qendror Zgjedhor i Bosnjës dhe Hercegovinës anuloi rezultatet e zgjedhjeve të mbajtura në fund të nëntorit të vitit të kaluar, për shkak të parregullsive serioze si falsifikimi i nënshkrimeve, votimi në emër të personave të tjerë dhe përdorimi i dokumenteve të pavlefshme. Në qendrat e kontestuara, kandidati i koalicionit qeverisës, Siniša Karan, kishte një epërsi prej rreth 15 mijë votash ndaj kandidatit të opozitës së bashkuar, Branko Blanuša, por pas anulimit të këtyre...