Një incident i rëndë dhune është shënuar mbrëmjen e 16 dhjetorit në Strasburg, ku protagonist është eurodeputeti grek i SYRIZA-s, Nikos Pappas. Ai akuzohet se ka sulmuar fizikisht gazetarin grek Nikos Giannopoulos, pas një konflikti që nisi në ambientet e një lokali në qendër të qytetit. Sipas mediave greke, eurodeputeti dhe një grup gazetarësh që ndodheshin në Strasburg për të ndjekur punimet e seancës plenare të Parlamentit Europian, ndodheshin në të njëjtin restorant-bar, por jo në të njëjtën shoqëri. Në momentin që disa prej gazetarëve po largoheshin nga lokali, Pappas është ngritur dhe i ka kërkuar gazetarit Giannopoulos të fliste me të, duke e akuzuar se e kishte shtyrë dhe nuk kishte kërkuar falje. Gazetari ka mohuar kategorikisht akuzat, duke deklaruar se nuk e kishte...